كيفية واهميه وامتى التقليم للريحان والوينكا ازاى نتعامل معاهم خصوصا مع دخول الشتاء
Вставка
- Опубліковано 11 жов 2022
- ❤️مع دخول البرد بنعمل ايه نبدأ بالوينكا اولا هو نبات دائم طول العام غير موسمى( بالفعل عندى ٢ اصيص من العام الماضى وبخير تماما وتم تقليمهم كمان قبل موسم الازدهار) مزهر تقريبا طول العام عدا اشهر البرد القارص ..مع البرد وبدايه الخريف بنلاقى اصفرار الورق ووقوعه و الزهور قلت فى العدد والحجم وبتاخد وقت اطول للتفتح لحد ما تمنع فتره البرد الشديد وترجع تانى بفروع جانبيه ونمو متزايد مع الربيع تانى لحد اول البرد فى اكتوبر بنلاقى بدايات تكوين قرون البذور بيبدأ من نفس مكان ذبول او وقوع الزهره ويستمر تكون قرون البذور فتره ونقطف القرون لما تقارب على النضج والقرن يبدأ بالاصفرار( بنحتفظ بالبذور فى كيس بالتلاجه لزراعتها بالربيع) لو استنيت حتى تمام الاصفرار القرن هيفتح والبذور كلها تقع القرن هيكمل نضجه بعد قطفه حتى لو اتجمع قبل الاصفرار بحاجه صغيره بس الافضل لما يصفر على خفيف او لما تحس بالكور السوداء بدات تتكون فى القرن ..عاوز افهمكم ان حتى لو اتقطف بدرى سنه وعن تجربه البذور بتتكون برده بس الافضل نشيله فى الميعاد المناسب اضمن لانه لو اتشال بدرى اوى اوى مش هتكون البذور اتكونت اصلا نعمل ايه تانى مع بدايه البرد غير ترقب البذور...تكوين البذور فى اى نبات بيخليه فى حالات سكون وكل الغذاء بيبقى رايح للقرون وكده كده الورق بيصفر ويقع فانا حالا لسه قاطف او مخفف يعنى شايل ورق كتير اصفر و اخضر من على النبات عشان اخفف حمله واخلي الغذاء يتوجه اسرع للبذور وتتكون بسرعه واخفف الحمل عليه بدل ما الغذاء يتوزع بين الورق والبذور ..يتركز بالبذور وكده كده الورق ده كله كام اسبوع وهيقع كله(عاده الخريف وقوع الورق واصفراره) ويبقى الفرع طوييييل بدون اى ورق تقريبا لحد ما ييجى الربيع
تقليم الوينكا امتى بقه الناس اختلفت فى يقولك فى امشير يعنى قبل الربيع قبل وقت الازدهار علطول او الرأى الاخر بعد شهر تقريبا من دلوقت على نوفمبر لما تكون البذور اتكونت والنبات بدأ يسكن مع البرد الشديد (وده الرأى اللى افضله) بعد تكون البذور يعنى نوفمبر تقريبا...لان مهما كان النبات ساكن الا انه فى نمو بطىء فلو عملنا التقليم فى فبراير او مارس هتكون فى بدايات لفروع جانبيه بدات تنمو فلما هنقلم ونقطعهم ده هيعطل النمو تانى اما بعد تكون البذور هو نايم اصلا فهيركز شغله بالبطىء على نموات جديده فى الجزء الاصغر المتبقى بعد التقليم بدل توزيع المجهود على فرع طويل ... فتكون النتيجه نبات كثيف بنموات جانبيه اسرع من التقليم المتاخر بالنسبه للريحان بانواعه هو بيتعب بالبرد الشديد ومن الرياح فملاقيش حد حاطط اى نبات على السور او على حامل والهواء شديد ياخد الفروع يمين وشمال ويجهدها فيموت لازم نبعده عن تيارات الهواء على الارض والفروع الطويله نقلمها يعنى نقص اطرافها فبكده نضمن ان النبات هيقاوم البرد افضل على عكس الوينكا الريحان بيتكاثر بالعقل بسهوله فاى تقليم للريحان نزرع العقل