حبيت نوضح فقط هذا الطريقة موجهة للبنات والعرائس المبتدئات والنساء العاملات و المقتصدات والموفرات مش العولة يعني غداك وعشاك لي تفتليه بسرعة والكسكس المفتول على اليد يبقى رقم واحد بدون نقاش فيه يبقى هو الأصل حنا نحبه نسهله على بناتنا دخول المطبخ بوصفات سهلة وبسيطة ومش معقدة ربي يوفق الجميع وشكرا على تعليقاتكم الطيبة المحفزة بنات بلادي نحبكم
متقلقيش روحك والله والله والله ثلاث غير جربته ونجحلي وراجلي فرح بيا وقالي يعطيك الصحة راني كل مانجي نطيب الطعام نفتله سهل وسريع راني ندعيلك بالخير حبيبتي وأإصلا معظم وصفاتك جربتها ونجحتلي وحتى الميوناز مبقيتش نرميه كي يفسدلي اتبعت طريقتك ولا يجيني أحسن من ديال المحلات استفدت منك بزززززاف حوايج
@@toutamisou521 ارواحي نعلم بنتي تفتل مافيها والو انا والله ماكنت نعرف كيفاش يفتلو ولا حتى نعرف اسم السواور لي نستعملوهم بصح ليوم وليت محترفة بمعنى الكلمة في طعام االبركوكس كل ماهو تقليدي بفضل الإرادة
راني جربتو وش. نقلك الله يجزيك الخير والفرحة صاحبي ماشاء الله درت 400 غرام من السميد خرجلي 1كلغ و ميتين الله يبارك ثلاث اضعاف ماشاء الله تبارك الله عليك الله يحفظك و يفرحك
@@cuisinemiraldz1263 شكرا حبيبتي ولكن بالتي رقيق ياسر لانو ما عنديش سيار غير الرقيق هل ياترى يتعجن كي نطيبو و ثاني سؤال كي نيبسو هل نغسلو و لا نبلو برك بحكم رقيق جدا
@@utilisateuranonyme5141 جاك رقيق وهو مزال في الأشوار كثرتي السميد الناشف على العجين وضروري أختي من الغرابل هذي الطريقة باه ماتستعمليش يدك وطيحي كتافك لكن لغرابل ضرورين
يعطيك الصحة ياختي راني خدمتوا هذاوين خرجلي ماشاء الله كنت ماعنديش في الدار المفتول وراني مريضة من ظهري صدقيني ولا اسهل هكذا راني وفرت العشاء تاع ولادي ودراهمي في جيبي 🤗
@@cuisinemiraldz1263 هههه شكون قالك انا نشريه من برا نتي أصلا موالفة تشريه غير مكلاه تقولي لالا هاذي حاجة لولة حاجة ثانية طعام يتفتل في جفنة لازم يتمحص مليح ماشي غير ارواح كول طعام ولا افتل طعام هاذي طريقة خاطئة مية في مئة
@@sarabehram4219 أختي علاه راكي معصبة ومقلقة معجباتكش الطريقة متعتمديهاش عااااادي مش مفروض عليك تعتمديها وزيد حنا عمرنا مستخدمنا الفرينة لا في الطريقة التقليدي و ولا هذي أصلا الفرينة تخليه يرغد ويعجن كي تبليه وتفوريه
يعطيك الف صحة وعافية بارك الله فيك اختاه ولله فتلتو خرجلي فووور وراح نديرو مشروع بوركتي وجزاك الله كل خير وعندي ختي مريضة من يدها وحدة ولله نعتهولها رحبت للفكرة جرباتو ونجحلها بوركتي
ربي يبارك يعطيك الصحة أختي عجبتني الفكرة هايلة مع اني نعرف نفتل الطعام ملي كنت صغيرة .لكن كاين لي ما يعرفوش يفتلو بلاك تصلح معاهم هاذي الطريقة . مشكورة على مجهوداتك
انا مصرية وأكلت الكسكسي بالسميد وبالطريقة المصرية اللي هي بالدقيق الابيض بتاع الكيك بصراحة بدقيق السميد روووووووعة وخفيف ولذييييذ اوي اوي بس خايفة اجربه يطلع معجن ووحش بس هاتشجع وأجرب في كمية قليلة بجد تسلم ايدك على الوصفة الروعة دي
انا نعرف نفتل لكن منهار عواج ظهر أمي ربي يحفظها ومرضت منو قاللها الطبيب بسبب الفتيل حلفت منزيدش نحط القصعة ونفتل الصحة أولى يعطيك الصحة اختي وفيتي وكفيتي
@@mahfouddz1451 ناس عندها أعوام ملي جربته صح لكن ماشي عجينة وتخرج منها الكسكس وزيد الأشوار خرجت غير هنا هنا وبصراحة هي الجزاءرية الوحيدة لي عملاته درت ليتيوب كامل مشفتش طريقتها بركاي من الغيرة ديما نتوما تحبو تحطو ببنات بلادكم
هههه يأختي حتى حنا نفتلوه بالطريقة التقليدية ونديرو التويزة ويجمعو لحراير ويفتلوه ويتخبى عولة للعام أما هذا أنا خصصته لفئة معينة روحي أقري التغليق المثبت ونتي تفهمي
الحمدلله فرحتيني ومتصوريش شحال نفرح لما متتبعة تقولي جربت طريقتك ونجحتلي بصحة ولهناء على قلبك المهم دراهم الطعام اجمعيهم في الشحيحة وأخر العام اشري بيهم حاجة ناقصاتك وبصحتك تستاهلي
@@abdousouhaib743 غربال الأول لخروح وكاين لي يسميه غربال الزرع أو السقا ط والغربال الثاني تكون عيونه متوسطة اسمه الثناي والثالث اسمه الرفاد واذا مفهمتيش التسميات أبداي بغربال14 وبعد رقم 16 وبعد رقم 36
كاين مناطق يعملو هذي الطريقة لكن إحنا مندخلوش الفرينة ولا النشاء في الكسكس سواء بالطريقة التقليدية ولا طرق أخرى نستعمله إلا السميد فقط ويجي مبروم وأرطب وعلى حبة لكن نحترم رأيك أختي وإنشاء الله راح نجربها
الله الله على بنت خالتي الحرة تستاهلي الف لايك الحرة اافحلة تعرف الحاويات والاطباق العصرية والتقليدية ومازلنا نتعلم فجأة وناشط ومن الاشي نصنع شيء فحل وحرة وبنت حرة اللهم صلي على محمد 👍♥️💯💯💯💯💯💯💯💯💯💯👍👍👍👍👍👍👍👍👍👍🤍🤍🤍👍👍👍👍👍
@@cuisinemiraldz1263 اختي هو مجرد راى فقط مع احترامي لكي وفكرتك رائعة جدا ومشكورة عليها وكل جيل وابتكارانه ،وانا مانيش كبيرة 40 سنة فقط ههههه وربي يوفقك انشاء الله.
