شربة فريك الجزائرية طيبت عرس ل500شخص مع سر البنة المميزة
Вставка
- Опубліковано 30 чер 2022
- #مطبخ_محمد
#مخبوزات_محمد
#ملك_المعسلات
#حلويات_محمد
#حلويات_جزائرية
الشربة فريك مدوزنة ومعطرة كما يحب الخاطر الدخلو تشوفو طياب العجايز • شربة فريك مدوزنة ومعطر...
السلام عليكم. انا سعيد جدا بتعليقاتكم و وجهة نظركم المختلفة في طريقة تحضير هذا الطبق.وهذا دلالة على تمسك كل منطقة بي تراثها الثقافي. ملاحظة فقط بالنسبة لاخوانا في الشرق الجزائري .الجاري القسنطيني اعلم انه بدون خضار وانا شخصيا خدمتو عدة مرات وان شاء الله راح اعمل فيديو عليه .لكن هذا لايعني انو الجاري القسنطيني بنين وأنواع أخرى من الشربة ماهيش بنينة .التفكير بهذا المنطق خطاء كبير. لان الجزائر بلد كبير وفيه تنوع في الثقافات ،العادات والتقاليد وفي أسلوب تحضير الأطباق. كل منطقة عندها مميزاتها .لذلك حاولو الفصل بين طريقة الطهي في الشرق والمناطق الأخرى وشكرا جزيلا على كل تعليقاتكم واهتمامكم بمحتوى القناة
والله ماهي شربة هدة حيريرة المغاربة الشربة عمرها مايحطولها القرفة وليزيبيس والله طيحت قيمة الشربة شربة قسنطينة الله الله ياولد الناس خاطرك الشربة والله طيحتها قيمتها شوف حميد القسنطيني يقولك كيفاش تطيب الشربة ا خلايا على الشربة بالغرفة اك رديتها عدس ولا لوبيا
@@farahboukhalfa6433 كنت خلتي تعليق وهذا الثاني.كاين قسنطينين بزاف علقو لكن بأسلوب راقي وطرحو وجهة نظرهم وجاوبتهم. وبعدها حطيت هذا التعليق توضحي الي انت رديت عليه.انا مراحش نرد عليك لكن نقلك نصيحة باه الناس متكرهكش فالحياة.عمرك لاتكلمي شخص وتحكمي عليه وانت متعاملتيش معاه.ثانيا متحلفيش والله في كلامك. كي تتكلمي تيقني من كلامك وتكلمي بدون ماتحلفي.ثالثا تعلمي تتكلمي بلطف باه يحترموك الناس. وانا منحكيش على نفسي.شوفي محتوى القناة و اقرئي تعليقات ثم تكلمي
@@farahboukhalfa6433 الطبخ ليس علوم دقيقة كل منطقه وطريقته كيفاش يخدمها انا من سطيف وسطيف راهي فالشرق وطريقة طياب الشربه تختلف على طريقة ناس قسنطينه اتعلمو تتقبلو الاختلاف
@@farahboukhalfa6433 اختي الحريرة مشي تاع المغرب الحريرة راهي طبق من اطباق الغرب الجزائري وبلادنا واسعة شرق غرب شمال جنوب متنوعة في اطباقها خلونا نتعلمو ونتعرف على اطباق بلادنا وخلونا من جهوية هدي بلدان كلها تدعم شعبها وتعرف على انواع اطباقها المختلفة برك حنا لرانا نتعاملوا هكدا
@@farahboukhalfa6433 وزيد تحلفي ب والله لا حول ولا قوة إلا بالله متعرفيش تهدري واتقبلي الاختلاف 😉😉
أنا كنت معروضة خطرة في عرس أنت لي طيبتلهم والله ما ننسى ذيك الشربة و ذيك البنة الله الله يعطيك الصحة بالتوفيق للقناة و مزيد من التألق
آمين يارب العالمين بارك الله فيك وشكرا جزيلا على تعليقك
الله يبارك يعطيك الصحة... نحب المقادير.... هكا تقدروا.... نقسمرا و نعرفو كميات متوسطة مثلا ل50شخص
@@cuisinemouhamedbenmoussa8232 ق55غ
يخدم يطيب للعراس؟؟ واش من الجيهة على حساب القليشة هو من الوسط ...
