Ossessjoni - Dwayne ft. Dominic
Вставка
- Опубліковано 30 гру 2022
- Lirika:
Chorus:
Għaliex qed ngħix din il-ħajja
Kuljum inħossni fgat
Ma nistax inqum fuq saqajja
Spiċċajt ossessjonat
Yo
Vers 1:
X’għandek speċjali biex tfajtni f’din l-ossessjoni
Qed inħoss li din hija impossibli l-missjoni
Indur fejn indur dejjem niġi dari mal-ħajt
Mulej nixtieq soluzzjoni għax verament issa xbajt
Nipprova naljena rasi, imma kollu għalxejn
Mill-kurituri ta’ moħħi ma naħsibhiex darbtejn
Għaliex qed jiġrili hekk, jien qas biss naf għalfejn
Nibda ngħid żgur daqshekk nibda nħossni bejn ħaltejn
Kuljum nibki f’kamarti, kuljum nimsaħ id-dmugħ
Lili min se jsabbarni, ma nistax nieħu ruħ
Il-ġurnata naraha twila qisha ma tintemm qatt
Ma nistax niftaħ qalbi la miegħek, lanqas ma ħadd
Kultant nipprova nkellmek imma lsieni ma jtinix
Il-vuċi ma tkunx trid toħroġ biex żgur ma tismanix
Minflok inżomm ġewwa fija w nibqa’ b’ħalqi magħluq
Ħalli ħadd ma jkun jaf ħlief ovvjament dak t’hemm fuq
Kull meta niltaqa' miegħek inkun irrid nevitak
Imma qalbi tgħid mod ieħor għax tkun tridni narak
Nibda nfittxek bil-ħerqa, nibda ninħeba fid-dell
Eċitament ġewwa fija qisni tfajjel b’ġugarell
Meta sa fl-aħħar narak, qas niflaħ nagħmel ħoss
Mhux friefet biss imma l-insetti tad-dinja kollha nħoss
Emminni nixtieq nurik, kemm qiegħed naħseb fik
Imma kultant nibda nhewden, tgħid nipprova ninsik?
Chorus:
Għaliex qed ngħix din il-ħajja (għaliex)
Kuljum inħossni fgat (inħossni fgat)
Ma nistax inqum fuq saqajja
Spiċċajt ossessjonat
Yo
Vers 2:
Nibda naħseb u nikteb, waqt li qiegħed nirrima
Kemm togħġobni meta f’wiċċek nara dik it-tbissima
Jew dik id-daħka ħelwa, li tikser dak is-skiet
Nibda noqgħod nismagħha, fil-ħemda w fil-kwiet
Jew dawk il-par għajnejn, meta fihom ninsab
Ileqqu w jiddu qishom stilel fis-sema mingħajr sħab
Dik il-ħarsa li tiġbdek minn ġol-folla tan-nies
Nibda nħossni bbalzmat qisni mħabba bla qies
Dak il-leħen irqiq ma nixba nisimgħu qatt
Meta nisimgħek titkellem qisu ma jeżisti ħadd
Jew il-mod kif titħaddet u anke kif tirraġuna
U emminni meta ngħidlek, li int l-isbaħ fjura
Kemm nixtieq qiegħed ħdejk, qed inħares f’għajnejk
U int tħares lura f’tiegħi waqt li naqbadlek idejk
Qed inħarsu lejn xulxin, kemm nixtieq jieqaf il-ħin
Min jaf x’hemm jistenniena, min jaf x’inhu d-destin
Bridge:
Kuljum inħossni fgat
Ossessjonat
Chorus:
Għaliex qed ngħix din il-ħajja (għaliex)
Kuljum inħossni fgat
Ma nistax inqum fuq saqajja
Spiċċajt ossessjonat (ossessjonat)
Mulej sibli soluzzjoni
Ma kontx preparat (u qatt mhu se nkun)
Nixtieqek tifhem is-sitwazzjoni
Spiċċajt ossessjonat
Ossessjonat
Ossessjonat
Ftakar li fil-ħajja, għal kollox hemm soluzzjoni
Mela qum fuq saqajk, u ibda ġġieled din l-ossessjoni
King int zi ❤❤
Grazzi bro xx