على راسي بابعد قلبي أبشر بالسعد لاكن الله يعلم بالظروف ياخوك أحياناً ما تخليك تنزل تجارب على طول والعمل ماخذ معظم الوقت لأكن أن شاء الله أي فرصه راح أحصلها راح أنزل تجربة جديدة وأشكرك على التحفيز الله لايحرمني لامنك ولا من باقي الأخوان لأن في النهاية رضا الناس غاية لاتدرك .
رغم ان ضغط المكينه على 3 وربع على سرعه 120 لاكن صرفيه ممتازه بس المشكله اذا سرعه الشارع 140 بيكون الضغط على 4 وهذا غير مريح صوت المكينه و حراره و ايضا يقلل عمر المحرك على المدى الطويل
كلامك مردود عليه كم اجمالي عدد لفات المكينه مسجل 8000 يعني أنت بالنصف تقريبا من اجمالي دوران المحرك سيارات الديزل دورانها اقل وبسرعة 140 الار بي ام عندهم اقل سيارات السباق والدبابات سرعة دورانها عاليه المساله ماهي كذا أنت عشان تخلي المكينه تشيل السياره او الدباب تخلي دوران المكينه مرتفع
@@najiharby7260 حياك الله ناجي والله مادري عن هاذي المعلومة لاكن وهي بقير التماتيك النمره كانت على الخامس والrpm مرتفع ما أعتقد لو حولتها على المانويل راح ينخفض الrpm
بكل أمانة ما قد شفت مقطع بهذا التفصيل حجم خزان الوقود حسبة دقيقة للصرفية وذكر ظروف القيادة كل الشكر والتقدير وبخصوص الديزاير شركة سوزوكي شركة يابانية عريقة ومعروفة بجودة والاعتمادية حتى شركة تويوتا مسوين شراكة مع سوزوكي تبادل منافع وما كانت شركة تويوتا بتسوي هالخطوة لو كانت سوزوكي شركة عادية لكن للاسف مر فترة ما توفقة سوزوكي بوكيل قوي لكن نقول ب اذن الله الوكيل الجديد نجيب اوتو يدعم العلامة لانها تستحق
يعطيك العافيه على التجربة المفيدة انا جربتها في المدينة بيت دوام مشاوير خفيفه بالرياض مشتني قرابة 600 كيلو خذت 36 لتر ب 84 ريال تقريباً بنزين 95 طبعاً المكيف شغال وبناءاً على تجربتك اعتقد تمشي اكثر خصوصاً انها وصلت معك الى 40 لتر علماً ان بطاقة الوقود عندي تقول انها تقطع 21.3 كم لكل لتر ولكن بعد التجربة الفعلية تبين بانها تقطع قرابة 17.2 كم لكل لتر وهذا الرقم يعتبر جيد جداً لسيارة مكينتها صغيرة وقيرها 5 نمر واعتقد لو كان cvt لكان من الممكن تتعدا 17.2 بالتجربة الفعلية وبالاخير شكراً لك مرة اخرى لمشاركة تجربتك المثرية بالمعلومات
@@HouRy-c8z القير حاله حال القيور الثانية اللهم لايوجد P يعني فقط R N D +- وفي نفس الوقت إذا جاء القير يعشق لحاله تحس نفسك كأنك تسوق قير عادي وتدوس كلتش يعني تعيش أحساس سواقة القير العادي .
جمالية التجربه انها ... واقعية..وليس على الورق...لكن لو انا مسؤول بالمواصفات والمقاييس..اقل مركبه من اي نوع...اقل اقل مواصفات يمكن قبول دخولها لدينا ..توصلك 1300 كلم...المصانع بخيلة وبعض التجار ابخل وانذل من المصانع..يبيعون المركبات الاساس... اعلى من سعر المواصفات الكاملة باضعاف...لدرجة يطلبون بدون مثبت سرعه..وبدون اكياس امان جانبيه ....وبجنوط حديد وطياس بلاستك...الا اذا تضررت المبيعات فيطلبون خزان كبير للتغطية على قبح الصناعة والصرفية العالية...الحل تحديث دفتر مواصفات القياسية لدينا...حزام الامان ليش مايكون فسفوري عاكس وملون..المواطن يحلف انه رابط الحزام والمرور يقول ماهو باين مع العباة ...الفرامل الداخلية وسط الهوب...يعني تفك الهوب لتغير الفحمات..!!!!.. لازالت لدينا رغم انها تراث في عالم السيارات... السفر داخل السعودية يحتاج وقود من 2000 الى 3000 كلم...ترتاح العوائل من انقطاع الوقود بالصحراء..ليش تنتثر المحطات في وسط الصحاري بسبب المواصفات التي تتركها للمصنع ...المركبات تباع لدينا باسعار جريمة وليست تجارة..تكدس خردة سيارات من كل العالم..من اوروبا الى الصين..بدون قطع...والمقابل مليارات من الاقتصاد الوطني وضغط على العمله بسبب ان الكل يتفرج..لابد من تغيير قيادات المسؤولين عن عالم المواصفات والتجارة ..واحضار قيادات مثل ماهو في امريكا واوربا تطلب مواصفات وامان وتحاسب المصنع والوكيل ..دفعنا قيمة هذا السكراب المتكدس الصيني والاوربي بوزنهن ذهب ولا استفدنا ولا وفرنا فلوسنا..
