Рафаэл Мақсудов- шоҳиди шиканҷаи Ҳамза Икромзода аз зиндон озод шуд.

Рафаэл Мақсудов дар сӯҳбат бо хабарнигорон сабаби озод шуданаш аз зиндонро ба поён ёфтани муҳлати ҷазояш марбут донист. Ҷаноби Мақсудов шоҳиди шиканҷаи пеш аз марги Ҳамза Икромзода аст ва мавриди бозпурсии муфаттишон қарор гирифтааст.

Рафаэл Мақсудов гуфт, ки дар ҳақиқат шоҳиди латтукӯби шадиди Икромзода буд ва бо чашмонаш дидааст, ки ӯро чигуна зери шиканҷа қарор додаанд:
"15-уми сентябри соли 2012 ман бо як нафар дар зиндон ҷанг кардам. Кормандони зиндон маро заданд ва ба камераи 4 маҳкам карданд. Рӯзи 16-уми сентябр соати 4-и бегоҳ Ҳамза Икромзодаро оварданд. Ман дар камера танҳо будам ва ҳамаро ба хуби дида метавонистам. Вақте Ҳамзаро ба камера дароварданд, аз дасти чапаш хун мерафат, сараш бо дубинка чунон задагӣ буд, ки як қисми сараш ба дарун даромада буд.
www.ozodi.org/c...