بصحتك يا ختي شهيتيني 🥰🥰
هاذ الفيديو يستااااهل يوصل للمليون جربوها وراح تشوفو بنة ولا فالخيال👌يعطيك الصحة شاف
الله ينورك شكرا جزيلا على تعليقك
والله يستاهل ناخذو منو أفكار وتدابير للمناسبات
صح والله درتها بكركاس جاج و جات هبااال تاع لهبال ربي يحفظو على هاد الوصفة
شربة اعراس 500 شخص: كيلو سمن+ لتر و نصف زيت في قدر على نار حتى يسخن+ 12كيلو لحم إذ كان اللحم مشحم نقص الزيت واذا كان ماش مشحم نزيد حتى 2 لتر زيت+ 6 كيلو بصل مقطع رقيق+ 1 ملعقة اكل فلفل اسود نخليها تتقلى شوي نبدأ نحرك القدر نرجع نغطي ونخليه يتقلى
في قدر اخر نضع ماء فيه 4 كيلو جزر مقطع رقيق نخليه يطيب نصف طياب نزيد 10 كيلو طماطم حب مقطعة رقيقة + 6 كلغ جريوات + ملح و نخليها طيب بعدما نرحيها يدويا حتى يكون لون الطماطم احمر ليس برتقالي مثل نرحيها في روبو
نرجع للحم بعدما يتقلى اللحم وةيذاب البصل مليح + 2 و نصف طماطم مصبرة حللتها في نصف لتر ماء نخليه يتقلى 2 ملاعق كبار فلفل عكريي ملعقة كبيرة قرفة نصف ملعقة كبابة 2 ملاعق كسبر مرحي كسبر و نعناع كمية كبيرة نخليهم خمس دقايق يتقلاو و نضيف الخضرة الي رحيناها وونخلطهم و نخلي الخضر يشرب ليدام تاع اللحم مدة خمس دقايق الان نمرق تدريجيا كل 10 دقايق ماء يكون سخون و حتى ياعمري القدر نضيف الملح بعدها نضيف رطل طماطم مصبرة بعدها نضيف 3 كيلو فريك كنت نقعتو ساعة في ماء نزيد حمص طايب زوج كيلو نخليه الكل يطيب ساعة نضيف 2 ملاعق كبار فلفل عكري و كسبر و نعناع و رصان فلفل حار 6 رسان كبار و نخليه ساعة و نصف اضافية و نضيف قشور 3 خبات قارص يعطي بنة و رائحة للشربة الطياب ياخذ 5 ساعات كاملة
ربي يجازييك شكرااا❤️❤️
بارك الله فيك
بارك الله فيك،👑🤲🏾
أحسن وأبن شوربة من يدين أحسن وأرقى شاف جزائري متواضع وأمين في خدمته.
بارك الله فيك شهادة اعتز بها شكرا جزيلا
من فضلك شيف تدير لنا فيديو المواد المستعملة في تحضير كسكس باللحم ل 100شخص و كذا الشربة و المثوم و الحلو و طاجين الرولي بالزيتون و ريي يجلزيك
يعطيك الصحة بدون مجاملة انا كليت الشربة اتاعك بنينة بزاف ماتشبع منها كيما قال راجلي غير الشاف محمد لي فاتك في الشربة 42عام خبرة اديتها لي بالتوفيق مزيد من التألق
هههه آمين يارب العالمين ربي يحفظك أختي
اروووووع شربة درتها جات هبال مشاء الله و ماشي باللحم درتها بشوية دجاج شكرااا بزاف ربي يحفظك
شربة فريك من الشربات المهمة عندي في البيت و هاذ الطريقة مع أنها الأعراس و لكني راح نجربها للعائلة الصغيرة
شكرا شاف ربي يجعلها في ميزان حسناتك
آمين يارب العالمين بارك الله فيك وشكرا جزيلا على تعليقك
شربة باينة بنينة فكرتني في ميمتي الله يرحمها كانت طباخ اعراس وطيابها بنين ماشاء الله
ربي يرحمها ويسكنها فسيح جناته يارب العالمين
ربي يرحم ميماتنا 😭
امين يارب
@@cuisinemouhamedbenmoussa8232 في عومري. 58 سنة. الاوال مراة في حياتي اسماع بي قشور القراص. صحيح ام خطاء
الله يرحمها ويرحم أمي حتى هي كانت طيب في الأعراس طيابها بنتو بنة
اذا ممكن تديرلنا وصفة لبنات تاع طاجين الزيتون شكرا. وصفة تاع الشربة هايلة يعطيك الصحة.
