"Сэтгэлийн дархлаа" - Сэтгэл гутрал /Depression/

"Сэтгэлийн дархлаа" нэвтрүүлэг - "Сэтгэл гутрал", түүнийг гуниглахаас хэрхэн ялгах талаар мэргэжлийн сэтгэл зүйчтэй ярилцлаа.
Нэвтрүүлгийн зочин: "Focus on the family" байгууллагын Сэтгэл зүйч Г.ЭРДЭНЭТУЯА
Манай улсад арван жилийн дотор архинд донтох эмгэг 25 дахин, сэтгэл түгших эмгэг 8 дахин, сэтгэл гутрах эмгэг 7 дахин өсч, судалгаанд хамрагдсан нийт хүн амын 65%-д нь сэтгэцийн тулгамдсан асуудалтай байгаа нь сэтгэцийн эмгэгийн өвчлөл манайд эрчтэй явагдаж байгааг харуулж байна.
Ганцаардах, сэтгэл хоосрох, өөртөө итгэлгүй байх, гутранги болох, айдаст автах, уур уцаартай болох, нойргүйдэх, дуу чимээ чийртэй санагдах, бусадтай үр дүнтэй харьцаж чадахаа байх, амиа хорлох тухай бодож эхлэх зэрэг сэтгэл зүй, сэтгэцийн асуудлын ноцтой шинж тэмдгийг үл тоох, өөрөө намжаах гэж хичээх, тайвшуурлах эм бэлдмэл дур мэдэн хэрэглэх, найз нөхөд, бусдын үгэнд автах гэх мэт хандлага, үйлдлүүд нь асуудлыг улам бүр хүндрүүлдэг.
Бидний хамгийн том алдаа бол сэтгэл зүйн асуудалтай гэдгээ мэддэг ч түүнийг эмчлэх ёстой гэж ухамсарладаггүй, сэтгэлзүйн асуудлаа өөрөө ч хүлээн зөвшөөрөхөөс ичдэг, айдаг явдал юм.
Хүмүүс сэтгэл гутралыг ичгэвтэр зүйл эсвэл сул доройгийн шинж гэж хүлээн авдаг. Гэвч хэнд ч тохиолдож болох сэтгэл зүйн асуудал юм.
"Сэтгэлийн дархлаа" нэвтрүүлэг "Сэтгэл гутрал" -аас хэрхэн урьдчилан сэргийлэх, сэтгэл зүйн дархлаатай болоход тань туслах болно.
Ярилцлага унших линк: tusgal.mn/setge...