انخفاض رهيب في أسعار السيارات اليوم السبت

[@Youssef.5784]

حملة مقاطعة عدم شراء سيارة قديمة مدة شهر 👇

[@derrerhocine6297]

ماتخافش الجزائريين

[@user-gk9ko2lh5j]

ياسي عمار كي كنت تدي فالفايدة جايتك مليحة وكي طاح السوق حبيت دس المتريال تاعك مي راه 😢مصدي لاخليتو فالبرك يزيد يرش ماتاكل فيه ماتشرب لخاطر الصوق مايزيدش يطلع هاذي اديها من عنديوشكرا

[@pizzaNaples-rr5hb]

سي عمار كي كان يمد فيهم فالخرد مقالكش عارق عليهم واليوم كي بان الصح وكل حاجة بانت سومتها الصحيحة ولا يقلولك مانبيعاهاش بهذيك السومة راني عارق عليهم ياو هاذيك هي سومتهم

[@user-cb9lo8lg6i]

عندك ألف حق

[@merabetbrahim8938]

حطها فالمتحف تجيب سومة شابة

[@aminemecanico]

يا سي عمار الله يحسن عون كل واحد..التجارة هذي هي فيها الربح وفيها الخسارة..بصح ناس بكري قالوا خسارة قريبة ولا ربح بعيد..

[@ForyouDZ]

والله يا قادة ما يتباعو بسومة هاذي المرة الثانية نعلقلك ايلا راك حاب تبيع قبل ما يطيح اكثر
الماروتي ب 30 كاقصى حد 35
النيبيرات على بعضاهم ب 40 حتى 45
الشانا هاذيك راي متحسبش سومة هاذيك ديرلها 28 كاقصى حد
الي بلا موتار و الباقي كيف ار 4 ديرلهم 10 على بعضاهم و ربي يرزق خويا و يعوضو هذا مجرد رأي خاطر ماكش راح تبيعهم بسومة هاذيك كون متهني و راح يساموك أقل فكل مرة

[@sofianeboukhobza3787]

مين السوق طلع تقبلتوها وعجبتكم ومين السوق طاح مكومش باغين تتقبلوها معليش مع ليام داك تتقبلوها وهاديك لي قلت لولا 70 مليوم ههههههه تساعفني لسوام لي عطاوهملك غير بيع سلك منا لفيفري لي قلت 70 غادي ب 30 ومتبيعهاش

[@misoums910]

حمد الله ياربي راه لحق الوقت وبنتواا ڨاع علي حقيقتكم بلي نتوما ڨاع ماتبغوش الماتريال يطيح والدليل علي دالك.... قبل ماتدخل الشيري كنتواا ڨاع تقولواا ان شاء يطيح السوق.. ومين دخلت الشيري وطاح السوق وليتوااا ڨاع تتفلسفوااا وطيحواا في الماتريال تاع الصيين علي اساس ماشي ڨاع ماتريال نسيتوااا كيوكيو الشينوية لي بعتوه لزوالي مسكيين ب 120مليون... اه اه يامنافقين شبعتونا كدب وتمتيل مزية بنتواا ڨاع علي حقيقتكم

[@zeninaabdelkader]

طاح السوق ولا مزال

[@user-ns7ps7yv8j]

راكم مضرارين راني حاس بيكم تبراو بربي حنا نشرو شيري وكي تدخل رونو يرحمها ربي مهم لخرد تاعكم غلوهم وشربو ماهم

[@YaciNe-nv1ml]

هذو من كورتيا لي مايحبوش السوق يطيح و ماذا بيهم غي هوما لي يستفادو ، ربي يتولاهم و لي فايق مايديهاش قاع فيهم، خليه يصدي

[@kaddourbraik5447]

يا سي قادة ،
أنا و الله ما شريتها ب 380 مليون لأنني ما جبرتهاش ، لو في البداية وجدتها و الله كنت نشريها ، اللي شراها بهذا السومة ، يتنعم بما أنعم الله عليه من خير ، و هو يعلم أن العمر بيد الله ، فقد يموت و لا يتمتع ، فزرق الرجل ما تمتع به و يبقى البخيل ، الشحيح يحسب لنفسه و للناس ، و يموت و يورثوه أو يجي من يأكلهم و قد يدعون عليه كما تعلم .