الله يسترك ياشاف ويعطيك الخير دنيا واخرة ديرلنا وصفاتك تع الاعراس بكمية عشر او خمس اشخاص باش نجربو منريسكيو بكميات كبار باسكو حنا مبتدئات ومبعد نزيدو الكمية كما نحبو ربي يجازي
يعطيك الصحة شاف ديرنا نفس الطريقة بكمية قليلة يعني نطيبوهم لينا فالدار لعدد أشخاص بلال حوالي 5أشخاص قدر صغير
السلام عليكم ورحمه الله وبركاته حبيبة ديري يعينيك فقط كيما موالفة ديري مقادير تاعك لكن بطريقتو
انا من الشرق الجزائري وشربتنا تختلف في المكونات لكن لون شربتك روووووووعة مثل لون شريتها تاع الأعراس وانا نعرفها بنينة من لونها وهذا دليل انك تعرف تطيب شاف يعطيك الصحة ومرة اخرى جربلنا شربة تاع الشرق
اختي الاغلبية مايعرفوش الفرق بين الشربة فريك تاع ناس الوسط ولحريرة تاع اخواننا في الغرب والجاري افريك القسنطيني نتمنا كل منطقة تعتز وتفتخر باطباقها وعدم الخلط بين المكونات وتغيير الاسم بدافع الجهل باطباق المناطق الاخرى لانه في الاخير كل هذه الاطباق ارث جزائري ويجب الحفاض عليها وعلى اسماءها(اخواننا في الوسط الجزائري نتمنى اتحافضوا على طبق اللحم لحلو لانه سيندثر مع مرور الوقت فطبق اللحم لحلو ليس هو طبق الطاجين لحلو)
أقسم بالله مضمون هذا الجاري وتقدر تقول عليه جاري صحي يعطيك الصحة ياشاف
ربي يحفظك بارك الله فيك وشكرا جزيلا على تعليقك
المطبخ الجزائري غني جدا بحكم مرور العديد من الحضارات الإنسانية ، وهذا ماضمن التنوع الثقافي في الجزائر وبلدان شمال إفريقيا خاصة.
بارك الله فيك
ماشاء الله باينة بنينة مع اني قسنطينية والشوربة او الجاري لانستعمل فيه الخضار ولا الحمص.... كل منطقة وطيابها..... بلدي قارة ماشاء الله
الله ينورك. شكرا جزيلا على تعليقك
@@cuisinemouhamedbenmoussa8232 العفو
هاذي شربة فريك وليس جاري فريك من فظلكم تعلموا تفرقو بحتي في الشرق يوجد جاري فريك وبمكونات مختلفة مثلا شفت جاري فريك تع سوق اهراس وعنابة نفس المكونات بنين يهبل من فظلكم بدون جهوية بلاد وحدة تقافة وحدة طبخ مشترك
حتى حنا فالصحراء مانديروش الخضار
@@user-po8yg5ei4n والنعم فيكم.... نعم بلدنا عالم بحد ذاته
ما شاء الله تبارك الرحمان روووعة ربي يحفظك
اذا ممكن تعطني مقادير هذه الشربة ل 20 شخص حابة انطيبها بركت شاف
السلام عليك بارك الله فيك وشكرا جزيلا على تعليقك بالنسبة لطمية ل20شخص استعمل وصفة الشربة الي عملتها في رمضان بنة وذوق اخر يحمر الوجه الكمية الي طيبتها اعملي 3اضعاف راح تكون كافية
الله يبارك محمد والله خليتني نكمل الفيديو بكل شغف والله انا اختصاصي في ذوق الشربة مع العلم انها طبقي المفضل ان شاء الله عن قريب نذوقها من يدك ونعطيك العلامة
هههه ان شاء خويا بارك الله فيك وشكرا جزيلا على كل تعليقاتك واهتمامك بمحتوى القناة
كنت نشوف في فديوهاتك من اروع شفات مع اروع شرح عاود الرجع لمتابعنك مزيد من تألق ونجاح امين
بدون مجاملة احسن شاف مزيد من التألق في ميزان حسناتكم
آمين يارب العالمين شكرا جزيلا على تعليقك