المقصوصه هتنمو تانى ان شاء الله بس نختار الاعواد الخضراء مش المخشبه لان نسبه نجاح العقل الخضراء اكتر ولكن فى الوينكا نجاح العقل ضعيف اوى خصوصا مع البرد هوريكم فى الصور نجاح تعقيل وتقليم جائر للريحان تقليم جائر للريحان يعنى النبات يبقى طوله متر مثلا نقصه كله ونسيب فقط ١٥ او ٢٠ سم من النبات فوق سطح التربه وهيرجع ينمو تانى ليه بنقصه بالطريقه دى اولا كل الفروع المقصوصه ممكن تتزرع تانى ونبقى حصلنا على اصص كتير وعملنا تكاثر ..اى نبات لما بيطول اوى بيضعف ويشيخ زى الفرق بين الشاب والراجل العجوز فبنلاقى النبات اللى نمواته جديده افضل كتير من النبات القديم الطويل (النبات مش بيطلع نموات جديده عرضيا بكثافه غير لما نقص اطرافه ونقلمه فلو النبات متقلمش هتفضل الافرع القديمه بورقها القديم مع نموات جديده محدوده جدا فى القمم الناميه فقط)والورقه الجديده اللى عمرها صغير ناعمه وجميله وريحتها حلوه وخضراء يانعه القديمه خشنه ورائحتها اقل التقليم مفيد ليه تانى زى مثلا برج فيه ٢٠ شقه هل الميه هتوصل للشقق بنفس القوة لو المبنى عباره عن دور واحد فلما بنقص النبات الغذاء كله بيتركز فى عدد فروع اقل فبينموا احلى ووورق اكبر وجميل غير لما الغذاء المحدود فى الاصص بيتوزع على عدد كبير من الورق والافرع فبيكون ورق صغير غير نضر وعشان الورق قديم كمان فبيفقد رونقه قص الافرع بيحفز على نموات جانبيه جديده فتبقى جميله ويبقى في كثافه للنبات مش طويل وفاضى فهمنا ليه لما بنقص الريحان بيتحسن لان الغداء بيتركز وتحفيز لنموات افرع جديده بدل القديمه الخشنه والصفراء و بينمو عرضيا بالنموات الجديده بدل ما يطول بضعف ويبقى قابل للكسر والاجهاد بسبب تيارات الهواء ...التقليم مطلوب جدا عامة وخصوصا لو فى اصابه فينمو على نضافه ونتخلص من مثلا البق او المن او حافرات الانفاق كل ما نقلم الساق الاصليه يتركز فيها الغذاء فتزيد سماكه وصلابه وينتج نبات افضل معروف ان قص شماريخ الريحان اللى فيها الزهور والبذور مفيد جدا كالعاده مع الريحان واى نبات لاننا زى ما قولنا نمو الشماريخ وتكوين البذور بيعطل اى نمو فى النبات وبيركز فى انتاج البذور فلو مش عاوز بذور قص الشماريخ (ومش كل الشماريخ بتنتج بذور فى شماريخ كتير بتنمو فى الريحان بدون بذور وبالمناسبه الشماريخ بتبقى رائحتها حلوه جدا احلى من الورق كمان)قص الشماريخ بيحفز النبات ينتج افرع جانبيه وزى ما قولنا اصلا احنا هنقلم يعنى هنقص الشماريخ ومعاها ٢٠ سم من النبات عشان نعقله ونعمل نبات جديد بس قبل غرس ال العقله ال ٢٠ سم نقص شمراخ الزهور منها الأول والافضل نقلم الريحان اول ما يعدى ٣٠ سم ومنستناش اصلا تكون الشماريخ العقله زى ما قولنا افضل تبقى خضراء مش مخشبه بطول ١٥ ل ٢٠ سم ونشيل الورق السفلى ونغرس مباشر فى التربه بشرط تفضل التربه رطبه اسبوع او اتنين لحين تكون الجذور وبعد كده نبقى نسيب التربه تنشف نوعا ما قبل الرى واثناء فتره تكوين الجذور نخفف الشمس وتبقى مغربله باقى الشرح باللينك
m. story.php?stor...
الله يعطيك الصحة اخي
التجذير للريحان فى ماء