اخطاء فيلم الريس عمر حرب

الريس عمر حرب فيلم مصري تدور أحداثه داخل صالة قمار ووصف طريقة حياة الأشخاص الذين يعملون في هذا المكان ويناقش الفيلم العديد من القضايا الاجتماعية والسياسية.
قصة الفيلم
كازينو للقمار للأجانب يديره «عمر حرب» وهو ذو حضور طاغ، يلتحق بالعمل لديه شاب هادئ يريد نقود لاتمام زواجه، فتهجره خطيبته واسرته لعمله بالكازينو. يتفوق في عمله فيعجب به المدير ويصطفيه برغم قيامه بالغش لكى يوفر نقود لفاتنة تتردد على المكان ويحبها وفي نفس الوقت يقيم علاقة مع غانية تعمل بالكازينو. تعذبه اخطاوءه فيقرر الاعتراف للمدير الذي يصرح له ان كل مايحدث انما هو بعلمه وانه المتحكم في كل من حوله.
الممثلون
هاني سلامة
خالد صالح
سمية الخشاب
غادة عبد الرازق
محمد كريم
رؤوف مصطفى
عبد الله مشرف
ريم هلال
بهجت الجبوري
ماهر سليم
محمد علي الدين
رودينا فهمي
عمرو مندور
صبري فهمي
عمر زهران
نيفين ماهر
انتقادات حول الفيلم
أثارت المشاهد الجنسية الصريحة التي احتواها الفيلم حفيظة الكثير من الجمهور وأن الفيلم لا يضم موضوع مفيد حيث أن حياة المقامرين لا تشكل أهمية بالنسبة للجمهور لأن المقامرين فئة منبوذة في المجتمع
ولكن خالد يوسف رد على منتقدي الفيلم بقوله أن هذه المشاهد خاصة التي قدمتها سمية الخشاب تعمدت من خلالها الإسقاط بشكل غير مباشر على اغتصاب بغداد
#خالد_يوسف #هانى_سلامة #غادة_عادل #سمية_الخشاب #رمضان #رمضان_كريم #رمضان_يجمعنا #رمضان2024

[@smoke-3456]

معلومات لم يتم ذكرها فى الفيديو /
1 - شخصية شارون استون فى فيلم كازينو المؤلف فى الفيلم المصري اخد ابعاد الشخصية وليس عالمها يعني..فى الفيلم الاصلي شارون استون كانت عاهرة ومرتبطة بقواد وبتصرف عليه ولما مدير الكازينو روبرت دي نيرو اتجوزها كانت كل ازمته معاها الثقة انه ازاى يثق فى واحدة بيحبها وهو عارف انها شمال وبتسرق الفيش من الزباين الاغنيا اللى بتجيبهم الكازينو علشان تصرف على القواد بتاعها..فى فيلمنا حبيبة كانت شمال وعمر مدير الكازينو بيهتم بيها بطريقة غير طبيعية وعملت علاقة مع خالد وكانت بتيحي الكازينو ومعاها رجالة اغنيا علشان تاخد منهم فلوس وتصرف على جوزها المريض اللى عنده ورم فى المخ وبيتعالج فى المستشفى وحالته ميؤس منها.
2- فى فيلم كازينو كان روبرت دي نيرو طول الفيلم بيعلق على الاحداث ك راوي و صديقه جو بيشي هو كمان كان بيعلق على الاحداث ك راوي..فى الفيلم المصري كان عمر بيعلق على الاحداث ك راوي وخالد نفس الموضوع بيعلق على الاحداث ك راوي.
3- فى فيلم محامي الشيطان الشيطان كان بيغوي المحامي من خلال صفة الغرور بينمي جواه غروره بنفسه وانه محامي فظ وفريد من نوعه وموهوب علشان المحامي اصلاً ابنه بسبب علاقته القديمة ب أمه فى الماضي والمحامي اتفاجأ بده فى اخر الفيلم..فى الفيلم المصري كان الشيطان بيغوي خالد من خلال الخطيئة والانغماس فى الجنس وكان بيتمنى يبقى ابنه لأن مينفعش يطلع الشيطان كان على علاقة بأم الديلر وان خالد يبقى ابنه كان الفيلم هيتشال من الرقابة ده لو كان فيه فيلم اساساً.
4 - بعض المصادر بتقول ان مخرج الفيلم لما اتسأل عن سبب الجنس الأوفر فى الفيلم تهرب وبرر ان مشاهد سمية الخشاب كان يقصد بيها اغتصاب بغداد بطريقة غير مباشرة..وده هبد من المخؤج واستخدم مغالطة الرنجة الحمراء بأنه ساب الجنس وكلمك فى شخصية سمية اللى هى مثلت دور حبيبة بأنها اسقاط على اغتصاب بغداد وايه العلاقة متفهمش والاغرب ان مشفناش ده طول الفيلم والادهى ان الفيلم مسروق والفيلم الاصلي مفيهوش الهري ده كله الاستاذ خالد يوسف بيقول اي كلام حضرتك.
5- اداء خالد صالح فى الفيلم كان مسرحي جداً واحياناً بيعتمد على الافورة على عكس ال باتشينو فى الفيلم الاصلي كان بيمثل باداء سينمائي جداً..وده راجع للمخرج اللى ساب خالد يلجا للاداء المسرحي بسبب الحوار اللى معتمد على المونولجات اللى ملهاش اى لازمة وكلها مغالطات منطقية.