من فضلك ديرنا الشربة تاع رمضان كريم وكل عام وانتم بخير ان شاء الله تكون بنيىييييييييييية يهبلوا عليا اللله يسترك خويا راني نستنا مقادير تاع عايلة فوق 5اشخاص
آمين يارب العالمين بارك الله فيك راني عامل الشربة لحجم عائلي بنة ولااروع
تحياا الجاري فريك تاع قسنطينة فلفل اكحل ملح تربح في لامان وتجي واحد البنة روعة
مكانش كي ما كلتنا عمري شفت جاري فريك بالخضرة و القرفة وووو؟؟ هو بلاك يجي مليح بصح مكانش كي الجاري تاعنا تاع زمان تحيا قسنطينة
إن شاء الله ربي يعطيك واش تتمنى والله العظيم شفت بزاف قنوات ما لقيتش اللي يشرح كما انت يا شاف ربي يعطيك الصحة الهناء وان شاء يفتح عليك كامل ابواب الخير
مساك معطر بعطر روح امك الغالية يا أخي الكريم ان شاء الله ديما في أعلى مراتب بحق حبيبك محمد صلى الله عليه وسلم أختك فوزية وصح عيدك اشتقت لوصفاتك تحياتي للجميع العائلة المحترمة الراقية 🇩🇿👍🤲
ربي يجازيك كل خير فوزية ويرزقك الخير والهناء الله لا يغبنك وان شاء الله الزوج الصالح
@@cuisinemouhamedbenmoussa8232 آمين خويا محمد أمين الله يسمع منك ان شاء الله 🤲🤲🤲
@@touatijamal1243 إن شاءالله. إن شاءالله اختي
@@cuisinemouhamedbenmoussa8232 🤲🤲🤲
لا يسأل الله بحق محمد صل الله عليه وسلم
السلام عليكم
ماشاء آلله تشهي شكرا شاف 👍👍👍
حنا الشربة فى الصحراء نزيدلها الكسبر مرحي بنة ولا اروع
بارك الله فيك. وتحية لأهل الصحراء
حنا نديرو بحبة قرعة وحبة زرودية باش تجي عاقدة وهايلة
يعطيك الصحة شربة وعليها الكلام ممكن ديرنا شربة بمقادير قليلة تاع 10 اشخاص
مشاء الله قيمة في تواضع خويا محمد شرح رائع ونتيجة اكثر من رايعة ربي يحفضك
آمين يارب العالمين بارك الله فيك
السلام عليكم شاف .اللهم بارك وصفة رائعة .من فضلك ديرلنا المثوم للاعراس و لوبيا الماشطو .
سلام عليكم اخي قرعة أو ڨورجات في الحريرة يكون لها مذاق مر وفي اخير تعطيك طبقة من الماء في الصحن بعد برودتها في صحن والله اعلم
لا ، احنا في جيجل هذي هي شربتنا و نديرو الكورجات و تجي بنينة ،ربما لازم تكون فريش وحجم صغير
@@waitandsee6561 تكون مي حاجة قليلة بزاف على باقي خضروات والله اعلم
شربة...
250 غ سمن.. لتر ونص زيت.. لحم 12زكيلو... 6 كيلو بصل.. مغرف ك فلفل اسود... نخلوهم يتقلاو مليح نضيف 2 كيلو ونص طماطم مصبرة... 3 مغ ك عكري.. 2 مغ ك قصبر.. مغ ك قرفة.. 2 ملاعق ك راس الحانوت... مغ ك فلفل اسود.. كمية من لحشيشة ونعناع ونضيفو الخضرة لي رحيناها ونخلوهم يتقلاو مليح من باعد نضيفو الماء الساخن ونمرقو والملحة كل مرة ضيف مغرف وذوق على حساب الذوق.. 3 كيلو ونص فريك يكون مغسول مليح ومشمخ فالماء حوالي ساعة ونص وكي يغلى نضيف الحمص ونزيدو نخليوه يغلى ساعة وربع نضيف عليه 2 ملاعق عكري و2 قرفة والقليل من لحشيش ونعناع والحار 6 فلفلات
فقدر ثاني ندير لماء يغلي ونديرو فيه 4 كيلو جزر... 10 كيلو طماطم.. 6 كيلو كورجات.. كي يطيبو نطحنوهم
بسم الله ماشاء الله شربة فريك روعة تشهي باينة بزاف بنينة يعطيك الصحة شاف وربي يجعلها في ميزان حسناتك إن شاء الله 🤲
واش توحشتي لعدس ههههههههبصحتك
آمين يارب العالمين ربي يرزقك كل خير أم معاذ
