{الحراق}(109) البحث عن الغريب
Вставка
- Опубліковано 16 гру 2021
- مع حلول اي ذكرى عن حرب اكتوبر أو أي مناسبة وطنية..بتلاقي الناس حافظة ومتوقعة على المستوى الدرامي هي هتشوف ايه على القنوات..ما بين افلام اكشن ومعارك رديئة التنفيذ ضعيفة الإنتاج لسبب لا يعلمه إلا الله..أو أبانا الذي في المخابرات الحربية..أو أعمال جاسوسية ومخابراتية مليانة بالمط والحشو..مع نسبة لا بأس بيها من الهجايص لدرجة تقرب من تصنيفها كوميدي.. وفي وسط كل دول كان فيها واحدة اسمها إنعام محمد علي..مخرجة تليفزيونية متعودة في الغالب مع ميزانية ماسبيرو اللي شبه معدومة ..أنها تغزل برجل حمار ..وتعمل شغلها وفق الإمكانيات المتاحة.. فوقعت تحت ايديها مجلدات الكاتب الصحفي والمؤرخ العسكري جمال الغيطاني..اللي بجانب شغله كروائي.. اشتغل في فترة الحرب كمحرر عسكري لمؤسسة الاخبار في السويس ومدن القناة..وفي وسط حكاياته اللي اختلط فيها التوثيق والصحافة مع الحس الروائي..كانت واحدة من أهم وأشهر مذكراته وهي حكايات الغريب.. واللي بتقرب من أحداث منسية بفعل فاعل ومسكوت عنها بشكل غريب ..وهي الفترة اللي تبعت كارثة ثغرة الدفرسوار اللي يطول شرح تفاصيلها ..اللي كان من نتايجها الحصار الكامل من الصهاينة لمدينة السويس ..بغرض السيطرة على المدينة بعد ما يحاولوا يفرضوا الاستسلام على أهلها ..كوسيلة للجيش الإسرائيلي لكسب أرض..وفرض أمر واقع على الجيش التالت الميداني..الحصار اللي استمر من 24 اكتوبر لحد ما انتهى في يناير 74_الفترة المنسية المهملة من تاريخنا دي ..اللي فشل فيها الصهاينة يفرضوا سيطرتهم ويحتلوا السويس..رغم حجم الدمار..ومحاولات التجويع والعطش وضرب كل المرافق.. ورغم عدد الشهدا والجرحى من المدنيين والعساكر..كانت الأحداث دي الملهمة للغيطاني ومن بعده انعام محمد علي مع تعديلاتها الخاصة ..في أنهم يقربوا من اللي مقربش منه حد قبلهم ..من اللي استسهل وقضاها معارك واكشن واختزل الحرب في يوم ٦ اكتوبر وانتصرنا وسلامو عليكو ..قربوا من الإنسان .. المواطن عسكري كان أو مدني..ست أو راجل..الإنسان اللي داق مرارة النكسة ..وحس بالعجز والاستسلام وانتهاء الحلم والطموح واحيانا اللامبالاة .. واللي نفض كل الغبار ده لما حس إن بلده محتاجاله ..وحارب وواجه وحس إن الأرض والعرض شئ يستحق أنه يقاوم ويضحي عشانه..لكنه برضه فضل مجهول ومنسي لما نط على بطولاته غيره ونسبوا كل تضحياته ليهم..لكن الحقيقة مهما حاول أصحاب الرتب والنياشين أنهم يخفوها لازم تبان..ويتعرف ان البطل الحقيقي لو كان عايش أو مات شهيد ..اسمه كمال أو عوض أو زخاري مش مهم الاسم اصلا..هو موجود في قلوب الناس وسيرته حاضرة في حكاياتهم.... حكايات الغريب...
