ازاي تتفق مع مقاول او صنايعي ؟؟ وتحصل على أعلى مواصفات وأقل سعر ممكن
Вставка
- Опубліковано 6 вер 2024
- كيف اختار المقاول المناسب ؟ (سلسلة عقود البناء)
ازاي تاخد شغل مقاولات لحسابك ؟🏗💰 | كيف تربح من هرم المقاولات
ماذا تشترط في العقد بينك و بين الصنايعي أو المقاول
اهم النقاط قبل توقيع العقد مع مقاول
ما هي الشروط التي أضعها في عقد المقاول ؟
إزاي تحاسب الصنايعي
أزاي تحاسب المقاول
....................................
الصنايعي الممتاز للأسف دايما معاه شغل..فهتتفق معاه يجيلك يرفع المقاسات ويتفق وتجهزله الخامات وتصبر عليه لما يخلص الشغله اللي معاه...
لو لاقيته قدامه كتير...مش اشكال لأن هو دكتور في تخصصه .. ومش هتندم بعد ما يشتغل..
متجيبش صنايعي مجربتوش او شفت شغله...مفيش مانع تروح المكان اللي بيشتغل فيه تشوف شغله.
خد فكره عن الحاجه اللي هتعملها..اذا كان محاره مثلا تكون فاهم يعني ايه محاره وضهاره ومصيص وسوك وشغل عالإيده او الدراع او البؤج والاوتار او التربيع والتربيات ويعني ايه سقف ساقط وكرانيش وجيبسوم بورد .. وده من خلال النت او المنتدى هنا.
خليك ناشف مع الصنايعي..هو بيجس نبضك ويشوف انت زبون ولا هتطلع عينه...
اتفق علي تفاصيل التفاصيل...يعني لو محاره مثلا تتفق ان السوك تسمنت مش جبس...هيتشقلب ويقولك مينفعش وياباشمهندس مش هنخللص وبتاع..قوله هات دراعات المونيوم واشتغل..ولا انت مش معلم فشغلك ولا ايه؟
صمم علي طلباتك متمشيش ورا دماغه هيعمل الأسهل...
اتفق علي الحساب بالتفصيل...هيقولك مش هنختلف قوله لا هنختلف...فهمني هنتحاسب ازاي...واكتب فورقه وعيد الكلام عليه وخلي الورقه معاك..مترميهاش..يعني مثلا هتعمل ارضيات وهتعمل سيراميك وبورسلين وارضيات وحوائط وسقف الحمام...كله بالمتر المربع بنفس السعر...وقت الحساب هيغالط ويقولك الحوائط غير الارضيات والبورسلين غير السيراميك والوزر بالمتر الطولي يا باشمهندس دي حاجه معروفه....تطلع الورقه وتبرومها وتحطها ف....عينه......!
بعد ما تتفق تفهمه انك متفق مع مهندس مدني زميلك بييجي يستلم من الصنايعي اللي بيشتغل ولو في فالشغل غلط هتكسر او هتعيد وتكلف مون علي حسابك.ومفيش مانع تعمل مكالمه حتي ولو لواحد صاحبك قدامه كأنك بتبلغه بالاتفاق وتعيد تفاصيل الورقه قدامه..
تأكد علي الصنايعي...مين اللي هيشتغل؟
هو اللي هيشتغل ولا هيجيب ناس تبعه؟
ناس تبعه قوله شكرا...هو بس معاه اخوه ولا ابن عمه ولا واحد شغال معاه..تقوله شغال وانت موجود وبيساعدك ماشي..هتعمل معلم ومقاول وبتشغل صبيان انا عايز صنايعي مش مقاول..
الأكل والشرب والمواعيد...
تتفق معاه من الأول...هتشتغل من امتي وتخلص امتي..؟
وزود علي اللي هيقوله اسبوع...
يعني هيقولك اسبوعين قوله لأ تلاته..من يوم كذا لكذا بس اليوم بعد كده عليك ب ٥٠ جنيه...وهنعمل عقد اتفاق وهتمضي عليه..
هتقوله انا هجيبلك سخان او كاتل وشاي وسكر وكوبايات لكن لا عندي حد يقف معاك ولا يعمللك شاي..انت عيش مع نفسك...هيفهم ان مفيش غدا ولا بلطجه..الا لو حبيت..
خللي بالك ده مش ضيف...ده مكلف بشغل يقوم بيه فبيتك..الا لو انت شركتك بتغديك كل يوم وتعملك شاي..ابقي اعمل زيهم.
متسيبش اي عده تخصك للصنايعي ..مفك..بنسه..شاكوش..لو مضربش عليها هيبوظهالك .كان عندي سباك بيوفر عدته ويستخدم العده بتاعتي علما باني كنت قافل عليها في شيكاره في اخر الشقه..
ولو شقتك ساكنه ..جمع كل اللي تخاف عليه في دولابك واقفل عليه بالمفتاح او غرفه واقفلها بالمفتاح او القفل..وعدتك في شنطه او صندوق بقفل...كان عندنا نقاش فالبيت لاقيناه ماشي مره فالشارع ببلوفر اختفي من دولاب الهدوم بتاعنا.
اتعامل مع الصنايعيه انهم مهملين ومخربين وخربق الذمم الا من رحم ربي وحرص ولا تخونش.
بلاش تتكلم مع الصنايعي وهو شغال..هاتله راديو او هو هيحط السماعات في ودنه...عشان لما بيفتحوا في الرغي وتضييع الوقت انت اللي هتندم...كبيرك توجهه او تقوله الله ينور..
#مهندس_الواقع
#كن_ذا_أثر
ياريتني شوفت الفيديو ده من شهر
بجد ياريت
لو فية إمكانية حضرتك تقولى اية المشكلة أللى حصلت ؟
كلامك سليم ماكان أوله شرط يكون آخره سلام أحسنت ياهندسة
بعد اذنك ي هندسة عاوز حلقة لكتابة العقد وكل بند ولو ينفع يبقا في كل مرحلة من مراحل الشقة( كهرباء وسباكة ونجارة ومحارة وسيراميك ودهانات) واتمني تشوف الرسالة لأني داخل علي تجهيز شقتي وانا اللي هجيب الصنيعيه وهتفق معاهم.
وشكرا جداا علي المحتوي الهداف ي هندسة
عاوزين نموذج للعقد دا يا باشمهندس من فضلك
في صيغه عقود ياهندسه سواء مقاولات او بنود
ممكن تنزل حلقه ازاى نكتب عقد ميكنش فيه غلطه يبشمهندس
بند السراميك الوزره بتتحسب ازي هل المتر باتنين
الله يجزيك كل خير ويبارك فيك يا بشمهندس
واياكم مهندسنا الفاضل اتمني تساعدنا على ايصال محتوي القناه لمن يستفيد منه مشكورا 🌹
الله ينور يا باش مهندس
الجدع❤️❤️
الله ينور يا هندسة
بنورك مهندسنا الفاضل اتمني تساعدنا على ايصال محتوي القناه لمن يستفيد منه مشكورا 🌹
👍
العشم مات والدنيا كلها خد وهات