Claudi Martí - E tu, mon vilatge

E tu, mon vilatge,
De vinha, d'oliu e de mèl,
E tu, mon vilatge,
Calor, torrada, infèrn...
Podètz cantar cigalas,
Es pas filh de la nuèit.
Sus nòstra tèrra blanca,
Es pas nascut de res...
E tu, mon vilatge,
Sègle per sègle bastit,
De sang e de carn d'òmes,
Sègle per sègle noirit.
Podètz cantar, cigalas !
Nòstra plaça es aicí.
Cride la tramontana,
Nos farà pas partir.
E dins mon vilatge
Quand la vinha va mal,
E dins mon vilatge,
Nos cal barrar l'ostal.
Podètz cantar, cigalas !
Se lo vin es malaut,
Sus nòstra tèrra blanca
Marcelin tornarà.