شكرا إبنتي على هاذه الطريقة الرائعة اعوذ بالله من قول انا يابنتي ظهري يؤلمني عندما انحني على القصعة وافتل الكسكس لهاذا اشكرك جزيل الشكر على اقتراحك الجميل وافكارك المذهلة حفظك الرحمان بعينه اللتي لاتنام ورزقك من حيث لاتحتسبين وجعلك من السعداء في الدارين🤲🤲🤲🤲🤲🤲🤲
انا نحط الجفنا ونفتل بيدي ويخرج الحبات كلهم مع بعض ونفتل في أقل من نصف ساعة حق ما نوكل عايلة هايلة مكاشكما فتييل اليد ونفتل بالقمح الصلب وبالسميد وبأي دقيق حتى بالدقيق الشعير وبدقيق البلوط والحمدلله
غربال الأول لخروح وكاين لي يسميه غربال الزرع أو السقا ط والغربال الثاني تكون عيونه متوسطة اسمه الثناي والثالث اسمه الرفاد واذا مفهمتيش التسميات أبداي بغربال14 وبعد رقم 16 وبعد رقم 36
طريقة بكري ساهلة يعني صعبتيها ديري لحرش ورشات خفاف وترشي بلحرش وتلوزي بيدك 3مرات ولما تكملي تبرديه بنفس الطريقة وانماترشيه بالفرينة والمايزينة وتفوريه وتحليه وتنشريه ييبس مدة سمانة ويبقى المفتول هو الرائد من بلاد الطعام تيارت
بالمناسبة تعلمت نفتل في عمر أربعة عشر عام كنت مهوسة مطبخ وزدت خرجت للغربة وزدت قريت على الطبخ وعلى طريقة الطبخ الصحي حسب أفراد العائلة. وانا مع وضع بعض الأعشاب مثلا كي تكوني تفتلي تزيدي الزعتر مطحون أو في عوض تلبسيه بالسميد لبسه بالنخالة علابالي كاين أولاد ميبغوهش لاكن لصالحهم واي طبخ حتى البيتزا زودولها الخضرة الكوسا والجزر الفلفل الاخضر الطماطم البصل وحتى الفطر ولي ولادها ميبغوش البيض غليه وسكرفجيه ورشي فوقه الفرماج وليت خبيرة في التلاعب بالاولاد ودخلتهم يتعلمو من صغرهم واليوم نحمد الله أصغرهم ولدي 13عام يقوم بالمهمة في غيابي مايحيرش يعجن يطيب أي حاجة
ياودي ما كاش كيما فتيل نورمال انا ندوزن أونرمي لخضرة.ونمرق أونفتل تمتم لي نفتلها نحطها فلكسكاس تفور طبعا كي تغلي والله تمتم أطيب الطعام مامبا ساعة ...وشهية طيبة
حبيت نوضح فقط هذا الطريقة موجهة للبنات والعرائس المبتدئات والنساء العاملات و المقتصدات والموفرات مش العولة يعني غداك وعشاك لي تفتليه بسرعة والكسكس المفتول على اليد يبقى رقم واحد بدون نقاش فيه يبقى هو الأصل حنا نحبه نسهله على بناتنا دخول المطبخ بوصفات سهلة وبسيطة ومش معقدة ربي يوفق الجميع وشكرا على تعليقاتكم الطيبة المحفزة بنات بلادي نحبكم
لا عليكي يا حبيبتي فانتي كفيتي ووفيتي احسنت
@@zoya2687 حبيبتي ربي يحفظك
ماشاءالله والله غير نجحلي
متقلقيش روحك والله والله والله ثلاث غير جربته ونجحلي وراجلي فرح بيا وقالي يعطيك الصحة راني كل مانجي نطيب الطعام نفتله سهل وسريع راني ندعيلك بالخير حبيبتي وأإصلا معظم وصفاتك جربتها ونجحتلي وحتى الميوناز مبقيتش نرميه كي يفسدلي اتبعت طريقتك ولا يجيني أحسن من ديال المحلات استفدت منك بزززززاف حوايج
@@نقنقننثنقت الحمدلله بالصحة حبيبتي
انا عالعام نفتل ضرك راني في عمري 55 سنة وليت مانقدرش اما هاذ الطريقة فهي جد راءعة وجربتها جات كيما لفتيل العادي ماتزيد ماتنقص شكرا
ربي يحفظك حبيبتي على الدعم وربي يشفيك ويباركلك في صحتك يارب العالمين
والله العضيم سهلتي علينا حتي انا مريضة يدي منقدرش تفعست ربي يجيب شفاء للجميع يعطيك الصحة ❤
عمري 25 سنة وراني نفتل الكسكس والبركوكس والله متعة كي تفتليه و واحد السعادة كي تخلصيه وطيبيه عشاء جربو لبنات كاين قنوات يعلمو لفتيل
أكيد مكانش كيما حاجة تعمليها بنفسك
مدينا كاش قناة تعلم الطريقة التقليدية
