ستيك لحم مع صوص مشروم _ عمر الكندري

ستيك مع صلصه مشروم🍄
٠
٠
ريب اي ستيك
مشروم فرش
ثوم
زبده
زيت زيتون
روز ماري
ملح خشن
فلفل اسود مطحون خشن
بيبي كورن
كريمه خفق
بصل مقطع شرايح
ريد واين بدون كحول مو ضروري تستخدونه حطو صويا بداله
٠
٠
نتبل الستيك ملح وفلفل فقط ونسخن المقله نخليها حاره عدل ونحط الستيك مع رشه زيت زيتون والثوم ونقلبها كل دقيقه بعدها ادخل الزبده والذره الصغيره والروز ماري لين نحصل على اللون حلو ونشوفها استوت ونحطها على الاطراف بعد مده ٤-٥ دقايق طبخ قياس ميديم تقريبا وتالي نغطي الستيك بالقصدير عشان يرتاح بوخمس دقايق
٠
٠
بنفس المقله لما نشيل الستيك نحط البصل ونحمسه على السريع وقطعه زبده وبعدها المشروم ونخمسه مع رشه فلفل اسود وملح وبعدها الكريمه والواين ونحمسهم لين يثقل ويصير قوامه حلو وبس يتقدم مع الستيك على جنب او فوق الستيك
،،،،
وبالعافيه يارب
٠
.
Instagram:
/ kanderyo
٠
٠
٠
Snapchat:
/ kandery

[@galaxyj5prime385]

مشاء الله ريحته وصلتني من طيبه

[@alisaad1985]

ماشاء الله عليك لذيذة وجبتي المفضله كان تضيف معاها جبنة حلوم تهبل

[@bo.3qeelq880]

اعشق شي اسمه ستيك اروح فرايديز عشان الستيك واروح السلطان شيف عشان اللحم الهبر والستيك عالعموم تسلم الايادي وشكرا من القلب🥩🥩🥩🥩🌶🌶🌶🌹🌷👍🏻👍🏻☺️☺️

[@omarkanderyo]

Bo.3qeel Q8 اخذي ستيك نوعيه زينه. سويه وبلا مطاعم

[@bo.3qeelq880]

omar kanderyo الصراحه ما أشيخ عالستيك كله يطلع عرد وناشف وياي احطله صلصه وعفسه وبالاخير ناشف اخليه ما آكله احط حيلي بالمشروم احبه شكرا عالمعلومات

[@omarkanderyo]

Bo.3qeel Q8 الشي الاساسي بالستيك انه ماينطبخ وايد لازم ميدم او اكثر شوي كل مايطبخ زياده يصير ناشف وعرد عشان جذي

[@BEKR394]

طبختها نص استوا؟ اشوفها هي الافضل لانه اكثر من كذا تكون ناشفه ويابسه

[@omarkanderyo]

بيكر 394 عدل

[@zahraa-ns1ip]

طيب الجوعان شنو يسوي هسه 😢
عاشت ايدك.

[@jn-co9sw]

الله ياعمررر وصار عندك يوتيوب ، كنت صديقي ايام بداية الانستقرام ٢٠١٢ ، لقيتك بالصدفه يوتيوب 😂

[@اشواقاحمد-م9د]

هذا ريوك خفيف لعد غداك شنو

[@MohmmadMohmmad-bk6dw]

عاشت الأيادي ربي يحفظك 💖

[@محمدالفضلي-ف7ل]

كفو الكندري احلى طبخ

[@omarkanderyo]

محمد الفضلي 🌹

[@mzmz9798]

الله يسامحك ، قلت تست . 😂😂 صحتيين

[@noorhh2559]

اللحم نيء شلون تاكله !وهذا البدون كحول يعني شنو عصيرر عنب !

[@omarkanderyo]

noor hh اي عصير عنب طبخه زياده اذا تبي بس مو حلو يصير ناشف

[@noorhh2559]

omar kanderyo عيني يسبب امراض ممستوي زين

[@شفراويمؤدب]

احسه ما استوا ابد

[@GTR35MAJ]

بس ياخي اللحمه مو منطبخه يعني ني

[@omarkanderyo]

ماجد المعولي اذا طبخت زياده تنشف

[@GTR35MAJ]

omar kanderyo
ممكن تلينها بربع قطعة كيوي طريه
وتخليها ساعه وراح تصير طريه بشكل خيااااااالي جداً

[@GTR35MAJ]

omar kanderyo
جربها وماراح تندم
نحنا نستخدم الكيوي للتكه والمشاوي القطع
ونستخدم لكل 5 كيلو حبة كيوي طريه وتترك مهفوسه ع اللحم ساعتين إذا كان 5 كيلو وماشابه
وتصير اللحمه خفيفه وتنفت فت عجيب

[@omarkanderyo]

ماجد المعولي احط كيوي بس انا اتبله فتره طويله الكيوي يخليه يتنتف اذا فتره طويله

[@GTR35MAJ]

omar kanderyo
طيب حط الكيوي قبل بساعه عادي ونصف حبة كيوي طري مو كامل نصف حبه قبل بساعه

[@Youtube_admin.]