شربة فريك ماشي عدس
@@zinebanissa7712 ههههه لالا غلطت باش نكتب فريك كتبت عدس راني صححت تعليقي شكراً
@@lililala903 ههههه صححت تعليقي شكراً على التنبيه
طريقة شرح رائعة وروعة ماشاءالله تبارك الله عليك شاف
مشكور اختي الفاضل على كل هذا التوضيح و حبيت نقلك بلي حنا ناس البليدة نستعملو النعناع اليابس بدل قشور الليمون وتجي روعة
باينة شربة وعلبها الكلام 👌👌👌👌لكن دخت في المقادير باش ندير كمية صغيرة دخت يا سى محمد
شهاتني ، حتا احنا في تلمسان نستخدمو هذيك الرحاية للحريرة تجي خير من الميكسور ، درت وصفة شربة فريك لي عندك فالقناة لي مقاديرها قليلة وخرجتلي بنينة تهبل ما شاء الله ، يعطيك الصحة شاف
الله يسلمك وتحية لناس تلمسان. بصحتكم الشريبة
مقادير للناس لمقلقة.كيلو سمن+ليترة ونص زيت صانڨوا.12كيلوا لحم.6كيلو بصل مقطع صغير.ملعقة اكل فلفل كحل في بداية كي يتقلاو مليح نزيدو 2زوج كيلوا طماطم مصبرة .الخضر 4كيلو جزر .10كيلو طماطم. 6كيلو قرعة نضيف ملح. التوابل للقدرة تاع لحم ولبصل فلفل عكري فلفل كحل قرفة كبابة رأس الحانو قصبر مرحي .قصبر ونعناع مقطع .فريك 3كيلوا و7 فلافل حارين ملخر .زاد كيلو طوماطيش مصبرة وخلاها طيب وزاد لحميصة طايبة 🤔وزاد عكري وقرفة 🙄عياني كي زاد قشور ليمون.نصيحة تزوجوا بلا عرس 🙄 بزااااف غالية لمعيشة
وكميه الما شحال
Hhhhh
عملتي مزيا شكرا هههه
ليمون لقتل كميت الزيوت....سمن وزيت لخروف وزيت سانڨو
ههههههه عندك الحق كامل هذا التعب والخسارة ومن بعد يزيدوك التمعيير والتشناف وخلينا من الڨاطو والطبق الثاني والسلاطة والحلو والمصاريف اللي ماتخلاصش ومن بعد تخرجي ماشي مليحة حلفت من غير خاوتي وخواتاتي وخاوة راجلي مانزيد حتى واحد واللي ما عجبوش الحال يقاطعني اصلا عييت منهم ههههههه الله المستعان
واوووو شربة باينة تهبل وخاصة كي ضفتلها لخضار
انا بنت الشرق بصح منحبش شربة فريك الله تغالب انا نحب لحريرة بصح بهادي الطريقة نتاعك عجبتني بزااااف 👏شكرا شاف واتمنى لك التوفيق والنجاح
بارك الله فيك شرح مفصل من فضلك أخي ديرولنا شربت 200شخص ربي يحفضك
يعطيك الصحه الشربه وعليها الكلام اتمنى لك كل التوفيق والنجاح اخي تستاهل كل خير
ياخويا ياخويا جبتها على قانيها وحقها والله غير حسيتها كيما لنطيبها في دارنا كامل يحبو شربة نتاعي حتى ادا كانت بجاج لكن ولادي متعجبهمش شربة نتاعي يحبو نتاع مانهم حتى بدية نفقد إتقانهامن كثرت ولادي يرفضوها ويعطيك الف عافيه 👍🏻👍🏻👍🏻👍🏻👍🏻
ربي يجازيك كل خير. ويحفظ الأسرة الكريمة
طريقة و شرح في قمة المستوى شخصيا شاهدت عدة فيديوهات لطريقة للشربة لكن وصفتك يا شاف احسن و الأجمل و الاروع و الله العظيم في قمة المستوى جيد جدا و بامتياز شكرا شكرا شكرا
بارك الله فيك شاف.ماشاء الله على الاخلاق و طريقة الشرح..
الله يجازيك ويكبر قناتك اولةمرة نشوف ساف يوري من قلبو قاع كي نسقسوهم على مقادير الاعراس مايعطولناش السر بارك الله فيك الاخ
الله يبارك عليك يرحم الكرش الي جابتك فعلا شاف بمعنى الكلمة ويوصل المعلومة بكل احترافية.