@@toutamisou521 دوري في اليتيوب يأختي راه معمر بالطرق التقليدية
@@toutamisou521 ارواحي نعلم بنتي تفتل مافيها والو انا والله ماكنت نعرف كيفاش يفتلو ولا حتى نعرف اسم السواور لي نستعملوهم بصح ليوم وليت محترفة بمعنى الكلمة في طعام االبركوكس كل ماهو تقليدي بفضل الإرادة
ياختى الوقت مخلاناش مع الخدمة والدار
راني جربتو وش. نقلك الله يجزيك الخير والفرحة صاحبي ماشاء الله درت 400 غرام من السميد خرجلي 1كلغ و ميتين الله يبارك ثلاث اضعاف ماشاء الله تبارك الله عليك الله يحفظك و يفرحك
ربي يحفظك بالصحة والهناء على قلبك أختي لعزيزة
@@cuisinemiraldz1263 شكرا حبيبتي ولكن بالتي رقيق ياسر لانو ما عنديش سيار غير الرقيق هل ياترى يتعجن كي نطيبو و ثاني سؤال كي نيبسو هل نغسلو و لا نبلو برك بحكم رقيق جدا
هو الكسكس لازم يمربمراحل وهذ لغرابل ضرورية وميحتاجشش تغسليه بليه برك @@utilisateuranonyme5141
@@cuisinemiraldz1263 سامحيني عابلي كثرث عليك بالاسالة حابة نعتمدو مشروع لاني بحاجة سوارد ندير عملية كي يعود رقيق ياسر وش نديرلو اصلا كي رحيتو بالاشوار جاني بزاف رقيق
@@utilisateuranonyme5141 جاك رقيق وهو مزال في الأشوار كثرتي السميد الناشف على العجين وضروري أختي من الغرابل هذي الطريقة باه ماتستعمليش يدك وطيحي كتافك لكن لغرابل ضرورين
جربتو جا روعة،أنا محصتو بلا ما نزيد لو فرينة أمبعد جوزتو فلغربال الرقيق كامل طاح السميد الرقيق كيما الفرينة فورتو و حطيتو ييبس ويعطيك الصحة على الشرح.
يسلمك حبيبتي بصحتكم
يعطيك الصحة ياختي راني خدمتوا هذاوين خرجلي ماشاء الله كنت ماعنديش في الدار المفتول وراني مريضة من ظهري صدقيني ولا اسهل هكذا راني وفرت العشاء تاع ولادي ودراهمي في جيبي 🤗
الحمدلله فرحتيني يأختي المهم ربي يشفيك لوليداتك
@@cuisinemiraldz1263 امين ياربي العالمين
يعطيك صحة كاين لي مريضةمتقدرش تفتل كسكس وراكي فرحتي شحال من مرة بهاد لفكرة حنا فالصحراء نبركشوو ونتعاونو عليه كيما زمان ماشاء الله
حتى حنا مازلنا لكن هذا نتاغ الزربة ونتاع العولة نخلوه للعيد ولا مناسبة ولا لظيف ونقولو كل مايدور عليه العام يزكى
والله ما طلقتو والو كي لحقتو الطعام فتلتوه في الاشوار الصراحة سهلتو علينا أمور و تعلمنا منكم غير لي ما نحبش تتعلم
الحمدلله يا أختي
@@cuisinemiraldz1263 اسمحلي هاذا ماشي طعام راكي غير تخلطي ههههه
@@sarabehram4219 نخلطه بيديواتي ومنشريهش من برا
@@cuisinemiraldz1263 هههه شكون قالك انا نشريه من برا نتي أصلا موالفة تشريه غير مكلاه تقولي لالا هاذي حاجة لولة حاجة ثانية طعام يتفتل في جفنة لازم يتمحص مليح ماشي غير ارواح كول طعام ولا افتل طعام هاذي طريقة خاطئة مية في مئة
@@sarabehram4219 أختي علاه راكي معصبة ومقلقة معجباتكش الطريقة متعتمديهاش عااااادي مش مفروض عليك تعتمديها وزيد حنا عمرنا مستخدمنا الفرينة لا في الطريقة التقليدي و ولا هذي أصلا الفرينة تخليه يرغد ويعجن كي تبليه وتفوريه
جربتها طريقة روووووعة سلكتني وراجلي فرح بيا 👍❤😘يعطيك ماتتمناي كيما سهلتيها علينا يسهلها عليك رب العالمين
آمين يارب العالمين
والله العظيم نخرج من جامعة و نفتل لامي مسكينا والله عظيم وعلمتني امي الله يطول في عمرها
حبيبتي ربي يحفظهالك وربي يمتعك برضاها يارب العالمين
اكتر من عامين مرت عمي دارت مشروع صغير وربحت الله يبارك
والسبب في العقل المدبر .عمي ربي يحفضه لينا اصنع لها كما هاد الالة من راسو برك.