[@23Dz275]

خليهم ثما حتى يزيد يصدي وتزيد تعرق باه تزيد تبيعو 😂😂😂😂

[@messarlianis5567]

😂😂😂😂

[@user-ex4uj9vv7u]

ديرو حملة نضفو داك البارك وسبغو داك الباب صدقة عليكم

[@user-vg6sf5ss5o]

التجارة ربح وخسارا وسي عمار يحب يربح برك يتسما يحب يزلجو وفقط انا نقولكم الي شرا ضرك شربو لعمرو ،راني نهدر مع لي عقلو في راسو ولي عقلو في جيهة اخرا ربي يسهل وشكر 😢😢😢😢😢

[@yassernoun1617]

يا عمار حنا ثاني دراهمنا عرڨين عليهم ونت مركش تاجر سوق كي طلع طلاعت متريالك اكي هبط غلقت رسك هذي سموها عطيا مشي تجارة

[@hakkodz1719]

هذا رزق وكل واحد حر في رزقو . نت تبيع كي تبغي و الشاري مايشريش كي يبغي
وقت فات كنا نتمناو طيحولنا السومة و تولو للمعقول قلتو بلي الله غالب السوق طلع نتبعوه ، و درك السوق طاح يليق تبعوه تاني

[@user-we2nv5dg3w]

نت ياسي عمار عندك السوق فيه غير الربح مافيهاش خسارة لا لازم تكون عندك مصداقية شفافية مدامك مستثمر تثق فيك المشتاريا لازم تتقبل الوضع وشكرا

[@ritaakkache]

والله يا سي قادة لازم عليكم ديرولنا مسلسل نتاع ضحك في رمضان كيما الحاج لخضر مول الباتيما وأنتم الحاج لخضر مول الخريدة حيا وخلاص

[@mostefaikhemissi7491]

الشناوة أرعبوا أمريكا . مستواهم عالي.

[@bellotinabil585]

يترب في عزك سي عمار خليه تصد يوشعب فاق

[@zohirsabbeh]

ياخويا عمار متتقلقش سوق هذا هو مرة من فوق مرة من تحت وطير لحر كيطيح ميتخبطش

[@user-ns9yi8om2u]

ربي يعاونكم و يهنيكم، و خليكم من التعليقات السلبية، رزقكم و انتم تعرفوا صلاحكم، الي عندوا يروح للمبتين و الي ماعندوش يروح للخمسين و الستين، و كلنا نتمناو ترجع اسعار بكري تاع مئة و ثلاثين و خمسين و كامل نشروا جديد.

[@zoubirdida7902]

العنوان كتبتو فيه انهيار رهيب في الاسعار. والاسعار لي قلتها نفسها تاع الشهر لي فات. نصدق العنوان ولا نصدقك خويا قادة. ديما تهدر على المصداقية

[@loukiaabdelouahab4298]

الهدرة في شهر مارس... تبيعوهم بالميزان... الكيلو ب بستين دينار...

[@user-vj8md3cr3r]

اللهم صل على محمد وال محمد كما صليت على إبراهيم وآل إبراهيم في العالمين انك حميد مجيد اللهم بارك على محمد وال محمد كما باركت على إبراهيم وآل إبراهيم في العالمين انك حميد مجيد

[@user-jv3ul7db5l]

حذاري منهم هادم خاوتي راهم يوصلو في ميساج باش سوق مايطيحش

[@Iyadsayfdin-td7ks]

ياسي عمار طار لحمام والله مابقيتي تسمع لسوام لي سمعتيها من قبل ربي يصبركم صبرو جميل

[@khaledfares5046]

ياسي عمار كلما تزيد تشد راك تخلي مسألة وقت فقط

[@zakibmz7479]

قولو لعمار يحسن عونك لخسارة واعرة ربي يخلف عليك .ومن هدرتوا نقولو معندكش علاقة بالتجارة .

