2023.12.13 [新觀駕路試導師指導課] 急速成長記 - 常樂街斜路8字
Вставка
- Опубліковано 7 вер 2024
- 放工衝去高山道上堂 本身有6個同學 有1個缺席 最後得5個 準時1930開始上堂 理論課大概講咗一個鐘 講咗常興線同嘉齡線兩條考試路線 有咩要注意嘅地方 分別係一出天光道考試中心轉左/右 Bob sir介紹咗個方法記住邊條打邊條 嘉齡線 _ 劉嘉玲係女人 women are always right 所以轉右😂 佢話呢個係佢師傅講嘅爛gag 但幾好記 所以同大家share lol
講完理論就拎頭盔、身分證、學牌出去拎車 Raymond sir提醒大家每次上車前都應該要試下部車嘅大燈、brake、指揮燈等等係咪運作正常先揸出去 保障返自己嘅安全
今日學車又係全堂得我一個女仔 一去到已經準備好去做一個負累 不負所望 上車嗰陣阿sir已經問我點解個樣咁迷惘 我驚到連要試車試啲咩都唔記得咗🤡
試到阿sir都忍唔住話：唔駛試咁耐㗎 行得㗎啦😮💨 坐咗上車 已經忍唔住同阿sir講：「好驚呀」😣 佢話：「驚咩？你過咗強制㗎喎」🥶 上車之後要轉右 去返新觀駕租車嗰度 點知一路都勁多車 等咗好耐先無車 仲要幾經掙扎 喺阿sir架車掩護下先出到去 真係要同另外4位同學講唔好意思 喺對面線等咗我勁耐😮💨😮💨😮💨
排第尾嘅好處係阿sir會包尾睇位 所以成功有驚無險地去到靠背壟道租車嗰度停車 短短路程已經俾阿sir多次鞭策盡快上2波 轉波唔駛等咁耐 同埋停車時直接拉極力子落1波溜前 唔超過2個車位都唔算空波滑行 明明已經出街練咗好幾次 但都依然手忙腳亂🥹
去到講下點樣book租車自練 同埋俾大家去廁所(勁污糟🤮) 然後就再上車 行考試路線 繼續都係包尾 去到有個燈位咁啱轉黃燈 唔知點解嗰下覺得自己衝唔過 選擇咗停低 仲要Bob sir見狀講咗句：「我以為你會衝埋佢喎 你唔係P緊啦咩？」爭啲想答佢個牌淘寶淘返嚟😪
行曬兩條考試路線 中途試咗幾次斜路開停 都係麻麻哋 有自知之明 keep住做第尾/尾2👻 去到敬德街附近見到有警車駛咗入去 不過阿sir見到話佢哋無收穫😌 敬德街全日學禁 所以理論上唔入得去打8字 有啲人仲會喺嗰度放鐵釘 同埋嗰度住宅有cctv影住 阿sir話如果租車俾人捉到抄牌 係會搵返個同學自己交罰款$450🤑
夜晚keep住落毛毛雨 中間有停過 但好景不常 去到重頭戲 - 去常樂街打斜路8字 又落返雨 好鬼驚個地跣無得打 阿sir喺敬德街嗰陣已經講咗個8字係要點打 不過去到都再提大家一次 打斜8全程用1波就可以 唔好用頭brake 因為容易太重brake lock死架車 架車無動力就會想落腳 淨係尾brake慢慢印住落斜 要用之前學院所學嘅視線運用 搵參考點追嚟望 e.g. 路牌, 街燈, etc. 油門控制都好重要 定到油淨係用brake控速會易打好多
斜路8字過程：喺斜路靠左停低嗰陣打緊左燈 準備開車要打返右燈 打8字嗰陣keep住右燈著 斜路向上行一少段路 然後準備右轉 轉好8字個頂彎 記得搵參考點嚟望 打8字嘅視線運用好重要 你望邊架車就去邊 印住brake落斜 挨多啲去右邊條路 攞盡啲位先轉返左 再搵參考點望住上斜 上斜記得要放返啲brake 考試多數叫你打3-5個 到時考官會舉手示意你停低 打完喺右邊直接返落嚟停低就可以了
有1個同學見到落雨 可能驚跣所以唔試 我見到前面3個同學都打得算順 覺得佢哋好犀利 我自己係第一次出街打斜8 平時喺場內個斜路練習 成功過但好緊張 不過常樂街比較闊應該易打啲嘅 頂硬上 yeahhhh 得咗 停車落返嚟 再次忍唔住講多句：「好驚呀」 因為打嘅時候覺得自己比平時俾得比較大油 有幾下以為自己要ballout 好彩咬緊牙關 無撞水馬🤣🤣🤣
兩個阿sirs都好surprised我竟然打到😂😂 「全程喺咁話自己好驚 咪打得幾好」 「個8字咁窄都打到 你都係練返多啲斜路起步啦」😬 有1個同學聽到我話驚 佢話：「你一條行車線都打到啦 你驚 咁其他同學點算？」
Woohoo 🥳 終於可以威返次 衷心多謝返駕院練習阿sir教打8字🥹 之後其他同學輪住試 我都試多咗一次 順便叫同學幫手錄片(感謝同學幫忙🙏)
Bob sir好好 俾咗啲意見我 「我見到你打8字係打得幾順嘅 不過個8字又唔駛打到咁細 可以試下用盡條路兩邊嚟打 油門都算定到 at least我睇唔到你kick kick下 同埋見到你肯瞓個身落去打個8字 敬德街比常樂街窄 而且考試緊張會有啲折扣 你繼續咁練都無乜問題嘅 都係練返多啲路面操控 同斜路起步啦 休息完就快啲過返對面練斜路起步啦」