مشاء الله ربي يبارك
يعطيك الف صحة وعافية بارك الله فيك اختاه ولله فتلتو خرجلي فووور وراح نديرو مشروع بوركتي وجزاك الله كل خير وعندي ختي مريضة من يدها وحدة ولله نعتهولها رحبت للفكرة جرباتو ونجحلها بوركتي
الحمدلله أختي ربي يسهل قسمك ويشفي أختك يارب العالمين
سبحان الله هذي الطريقة عملتها من تلقاء نفسي جاتني الفكرة وحدها ونجحت معايا ومن لي شفت الفيديو بصراحة فرحت ويعطيك الصحة
سبحان الله القلوب عند بعضاها
ختي نسقسيك اذا جربتيها الكسكس تاعها ما يتحلش قصدي الحبة تبقى على حالها؟
@@موقارامنة سيي ختي كاس سميد تجربة مليحة تكتشفي بنفسك ما تخسريش حاجة كبيرة بالتوفيق
من فضلك السميد متوسط ولا رطب
@@mamiasousou8659 أرطب ولا متوسط المهم ميكونش خشين
انا الحمد لله نعرف نفتل ان شاء الله يتعلمو بنات بلادي يفتلو بالطريقة الصحيحة ولتوارثناها على جدودنا ونحافظو على تقاليدنا 💕💕💕💕
انشااء الله هذا هدفنا يتعلمه بأي طريقة
@@cuisinemiraldz1263 هذا سميد مفور
@@fouadcheikh9365 لالا سميد عادي
يعطيك الصحة فكرة هايلة وسهلة
@@saidaallouche8642 يسلمك حبيبتي 😘
شكراعلى هذه الفكرة رغم انني نعرف نفتل بليد الا انني نفضل هاذ الفكرة لانو اصبحت مانقدرش نفتل لانو ضهري يوجعني شكرا حبيبتي❤❤❤❤❤
كلش ولا ساهل الصحة عولة بالشوي على صحتك
ربي يبارك يعطيك الصحة أختي عجبتني الفكرة هايلة مع اني نعرف نفتل الطعام ملي كنت صغيرة .لكن كاين لي ما يعرفوش يفتلو بلاك تصلح معاهم هاذي الطريقة .
مشكورة على مجهوداتك
يسلملي تفكيرك ربي يحفظك حبيبتي
الله يسلمك
عجبتني الفكره, يعطيك الصحه. لقد إبتكرتى فكرة جد سهله لفتل الكسكس, انا في حياتي و لا عمري ما فتلت الكسكس. فكره تستاهل التجربه. شكرا لكي.
يسلمك حبيبت قلبي
احسن حاجة اني صادفت قناتك إن شاء الله تطلع والله تستاهلي 👍♥️ نجربها ونردلك
يارب العالمين راني في ثلث سنين ولحد الأن مكانش تفاعل للأسف
رنا هنا حبيبتي احنا مزلنا نفتلو بليد ونغربلو الدقيق كما بكري وتحية من ولاية تيارت بلد الطعام والفرس الاصيل
ألف تحية لناس تيارت خيار الناس
@@cuisinemiraldz1263 الله يسلمك ويعطيك الصحة والعافية
@@boudaliboudali5798 حبيبتي سلاميلي
نحتاج إلى مثل هاذا الإبداع لا الى نقص البصلة زيد طماطم او ببيضة واحدة بدل 3 بيضات نحتاج إلى افكار جهنمية شكرا
حبيبتي شكرا ربي يحفظك
انا مصرية وأكلت الكسكسي بالسميد وبالطريقة المصرية اللي هي بالدقيق الابيض بتاع الكيك
بصراحة بدقيق السميد روووووووعة وخفيف ولذييييذ اوي اوي بس خايفة اجربه يطلع معجن ووحش
بس هاتشجع وأجرب في كمية قليلة
بجد تسلم ايدك على الوصفة الروعة دي
جربيه حنا في الغالب نطبخوه يخنة باللحم والخضار وأو الدجاج والخضار ونسقوه بالمرق فامتخافيش راح يستحمل ومش راح يعجن معاك صدقيني
@@cuisinemiraldz1263
حاضر حبيبتي بإذن الله اجربه
اساسا انا باعشق الاكل بتاع دول المغرب العربي كلهم
طعمه جميل وكلكم ذوق وترتيب وشياكة
@@NASHWATAGEDEEN حبيبتي ربي يحفظك ❤ حتى أنا حابة نجرب المحشي المصري يشهي 😋
@@cuisinemiraldz1263
هايكون أحلى من ايديكي حبيبتي اكيد 😊😊
مرحبا بك معانا السر في الكسكس باش مايعجنش تدهنيه بشويت زيت وتخليه يفور ربع ساعه كامله اكيد مش راح يعجنلك
عندك الحق الكسكس رانا نشروه غالي وما شي كي المفتول عل. الطريقة التقليدية وهاذ الطريقة سهلة واقتصادية
عفوا أختي رانا نجتهدو وربي يقدرنا
انا نعرف نفتل لكن منهار عواج ظهر أمي ربي يحفظها ومرضت منو قاللها الطبيب بسبب الفتيل حلفت منزيدش نحط القصعة ونفتل
الصحة أولى
يعطيك الصحة اختي وفيتي وكفيتي
الصحة عولة
شكرا بارك الله فيك... شكون جربتو تقولنا جمعة مباركة للجميع إن شاء الله
جربته وليوم عاودت فتلته طريقتها مضمونة غير ديريه متخافيش 👍👍👍👍
@@الواثقةبالله-د6ظ ان شاء الله نجربو شكرا
يعطيك الصحة جربتها ونجحتلي صح بصح انا زلقتو بالفرينة قبل مانفورو وعاودت خرجت فالرفاد خرجتلي طعام رقيق وحدو وطعام متوسطة وحدو
يعطيك الصحة ياحرة المهم نسلكو رواحنا بأبسط الطرق
و الله فحلة سهلتو علينا كلش يعطيكم الصحة ❤️
يسلمك حبيبتي
يعطيك الصحة ولا اروع واسهل
@@djoujarich8075 بالصحة والهناء على قلبك حبيبتي
نقلك ختي وماتزعفيش هذا تخلاط هذا كون تشوفي لحراير كفاه تفتل تماتحطيش هذ الفكره خلاص
شكرا على تعليقك الطيب
نتي عندك عادي تحطي تعليق جارح
قل خيرا أو أصمت"فالوقت هذا معظمنا بلارني ...وكل وحدة تشوف وش يساعدها
@@ommounib3469 راكي تشوفي ناس غير تتبلى على خلق ربي
الله يعطيك الصحة مشاء الله روعة سهلتي علينا انتي شاطرة و فحلة عجبتني الفكرة الله يبارك
يبارك فيك حبيبتي 😘
واخيرا فتلتو والنتيجة روعة الروعة هنتيني ربي يهنيك شكراااااااا
الحمدلله فرحتيني
السميد رطب او متوسط و شكرا نورا من الجزائر العاصمة
@@norasendjani3922 أي نوع كيما تحبي المهم ميكونش خشين كيما سميد قلب اللوز
مشاء الله تبارك الرحمان ولاهي شاطرة مزيد من تألق مشكورة👍👍❤👌👌
ربي يحفظك حبيبتي 😘😘😘
طعام...مشي.مبرود...يجي.حرش.لازملو.الفرينة
شكرا على التدبيرة معاها هاد الأنشودة الرائعة لوكان نلقى نعاودها طول النهار يعطيك الصحة .