[@CHAM9M9]

خاوتي ديرو مقاطعة متشروش لقديم خلي يطيح مليح السوق ممبعد ازدم

[@user-wx8ji4sh7s]

فيات كي نشريها زيرو كونتور وجديدة غالية متغيضش اهدرلي على لي يشري لخرد هذو ههههه

[@user-tz1xy9kk9h]

عمار عظم الله اجرك .... تولي بيهم كامل 😂😂😂😂😂😂 قرددش وزيد يا عميمر ...تناشت عليك

[@mohamedzaweche]

ياسي عمار حاجة قليلة و دور هاد هو البيع و شراء كما تربح تخسر

[@FaridKhomse]

يكثر خير السمسرة لي عرفتك بالناس خليها عند خريدة تصدي والله عرفنا حقيقتكم .

[@user-vr9bp9sn7l]

الخير فيما اختاره الله وربي يوفق كل واحد باش يشري سيارة شري ولا غيرها ولشاري نشالله يسلك فيهم
يخاوتي متستشفاوش فتجار وسماسرة هوما تاني خدامين بعرغهم وتاكنين علي ربي ملا ربي يوفق الجميع وخطيكم مالبغض والحسد والضحك علي بعضاكم علبيها غعدنا توالا ربي يهدنا

[@user-jv9gg2sb9o]

الحاجة عمار و عمي لخضر نصيحتي ليكم تفيدونا بها بيعو هذه الخدرة بالخسارة و اشروا بها الغنم.باه تساهموا في توفير اللحوم الحمراء.بلاك برك دجيبولنا الغنم خردى.😂😂😂

[@khaledhamza151]

التجارة أخي كسوفو تبيع باقل و تشري ايضا باقل، هذا امر الواقع، ترجع الامور الى ما كانت عليه سابقا، على الجميع ، يتهنى الخير للجميع، حب لأخيك ما تحب لنفسك. الله يسهل لكل مؤمن ما تمنى إنشاء الله. نشكر سي قادة، سي عمار و سي لخضر، و لكل المتابعين لخريدة.

[@nozat2445]

وين رآه انخفاض الرهيب ... يا خويا تحرشو بزوالي

[@ibnarab4312]

سمسور يتألم في صمت بدون تعليق عظم الله اجرك في الخوردة نتاعك

[@saadhamadi4211]

يا سي قادة كلامك فيه تناقض كبير
ما عندهاش بزاف جبت كونڨو 2011 كبش قلت البيع 206 ملاين و لي جاتو غالية يروح يشري الجديد و تستهزا بالشعب
الحمد لله ظهر الحق و زهق الباطل .
المهم نصيحة من عندي كأخ . خف بيع باه جات و خوي البرك المتريال راه في انهيار لم يسبق من قبل السوق راه يخوف لي كان حاب يشري راه بدل رايو الناس كامل راها تحوس على الجديد و زيد على هذا قطع الغيار تع المتريال القديم قلي شكون راح يجيبو رحمة علا والديك جوان كيلاص تقلب عليه 60 ولاية و ماتلقاهش
الدولة حطت السماسرة فالسيبلة و أكدت عليهم تكبدهم خسائر كبيرة و نظن راه علبالك بحكاية خليها تصدي في 2019 و الكواليس و.و.و المهم زربع الرقات هذو عليك و لم فراكاتك و خطيك ما تلعبش مع الدولة

[@zaidiredouane9310]

عمار راك كليت فيه عظم السوق مايزيدش يطلع واذا اطلع ارواح عندي لغليزان اشرط عليا لي ابغيت

[@salahkhelifa4913]

يا سي عمار والله غير اتبيع ويلا تكلها شلاضة وزيد اتمد معاها قشابة أراك لبسها

[@karem6673]

يا عمار شاد في الخيط. خخخخ ههههههه 😂😂😂

[@user-en7fi1mn4m]

رزقك ما تبيعوش أنت حر، لكنك لا تفقه قواعد التجارة و قانون العرض و الطلب، سلعتك خليها تصدي و تموت الدوبل سيس في يديك.