مشاء الله والله ابدعت الشركة ٧٧٠ كيلو تعتبر مو بطلع الا بنت شيوخ مشاء الله لو نقسم الممشى على خزان الوقود ٤١ لتر تطلع ١٨ كيلو لكل لتر والوكاله يقلون ٢١ يعني ثلاثه خسرتها لك لتر رقم جباااار مشاء الله
@@im.2jz أول ماجودت الدرب قلت أن أنفخت بطنها هبابها 550 كيلو لأن الRPM مرتفع لاكن الديزاير اللي صنعها خلاها تمشي حسب البركة ترقب الجديد أن شاء الله راح أنزل عنها مقطع إيجابيات وسلبيات السوزوكي ديزاير
شفت تجارب للاتراج واليارس في اليوتيوب ونفس العوامل ماشيين ١٢٠ ومشغلين المكيف وما يتعدو ال٦٠٠ كيلو وربي .. ماشاء الله الديزاير متفوقه عليهم بجداره يعني نفرض لو هديت الدعسه ومشيت بدون مكيف ٩٠٠ كيلو بالراحهه
ألف رحمة على أمواتك ياطيب الأصل والذات واسأل من الله العلي القدير في هاذه الليلة العظيمة وهي ليلة الجمعة بإن يجعلك في أعلى عليين وأن يجعلك من الطيبين الصالحين ألاهي الحق آمين ويرزقك من حيث لاتحتسب أنت وجميع المتابعين والله يقدرنا على فعل الخير أجمعين
يارجل الله يسعدك والله فكيت ازمه كنت احسبها ماهي صالحه للسفر بس طلعت ممتازه بس انا خايف من شغله ان ما اقدر اركب لها مثبت سرعه بس هل يركب عليها المثبت اولا وهل هي مريحه او لا وشكرا لك ❤
أشكرك عزيزي على مشاركتك لاكن المفروض اذا الوكالة تقول 39 لتر خل الوكالة أخفت لترين حكم للأمان وصارت الوكالة تقول 37 لتر لاكن يابعد قلبي الوكالة تقول 37 لتر والفعلي طلع 41.79 لتر الدعوة أطلعت 5 لترات وكسور هاذي الشغلة ماتنبلع من قبل الوكالة في النهاية الوكالة تحب تنام على جمب اللي يريحها .
جزاك الله خير على التنويه فعلاً كلامك سليم سيارة حق ذوي الدخل المحدود أقتصادية تفللها ب 90 ريال وتمشيك 773 كيلو فوق الممتاز بالنسبة لي لاشكرا على واجب أنا بخدمة الجميع وهاذا واجبي تجاه الناس الطيبه أمثالك .
تستاهل مليون لايك يا بوعبدالله ,امس شريت سوزوكي بالينو الفل جديدة بسعر 54 الف درهم اماراتي عسا الله يعطينا خيرها ويكفينا شرها فعلا سيارة جميلة واقتصادية
الأجابة طبعاً لا وبقوة السيارة في الطلوع والنزول تختلف صرفيتها كلياً لاكن الأفضل تبحث عن سيارة أقتصادية لجل حتى إذا كنت في عمان بالأردن تفيدك مثال بسيط :- إذا كان عندك عندك سيارة أقتصادية تمشيك 800 كيلو على طريق مستوي بنقول هاذي السيارة الأقتصادية راح تمشيك 500 كيلو في النزول والطلوع لاكن لمن تشتري لك سيارة غير أقتصادية تمشيك 450 كيلو في خط مستقيم راح تمشيك السيارة الغير أقتصادية 200 كيلو فقط وربِ يوفقك ويكتب لك الخير
عندى سوزوكى دايزاير 2021 عندما تكون محملة بالكامل يظهر استهلاكها 12او 13 لتر لكل 100ك سئلت بتوكيل قالولى اذا حملتها ومشيت على ١٢٠ يزيد استهلاكها هل هذا طبيعى ام انه عيب
ما شاء الله تبارك الرحمن انسان جدا مبدع واسأل الله ان يوفقك ونشوفك احد المشهورين الاوائل في هذا المجال ، بسببك اشتريت يارس 23 بعد ما شفت مقطعها عندك 🤝❤، واستفدت منك كثير ، واسأل الله ان يرزقك من واسع فضله😊
السلام عليكم ورحمة الله ي ابوعبدالله على علمي انو جرس الانزار م يشتغل إلا بعد المية وعشرين ومعروف إنو اي سيارة تتعداد سرعة 120 كم بتصرف بنزين مهما كانت نوعية السيارة يعني السيارة مفروض تكون ماشية اكتر من الواضح لنا من التجربة .مع خالص الاحترام والتقدير مني