حبيبتي بزاف ليعجبتهم هذا الشئ يفرحني
عملينا بركوكس اذا كان يصلح فيه اختي وشكرا لكي على هذه الوصفة او الطريقة لانها مبتكرة جدا 👍👌
انشاء الله يأختي
ام وليد اللي تموتو ڨاع عليها بصح عمرها ما عطاتكم حاجة عجب كيما هدي
وانتما مخلوعين فيها.
شوفو هدي جابت حاجة تاع صح أروع من اي شئ آخر
حبيبتي شكرا رانا نتعلمومن بعضانا ولي يقدر ينفع ولو بفكرة بسيطة ميبخلش بيها أهم حاجة المصداقية ربي يوفق الجميع
والله غير عندك الحق
صدقتي يأختي طريقتها رووووعة حتى الميوناز ماوليتش نرميه كي يفسدلي تبعت طريقتها ولا ديما يصلحلي بصراحة قناتها مضلومة مش ماخذا حقها
لازم تمحصيه بلفارينة باش ميتحلش كي تروشيه وزيد يولي على حبة
لا يأحتي الفرينة تخليه يعجلك
ربي النشاء احسن
علاه انا ماما تمحصو بالدقيق لرطب ويجي كسكس وعليه لكلام
@@rodinaabdelmatine6805 حتى حنا في منطقتنا نستعملو غير الدقيق الأرطب
ربي يجازيك بالخير ..نعرف نفتل لكن مرضت بظهري كامل ما عدتش نقدر و هذه الفكرة عجبتني و راح نطبقها إن شاء الله
ربي يشفيك يأختي
@@cuisinemiraldz1263 اللهم آمين يارب العالمين أمنيتي لك مزيدا من النجاح و التألق
@@bouafianoura8873 حبيبتي ربي يحفظك ❤
تستاهلي الباز الذهبي بهذه الفكرة المعجزة عجبتني بزاف وراح نجربها وإذا صلحت راح ندعيلك كل مانفتل
شهادة أعتز بيها ربي يحفظك يا أختي العزيزة 😘❤❤❤💕💕💕
@@mahfouddz1451 انشاء الله أنا نعملها بدقيق القمح الكامل
@@mahfouddz1451 ناس عندها أعوام ملي جربته صح لكن ماشي عجينة وتخرج منها الكسكس وزيد الأشوار خرجت غير هنا هنا وبصراحة هي الجزاءرية الوحيدة لي عملاته درت ليتيوب كامل مشفتش طريقتها بركاي من الغيرة ديما نتوما تحبو تحطو ببنات بلادكم
@@cuisinemiraldz1263 حنا نطلعوه بأطعام اسكو يصلح في الاشوار
@@houtakamel.2949 يصلح غير جربي
هداوين شفتو نضت جربتو والله يعطيك الف صحة
الحمدلله فرحتيني وشكرا على ثقتك فيا
مجاكش خشييين
ياحي كيفاه تفتلوه..... احنا في الصحراء نتقنوه مليح يجي خفيف وشباب ماشي كيفكم كون تذوقو كسكس نتاعنا تعرفو بلي راكم غير تسكدو وخلاص ماتفتلوهش مليح
هههه يأختي حتى حنا نفتلوه بالطريقة التقليدية ونديرو التويزة ويجمعو لحراير ويفتلوه ويتخبى عولة للعام أما هذا أنا خصصته لفئة معينة روحي أقري التغليق المثبت ونتي تفهمي
@@cuisinemiraldz1263 اوكي اختي ربي يوفقك وشكرا ليك 💜🙃
@@raonk لعفو أختي لعزيزة
@@cuisinemiraldz1263 💜🌹😊
يعطيك الصحة والعافية شكرا
تسلملي عيونك الحلوة حبيبتي
يعطيك الصحة وكفانا تعليقات سلبية المرأة هده اول مرة نشوفها بصح عجبتني ويعطيهاةالصحة لي خمت في البنات المبتدءات ربي يعطيك ماتتمني
ربي يحفظك ويجبر بخاطرك أختي العزيزة ❤
@@cuisinemiraldz1263 راني درتلك ابوني يا الفحلة واصلي
@@maryemmaryoma3072 ربي يحفظك حبيبتي يسعدني ويشرفني تكوني من مشتريكاتي
مرنيش مأمنا بلي بركشت برافوووووووووا عليك والله غير نجحلي ماشاءالله يستحق التجربة
الحمدلله فرحتيني ومتصوريش شحال نفرح لما متتبعة تقولي جربت طريقتك ونجحتلي بصحة ولهناء على قلبك المهم دراهم الطعام اجمعيهم في الشحيحة وأخر العام اشري بيهم حاجة ناقصاتك وبصحتك تستاهلي
سلام اختي فهميني في السيار ما فعاش، نديروا سيار زرع، ويسار رقيق ماهو، انا اختك من قسنطينة اني في الانتظار باه نفهم السيار
@@cuisinemiraldz1263 حابة نجرب وخايبة نتبهدل
@@mokhtarianfal6641 ثقي فيا على ضمانتي واذا كنتي خايفة جربي كمية قليلة
@@abdousouhaib743 غربال الأول لخروح وكاين لي يسميه غربال الزرع أو السقا ط والغربال الثاني تكون عيونه متوسطة اسمه الثناي والثالث اسمه الرفاد واذا مفهمتيش التسميات أبداي بغربال14 وبعد رقم 16 وبعد رقم 36
أحنا بعد ما نتحصل على الكسكس المتوسط نعاود نبردو بالفرينة والنشا ونبردو او نفتلو هاذ الطريقة تضمنلك الكسكس مايتحلش ويجي رطب وهايل
كاين مناطق يعملو هذي الطريقة لكن إحنا مندخلوش الفرينة ولا النشاء في الكسكس سواء بالطريقة التقليدية ولا طرق أخرى نستعمله إلا السميد فقط ويجي مبروم وأرطب وعلى حبة لكن نحترم رأيك أختي وإنشاء الله راح نجربها