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
اشترك في القناة الرسمية على تليجرام:
t.me/ABehiry
يا ريت يا استاذ بحيرى مراجعة للمسلسل الأجنبى
Billions
تحية طيبة من القرن الإفريقي ( هرجيسا ) عاصمة أرض الصومال. وبارك الله فيك. وشكرا
@المايسترو تامر حلمي فلسطين واجدع ناس واشجع ناس وأقوى ناس وأصبر ناس ناس فلسطين الأبية ناس فلسطين الحرة ناس فلسطين الكرامة . واشكرك المايسترو تامر حلمي فلسطين
@abdelhadi nsiri هي الدول الإسلامية ناقصها انقسام علشان تحتفل انت بها ، سبحانك ربي
مهما كان الذي حدث معكم من ذالك الرئيس الفاسق فسنظل امه واحدة ، الصومال بلد واحدة ولا تلومونا على أفعال الحكام
@@sherifmokhtar2605 اشكرك جدا وتحياتي لك ولاهلنا في بلدك العزيز
@@SiCaRiO0o0 ارض الصومال انفصلت علشان المجازر الي كان بيرتكبها محمد سياد بري. منفصلوش علشان بيكرهو الصومال، دلوقتي ارض الصومال عندها اقتصاد كويس و الصومال نفسها في حرب اهلية
من المملكة المغربية
المعضلة هنا أنني أشاهد الفيلم واجده أقل من العادي لكن بعد مشاهدتك تتحدث عنه أشعر بأني تفرجت على رائعة وشدني الحنين لإعادته بعد ان عرفت الابعاد الفلسفية له😅
أفاتار اسم مغتصبه يهوديه بالضفه وسلامتك
@@shmhaa6211 أفتار مصطلح قد يعني شخصية في لعبة الكترونية ، هذا هو الشائع
@@tavfshl4314 اصدق نواياك لكن بفلسطين المحتله ومع المغضوب عليهم ؟
بقي حكايات الغريب فيلم عادي🤔🤔🤔🤔🤔🤔🤔
طول ما أنا بتفرج وانا بتذكر شهداء الثورة السورية .. أكثر من مليون شهيد .. كلهم يحملون قصصا مشابهة.. كلهم كانوا مواطنين .. كلهم كان يملك حياة يريد أين يعيشها .. مصطفى وابراهيم وعزت وعبد الله وشريف ومحمود وزاهر .. اسماء لا ارقام .. حسبهم أن الله يعلمهم جميعا
فيه كاتب شاب وصحفي اسمه محمد ابو ليله ... عامل كتاب اسمه كل رجال السويس .... كتاب ممتع جدا وبيذكر حكايات ناس كتير زي الغريب
نجيب الكتاب منين؟
@@abozaloma هساله واقولك الكتاب متوفر فين
هو كان منشور مع دار الشروق
@@Sandwk.Elhekyat يا ريت لو سمحت أكون شاكر لك أنا سألت في مكتبة دار الشروق في ميدان طلعت حرب في القاهرة ماكانش موجود وحسيتهم مايعرفوش الكتاب من أصله
@@abozaloma طيب انا سالتلك .... الكتاب موجود في مكتبة كنوز في وسط البلد شارع شريف ..... اتمني ينال اعجابك
@@Sandwk.Elhekyat متشكر جدًا أكيد هايعجبني اي حاجة عن السويس وناسها وبطولاتهم أكيد كويسة
فكر:
"كل إنسان يعتقد انه مبتلى أكثر من غيره والحقيقة أن كلا منا لديه مشاكله،ولكننا نختلف في الرضا بقضاء الله وقدره ."
فالحمد لله شكرا وامتنانا بعظيم كرمه وفضله
روعة ... لم اتوقعك أبداً أن تحلل أو حتى تهتم بهذا الفيلم الملهم و المغرد خارج سرب الطنطنة، لكنك ادهشتني... هذا الفيلم كان بالنسبة لي هو احتفال اكتوبر 1973، شاهدته و انا في العشرين من عمري و أثر في شخصيتي و حياتي من بعده
شكراً جزيلاً ج🌷🌹
لا يوجد فيلم مصري جسد حرب اكتوبر مثل حكايات الغريب لجمال الغيطاني
كنت طالب في كليه الطب ايام أذاعه الفيلم وبالرغم من انني قرأت الروايه قبل ظهور الفيلم الا ان دموعي ظلت تنهمر طوال أذاعه الفيلم لانه جاء علي الجرح و
لانه لم يقع في الفخ الذي وقعت فيه باقي الأفلام وهو محاولات هزيله ومضحكة لإخراج معارك حربيه بل اظهر السبب الحقيقي لنصر اكتوبر وهي عزيمه الجندي والشعب المصري تلك الأيام