笑死 因為真係太廢 阿sir本身以為我要用腳行下行下咁過對面 點知我可以成功u-turn到 阿sir 「當斜8咁轉彎 又u-turn得幾好喎」 救命 真係地底泥到做好少少已經要大肆表揚 🥲🥲🥲 之後自己練咗幾次斜路開停 起步終於有改善 由於時間有限 本身以為可以打多次斜8 點知夠鐘返去了 oh 一個唔小心做咗第一部車行 好彩成功起到步無累街坊 打於斜8終於有返啲信心 唔覺意做咗頭車 跟住帶頭嘅阿sir行 終於可以做頭車 迫自己揸快少少 感覺好爽呀😌
Additional notes 🗒️
- Bob sir發現我成日耷低頭 講咗幾次：「唔好掛住望儀錶版啦？到底有咩嘢睇？係無！」 我辯稱自己想睇轉數😝 「睇轉數係for飛車 你唔飛車 開車係要靠聽聲 摩擦點到咗沉落去 補油鬆腳制 行順放曬極力子」
- 撻完匙 等啲數字閃完先好著車
- 1波for起步 唔好等咁耐 要盡快轉2波
- 未停車唔駛急住落1波 想停車預留距離落1波溜前停低就可以
最後返去上堂地點拎袋 debrief 講返少少今日練咗啲咩 唔熟路線就上網睇片 或者搵街師傅1對1教學 或者租車嗰陣叫師兄帶路(仲話最多請返佢飲可樂lol)
P.S. 多謝曾經俾過comments/advice我嘅各位師兄/師姐 學26之鬼會繼續努力🤓
![[電單車路試] 斜路8字 - 常樂街 (2021年新版)](/img/n.gif)
師姐打得好靚
師兄過獎啦 其實嗰日落雨地跣覺得自己打得有少少過快 有幾下以為自己爭啲要ballout好彩無咋🫢 另外都有師兄/姐提醒我要做返多啲外傾側 壓車轉彎先無咁易low side💁♀️
可以自練，呢度大把cfu 免費陪你練哈哈哈……但我唔得閒，要送外賣。。😅😅😅
ps 我第一次常樂街打8字比貨van衝落黎嚇到跌車，心急扶車左腳申左入車底，比死氣喉辣腳+踩爛左好似右鏡，好似撞爛埋頭燈蓋，好似佢本身爛，陪左200...
所以出車前得閒check下車。我地自己囉車，我自己老實無呃佢鐘，不過好多人渣到過晒鐘我無車渣。大家保障。
Omggggg 好恐怖 最緊要人無事😮💨 慶幸之前有喺場內斜坡練過斜8 如果叫我直接出街打 應該可以bye bye world 🪦
做得好好。可以用多啲個路面闊度。最緊要係視線運用同 keep 住一個平順嘅動力。
謝謝鼓勵🙏 因為常樂街比敬德街闊 所以想試下個可唔可以打細啲個8字👻
打8字視線運用真係好緊要 轉彎上/落斜嗰陣用brake好影響車嘅動力 跌唔跌車好多時真係一念之差😂
個8字打得好好呀 可以打到咁細 係技術黎 聽人講 咁細都打到 大8難你唔到 繼續加油呀
多謝你鼓勵 多得之前返新觀駕有個阿sir教咗我點打斜8 喺場內斜坡練過幾次 終於出街打到了😭😭😭
好有心啊妹，係學院set晒cam又比人話你哈。。
我當年(今年)仲有小小頭cam + 8字cam 片...
不過我系分享學仔group, 比錢揾人陪練都無人黎，想問人借車玩又無哈
呢個常樂街，下次叫埋啊sir帶你去樂富打八字。。
我打到悶大部分時間系樂富~天光道飛黎飛去，悶到想送埋外賣。我早成4個半月學車。每星期一堂。不過中間有停過，最尾都慢左，覺得無再進步咯。不過見到d 勁人渣得好勁都話肥過。
所以唔系話pass就好技術，肥個d 可能真系衰唔知咩野。
只系同一個劇本不停念，背到熟，考試時得反7成功力，腳軟都唔好出錯。
天光道小女學員呀，9:1 左右。
上路試堂廢事影到其他同學 難得打8字係solo 先可以叫同學幫手錄😂 開呢個channel唔係for賺錢 只係想記錄自己學習過程 或者俾學神們交流下 互相提點下 其實剪片都好花時間 網絡世界haters何其多 都理唔得咁多 做好自己就算了🤓
我想行熟考試路線多啲呀 揸去樂富應該都要啲時間 (依我龜速計) 可能學多幾次先去嗰邊練啦 🏍️
原來你仲早過我開始學呢😮 我而家都諗住keep住一星期學一堂呀 希望快啲練熟啲可以自練😮💨
@@ghostof26learning 師姐8字都打得幾好，如果去樂富練，8字下面上黎最好用翻外傾側，同傾/內傾容易low side
Thanks thanks 🙆♀️🙆♀️ 你又提醒咗我一樣嘢啦 我成日都唔記得轉彎要做外傾側 之前返新觀駕場內個斜坡練嗰陣又係咁 要阿sir開聲提 然後喺第二度練下兜圈先有返啲外傾側feel 下次練習嗰陣要提埋自己呢樣嘢🫡
全程落break嚟打好似唔得?
應該可以定油門淨用尾brake控制車速？阿sir話呢個方法對beginner容易啲 可以顧少一樣操控 不過上斜記得放返啲brake 因為驚唔夠動力轉上去
@@ghostof26learning 睇片好似一路都踢著尾break咁,break燈長著😆
Ohhhh 因為嗰日我覺得部車有少少太快 (比平時扭多咗油) 然後個地有啲跣 驚失控 所以上斜都無放曬brake 俾你發現咗 🤣