الله الله على بنت خالتي الحرة تستاهلي الف لايك الحرة اافحلة تعرف الحاويات والاطباق العصرية والتقليدية ومازلنا نتعلم فجأة وناشط ومن الاشي نصنع شيء فحل وحرة وبنت حرة اللهم صلي على محمد 👍♥️💯💯💯💯💯💯💯💯💯💯👍👍👍👍👍👍👍👍👍👍🤍🤍🤍👍👍👍👍👍
ربي يحفظك حبيبتي
شكرا جزيلا انا في عمري 45جامي فتلت مي بهاذ الطريقة السهلة راح نولي نفتل
بالتوفيق حبيبتي مكانش لي يزيد متعلم كل رانا نتعلمه
السلام السميد لستعمل المتوسط
ديري أرطب ولا متوسط مدريش الخشن
@@cuisinemiraldz1263 شكرا
@@mohamedkarim7125 عفوا
الجزائريات من اشطر نساء العالم
ربي يحفظك ❤
ماشاء الله فكرة هايلة
انا نعرف نفتل بصح راح تكون فكرة مفيدة ليحبو الكسكس ومايعرفوش يفتلوه
يعطيك الصحة اختي
هذي الناس لي تفهم والناس لي تميزة مشاء الله عليك فهمتي مقصودي من الفيديو
السلام
مشكورة سيدتي على الفكرة و على طريقة التوضيح
ربي يحفظك الحمدلله هدفي انه توصل الفكرة بطريقة سهلة وبسيطة
جزاكي سيدتي الله كل خير
ربي يحفظك
حقيقة لم اقتنع بالفكرة
انا نفتل كسكسي بالغرابل ونظل نفتل ونعاود ونزلڨو ونفورو ..ونشيح ونصفيه ..هذاك هو الكسكسي .
يعطيك الصحة وكاين نساء قليلة صحة تعاني متقدرش تفتل هذي طريقة تنفعهم
بارك الله فيك هذي طريقة اقتصادية و على النساء اللي صحتهم قليلة و الفنيانات😁😁🇩🇿🇩🇿
ربي يحفظك على الوصفة الجميلة
يسلمك حبيبتي الحمدلله رسالتي وصلت لأنه كاين بزاف نسا قلالين صحة ربي يشفيهم ويحبه حاجة ساهلة واقصادية وسريعة
الله يبارك ربي يحفظك وفرتي عليا أنا نعرف نفتل بيدي بصح يتعب نشريه قالي بيا مقتصدة ربي يحفظك ويخليك ويوفقك
أمين حبيبتي ربي يحفظك
ماكانش كيما التربيعة انتاع القصعة والغرابل ونفتل عولة عام حتى اولادي يحبوها .
ربي يعطيك صحتك ويحفظلك وليداتك لكن هذا اقتراح للبنات المبتدئات والعرايس الصغرات أكيد مش راح تحط القصعة والغرابل وتفتل كمية العام كامل
@@cuisinemiraldz1263 اختي هو مجرد راى فقط مع احترامي لكي وفكرتك رائعة جدا ومشكورة عليها وكل جيل وابتكارانه ،وانا مانيش كبيرة 40 سنة فقط ههههه وربي يوفقك انشاء الله.
حبيبتي نحترم رأيك وأكيد مكانش كيما الكسكس المفتول باليد منكذبش على أختي فاتلة شكارة نتاع خمسة وعشرين باليد كيما قلتي قصعة والغرابل لكن يأختي راه تهد الحيل مخليتها لضيف لموسم لعيد لكن ليوم الجمعة نفتل هذي نتاع الأشوار مسلكتني رحمة
عندك الحق اختي الفتيل يطيح الصحة ويهد الحيل ربي يحفظلك صحتك وصحت خواتاتي الكل .
@@ritadjbelkhir1291 أمين يارب العالمين
اول فكرة مختلفة يعطيك العافية
حبيبتي ربي يحفظك
جازاك الله خير
شكرا حبيبتي ،بربي ان شاء الله نجرب نفتل يالأشوار ،ونتهنى من تعب لفتيل في القصعة
العفو أختي الكريمة ربي يحفظك
شكرا إبنتي على هاذه الطريقة الرائعة اعوذ بالله من قول انا يابنتي ظهري يؤلمني عندما انحني على القصعة وافتل الكسكس لهاذا اشكرك جزيل الشكر على اقتراحك الجميل وافكارك المذهلة حفظك الرحمان بعينه اللتي لاتنام ورزقك من حيث لاتحتسبين وجعلك من السعداء في الدارين🤲🤲🤲🤲🤲🤲🤲
حبيبت قلبي ربي يحفظك ويشفيك والله هذي شهادة أعتز بيها لما يكون تعلق طيب من سيدة فاضلة مثلك ربي ينورك بحجة يارب العالمين
@@cuisinemiraldz1263 اللهم آمين يارب العالمين ولك الخير بما دعوتي به اضعافا مضاعفة شكرا لك إبنتي 😘😘😘💕💕💕🤲🤲🤲😍😍😍
@@buildingsouss7538 غمرتيني بلطفك ربي يبارك في عمرك بالصحة ولهناء يارب العالمين لكي مني كل التقدير والاحترام سيدتي
@@cuisinemiraldz1263 🥰🥰🥰💐💐💐💖💖💖
@@buildingsouss7538 ❤❤❤❤
مشتركة جديدة هل من ترحيب عجبتني قناتك روعة وان شاء الله راح نجربو ونردلك لخبر وربي يقدرك حنونتي اختك من البليدة
شرغتي ونورتي القناة أختي لعزيزة
انا نحط الجفنا ونفتل بيدي ويخرج الحبات كلهم مع بعض ونفتل في أقل من نصف ساعة حق ما نوكل عايلة هايلة
مكاشكما فتييل اليد ونفتل بالقمح الصلب وبالسميد وبأي دقيق حتى بالدقيق الشعير وبدقيق البلوط والحمدلله
ربي يباركلك في صحتك ويمتعك بيها مي كاين لي متقدرش تفتل مريضة هذي الطريقة تنفعها
لوكان تديرينا كسكس القمح الكامل بالتفصيل.
