لطمية شمسك تغيب مكتوبة | سيد عبد الامير العامري |ليلة 5 محرم 1440 | مسجد الموسوي الكبير
Вставка
- Опубліковано 1 лип 2024
- شمسك تغيب عمري صبحه يريدك
واليتم ليل والگمر چف ايدك
چان يضويلي بحنان بوية مسلم يا امان
والگمر چف ايدك
++++++++++++++++++++++++++++
ماهو وكت غروب وتغرب يا شمس
ليش تذبح باچر وتذبح امس
راح اوصفلك يبوي شگمت احس
چن خناجر سلبت ورود النفس
سيف الهموم شفرته بدلالي
ذبحته فراگ غالي وي الغالي
ما يلمهم فد مكان بوية مسلم يا امان
والگمر چف ايدك
+++++++++++++++++++++++++
كل حرف من اسمي صاير بيه جرح
چا حميدة تريدك وما اضن يصح
هالدهر وياي فت گلبي برمح
بوية مسلم عمر بنتك منذبح
وصلت اخبار عنك تهد حيلي
والهوى الهاب كلشي ظل يحجيلي
وانعگد مني اللسان بوية مسلم يا امان
والگمر چف ايدك
+++++++++++++++++++++++++++
بوية وصفولي شكثر عالي القصر
وانت من فوگه بذلت كل العمر
موتتك طف وعشت بيها اليسر
بالحبل جروك أو بان الغدر
چف الحسين صار هو حجابي
يمسح الراس شرح كل مصابي
واليتم بعيوني بان بوية مسلم يا امان
والگمر چف ايدك
+++++++++++++++++++++++++
مثل ذبح الطير دلالي ارتعش
خاف عمري يطول وسهام انفرش
چلمة يتيمة تفصلي نعش
هذا ماي اليروي كاتلني العطش
مرقدك وين ارد ازور الليلة
واحچي آلآم محنتي واشكيله
مايرد بيه الزمان بوية مسلم يا امان
والگمر چف ايدك
++++++++++++++++++++++++++++
بوية باچر من نجي الكوفة ونطب
والحبال بايدنا ورغم التعب
اركض واخذ ترب من الدرب
بلكي اشم عطر الدمه المنك تصب
اخذ تراب بيه اكحل عيوني
واطلب مراد بلكت يخلوني
كون اموت بهالمكان بوية مسلم يا امان
والگمر چف ايدك
+++++++++++++++++++++++++
#لطميات #لطميات_مكتوبة #مسجد_الموسوي #البصرة
كثرنه من قصائد السيد رحمه عله والديك❤
اللهم لا تحرمنا من هذه الحناجر التي تصدح بذكر محمد وآل محمد صلوات الله عليهم اللهم احفظ ساداتنا وموالينا وجميع المحبين
استمر❤❤