لم أستخدمها إلا ايجار عند السفر من مطار المدينة الأخرى وجهتي الاستاندر جميع السيارات ونأخذ مهلوكة و في الغالب موديل أقل ب سنه عن الحالي ولم تحسب المصرفية أبد
تجربة جميلة ويعطيك العافيه لكن السيارات الاقتصاديه الصغيره لاتنفع في طريق السفر لانها غير اقتصاديه في السفر بسبب حجم محركها وضغط المكينه بيكون عالي على سرعة ١٢٠ مو معقوله والار بي ام الهواء على ٣
يعافيك ربي من كل مكروه وسوء يارب أتفق معاك بكل كلامك لاكن الديزاير عكست هاذا الكلام من خلال التجربة لمن أخذتها من مكتب التأجير قالوا لي وين بتروح عليها قلت لهم بسوي عليها تجربة صرفية بنزين من العاصمة الرياض إلى غاية المدينة المنورة قال لي الموظف الله يهداك ماحد يروح بسيارة صغيرة مثل ذي ويقطع مسافات طويلة أخذ لك سيارة كبيرة حجم مثل الكامري والمازدا والتورس وغيرها من الفئات الكبيرة الحجم ف أنا قلت له العزم مايل صوب الديزاير بعد ذالك فعلن أجرتها خليت السرعة 120 ولمن شفت عداد الضغط مرتفع فوق ال3 قلت في داخلي أن الديزاير ماراح تتعدى ال550 كيلو لو تحل وتطير ولسيما أن خزانها صغير لاكن ياخوك مثل ماشفت وشافت الناس أنا أنصدمت قبل ماتنصدمون السيارة جابت رقم قياسي وعدت الرقم ال550 كيلو اللي أنا كنت متوقع أنها أما والا تجيبه السيارة من الرياض وصلتني مشارف المدينة المنورة باقي بالضبط على وسط المدينة حول 20 كيلو ( السيارة هاذي عكست كل كلامنا والتجربة خير برهان ) ممكن أحد الأسباب اللي خلتها تجيب 773 كيلو أهي كالتالي :- 1/ عدم وجود هواء 2/ أنا في السيارة لحالي 3/ حرارة الجو الخارجية 24c أسمح لي على طول الكلام لاكن الله يعلم أن السيارة أذهلتني وأذهلت الجميع لا أنا ولا واحد من أفراد عائلتي عندنا سيارة من سوزوكي عشان أمدحها وهاذا أول مره أروح وأأجرها وأركب أسوقها لاكن السيارة فعلاً بطله موفق يابعدي لكل خير وأن شاء الله أن الفيديو نال على أعجابك أخوك الصغير بوعبدالله .
طبيعي يكون عدد لفات المحرك عالي عشان تشيل السيارة ولو كانت ستة غيار لابد تكون حاشرة ولكن استهلاك البنزين قليل 1.2 لتر وبينما سيارة حجم محركها 4000 ولفات مكينة اقل ممكن 2000لفة بالدقيقة ولكن تاخذ 4.0 لتر بنزين اتمنى أكون وفقت بايصال المعلومه كلما كبرت المكينة كان فيها تورك واعطتك لفات مكينة اقل ولكن بالمقابل المكينة تاخذ كمية بنزين والعكس كلما صغرت المكينة كان التورك اقل فيحشر القير ولفات مكينة اعلى ولكن تاخذ كمية بنزين اقل
من تجربه شخصيه الكمبيوتر اذا عبيت فل يعطيك كم ممكن يوصلك الفل الجديد استنادا على سواقتك السابقه …جرب تتحمل و تسوق زي الشايب الين تعبي الموتر وشف كم بتعطيك اذا عبيت فل
لاشكرا على واجب يبن الأجواد بالنسبة للمصداقية هاذا حق من حقوق المتابع اللي عطاني جزء من وكته وجا يتابعني السيارة أجار ولاحبيت أسوي فبها شي قلت أرجعها مثل ماهي عليه بعد التجربه
انا شفت بداية المقطع فقط وبكمل الباقي لاكن اخوي بو عبدالله اكبر غلط انك تقرب الجوال وانت تصور في فتحت التنكي وانت تصور مباشره لان في ذبذبات وغير سفتي نصيحها لاتعيدها اذا كنت مهتم بي السيفتي
أشكرك من أعماق قلبي وكلامك عين العقل لاكن الله يعلم قربت لجل يوضح التصوير أن التعبية فعلاً للنهاية فل الفل وليس مجرد كلام عين اللي تشوف غير أذن اللي تسمع وكل اللي سويته لجل المصداقية خبرك المتابع والمشاهد يبحث عن أدق التفاصيل .