بنفس الطريقة أختي
جربتها بالمتوسط ماكانش عندي الرقيق جا يهبل الله يعطيك الصحة
الحمدلله حتى أنا ديما نستغل الدقيق لي ميكونش مليح غير في رخساس ولا الكسكس المهم نكونسوميه ونتهنى منه خير مانخليه يفسد
السلام عليكم من فضلك اختي بعدما فورتيه المرة الأولى وطيبتيه شحال تزيدي تفوريه مرة أو اثنين وشكرا على الوصفة
زوج مراة عادي عامليه بالطريقة العادية بليه بالماء وخليه ينشف وفوريه
يعطيك الصحة ممكن تقولينا سميد متوسط او خشن
ديري بالأرطب ولا متوسط مدريش بالخشين برك
فكرة مليحة يعطيك الصحة اختي
يسلمك حبيبتي
راني رايحا اجربها هذي الطريقة ادعيلي تنجح معي ولك دعوة خير ربي خليكي
انشاء الله راح تنجح معاك وتعتمديها حبيبتي
والله غير فكرة من أروع ما يكون. معجزة
رايحة نجربها. للفضول فقط.
مشكورة حبيبتي
ماكي خاسرة والو قالو ناس زمان تعلم واترك
نجحت معاك ختي
حتي انا نجربو باذني الله فكرة ماصراتش كنت مستبعد لفتيل
@@sobouchra8150 انشاء الله أختي
اعطيك الصحة ختي
بصح وشيا لغربال لي درتي بيه سقاط ولا دقاق ولا رفاد لي نرفدو بيه لبربوشة نتمنى تجاوبيني
غربال الأول لخروح وكاين لي يسميه غربال الزرع أو السقا ط والغربال الثاني تكون عيونه متوسطة اسمه الثناي والثالث اسمه الرفاد واذا مفهمتيش التسميات أبداي بغربال14 وبعد رقم 16 وبعد رقم 36
يعطيك الصحة والله فكرة راح نجربو باذن الله
يسلمك حبيبتي ربي يحفظك
طريقة بكري ساهلة يعني صعبتيها ديري لحرش ورشات خفاف وترشي بلحرش وتلوزي بيدك 3مرات ولما تكملي تبرديه بنفس الطريقة وانماترشيه بالفرينة والمايزينة وتفوريه وتحليه وتنشريه ييبس مدة سمانة ويبقى المفتول هو الرائد من بلاد الطعام تيارت
@@linanaimi5460 بنسبة ليك يبان سهل لكن لبنات الصغار تبالهم صعيبة بشوي بشوي ويتعلمه
السلام عليكم ورحمة الله وبركاته جربته وانجحلي نشكرك بزاف
الحمدلله فرحتيني بصحتك حبيبتي
والله غير يعطيك الصحة، راح نديروا بإذن الله ونخلعهم شوي 😎😂
ههههههه مي بااااويييييي لازم من داك نخلعوهم
هههههه
شكرا سيدتي الفاضلة على هذه الطريقة
ربي يحفظك 😘😘😘
والله يعطيك الصحة
يسلمك حبيبت قلبي ربي يحفظك 😍😘
ختي يعطيك الصحة على هاد الفكرة قوليلي فروبو نورمال يجي كيما حكة
نعطيك اسم السيارات تاع الكسكس
1 قلولو السقاط سقطو بيه الكسكس
2 قلولو لمعاودي نعاود بيه الكسكس ونطيحوه كامل
3 قلولو الرفاد نرفدو بيه الكسكس
يجي عادي المهم الشفراة تكون حادين كيما هذا شكرا جبيبتي نفس تسميات الا الثاني نقولولو الثناي
يعطيك الصحة ختي ماشاء الله هكذا مايحلب الواحد حتى واحد 😘😘😘
ربي يحفظك حبيبتي
شكرا حبيبتي
العفو أختي ربي يحفظك
والله عندك الحق لازم نرجعو للفتيل هدي دنيا ماينفع فيه غير الصنعة
أكيد
فكرة ولا اروع ادا كانت البربوشه مثل الي نفتلوها بي دينا هدي تساعد العاملات والنساء مثلي نعرف نقتل ولاكن عندي انزلاق الغضروف نسخف عليها ومنقدرش نفتل
هذي طريقة جيدة بالنسبة ليك وربي يشفيك يأختي
ربي يبارك مشاء الله عليك كل صبع بصنعة يعطيك الصحة 👍👍👍👍👍👍
يسامك حبيبتي ربي يحفظك
@@cuisinemiraldz1263 معليش حطيتلك سؤالل على رب تمر ممكن تجاوبيني تعيشي
@@jihanouanes1630 مشفتوش يأختي
ياعمري واش هذا لفتيل الحمد لله نفتلوه كيما تاع بكري يجي يهبل هذا لفتيل تاع الفنيانين
هذا لفتيل نتاع الخدامة لي معندهاش وقت والمقتصدة لي حابة دير التاويل مش كلش تشريه والمريضة لي متقدرش حتى دور الغربال
ماشاء الله تبارك الله
ربي يحفظك حبيبتي
بكري كل النساء والبنات كانو يفتلو في ديورهم و في الاعراس نساء يفتلو بلقناطر الكسكس طبق عريق جزائري مئة بالمئة.