ايام ما كنا شعب واحد غير منقسم
الشئ الغريب ان الذي حارب وانتصر لم يجني أي شئ من نصر اكتوبر
غنيمه نصر اكتوبر ذهبت للهليله والهليبه والمنافقين والجالسين خلف المكاتب الفخمة وأصحاب النفوذ
الشئ المضحك الآخر انه لم يتم ادراج الفيلم ضمن لائحه أفضل ١٠٠ فيلم مصري للقرن العشرين بحجه انه فيلم تلفزيوني
دمت متألقا
حقيقي هذا الفيلم الوحيد الذي احببته من بين كل الأفلام
ومن أجمل مشاهد الفيلم مشهد أم المجاهدين و هي تحكي انه من الممكن إن الغريب يدخل عليهم من الباب الآن و تعلق أعينهم جميعا نحو الباب
و مشهد الآلة الكاتبة آخر الفيلم
أنا بكتب التعليق وأنا بعيط أقسم باالله وكل ما بشوف الفيلم بعيط لان بمنتهى البساطة الفيلم ده بيتكلم عن المصرى الغلبان المطحون اللى شايل هم أخطاء حكامة الجهال شال هم لامة كلها فى حرب ٤٨ وشاف الخيانة والعمالة سواء من الملك والقصر ولانجليز وفى حرب ٥٦ شاف الويل من ثلاث دول محتلة وأستقطع من أرضة واغتصب منها ميناء أم الرشراش اللى هى ايلات حاليا وفى حرب اليمن كانت الكارثة ساب فى ارض اليمن فوق ال عشرين ألف شهيد و بخلاف لاصابات اصبحت خزنة دولة مصر فارغة بسبب عنجهية الناصريين وشال هم وكسرة الضهر فى ٦٧ وشاف الاستنزاف وحتى النصر وفى لاخر البنى أدم المصرى ده الشخص الغلبان ده مخدش ولا حاجة ولا تعليم ولا صحة ولا وظيفة عدلة ولا اى حاجة وكتتتتتير من جيل اكتوبر عملو بطولات الاكتر منها الابطال نفسهم متكلموش سايبين التقدير من رب العباد الشعب ده شال كتير وشاف كتير واتطحن كتير وتقريبا ده قدرنا كلنا ذى الغريب لما بلدنا بتحتاجنا بنجرى نلبى الندا بس لاسف بتقسى علينا بالجامد اوى بعد كده فى كل بيت هنلاقى واحد ذى عبد الرحمن .
الله علي كلماتك
الموطن المسكين والفقير هو. الي شايل الطين منذ الحكم العسكري أكثر من الاحتلال وبناء القصور والقصور الطائر حسبنا الله ونعم الوكيل
يا ابنى .. انت ملكش حل .. بتبهرنى فى اى حاجه تقولها .. ربنا يبارك فيك وميحرمناش منك ودايما فى خير وصحه
ايه يا استاذ احمد الجمال ده انا عيطت ..استكمالا لتعليقى السابق انى من السويس انا بشكرك بالنيابة عن كل اهلها على الحلقة العظيمة دى 🌷
رحمة الله عليكي يأمي يامي كانت تغي ليا وانا صغير عن السويس بحكم مخلطتها للحرب وكانت من مدن القناة كانت الأغنية المفضلة ليها ليا(يابيوت السويس)
من اكتر الاغاني اللي بحبها يقشعر بدني عندك سماعها واحيانا تبكيني .. تحسيها نابعه من القلب لذلك تصل للقلب .. رحم الله شهداء السويس جميعا
انا من السويس يا استاذ ا حمد و بشكرك جدا جدا و بقولك ان الفيلم ده اتصور تحت بيتى و بحبه جدا و اثر فيه جدا و انا صغيرة ..شكرا بجد لحضرتك 🌷🌷
انتي من المثلث
اكيد من المثلث ؟
مافيش اجمل من تحليلك ونظرتك للامور من زاويه مختلفه اللي بتفتح افق وعقل الواحد شكرا لك
يا الله .ارتعش جسمي و انا اتخيل كل ما رويتموه سيدي
رحم الله شهداءنا الابرار
منك لله يا أحمد بحيري...خليتنا ندمع...رحم الله شهداء مصر وأكتوبر ...
صل اللهم و سلم و بارك على سيدنا محمد وعلى آله وصحبه أجمعين
الفيلم ده كان اول عرض له كان سنة ١٩٩٢. اتفرجت عليه عشان اسمع اغاني منير بس
اولا تحليلك اكثر من رائع. لكن الاحلى انك رجعتني لفيلم شفته و اتعلقت بيه و إنا صغير لكن مكنتش مستوعبه كده.
