رازف خلاوي - سرنا عليهم بسققم الحرب يامية

يا الله ياعالم سراير النيه = يامدبر الحال من حال ليا حالي
امسيت وكبدي على المرضاف مقليه = واصبحت قلبي مريف خالي البالي
من فعل ربع تبيع الروح بالهيه = ونعم بربعي وهم ماضين الافعالي
يوم على شافي عند الرياحيه = يصبح به العود صبي مترف سالي
امطوع قاري ويحرك السيه = ويحدنا للمضامي واشهب اللالي
غدا لنا مثل ديان المعسريه = لا حد باع الجلايب وارخص الغالي
سرنا عليهم بسقم الحرب ياميه = لعاد نسمع ولا بنطيع عذالي
سرنا عليهم بصبيان العواجيه = جمع رزين ومنه الدم شلالي
هل سربة تخلف العشاق من غيه = تقدع شبا الاوله وتنجي التالي
ميه وتسعين في وجه العكيليه = واللي ومرنا عليه قادر والي
كن الجنايز خشب بير نسع طيه = يوخذ من الجم ويحذف به على الجالي
والذبح جا في المخاضيب الهلاليه = فرسان دهم السرايا عيدها الشالي
امن المسارير دار الحبل قفريه = ما عاد فيها من ال جدي نزالي
عفيت وطرشانها تمسي خلاويه = والذيب منها المدهال الغضا حالي
تروى شبا الهند وسيوف يمانيه = ماعاد يجلى حلاها كل صقالي
هذا بدل قولته ( فرقان شاويه ) = حنا المرازيق نقصر شبر من طالي
حاذور بنت المفافي يالهاواويه = ياتي ولدها نهار الضيق فشالي
عليك ابنت الشجاع الي على خيه = ياتي ولدها عريب الجد والخالي
ينسى من الروح وفي راسه صعوبيه = ويطلق يمينه على البارود عيالي
وشروا لصايل وتركوا الشماليه =ومن كان له حيلة فيها فيحتالي
وقم ياسعد ورتحل من فوق عمليه = مامونة ماشكت من شد جمالي
طويلة الورك وبالغارب سهاويه = لاطول اليوم تعطي الغي من سالي
صبح اربع داخل في دار عليه = ابشر لياجيت تلقى كل الاشكالي
اول قراهم شحم حيل وبريه = ومن اشقر البن كيف الراس فنجالي
هو المعزب وحنا له فداويه = دولة نظام بليا كسر الاموالي
ماحن نبي غير عز الراس ماليه = ويازين لبس الجديد ورمي الاسمالي