أكيد ومزلنا لحد الأن
@@cuisinemiraldz1263 نعم ما شاء الله.
يعطيك الصحة اختي ماشاء الله عليك سهلتي علينا كيفاش نفتلو كسكسو يجعلها ربي في ميزان حسناتك تستاهلي ابوني الله يوفقك عجبتني الكريقة بزااااااف مشكورة
أمين يارب العالمين ربي يحفظك أختي لعزيزة
يا وخيتي تعجبني فيه كي الخبز وترحي فيه لواش هالعذاب احنا نصبو السميد في القصعة ونكسكسوه طول وبعد بالغرابل
متعجنيهش يا أختي تجمعيه بالماء وزيد بلعكس مفيهش عذاب الأشوارتريحلك كتافك
يعطيك الصحة نحيتي عليا غلبا سعات نتشهى الكسكس ونعجز نفتل ربي يبارك فيك مزيد من التءلق روعة شكراااااا
يسلمك حبيبتي
الله اكبر كبيرا و الحمد لله كثيرا و سبحان الله بكرة و اصيلا اللهم صل وسلم على نبينا محمد و على اله و صحبه اجمعين الاخيار الطاهرين
عليه أفظل الصلاة وأتم التسليم
يعطيك الصحة جربتها ماما ونجحت فيها تسلم يدك يلا ديروه كامل روعة
حتى أنا جربته ونجح معايا خرجلي رووووووعة مأمنتش وليت معتمداته والحمدلله
الحمدلله فرحتيني وشكرا على ثقتكم فيا
@@الواثقةبالله-د6ظ وفرتي .مبروك عليك فاتورة الكهرباء اين التوفير هنا .
@@الواثقةبالله-د6ظ سميد متوسط ولا رطب
@@الواثقةبالله-د6ظ سميد متوسط ولا غليظ
مليحة ناس لغربة مكانش يتابعو عندهم لقصع وصيايير ويسخفو على طغام
أكيد نتمنى تنفعهم
بالمناسبة تعلمت نفتل في عمر أربعة عشر عام كنت مهوسة مطبخ وزدت خرجت للغربة وزدت قريت على الطبخ وعلى طريقة الطبخ الصحي حسب أفراد العائلة. وانا مع وضع بعض الأعشاب مثلا كي تكوني تفتلي تزيدي الزعتر مطحون أو في عوض تلبسيه بالسميد لبسه بالنخالة علابالي كاين أولاد ميبغوهش لاكن لصالحهم واي طبخ حتى البيتزا زودولها الخضرة الكوسا والجزر الفلفل الاخضر الطماطم البصل وحتى الفطر ولي ولادها ميبغوش البيض غليه وسكرفجيه ورشي فوقه الفرماج وليت خبيرة في التلاعب بالاولاد ودخلتهم يتعلمو من صغرهم واليوم نحمد الله أصغرهم ولدي 13عام يقوم بالمهمة في غيابي مايحيرش يعجن يطيب أي حاجة
مشاء الله عليك ربي يباركلك في صحتك ويحفظلك وليداتك
الله يبارك فيهم و يخليهم لك
ياودي ما كاش كيما فتيل نورمال انا ندوزن أونرمي لخضرة.ونمرق أونفتل تمتم لي نفتلها نحطها فلكسكاس تفور طبعا كي تغلي والله تمتم أطيب الطعام مامبا ساعة ...وشهية طيبة
يعطيك الصحة يا لحرة ربي يخليلك صحتك
منكذبش عليك اأنا مسحيل كنت نتخايل روحي نفتل الكسكس لكن بعد ماشفت طريقتها اكتشفت أسهل منه مكاانش هي يعطيها الصحة سهلت علينا
والله ماعندي ما نقلك ارفعلك القبعة ماشاء الله مبدعة كالعادة بكل معنى الكلمة برافووووووووو👍🏻👍🏻👍🏻👍🏻👍🏻👍🏻👍🏻
تعيشي ياعمري خجلتيني
يعطيك الصحة، وحتى لو فتلنا العولة بهاد الطريقة الهايلة، ياخي اللي نشروه مفتول بالماشينة!!!!!
يسلمك حبيبتي ربي يحفظك
ديرينا بركوكس الا قدرتي طريقة الفتل
انشاء الله حبيبتي
دارتها Ayant Assisté
في القانات عندها4سنين
راح نجربها على طريقتك انشاءلله
ان شاء الله
برك الله فيك
فيك البراكة حبيبتي
الله يرزقك حجة ولا عمرة انشاء الله. على هذه الفكرة...ماشاله
انشاء الله ربي يحفظك ولكي بالمثل حبيبتي
يعطيك صحة ختي برك الله فيك فكرة جهنمية 💝💝💝💝💝💝👌👌👌👌👌👍👍👍👍👍 اكيد ختي رقم واحد نعرفو نفتلو ولا كين لي مرضة تان باش يوفرو تعب ميتكلوش وشكرا
حبيبتي تسلاميلي
الفكرة عملية جدا لكني اقترح لو محصتيه قليلا براحة اليد في قصعة وبرممتيه راح يجي احسن وقريب للكسكس المفتول
انشاء الله راح نضيفها هد المرحلة
تبارك الله عليك اختي
الله يعطيك الصحة
يسلمك حبيبتي 😍
سلام عليكم اختي مشكورة على طريقة الفتيل
حبيت نسالك نوع السميد متوسط ام سميد خشن
وعليكم السلام حبيبتي استعملي أرطب ولا متوسط المهم ميكونش خشين
تسلم الايادي انا كمان عملت مفتول فتلتو بالبيت واليخنه عملتها باللحمه
بصحتك حبيبتي راني عملتها في القناة
@@cuisinemiraldz1263 🌹🌹
انا جربتها وصلح وشكرا جزيلا وبارك الله فيك
الحمدلله فرحتيني 😊