[@bakhtiboudellal3822]

ان شاء الله قاع الناس تركب بصح نحوسو اولية للعيشة راهي غالية والناس راها مضرارة

[@salahwork4647]

لي عطاكم 47 في نيبيرا مزال يعطي ولا حبس ؟

[@kB-rr9xy]

مزال

[@user-do6hd6vi2u]

ياسي عبدالقادر خبارنا غير علي اللاد نتاع الكصوفو وين راهي وصلا وخير علي jak غديا تدخل بي 162 بارك

[@user-fg3ek4kb9n]

متبيعوش ، ذوبو حديد و إبني بيه ، ياخي شعب ياخي 😢😢😢

[@boulneddinecne6353]

بربي إن شاء الله تبيعهم حديد بالكيلو يا عمار .

[@algeriatoujours4121]

خليها تصدي عندك 😂😂

[@djijodjila7131]

اول مرة تشوف عمار مغوبش ، ان شاء الله يزيد يهبط السوق باش الزوالي في عوض يشري ب 50 يشري ب40

[@bant_maghnia]

سماسرة بمعنى الكلمة غليتو جديد في الجزائريين خلينا نسوقو حتى حنا كي سيادنا متريال متطور و خليونا من الخردة نتاع واد كنيس

[@slimaniabdesamed6314]

سي عمار نقس غير شوية من سومة وتعليقات نتاع شعب لمريض ما ديروش عليها ربي يوفقكم ونتفائلو لخير

[@Kuromi694]

عمار هذاك سمسار كي طلع السوق عحبكم الحال وذرك الخسارة ما حبتوش تقبلها هذي هي التجارة فيها الربح والخسارة

[@user-ws5it6cy8m]

أخ عمار كي تدخل الشيري و الجيري وغيرها على ارض الواقع متغيرش رايك وتبيع بصف السومة

[@user-iy5lf1ml5j]

يارجالة زينين مش انتم لتحكم في سوق يخى كى طلع علينا قاع و هبطا ثانى علينا قاع و روووول

[@barhomabarhom6205]

بخر بيها يا سي عمار 😎 تحب تخدم اخسر وبيع المهم بيع وروح اشري الرخيس وعاود السوق .

[@lahsha2627]

سمسمور راه يتالم ماعليهش تجار فيه ربح وخسارة

[@otsmaneyacine9107]

اخدمو ربي ايعاونكم و يعاون الزوالي و تحيا الزوالي و قادة و سي لخضر

[@karimmessaoudi3420]

ياخويا عمار ماشي مليح تسود قلبك بالهدرة العيانة رزقك راه واش كتبلك ربي وايدا كتبلك تخسر ليوم وتربح غدوة انت واش تعرف الهدرة هدي ماشي مليحا بلاك رزقك من جيها وحدوخرا

[@NouRoi-eg5po]

بصح قولو وشبيك مخلوع ومدهوش ومزير وجهك لعروق خلاصلك منهم الدم قولو بالعقل على روحك المتريال مخلوف اما صحتك إلى راحت راه متوليش قولو روح معاها غير بالعقل، قولو اقسم بالله مزال تدخل سيتروان،رونو،لبيجو،اسيزو،زوزوكي،هيونداي،طيوطا كفاه مالا تتعرالنا على لمباشر

[@youcefhocine3763]

مارس المقبل تذكر كلامك تولي تبيعهم ميزان و فاسيليتي و ما نعرف 😂 ...اي واحد يشري خردة فوق 40 اكيد عندو دعوة شر راها لاحقاتو 😅

[@issamramoul2900]

لجهل واش يدير دوختونا بتحليل تاعكم انتوما عارفين واشكاين بصح تجهل روحك في لخر تخسر غير انت انت متعرفش العلامات ماقبل الكارثة لازم تبع سوق هذا مليح متبقاو تجهلو في رواحكم بيع قبل ميجيك الفاس في راس وانت زوالي متخشنش راسك بيع كيما يسوموك في لاخر انت خاسر خاسر خمم مليح باش متخسرش بزاف وربي يعاونكم

[@dz6683]

