DÜRÜSTLÜK | Nağıl
Вставка
- Опубліковано 29 бер 2024
- RAFİQ İSMAYILOV, ÜLKƏR NURULLAYEVA, ŞƏHLA ZAHİDOVA,
İRADƏ BAYRAMOVA, AYSELXANALIYEVA, KÖNÜL CƏLİLOVA
AZƏRBAYCAN
DİLİ3
(tədris dili)
Ümumi təhsil müəssisələrinin 3-cü sinifləri üçün
Azərbaycan dili fənni üzrə dərslik
(2-ci hissə)
Elxan tənəffüsdə məktəbin həyətində uşaqlarla qaçdı-tutdu
oynadı. Zəng vurulanda pörtmüş halda sinfə qayıtdı. Müəllim
onun qızarmış sifətinə baxıb dedi:
- Elxan, tənəffüsdə bu qədər qaçma. Tərləyib xəstələnərsən.
Dərsin sonunda müəllim
Elxana bir zərf uzadıb dedi:
- Bunu anana ver. Qoy oxuyub cavab
versin.
Elxan düşündü ki, müəllim məktubda
ondan şikayətlənib: “Kaş ki məni danlayaydı,
cəza verəydi. Anam bu məktubu
oxusa, hirslənəcək. O xəstədir. Ona
əsəbiləşmək olmaz”.
Bu həftəsonu müəllim şagirdləri Şamaxı
rəsədxanasına aparmalı idi. Neçə gün idi ki,
sinifdə hamı ekskursiya haqqında danışırdı.
Elxan da bu gəzintiyə getmək istəyirdi.
Amma ailəsinin maddi durumuna görə
anasına bu haqda heç nə demək istəmirdi.
Bir tərəfdən də bu məktub...
Ertəsi gün müəllim Elxanı yanına çağırdı:
- Elxan, məktubu anana çatdırdın?
- Bəli, müəllim...
Bunu deyəndə Elxan başını aşağı saldı. Öz-özünə düşündü: “Görəsən,
müəllim niyə məktubu soruşur?! Nəyin cavabını gözləyir ki?!”