و خلتني اشوفه تاني
شكرا 👏👏👏👏
اشكرك يا بحيري على الحلقة دي وتأكد مليون ٪ اننا كلنا شعب يعشق تراب بلده وحقا نموت بدم رخيص لأجل بلدنا
السويس يا بحيري ♥️🇪🇬
إحنا بنحب مصر والزملك❤❤❤
وانا صغير كنت بشوفه ومش بفهمه وبحسه ممل لكن الان وانا عندي ٣٩ عام بعترف انه من افضل الافلام الي شوفتها وتحيه لكم ابطال الفيلم وتحيه خاصه للفنان مدحت مرسي رحمه الله عليه (استاذ طايل)
ربنا يبارك فيك يا راجل يا طيب في فيلم جزائري قمة في الروعة الخارجون عن القانون اتمنى ان تعمل عنو حلقة
الله والله عيطت
يااستاز احمد انا كنت باشعر بان هئا الفيلم من الافلام اللزجة ودمه تقيل زى احمد موسى لكن بعد هذا الفيديو سوف اشاهده لقد شعرت بانه فيلم يستحق الاحترام
حرام عليك يا عّم احمد
من ساعه ما ظهر وهو أيقونة حرب اكتوبر وأيقونة الانسان المصري التي لا يوجد لها مثيل
وانصحك بقرآه الروايات الآتيه لجمال الغيطاني
حكايات الغريب
ارض ارض
الرفاعي( عن سيره امير الشهداء ابراهيم الرفاعي)
ذكرتنا بايام الحرب وسنين النكسة والعدوان ايام لا تنسى رغم مرارتها الا ان الامو كانت متماسكة وكان الشعب مصمم ع شق طريقه نحو النصر
اتفرجت علي الفيلم ده في طفولتي وكنت بعيط علي الغريب مش هنسا الفيلم ده
تحياتي ليك يا استاذ احمد ورحم الله ابطالنا في حرب اكتوبر ومعارك السويس المنسية
الفلم هذا من دكريات الزمن الجميل
سرد رائع للأحداث، كأني أشاهد الفيلم مرة اخري من منظور مختلف، مبدع كالعادة
حاجه فيها أمل الله بجد
شكرا جزيلا أستاذ أحمد بحيري
انا اتأثرت جدا بالقصة وحقيقي احنا في غفلة عن قصص كتير ابطالها الحقيقين مجهولين
رحم الله شهداء الوطن المخلصين
حفظك الله، حضرت الشريط منذ مدة وأعجبت به، لكن بتعليقك الممتع وتحليلك الشيق جعلتني أعيش لحظات الشريط لحظة لحظة في دقائق... وجعلتني اتجرع مرارة هزيمة المواطن العربي الذي يسجل انهزاما وبطولة في كل يوم دون أن يكف عن النضال من أجل كسب لقمة العيش والبقاء صامدا أمام أبنائه كي لا يروا دمعة الانحدار في عينيه!..... حفظك الله.
وحد الله وصل على سيدنا محمد وسلم تسليما
يجب مشاهده الفيلم تانى بعد تحليلك الرائع للفيلم لانه اضاف الكثير بارك الله فيك
تحية من بلد الغريب 🖐️💪👍
شابووووو أستاذ أحمد ، حلقة أكثر من رائعة ، أنا من عشاق الفيلم ده ، وحبيته آكتر بعد الحلقة دي ، أحسنت 👏👏👏👏
السويس
اجدع تحية ليك يا محترم
@@haamdyahmed6785 حبيبي ♥️
المفروض الفيلم ده ياخد جايزه انا اتفرجت عليه زمان و بكيت في اخر الفيلم
احلي سلام لحضرتك من السويس.ارض الغريب
الله عليك هو ده المصري اللي في الحجز إلى أن يفرجها ربنا
الله يرحم كل غريب
لا إله إلا الله سيدنا محمد رسول الله اللهم صل وسلم على نبينا الكريم
سرد رائع وكأننا في السويس .. شكراا
أشكرك على الملخص ال أكتر من رائع 💚
دايماً حضرتك بتتكلم عن دُرر السينما
من اروع وأرقى التحليلات اللى سمعتها.... ربنا يباركلك
من بلد الغريب ... تحياتي
يجيلك جميل أن من عشاق الفيلم دا
رائع جداا مراجعه متميزه فى السرد والتحليل 👍💯🙏💢
تانى مره اشوفه انت مبدع راقى فعلا
💯👍
متابع من كوريا 💗
أسأل الله العظيم رب العرش الكريم أن يحفظك ويسعدك ويحميك دائماً يارب العالمين يا أستاذ أحمد
كان فيلم رائع وفكرته وطنية اكتر من افلام تانية موجودة حاليا على الساحة
يحتفل بالنصر
ذا الجمجمة السوداء.. ونصب نفسه بطل الحرب والسلام.. وهناك اخرون سطروا.. ملاحم تتحاكى عنها الأجيال..