عندهم 10 ايام يدورو نفس الفيديو علاه اطلع هاعاود نفس فيديو طلعو وخلاص ياسي عمار كون منطقي ياجيب جديد وطلعووو وال طلع نفس فيديو الاول وخلاص

[@user-qd7qr9xq6o]

الواقع معاش السوق راه طاح ومزال يزيد يطيح كتر لسوام مكانش كما تاع شناوا فالعالم كامل يعني العلامات الاخرى الاروبية راهي غاليا فبلادها اصلا

[@user-pd8vq9kw7w]

يا سبحان الله مغير الاحوال ...يعز من يشاء و يذل من يشاء

[@bilaldahmani2280]

قلوبكم راهم يوجعوكم يا السماسرية ربي يخفف عليكم نشالله ،

[@abderrahmanerebiai4469]

ناس كيما هذا الي غلو السوڨ صبر روحك الله إعونك إعيش أشنوي

[@vivaalgeria6628]

ياقاده رانا نحسو بيك يأو الهدرة تاعك تبدلة على بالنا نقسة الفايده والرزق على الله أو هدي هيا التجارة بلا متهدر على الصين راهم هربين علينا بزاف أو بلا متخلع فالناس عاى الرونو يرحم والديك

[@saidbobkr3529]

كولها يا عمار غمس بالخبر و كول 😂😂😂
السوق طاح لازم ترضخ للامر الواقع

[@blilimoho2025]

يهبط سوق وتولي تليكيدي خير ملي يرشاو 😂

[@user-gk8jy4dx7p]

عظم الله اجرك مسبقا.والقرداش من عندي

[@hafidafifi6518]

كل واحد ربي يعاونو ياسي عمار واحد مايسيف على خوه نت عندك سيارتك وحنا عدنا دراهمنا هذه لحكاية وكل واحد حر

[@user-yz7cp1zw5p]

والله عندك الحق ربي يحفظك خويا لعزيز

[@seiflimani2504]

يا قادة شيري ميشريهاش الزوالي الزوالي يقلك غالية عليا عندها ماليها وكل واحد وش يحب يركب ياوم في سيارة مهما وش تكون من 40 ل100 مليون ميهدرش على شيري

[@zinusic9062]

الرجاء عدم شراء الخردة حتى دخول 2024 و نزول الأسعار

[@user-oz7tn9fh5v]

ياسي عمار ليك الله ربي معك ان شاء الله

[@ALONE16100]

ساهلة الحالة خلاص
اللي عندو الدراهم يروح يشري شيري جديدة خير ب 200 مليون
و اللي ما عندوش يشري على قيس جيبو سيارة متوسطة السعر

[@user-ik3gl7gk2c]

هاذ الفراي تاكلوا بالجناح المهم زيد طلع السومة واقبض الاسعار تاع الوقت لي فات

[@euzususqusyeusus929]

ياودي انت تعبت عليه ربي يعاونك وأنا نقولك تحيا الجديد 00 كونتور

[@HhHj-lo3lt]

حاجا مليحا يطيح الصوق الناس كامل تكسب ،تحيه لخونا خريده نعرفوه ملبكري تاع زواوله ربي يرزق الجميع

[@essdz3420]

عمي...لخضر...وقادة...تجارة...ربح...خسرة...مكان...هادك...متسمحش...فيه...تقدر...تبدل...صنعة...حض...موفق...شركة...كوكاكولا...ولله...عونك...شكر.

[@user-si9rf8gh3z]

الشيري عندها عام ماتزيدوش وتولى تسوا 85 الى يشريها اليوم 199 بعد عام اتولى دير في السوق من75حتي 85 وقلفط ورفد صباطك

[@halimrouhai5794]

نقلك حاجة الي تبيعها اليوم خير ملي تبيعها غدوة ليكن في علمك اخي خريدى ان السوق كل يوم يزيد يريب وشكرا

[@noureddinfares4396]

ديره سلاطة وزيد معاه زيت الزيتون والليم

[@souhaibmimoune1595]

يا سي عمار انت كي كنتواا تسومواا في سوام ماشي تاعهاا دايواا كلاهاا صدى ب65 مليون الله يهديك

