Sri Bugga Ramalingeswara Swami Temple, Tadipatri, Ananthapur District

బుగ్గ రామలింగేశ్వర స్వామి ఆలయం అనంతపురం జిల్లా, తాడిపత్రిలో పెన్నా నది దక్షిణ ఒడ్డున ఉన్న ఒక ప్రాచీన ఆలయం.[1] ఇందులో శివుడు రామలింగేశ్వర స్వామిగా కొలువైనాడు.[2]విజయనగర సామ్రాజ్య పాలనలో గుత్తి-గండికోట ప్రాంతానికి చెందిన పెమ్మసాని నాయక నాయకుడైన పెమ్మసాని రామలింగ నాయుడు 1490 - 1509 మధ్య దీనిని నిర్మించాడు. [3] ప్రధాన దేవత శివ లింగం, ఇది 'స్వయంభు' (సహజంగా సంభవించేది లేదా స్వయంగా ఉద్భవించింది)గా పరిగణించబడుతుంది. ఆలయ విష్ణు మందిరం ముందు ఏడు చిన్న స్వతంత్ర స్తంభాలను కలిగి ఉంది. వాటిని కొట్టినప్పుడు అవి 'సప్తస్వరాలు' (ఏడు సంగీత స్వరాలు) ఉత్పత్తి చేస్తాయి.[4] ఈ ఆలయ గోపురాలు అసంపూర్తిగా ఉన్నాయి. వాటిని వాస్తు చరిత్రకారుడు జేమ్స్ ఆండర్సన్ 'అద్భుతాలు'గా అభివర్ణించాడు.ఏడాదిలో 365 రోజులు శివలింగం కింద నుండి జలధార ఊరుతూనే ఉంటుంది. బుగ్గ అంటే నీటి ఊట. వర్షాలు లేకపోయినా, నీటి వనరులు ఎండిపోయినా ఇక్కడ శివలింగం కింద నీరు ఊరుతూనే ఉంటుంది.అందుకే దీనికి బుగ్గరామలింగేశ్వరస్వామి దేవాలయం అనే పేరు వచ్చింది. ఈ పుణ్యక్షేత్రం పూర్తిగా నల్లరాతితో నిర్మించబడింది.