我推的野男LIVE丨胡蓓蔚獲野男們熱捧為經理人 火火秘密操練決賽日騷肌

我推的野男LIVE丨胡蓓蔚獲野男們熱捧為經理人 火火秘密操練決賽日騷肌
TVB Plus直播選秀節目《我推的野男LIVE》16位野男分成四組繼續競賽。主持胡蓓蔚、火火同支嚳儀現身節目宣傳時，大談自己嘅心水組別，一班野男亦大膽講出自己對主持嘅感受，最驚喜係其中三組都熱捧豹嫂做佢哋嘅經理人，令豹嫂開心得飄飄然，仲多咗個花名，火火話豹嫂係「TVB珠穆朗瑪峰」，佢話代表係最高山峰，野男之癲。火火笑指有一隊揀佢做經理人已經係萬幸，佢自爆咪後問過四隊都想揀豹嫂，只係見佢無人揀先有隊畀面揀佢。
見證住一班野男充滿動力，火火都有意喺決賽日騷肌，佢話健身要有人推動先得，而家有一組四位野男帶動，應該會有動力。豹嫂話私人健身教練好貴，而家認識咗咁多野男，相信將來大家都會贊助佢幫佢鍛鍊健身。
獲姚子羚睇好嘅3號Austin施顯澍同5號Daniel黃志明，佢哋都話信心大增，Austin話好驚喜，當日初見子羚覺得對方好靚女同友善，希望下星期再見子羚時自己表現會更好。Daniel就話上次好遺憾未能跟子羚合照，下次一定要把握機會。
#我推的野男live #胡蓓蔚 #火火 #支嚳儀 #經理人 #豹嫂 #TVB珠穆朗瑪峰 #決賽日 #騷肌 #姚子羚 #睇好 #施顯澍 #黃志明 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0