ربي يحفظك شكرا جزيلا على تعليقك. آمين يارب العالمين
من فضلك أعطينا مقادير قيس عاءلة وشكرا على كل المعلومات القيمة وكل الوصفات الجميلة نشالله تلقاها فدنيا ولأخرة ام سلسبيل الجزاءر
بارك الله فيك شكرا جزيلا على تعليقك. راه متوفر 2فيديو في القناة لكمية قليلة رابط الوصفة ua-cam.com/video/YO8e-MawkIo/v-deo.html
يعطيك الصحة شاف ان شاء الله ماتبخلش علينا بفيدواتك ان شاء الله في ميزان حسناتك
من الافضل القرفة حطها عود لأن المرحية تصبح الشربة لونها بني
Merci pour la recette bravo pour cette recette bien équilibré j'avais besoin cette quantité merci encore bonne continuation
اقسم بالله غير فنان الله يبارك ماشاء الله راني ساخفة على هذي الشربة والله العظيم 👏👏👏👏👏👏
ربي يجازيك كل خير شكرا جزيلا
@@cuisinemouhamedbenmoussa8232 انها الحقيقة ماشاء الله عليك شاف
الله يعطيك الصحة شرح مفصل ربي يبارك في صحتك إن شاء الله
فكرة رائعة وممتازة بإذن الله تجربة حتى بدون لحم 🤗 يعطيك العافيه والصحة شاف ربي يبارك فيك
دوما متألق ومبدع الشاف رقم 1في الجزائر وبدون منازع
ربي يجازيك كل خير أختي دائما اقرء تعليقاتك متأخرا. بارك الله فيك
@@cuisinemouhamedbenmoussa8232
السلام عليكم ورحمة الله وبركاته
لا عليك شاف المهم تكون بخير و أنا أيضا تعليقاتي متأخرة
كتبت لك تعليق بفيديو الڨريوش وفيه رأي لعلى وعسى يساعدك ...وربي يبارك فيك و يوفقك
دمت بخير أستاذي ✌️
@@cuisinemouhamedbenmoussa8232
السلام عليكم ورحمة الله وبركاته
اخي الفاضل يا استاذي كيف حالك إشتقنا لطلتلك علينا ولوصفاتك المميزة
أتمنى أن تكون وعاىلتك بخير وعافية حفظكم الله وبارك الله فيكم
ننتظر جديدك أستاذي الفاضل
بارك الله فيك شكرا جزيلا على سؤالك إن شاءالله الأسبوع القادم فيه وصفات جديدة
@@cuisinemouhamedbenmoussa8232
اولا الحمدلله أنك بخير وعافية أستاذي الفاضل وثانيا بإنتظار وصفاتك وطلتك علينا بفارغ الصبر...وكما يقال اهلا بالحامل والمحمول ...بارك الله فيك
شاف من فضلك كيفاش تعرف الفريك المليح من المدغول من اللون ولا عندك طريقة اخرى ..!! الشوربة ديالك تشهي 🙂😘
شكون في قلبو النية دري ابوني ربي يحقق واش في خاطور يارب
تعرفيها كتحطيها فلماء يولي يطلق كلاغ اخضر
مشاء الله يهبل اني نجربو لعائلتي صغير انا منحبش القرفةمنطيفهاش
علي قنوات الأخبار سمعنا أخطر الأسرار وعلمنا بسطوع نجمكم في عز النهار فأدركته جميع الأبصار ونال من العقول الإنبهار وهلكت قلوب الحاقدين بالنار وشعر معكم محبيكم بلذة الإنتصار فمبارك لكم ولأهل الدار فمجدكم قد تم توثيقه بإشهار
باينة شربة وعليها لكلام شميت ريحتها من الجي هه يعطيك الصحة شاف الله يعطيك ماتتمنا ديرنا فيديو مفصل على ليزيبيس تاع اللحم يعني اللحم مفور ولا لحم محمر علاجال بابا ياكل غير اللحم المفور ولا محمر وبابا هادا واش عندي في حياتي الله يخليك احسن شاف فالجزائر دايما فالقمة
بارك الله وربي يطول في عمر الاب الغالي بإذن الله ايام العيد راح نعملك وصفة بالحم محمر واذا قدرت نضيف وصفة تانية لحم مفور سلامي للاب الغالي