[@djemaldiga1113]

عجبني الروجي مين قال 300 مليون والله ماتركبها قيوhhhhh قيو ياسي قادة بيعهم للرحاية تربح بيعهم للحديد تحيا اللاميزو

[@abdelnourmemmi6548]

يا عمار اوزن حديد و بيع هذا هو السوق

[@user-xw6ze1ns2c]

نحي بالبياسة و كولور علاش محملتوهاش كي طاح السوق

[@faycalwedahi5560]

وعلى الخرد الي راكم تبيعو فيهم و تقولو بلي سوقهم مايطيحش راكم غالطين كلش يريب الكبيرة طيح الصغيرة تاع 200 تهود لل 150 وتاع 150 لل 100 و تاع 100 ل 60و 70 و تاعكم لل 20 يا خوي خوي القرداش يا حبيبي يا دلالي

[@user-jb1xg6rm3s]

الصين منذ زمن وهم في العلم.
أطلب العلم ولو كانت في الصين. نحن مادا صنعنا. حسب عملك يا أخ قادة تعرف افضل منى. نحن كشعب مشي مليح لنا يرخس السوق. حتى البطال يشتري سيارة ويتسبب في حادث مرور. وتكثر ممهلات. وللاسف ستين بمئة طرق غير صالحة. ويقع تلويث البيئة. وتغلى قطع الغيار.

[@googoosport3987]

انا كي نشوف شيري و الجاك تتباع فسوق نبيع لوطوتي ههه راني راكب و نقضي في صلاحي كيما عمار 😂😂

[@MohamedRmal]

هذي لي مابغاوش يفهموها الهوايش تاوعنا حابينك تبيع باطل وتكملها على رجليك اشهر أو سنوات وربما مايطيحش أصلا

[@googoosport3987]

@@MohamedRmal لوكان ميطيحش سوق علينا كاملين و الله منبيع راني راكب في لوطوتي لي بغا يبيع ربي يسهل ناس صراتلها كي قالو الفيات دخلت لضرك مزال مشراوش ههه

[@MohamedRmal]

@@googoosport3987 انا شخصيا صراتلي بعت بعد فيات بالرخس اومبعد ماقدرتش نشري انا نلايم والسوق يزيد يغلي حتى خرج قلبي باه شريت وشريت قبل الشيري بأسبوع يعني كامل لي لايمتهم نعاود نخسرهم ونرجع لنقطة الصفر ؟ موحال

[@ben05jilali]

ربي يعطيك العافيه والخير ياسي عمار والربح والخسارة فيها فيها اللهم يارب القناعة برك خويا

[@walidsandoug1429]

ءاييييه دخلت الشيري و القيري و الاوبال ....ومانشريش الخردة غالية ..دخلت الشيري ونصبر حتى يجيب ربي ساعة الربح و نربح ..ءايه دخلت الشيري ..و تدخل واش تدخل سيارات لكن السوق الخردة حرام ...و حرام يشري البسيط خردة بدراهم الحلال ..

[@ramynour5929]

عمار أكبر إنسان يحب الكاميرا

[@rabehderbal8773]

ياودي قولو خليها تصدي يالي الطونوبيل قريب ورايحين توليو تعبدوها ياو حييني ليوم وقتلني غدوة

[@ridamazn4941]

سي لخضر مول الموصطاش ها متزعفش لينا أنا خيك 😅😅😅😅

[@AbdouAdda-qh9tk]

هههههههههههه ونس روحك يامول الكليو احنا ثاني دراهمنا ماهمش حرام با نشري الفيراي بأضعاف سومته

[@user-td5ec3nb1q]

والله السيارة ظرورية ولكن مزال غالي علينا بي قدرنا أن انشأء الله

[@user-re1iy1tb7d]

الحمد لله يكثر خير ربي وعمي تبون تحيا دزاير

[@zoheirkaci8891]

ربي يعاونكم

[@hocinedz9310]

ياسي عمار بيحملي حديد نديهم عليك راه ساوي 3500 ثلث الاف وخمس مية وجرك علا الله