Театр тарланы. Құдайберген Сұлтанбаев

Қазақстанның халық әртісі Құдайберген Тәуекелұлы Сұлтанбаев - қазақ театр тарихында өшпес із қалдырған тұлға. Сан қырлы талантымен халықтың сүйікті актеріне айналған ол өнердегі жолын 1970 жылы «Гүлдер» ансамблінде жарық берушіліктен бастаған. Кейін М.Әуезов атындағы қазақ академиялық драма театрының актерлік тобына қабылданып, өмірінің соңына дейін осы театрда қызмет етті.
Ол әсіресе сатира жанрында жарқырай көрінді. Бұл тұста «Тамаша» әзіл-сықақ театрының іргесін қалаушылардың бірі болғанын да айта кету керек.
Осы орайда «Хабар» арнасынан «Тамаша тарланы» атты Құдайберген Сұлтанбаев туралы деректі фильмді көруге шақырамыз!