قريت كل التعليقات وماشاءالله عليك اخوي ترد على الجميع عندي سؤال لاهنت وانت ماسك خط الفيديو كنت اسمع صوت شارع والطريق حسيت مزعج انت يوم مسكت خط اتعبك المشوار هل كان العزل الصوت ضعيف جدا ؟ هل تسمع المكينة ومزعجه ؟ اعرف ان المقطع من سنة لكن اتمنى تفيدني الله يسعدك وانصحك تكمل في ابداعك وانا متاكد بنجاحك الكبيير باذن االله
أهلن بك ياغالي بالنسبة أن صوت الخط واضح لأن أنا أصور من دون مايك بالنسبة لعزلها في الخط اللي في فئتها مش أحسن منها ولاتنسئ أنها أصغر السيارات الموجودة أهي والi10 والأتراج ف ذني السيارات لاتعتقد أنهم بيجون لك عزل خرافي بالنسبة لصوت المكينة أي نعم نوعاً ما تسمعه يكفي عداد الضغط مرتفع بالتالي هي صنعت للبلد ومايمنع أنك تسافر عليها إذا ماعندك سيارة غيرها ونصيحتي لك أنك تستأجرها وتجربها وأنت بعدها أحكم بنفسك لجل لمن تشتريها تكون مقتنع فيها أي سؤال ثاني أني بخدمتك
يعافيك ربي الله مير يسلمك بالنسبة للأختصار ياخوك أقل من كذا ماتقدر كمتابع تاخذ التفاصيل من أولها ناس كثيره جاز لها التفاصيل الممله وبالنسبة للتجارب على سيارة آخرى نخليها على حسب التاهيل والظروف مشكور على كل شي .
حياك الله يارامي كلامك مدوزن لاكن مش كل الناس مثل حضرت جنابك يحب الأختصار معظم الناس اللي شافت الفيديو جاز لها المقطع لأنه دقيق التفاصيل والمشاهد يحس نفسه أن راكب جمب السواق أثناء التجربة ولو بسوي الشي بختصار ماحد راح يستفيد ياكثرهم اللي في اليوتيوب موجودين ومسين تجارب بالأختصار وراح اعطيك مثال بسيط لو أنا مسوي الفيديو مختصر في 4 دقايق چان أنت أول الناس اللي ماصدقوا أن السيارة قطعت 773 كيلو وچان أنت أول الناس اللي قالوا يابوعبدالله أكيد ألسيارة مامشتك هالممشى الا لإنك ياتمشي 80 على الخط أو أنك محول تدفها دفاف لاكن ذا الحين يوم اللي كل شي مفصل تفصيل ماحد يقدر يقول ثلث الثلاثه كم تقبل مروري يابعدي وأعذرني على الأطاله لأنك أنت تحب الأختصار وتحب خير الكلام ماقل ودل .
@@bouabdullah8824 المعذره منك اذا كلامي ضايقك بس وش مصلوحك تكذب بممشى السياره بالبنزين لو يعني صورت اثناء التعبيه وصورت ممشى السياره وبعدها ثبت الكام تصوير سريع الى ان تولع اللمبه وتصور كم مشت كان افضل بكثير فالنهاية قناتك ومحتواك والله يوفقك وهذا نقد بناء ياليت تتقبله بصدر رحب والله ييسر امرك ♥️
احسنت، فيديو ممتاز ، جزاك الله خير ، ما فيش احسن من السوزوكي في استهلاك الوقود ، لو مسافر بسرعة ١٠٠ كم /ساعة كنت و صلت وسط المدينه و عملت كام مشوار داخلها ، ما شاء الله
@@saadmamdoh7789 الله أعلم لاكن لنفترض أن السيارتين نفس الصرفية صوتي راح يكون للسوزوكي ديزاير لأن قيرها مش cvt وجابت الأرقام وعادلت الأتراج اما الأتراج لو جابت أرقام الديزاير وتعادلت معها ماراح يكون لها فخر لأن قيرها في الأصل cvt والمعروف أن قير الcvt موفر للوقود مثال بسيط / الديزاير على سرعة 120 أقطعت مسافة 773 كيلو هل الأتراج على سرعة 120 راح تقطع مسافة 900 كيلو ؟؟ بالنسبة لي أنا ما أعتقد أن الأتراج راح تقطع 900 كيلو . أتمنى أوضحت الصورة ووصلت الفكرة لك ياغالي موفق أن شاء الله .