حبيبي طريقتك غلط من البداية

[@omarkanderyo]

Abo Hayyaf ليش

[@Youtube_admin.]

omar kanderyo ماينفع تقلبها كثير كل وجه لازم ثلاث دقايق بدون تحريك اذا كنت تبغى مديم يل وبعدها تنزل الزبده والروز ماري مع الزبده ٥ دقايق وخلاص تطلعها وقبل كل شي لازم تكون غسلت اللحمة وجففتها

[@omarkanderyo]

Abo Hayyaf اذا تقول غسلت اللحمه انت مو عارف للاسف لان الستيك ماينغسل
وفي طريقه تقلبها على طول كل ٣٠-٢٠ ثانيه وفي طريقه تخليها كل وجه شوي وتقلب ف الطرق وايد وكله صح

[@Youtube_admin.]

omar kanderyo حبيبي بغض النظر عن فلسفة الغرب في طبخ الستيك الجزاراين ماينضمنون لازم نغلسها من بقايا الدم ثم نجففها

[@omarkanderyo]

Abo Hayyaf اذا بتتعلم الشي تتعلمه من اهله ومنظمه الغذاء الامريكه وغيرها ودكاتره وايد يقولون اللحم والدياي ماينغسل روح ابحث وتاكد لان مع الطبخ كل شي يروح لو فيه بكاتيريا غيره كله يروح

[@abdullahmasoud8405]

الطريقه ممتازه بس مو هذه طريقة الستيك المثالي

[@omarkanderyo]

Abdullah Masoud شلون الطريقه المثاليه

[@abdullahmasoud8405]

omar kanderyo
لو تكلمت عن الاخطاء الي بالستيك
- ما حطيت عليه ملح عشان تتخلص من العصاره قبل ما تطبخها
-جالس تفغص فيها وانت تطبخها من المفروض اول ما تحطها على الجهة الاولى تشتنى دقيقه بعدين تقلبها لين ما تستوي الجهة الثانيه تقلبها على الجهة الثانية بدون تقليب .
والصوص تقدر تشوف طريقته على اي مدونه لان الي سويته ابدا مو صوص الستيك

[@omarkanderyo]

Abdullah Masoud اولا مافقصت اللحم قاعد اضغط شوي عشان الفلفل يمسك فقط مو اني اضغط عليه عليه وفي طريقتين يسونه كل يوه لين يستوي وفي يسونه كل جم ثانيه او دقيقه ويقلبونه عادي الفكره مايستوي وايد وينشف والصوص عادي اي طريقه تسوي كل واحد وطريقته وتفننه مافي شي اسمه غلط

[@abdullahmasoud8405]

اوك

[@donhitler1159]

عتبي على كلمه وحده قلتها ادعم منتج الوطني حنا منفرق بين المنتج السعودي أو الكويتي منتجنا واحد😊 وللعم فقط المراعي من أفضل الشركات الأجبان والألبان وتنصف عالميا

[@fahadfahad4105]

اعط الخباز خبزه لو اكل نصقه من يوم شفتك ماغسلت الحم ونا غاسل يدى منك يوم فتح القصدر يقول ماى كله دم مستوى الحم بعدين لحم القبر من اكثر الحوم ضرر لازم ينطبخ حتى يستوى عاجبنى فى الموضوع يسلك لنفسه ههههه

[@حلقبحرية]

صح كلامك الطريقه الصحيحه اولشي لازم تغسل اللحم مضبوط وثاني شي لازم تسلق اللحم في ماي يغلي لمدة ساعه عشان تطلع الاوصاخ والزفوره والدم ويصير طري وناضج لان لحم البقر عاتي يعني قوي خشن لازم تسلقه بعدين تتبله وتقليه

[@adel5024]

منتج دنماركي

[@adel770]

502 Adool, الشركه كويتيه دنماركيه اقلب العلبه وشوف

[@ahmadbader5041]

لا تعيدها

[@omarkanderyo]

Ahmad Bader ليش