ربي يطول في عمره و يخليكم لبعضكم... طول العمر يا رب العالمين
يعطيك الصحة .اذا ممكن تقدمنا حلوة الجوزة وشكرا
بإذن الله بارك الله فيك
جربت شحال من وصفة من عندو والله ماشاء الله .ربي يجازيكم احسن الجزاء
آمين يارب العالمين بارك الله فيك
شربة فريك الحقيقية لا نضع لها الخضار ابدا هذه شربة اخرى ربما شربة خضار بالفريك
تستاهل الف لايك هذي شربة خرافية بسم الله ماشاء الله ربي يبارك لوكان فقط قولتلنا اللحم المستعمل غنمي واش من طرف خيرت ولي يوالم لشربة وهل الشربة تصلح بنوع اخر من اللحوم وشكرا
شكرا جزيلا على تعليقك. الغنمي. استعمل الاضلع مع الفخذ. كاين الي يستعملها بلحم البقر لكن الذوق مختلف
عمري ما سمعت بشربة فريك بالخضار في باتنة نديروها غير بالفريك
هاذي وصفة لمدرسة يعني أطفال راح ياكلوها يحتاجو لفيتامينات لي فالخضر
يعني دوك كامل نديرو كيما باتنه ولا كيفاه؟ انا ساعات نديرها الخضره وساعات لالا
لالا احنا الوسط نديرولها العاصمة والبليدة
Baraka Allahou fik ya maestro un vrai régal..un chef d'oeuvre de création.. merci bcp.. l'authentique chorba qui nous fait couler l'eau a la bouche..un must vraiment
الله ابارك
Il chef cuisinier normal
1سمن
زيت 1٫5
لحم 12
بصل 6
فلفل كحل ملعقة أكل
جزر 4
طماطم حب 10
قليشة. 6
ملح.
طماطم علب 3في الماء نص لتر
عكري 3ملاعق كبار
كبابة ربع ملعقة
فلفل اسود 1
قرفة 1
راس الحانوت 2
قصبره 2
نعناع ربطة
قصبر ربطة
ماء
فريك 3,5
حمص
عكري 2
قرفة 2
نعناع
قصبر
حار7
قشور الليمون. 4 حبات
500 إنسان
ماشاء الله شاف روعة شكر لك على الشرح والمعلومات القيمة
ربي اوفقك ويجعل كل اعملك في ميزان حسناتك
آمين يارب العالمين ربي يحفظك
الله يبارك باينة تشهي وطريقة الشرح ديالك روعة ربي يوفقك
ارجوك اريد كيفية طبخ شربة فريك ل 30 شخص والعيش 30 شخص والزيتون 30 شخص
روعة خدمتك اتقان وبنة ونية صافية الله يرزقك من أوسع أبوابه إن شاءالله
آمين يارب العالمين شكرا جزيلا
شوربة. فريك. لا. بعلو. عليها ابدا
رقم. الاول. في الاكلات و خاصة في
لمناسبات
ما نقدرش نستغنى عليها
احنا في قسنطينة منديروش الخضراوات ابدا و كذلك القرفة
المهابل المراركا القرفة في كلشي😂😂😂
حنا في الوسط و خاصتا العاصمين نديرو الخضرة و القرفة
تبارك الله عليك شوربة غزالة الله يعطيك الصحة 🌺👍
الله ينورك بارك الله فيك
ننه
اول مرة انشوف شربة فريك بالخظر . اظن بنتها اتجي بنينا لاكن تخالف مع شربة الفريك انتاع الشرق و الجنوب الجزائري. مليح الواحد يعرف اشياء جديدة. يعطيك الصحة شاف.
الله يسلمك شكرا جزيلا على تعليقك ومرحبا بك
يعطيك الصحة ..لكن هذي شربة نتاع الغرب جربتها خطرة بهاذ الطريقة بنينةولكن احنا في الشرق مانستعملوش الخضر والحمص في شربة الفريك وهايلة
الله ينورك شكرا على تعليقك
Merci chef pour ces explications. Bonne continuation 👍
الله ينورك شكرا جزيلا
ماشاء الله عليك شيف شوربة رائعة الله يعطيك الصحة عواشرك مبروكة 😋👌👍👍👍🌷
آمين يارب العالمين بارك الله فيك وعيدكم مبارك
زعم مليح
شربة. فريك واحد ما يقدر. بسنغنى عليه
انا. نطبها. مرة. في. سمانة. لازم ضروري
.