[@MrBob-tj7fc]

كثير ما تصف اداء الممثلين بالمسرحي، ايه الفرق بين الاداء المسرحي والسينمائي؟

[@heisenberg_1956]

ياخي الله يسعدك اكثر فيديو ضحكت فيه 😂

[@أبونادرمحمدعبدالله]

تحياتي لحضرتك ،،،من زمان وانا منتظر حد يشرح لي الفيلم ده بالذات

[@عصبيهادي]

فيديو أثنين في واحد ، عرض نقدي + درس في المنطق 👏🌹.

[@smoke-3456]

علشان بس تعرف ببذل مجهود وبتعب قد ايه فى الفيديو

[@EmanEman-eo2op]

السلام عليكم يعطيك العافية على هذا المحتوى الجميل والله احنا عندنا فنانين موهوبين وعمالقة بس للأسف ماعندنا السيناريو الممتاز اللي يطلع الفنان الموهوب ومثل ماقلت يحبون الحيحنة وخلاص وللاسف حتى المشاهد تغير مش نفس المشاهد زمان وشكرا

[@smoke-3456]

وعليكم السلام ورحمة الله وبركاته استاذة ايمان كل سنة وحضرتك طيبة وبخير..الفكرة اعمق من كون فى فنانين كتير ولازم سيناريو كويس وكدة وتقارنهم بنجوم زمان الفكرة ان في طفرة حصلت غيرت كل مقاييس السوق وهى السوشيال ميديا اللى بقا المشاهد عادي اللى كان بيتفرج على النجوم والى الصناعة كانت حكر ليهم بقو هما مشاهدين لنجوم السوشيال ميديا نفسهم

[@visiontv84]

والله بدى منك تعطى رأيك في المسلسلات الرمضانية علشان طريقتك حلو بتبين لينا اشياء صعب المشاهد العادى يشوفها

[@smoke-3456]

ان شاء الله يا صديقي ولا انه الموضوع صعب جداً بسبب الامكانيات بس هحاول اشوف اكتر مسلسل ناجح واتكلم عنه زى مسلسل جعفر العمدة اللى اتكلمت عنه السنة اللى فاتت لان صعب اتكلم عن كل مسلسل لوحده محتاج لامكانيات مهولة

[@sonofKemet123]

انت عايزه ينجلط ياسطي

[@visiontv84]

@@sonofKemet123 لا انا مابحكى على يسوى بهذا تذقيق بحكى يعمل زى الى بيعطو ارااء على الافلام إلى شاف بس فرمضان

[@jacobscott4212]

من ساعة ما ابتديت اتفرج على قناة دي عرفت ان السينما المصرية مفيش

[@smoke-3456]

بالعكس ده فى والكتير كمان لكن المشكلة ان الافلام دي ناجحة جداً لدرجة ان الناس لسة بتمجد فيها وهى اصلا متعرفش اناه مسروقة ومعمولة وحش وفيها استسهال ورخص فني وشغل تجاري وغير اصلية

[@amrtarek5896]

Great analysis, I'm glad I've found your channel..keep up the good work and best of luck.