@@saadmamdoh7789 افضل بكثير كانت عندي اتراج ٢٠٢٢ تمشيني داخل المدينة داخل المدينة وخط وبنفس نمط القيادة من ٤٨٠-٥٠٠ الديزاير ممشاها تجاوز ال ٦٥٠ كيلو حتى ولو داخل مدينة فقط ! ماشاءالله
@@r511_3 صادق لكن إذا طبيت في واحد هطف وما يفهم أكيد بيعدم لك الدنيا بالنسبة لي أنا مركب على هونداي أكسنت 2016 من فتره والحمدلله كل شيء تمام بدون تجريح أسلاك ولعب في الظفيرة فقط ركبت القطع الناقصة وتم برمجتها مع كمبيوتر السيارة ولمبات المثبت تظهر معي على الطبلون يعني شغل وكالة
قسم بالله هذا أفضل فيديوا تفصيلى وبكل دقة في استهلاك بانزين لأي سيارة
والله يابو عبدالله انت بطل 👍👌
تسلم يافهد
هاذا من ذوقك
والجاي أفضل لاكن على حسب الظروف والتساهيل .
الله يوفقك يابو عبدالله واضح انك انسان طيب وابن حلال وتجاربك مفيدة جداً أخوك سلطان الحارثي
تسلم يابعد راسي
وأنت كذالك بن حلال
وتشرفت فيك أخوي سلطان
على راسي أنت وكل بني حارث
وأن شاء الله أكون بخدمتكم جميعاً .
والله اول مرا اشوف مقطع تجربه بالتفاصيل ذي كلها ماشاءالله تبارك الله، الله يجزاك خير 👏🏻❤️
بخدمتكم عزيزي
حقك وابسط حقوقك كمشاهد ومتابع .
ممتاز يابو عبدالله ، واصل في تجارب السيارات ، وبيكون لك متابعين كثير ان شاء الله ، لان فكرتك جديدة وشيقة ولها جمهور متعطش لمثل هذي التجارب .
على راسي بابعد قلبي
أبشر بالسعد
لاكن الله يعلم بالظروف ياخوك
أحياناً ما تخليك تنزل تجارب على طول
والعمل ماخذ معظم الوقت
لأكن أن شاء الله أي فرصه راح أحصلها راح أنزل تجربة جديدة
وأشكرك على التحفيز
الله لايحرمني لامنك ولا من باقي الأخوان
لأن في النهاية رضا الناس غاية لاتدرك .
معلومه دينية بسيطة؛عند قراءة آية الكرسي
بعد كل صلاة يصبح بينك و بين الجنه الموت
فقط " لا تكتم علماً تجزئ به ".
👍
رغم ان ضغط المكينه على 3 وربع على سرعه 120 لاكن صرفيه ممتازه بس المشكله اذا سرعه الشارع 140 بيكون الضغط على 4 وهذا غير مريح صوت المكينه و حراره و ايضا يقلل عمر المحرك على المدى الطويل
كلامك سليم وعين العقل
الله يحفظك من كل سوء ومكروه
@@bouabdullah8824 والله تجاربك الي عين العقل ماشاءالله عليك استمر ما شفت تجارب بهذي الدقه 👍🏻
@@abdullahas8845
خادمك يابعدي
كلامك مردود عليه كم اجمالي عدد لفات المكينه مسجل 8000
يعني أنت بالنصف تقريبا من اجمالي دوران المحرك
سيارات الديزل دورانها اقل وبسرعة 140 الار بي ام عندهم اقل
سيارات السباق والدبابات سرعة دورانها عاليه
المساله ماهي كذا أنت عشان تخلي المكينه تشيل السياره او الدباب تخلي دوران المكينه مرتفع
مشاء لله عليك ابدعت
صراحه ودي انك تجرب سيارات اكثر مثل اليارس والاكسنت والصني
بالخدمة يامشعل
لاكن ياخوك الظروف مش على طول تسمح
لو حولت القير الى المانول و اعطيت التعشيق للخامس و انت بسرعة 120 اعتقد ينزل الار بي ام و يسير 2.5 و تسير تمشيك فعليا 21 لكل لتر
@@najiharby7260
حياك الله ناجي
والله مادري عن هاذي المعلومة
لاكن وهي بقير التماتيك النمره كانت على الخامس
والrpm مرتفع
ما أعتقد لو حولتها على المانويل راح ينخفض الrpm
مشكور ابو عبدالله ع التجربة الجميلة و حسن التغطية
الصراحة السيارة كبرت بعيني❤
لاشكرا على واجب عزيزي
بخدمتكم