نموت عليها شوربة فريك و لا. اروع
من. الشرق. الجزاير. تحياتي لكم
و يعطيك الصحة. على كل ما تفدمو
من النصايح و
ربي يجازيك كل خير شكرا جزيلا على تعليقك
راني سيت الحريرة والله بنة عضيمة يعطيك الصحة شاف
لله لله ،
Cette recette de chorba frik annonçe la fête.
Chorba ta3 mketfa aussi ,me rappelant ma région natale Mostaganem.
Alors bon appétit 😋.
Bonne continuation pour la revivifi attention de notre patrimoine culinaire.
آمين يارب العالمين ربي يحفظك ويطول عمرك
ربي يوفقك ولا أروع تشهي يعطيك الصحة.
كي قالكم شربة تاع لعراس صح شربة تاع لعراس بنينة بنية بنية جربتها و جات تهبل تهبل و منهار درتها ولات تعجبني غير شربتي شربت ناس متعجبنيش هه
نفس طريقتي يعطيك الصحة وهذ الطريقة قليل لي يعتمدهامن الطباخين في الأعراس😌
بارك الله فيك شكرا جزيلا على تعليقك
باينة شربة تهبل يعطيك الصحة
Machallah alik vraiment rien à dire tooop du tooop bravo chef 👩🍳
الله ينورك شكرا جزيلا
العكري يتحل مع زيت يعطي وجه وبنة من الاول وجرب وشوف خاصه في شطاطح
الله يعطيك الصحة أخي تبان تشرح كلشي من قلبك الله يحفظك
آمين يارب العالمين. بارك الله فيك
الإبداع يتكلم 💯💗 عالعادة
الله ينورك شكرا جزيلا
يعطيك الصحه اول فيديو بالتفاصيل ومتملش منو حبيت نعرف القدره قداه تهز ماء وشكرا
اول مرة نشوف قناتك ماشاء الله شرح ولا ت اروع وحتى الشربة تهدر على روحها
انا درست طبخ لكن، الزواج والدراري بعدوني عن العمل حبيت ندخل مجال طبخ الاعراس الا ممكن تساعدني ادا ممكن مشكور مسبقا
شاف من فضلك كاين واحدة الشريك دارته بكري السيدة رزقي عجبتي بزاف كنت نديره بصح نسيته ممكن ديرنا وصفة الشريك القسنطيني. ويعطيك الصحة المزيد من التوفيق
بارك الله فيك على الشرح المفصل
و على هاذ المصداقية تفهم من قلبك بلى ما تبخل علينا في ابسط معلومة
تبارك الله، يعطيك الصحة شاف. من فضلك ممكن طريقة نزع كمية الزيت الزائدة من الشربة او المرق من فضلك و شكرا
واش نقلك بارك الله فيك شربة وعليها كلم 😍😍👋👋👋💚🤲💚🤲❤️😍
الله ينورك شكرا جزيلا
رمضان 2023 راح نجربها بطريقتك. شكرا على النصائح ❤
جربتيها والا مزال اعطينا نتيجة
@@selimlakhder991
جربتها جات هايلة ♥️
الاخوات لي قالو الشربة فريك مافيهاش خضار انا من الغرب وعشت في عدة ولايات في الشرق صراخة الشربة فريك لي مافيهاش خضار لا عطور ولا دبشة والله مانقدر ناكلها.
هاذي أحسن طريقة بالنسبة لي واللمسة الاخيرة خطيرة شاف برافو عليك. راح نحربها عحبتني الطريقة تاعك فيها لمسات رائعة
تبان بنينة صراحة نعرف الفريك من نظرة تاعه🎉🎉🎉🎉🎉🎉
ربي يجازيك كل خير والله يكتر من امثالك
يعطيك الصحة
ماشاء الله عليك شاف شهتني هدي الشربة يعطيك الصحة و الخير
آمين يارب العالمين بارك الله فيك
وين رااه المرق تاع الخضرة من الاحسن تمرق بيه كل البنة فيه.والله اعلم.
بارك الله فيك شرح ممتاز
رووعة طريقتك يعطيك الصحة خويا لكن أنا ضد النعناع لانه بالزاف مايحبوهش في الشوربة وايضا حطيت القرفة بكمية كبيرة!
سمحلي شاف بصح الشربة فريك ما يجوش فيها قع هاد التوابل يجي فيها الفلفل عكري القرفة و القسبر مرحي و الفلفل الأسود و الحشيش مقطفة ووريقات نعناع و لي يحب شوية كرافس فقط