[@smoke-3456]

you are welcome bro

[@NWO-tq1vy]

ممكن حلقه عن خالد يوسف توضح فيها انه لا علاقة له بالفن والاخراج وانه فقط يسرق كادرات من الاحانب و خلصت

[@smoke-3456]

تاخد المايك وتتكلم بدالي انت مش ملاحظ انك كدة بتوجهني بكلامك وقولت كل حاجة انت عاوزها فى الفيديو يبقى اعمله ليه..ده اولاً ..وثانياً انا مش محتاج اتكلم عن مخرج بعينه لان كدة كدة الاعمال الفنية بتتكلم عن نفسها وببين رؤية المخرج وانا شغال

[@NWO-tq1vy]

@@smoke-3456 ولنفرض ان كل ماقلته صح هذا لا ينقص منك شيء ولن يجعلك تغير خطة عملك هو طلب وليس امر ولن ينقص منك ولن يزيد وليس له قيمة في حياتك

[@smoke-3456]

ماهو الطلب ده هيبقى صعب واحتمال يتأخر اساسا لان مش هسيب اللى ورايا وافضي نفسي ليه هو معروف اراءه وافكاره وتقدر تعرفها من خلال اعماله عندى الاهم اللى اتكلم فيه..فبقولك من دلوقتي علشان متحطش أمل فيه @@NWO-tq1vy على الفاضي وان شايل خالد يوسف من دماغي حالياً

[@angeles6185]

عاش لسانك

[@smoke-3456]

حبيبي تسلم ونورت القناة وشرفتني بوجودك

[@maikelgerges-mg-99]

الله يرحمه خالد صالح كان عبقري في الفيلم ده❤

[@Muath-n5l]

اللهم عامله بعدلك لا برحمتك

[@smoke-3456]

بالعكس ده الفيلم ده المخرج سابه بعمل اداء مسرحي جداً وكان فى الفيلم كرتوني جداً

[@smoke-3456]

امين يارب العالمين@@Muath-n5l

[@encoderboy4859]

يا ريت تتكلم عن بيتر ميمي

[@smoke-3456]

حاضر ان شاء الله

[@hayaali80]

👍👍👍🌺🌺🌺🥰🥰🥰

[@smoke-3456]

[@plaguedoctor2k]

حسيتك الشيخ عبد الله بدر بيعمل تحليل للفيلم مش معقول.

[@smoke-3456]

هو عبدالله بدر بيفهم فى السينما اصلا ؟ ده دجال

[@AsmaaMohammed-wb4nu]

مش جديد اننا نعرف ان كل افلامنا متاخدة من افلام اجنبي حتى ممثلين زمان عارفين المعلومة دي في لقاء قديم لمحمود المليجي بيقول ان الافلام في مصر كلها متاخده من افلام اجنبي حتى الموسيقى في الافلام

[@smoke-3456]

بس اللى مش جديد انك تعرف الفرق بين الاصلي والمسروق وكمان تعرف ان في افلام عمرك ضاع وانت متعرفش انها مسروقة حضرتك يا اسماء ..وافلام مصر مش كلها مسروقة بعضها ودى تفرق..وشرفتي ونورت القناة

[@AsmaaMohammed-wb4nu]

@@smoke-3456 معروف ان الافلام اللي اتعملت من روايات مصرية دي اكيد مصرية غير كده كله سرقة و تقليد
الشرف ليا ربنا يكرمك

[@ابنالعربيا]

الصوت صوت اورج كنسي وليس صوت بيانو

[@smoke-3456]

تمام

[@egyptman4322]

😂😂😂😂😂24:17

[@smoke-3456]

😂😂😂😂😂😂😂

[@ahmedezz2188]

أنا دخلت عشان اقولك انت عامل نقض في فديو اطول من الفديو نفسو

[@smoke-3456]

اولاً اسمها نقد وليس نقض ..ثانياً يعني ايه فيديو اطول من الفيديو نفسه انت بتقول ايه؟..قصدك فيديو اطول من الفيلم نفسه!.