بكل أمانة ما قد شفت مقطع بهذا التفصيل حجم خزان الوقود حسبة دقيقة للصرفية وذكر ظروف القيادة كل الشكر والتقدير وبخصوص الديزاير شركة سوزوكي شركة يابانية عريقة ومعروفة بجودة والاعتمادية حتى شركة تويوتا مسوين شراكة مع سوزوكي تبادل منافع وما كانت شركة تويوتا بتسوي هالخطوة لو كانت سوزوكي شركة عادية لكن للاسف مر فترة ما توفقة سوزوكي بوكيل قوي لكن نقول ب اذن الله الوكيل الجديد نجيب اوتو يدعم العلامة لانها تستحق
لاشكرا على واجب
أن شاء الله نكون دوم الدوم بخدمتكم
يعطيك العافيه على التجربة المفيدة
انا جربتها في المدينة بيت دوام مشاوير خفيفه بالرياض مشتني قرابة 600 كيلو خذت 36 لتر ب 84 ريال تقريباً بنزين 95 طبعاً المكيف شغال
وبناءاً على تجربتك اعتقد تمشي اكثر خصوصاً انها وصلت معك الى 40 لتر علماً ان بطاقة الوقود عندي تقول انها تقطع 21.3 كم لكل لتر ولكن بعد التجربة الفعلية تبين بانها تقطع قرابة 17.2 كم لكل لتر وهذا الرقم يعتبر جيد جداً لسيارة مكينتها صغيرة وقيرها 5 نمر واعتقد لو كان cvt لكان من الممكن تتعدا 17.2 بالتجربة الفعلية
وبالاخير شكراً لك مرة اخرى لمشاركة تجربتك المثرية بالمعلومات
لاشكرا على واجب ياعزيزي
وأنا بخدمتكم ربِ يحفظك من كل شر .
20:50 خلاصة الفيديو
👍
صرفيه بطله صراحه كيف لو عبيت احمر توصلك اكثر من كذا
@@شذىالورد-ف8ب
كل شي جايز
تجربة جميل وفعلا استفدنا من المقطع وسيارة جدا اقتصادية
👍
ماشاء الله طيب اشرح القير حقها!
@@HouRy-c8z
القير حاله حال القيور الثانية
اللهم لايوجد P
يعني فقط
R
N
D +-
وفي نفس الوقت إذا جاء القير يعشق لحاله
تحس نفسك كأنك تسوق قير عادي وتدوس كلتش
يعني تعيش أحساس سواقة القير العادي .
تجربه بذمه وضمير يعطيك العافييه
يعافيك ربي
بخدمتكم أن شاء الله
جمالية التجربه انها ... واقعية..وليس على الورق...لكن لو انا مسؤول بالمواصفات والمقاييس..اقل مركبه من اي نوع...اقل اقل مواصفات يمكن قبول دخولها لدينا ..توصلك 1300 كلم...المصانع بخيلة وبعض التجار ابخل وانذل من المصانع..يبيعون المركبات الاساس... اعلى من سعر المواصفات الكاملة باضعاف...لدرجة يطلبون بدون مثبت سرعه..وبدون اكياس امان جانبيه ....وبجنوط حديد وطياس بلاستك...الا اذا تضررت المبيعات فيطلبون خزان كبير للتغطية على قبح الصناعة والصرفية العالية...الحل تحديث دفتر مواصفات القياسية لدينا...حزام الامان ليش مايكون فسفوري عاكس وملون..المواطن يحلف انه رابط الحزام والمرور يقول ماهو باين مع العباة ...الفرامل الداخلية وسط الهوب...يعني تفك الهوب لتغير الفحمات..!!!!.. لازالت لدينا رغم انها تراث في عالم السيارات... السفر داخل السعودية يحتاج وقود من 2000 الى 3000 كلم...ترتاح العوائل من انقطاع الوقود بالصحراء..ليش تنتثر المحطات في وسط الصحاري بسبب المواصفات التي تتركها للمصنع ...المركبات تباع لدينا باسعار جريمة وليست تجارة..تكدس خردة سيارات من كل العالم..من اوروبا الى الصين..بدون قطع...والمقابل مليارات من الاقتصاد الوطني وضغط على العمله بسبب ان الكل يتفرج..لابد من تغيير قيادات المسؤولين عن عالم المواصفات والتجارة ..واحضار قيادات مثل ماهو في امريكا واوربا تطلب مواصفات وامان وتحاسب المصنع والوكيل ..دفعنا قيمة هذا السكراب المتكدس الصيني والاوربي بوزنهن ذهب ولا استفدنا ولا وفرنا فلوسنا..
السلام عليكم ابوعبدالله كم اجار السياره باليوم وشكرا
@@نايفعبدالله-م6ك
وعليكم السلام أخوي نايف
أجار السيارة باليوم 145 ريال
تقريباً 300 كيلو .