اضرب على الحديد وهو سخن 💪😂😂
حراق لفيلم كتيبة الإعدام
هدفهم من هذه الافلام ان تكره الناس الحروب
شرح رائع للفيلم
الغريب في الدنيا معروف في الاخرة انشاء الله
حضرتك فكرتني بقائد المقاومة الشيخ حافظ أنور سلامة و الذي لم ينسحب أمام الصهاينة هو ومن معه من الناحية الغربية من السويس عند جبل عتاقة و الكابانون و ميناء الأدبية وكل السويس.
..ارجو ان تكون ذاكرتي لم تخنى وكتبت اسمه صح ..باني مسجد النور في العباسية..القاهره.
ابدعت
جاري البحث عن الفلم شوقتنا له
ناس بتعبر وناس بتهبر
باستخدام مصطلح جلال عامر الله يرحمه
شكرا استاذنا علي الحلقه الممتعه
يسعد مساك بحر 🌹
حلقة نادي السيما بالعربي خارج نطاق للاسف اتمنى لكم فيلم حلو اختاره لكم احمد
بأمان الله ورعايته وحفظه بإذن الله
سلاماتي
اجمل ما يمكن ❤❤❤❤
اللهم ارحم شهداءنا وأدخلهم الفردوس
براڤو 👏
تحيه غاليه من السويس ✌️
التحليل دة احلى من الفيلم نفسه لكن منكرش إن الفيلم فيه فلسفة
السويس شعب عظيم و مدينه أعظم
صلى الله على محمد وآل محمد ألف ألف وسلم
بارك الله ف عمرك ووقتك يارب العالمين
نحن الغرباء الان لكن دون بطولات
ربنا يحفظ مصر وترابها ويشد من اذر كل غريب ان شاءالله 🌷
الله عليك يا استاذ احمد وبارك الله فيك
أبكاني ذكر الموضوع رغم قراءتي السابقة عنه ومعرفتي به
اقسم تستحق الف لايك
انت مبدع
انا لسه جاي من حلقه تعاشب شاي ظبط الظبابيط ما فيش ترحيب ولا ايه
كالعاده في منتهى العظمه "
جزاك الله خير الجزاء على تحليلاتك الرائعة
الله عليك. والله رجعتني للزمن الجميل
جزاك الله خيرا
ربنا يبارك لك يا استاذ احمد هذا الفيلم فعلا فيلم عالمى
ما شاء الله أبدعت ،، تلخيص رائع للفيلم 👍👍👍
مراجعة جميلة جدااا جدااا
شكرا لك اخي العزيز ❤️
ماشاء الله تحليل رااااااائع
اسلوبك رائع استاذ احمد
الف تحية لك اخي الكريم
تحليل رائع كالعادة شكرًا جزيلا لك
اللسان يعجز عن التعليق. أبكيتنا.
الله عليك اسلوبك تحفه فى السرد انا دمعت
حلقه تبكي والله
الله ينور عليك يابحيري
رائع يا أستاذ احمد البحيري
ربنا يبارك فيك يا رب
مساء الخير استاذ احمد
🌹❤💜💯
تحليل رائع للفيلم 👏🏻👏🏻👏🏻👏🏻
تحليل اكثر من رائع
مبدع
متألق كل عادة
دايما مبدع يا أستاذ أ حمد الله ينور
بصراحة يا أبو حميد أنت تبعث فى هذه الأفلام الروح وكأنك تعيد صياغتها من جديد وتجعلنى أشاهد هذه الأفلام بعينك وعقلك .وبحث إنك البطل الحقيقى لكل هذه الأفلام
أنا هسميك فى السلسلة دى أحمد بحيري الموسوعة
والباقى أحمد بحيري رئيس جمهورية الوعي
روعه