@@pilotfree1 وياقل فودك
صوت الجرس مزعج مره
أحسن من غيره
مشاء الله والله ابدعت الشركة ٧٧٠ كيلو تعتبر مو بطلع الا بنت شيوخ مشاء الله لو نقسم الممشى على خزان الوقود ٤١ لتر تطلع ١٨ كيلو لكل لتر والوكاله يقلون ٢١ يعني ثلاثه خسرتها لك لتر رقم جباااار مشاء الله
أهي جباره جباره
الموتر مسكت وأنا أرفع له القبعه الصراحة أذهلني
@@bouabdullah8824 انا اكثر منك ماكنت متوقع ابدا
@@im.2jz أول ماجودت الدرب قلت أن أنفخت بطنها هبابها
550 كيلو
لأن الRPM مرتفع
لاكن الديزاير اللي صنعها خلاها تمشي حسب البركة
ترقب الجديد
أن شاء الله راح أنزل عنها
مقطع إيجابيات وسلبيات السوزوكي ديزاير
سزوكي ديزاير من 2018 الشركة ابدعو فيها ماشاء الله تبارك الله
الكامري كسرت الرقم اللي موجود على بطاقة الصرفيه
وين غايب
@@احمدعلي-ط9ن1ذ
في أرض الله الواسعه .
شفت تجارب للاتراج واليارس في اليوتيوب ونفس العوامل ماشيين ١٢٠ ومشغلين المكيف وما يتعدو ال٦٠٠ كيلو وربي .. ماشاء الله الديزاير متفوقه عليهم بجداره يعني نفرض لو هديت الدعسه ومشيت بدون مكيف ٩٠٠ كيلو بالراحهه
الموتر بطل
وكل السيارات فيها الخير والبركة
ب العكس مع المكيف توفر شي بسيط افضل من فتح الدرايش لان بتكون فيه انسيابيه اذا مقفله واذا مفتوحه بتكون فيه مقاومه وبكذا تصرف اكثر وفيه تجربه ع ذالك
كلامك سليم
وأنا أتفق معاك
الديزاير افضل منهم
@@ahhhahhh2580بالشتاء ماتحتاج مكيف ولا تفتح شبابيك مو كل اجوائنا صيف
اسال الله لك في كل متر قطعته الف حسنه
فانه ذو لفضل العظيم وان يجعلك من اهل الله وخاصته ويرزقك من حيث لا تحتسب على الانجاز العظيم لخدمت الناس
ألف رحمة على أمواتك ياطيب الأصل والذات
واسأل من الله العلي القدير في هاذه الليلة العظيمة وهي ليلة الجمعة بإن يجعلك في أعلى عليين وأن يجعلك من الطيبين الصالحين ألاهي الحق آمين
ويرزقك من حيث لاتحتسب
أنت وجميع المتابعين
والله يقدرنا على فعل الخير أجمعين
شكراً على الفيديو الواضح والصريح .. وبصراحة ما توقعتها تمشي كل هذي المسافة .. ما شاء الله
لاشكرا على واجب
في الخدمة ياعزيزي
يارجل الله يسعدك والله فكيت ازمه كنت احسبها ماهي صالحه للسفر بس طلعت ممتازه بس انا خايف من شغله ان ما اقدر اركب لها مثبت سرعه بس هل يركب عليها المثبت اولا وهل هي مريحه او لا وشكرا لك ❤
يسعدك ربي يالغالي
ولاشكرا على واجب
بالنسبة للمثبت والله مادري .
للمعلوميه اخوي
الوكاله ماتكتب السعه الكامل لان لازم تخلي لتر للهوا
من باب الامان
أشكرك عزيزي على مشاركتك
لاكن المفروض اذا الوكالة تقول 39 لتر خل الوكالة أخفت لترين حكم للأمان وصارت الوكالة تقول 37 لتر
لاكن يابعد قلبي
الوكالة تقول 37 لتر والفعلي طلع 41.79 لتر
الدعوة أطلعت 5 لترات وكسور هاذي الشغلة ماتنبلع من قبل الوكالة
في النهاية الوكالة تحب تنام على جمب اللي يريحها .
كيف افصل صوت منبه السرعه
يفداك الكذب مادري عنه
لاكنه مزعج
@@bouabdullah8824 سمعت انه يروح بي البرمجه الكنبيوتر
@@m.17rt
يمكن ليش لا يامحمد
@@bouabdullah8824 انا اشوف لو تجرب تبرمج السياره عشان الصوت واذا ضبط نزل مقطع لان اشوف اغلب الملاك يعانون منه بشده 🤍👍🏻
@@m.17rt
السيارة اجار
ماهي لي
تسلم يابوعبدالله الله يجزاك خير ومجهودك على رؤوسنا وانا اخوك وكلمة شكرا قليله بحقك
سلمت من كل شر ياغالي
يسلم راسك
لاشكرا على واجب
سيارة بهذا السعر وتفلل ب ٩٠ ريال و تمشي ٧٠٠ كيلو ؟؟؟؟؟؟؟
هاذي سيارة أحلام كل ذو دخل محدود
وشكرا يا صاحب القناة على التجربة المفيدة 👍🏻
جزاك الله خير على التنويه
فعلاً كلامك سليم
سيارة حق ذوي الدخل المحدود
أقتصادية تفللها ب 90 ريال
وتمشيك 773 كيلو فوق الممتاز
بالنسبة لي لاشكرا على واجب
أنا بخدمة الجميع وهاذا واجبي تجاه الناس الطيبه أمثالك .
من يصدق يفلل ب٩٠ ريال 😭😹 زمان ع وقت الملك عبدالله الله يرحمه كان ال٩٠ ريال تعيشك ملك لمدة أسبوعين
الله يرحم الملك عبدالله
تستاهل مليون لايك يا بوعبدالله ,امس شريت سوزوكي بالينو الفل جديدة بسعر 54 الف درهم اماراتي عسا الله يعطينا خيرها ويكفينا شرها فعلا سيارة جميلة واقتصادية
تستاهل الطيب كله يابعد قلبي
ربِ يعطيك خيرها ويكفيك شرها
موفق أن شاء الله
مشكور على التجربة بارك الله فيك على الإحترافية في التغطية أخوك من الجزائر
لاشكرا على واجب
على راسي أهل الجزائر
اجل توصلك
الرياض الى المدينة
فل بنزين
بدون مكيف.
تقدر تقول
اخي هل تعتقد نفس صرفية البانزين اذا تمشي بعمان الاردن بلد في طلوع ونزول؟؟
الأجابة طبعاً لا وبقوة
السيارة في الطلوع والنزول تختلف صرفيتها كلياً
لاكن الأفضل تبحث عن سيارة أقتصادية لجل حتى إذا كنت في عمان بالأردن تفيدك
مثال بسيط :-
إذا كان عندك عندك سيارة أقتصادية تمشيك 800 كيلو على طريق مستوي
بنقول هاذي السيارة الأقتصادية راح تمشيك 500 كيلو في النزول والطلوع
لاكن لمن تشتري لك سيارة غير أقتصادية تمشيك 450 كيلو في خط مستقيم
راح تمشيك السيارة الغير أقتصادية 200 كيلو فقط
وربِ يوفقك ويكتب لك الخير
طبعة الزيت جديد وكل شيء سليم بتفرق لو كانت الكفرات قديمة وزيوت
👍
ماشاء الله تبارك الله عليك يبو عبدالله فيديو ممتع ودقيق جزآك الله خير ( لهجة الاحساء اللذيذة😅) ❤
بخدمتكم اخوي يحيى
صوت تنبيه السرعه مزعج هل يكون شغال على طول ولا بس تنبيه
شغال على طول
بس يوصل المؤشر 120 يشتغل الجرس حق التنبيه
شغل لك أي شي على المسجل عشان ماتسمع الصوت
والا وده لك أي محل ويطفونه .
عندى سوزوكى دايزاير 2021 عندما تكون محملة بالكامل يظهر استهلاكها 12او 13 لتر لكل 100ك سئلت بتوكيل قالولى اذا حملتها ومشيت على ١٢٠ يزيد استهلاكها هل هذا طبيعى ام انه عيب
العلم عند الله
اما هاذي التجربة من دون حمل
تسلم المقطع متعوب عليه جداً بكل التفاصيل تستحق الشكر والثناء على جهدك الله يوفقك ، لايك واشتراك وهذا اقل شي نقدمه لك ❤
@@0707WWE
سلمت من كل شر يازهير
لاشكرا على واجب
بخدمتك ربِ يحفظك .
الديزاير في المدينة تمشي اكثر من السفر ، داخل المدينة تمشي ٦٧٠ كيلو لحد ماتولع اشارة البانزين ، سيارة اقتصادية بشكل فضيع
👍
يعطيك العافية اخوي جهد تشكر عليه
سياره سوزوكي بطله جداا 👍👍
@@qassimunaizah6889
يعافيك ربِ أخوي قاسم
أي نعم أتفق معك جداً بطلة الديزاير
ممكن تجرب صرفيه سوزوكي بالينو ٢٠٢٤ ؟ 😊🫶🏻
بس تتوفر دراهم وأبشر بسعدك
ما شاء الله تبارك الرحمن
انسان جدا مبدع واسأل الله ان يوفقك ونشوفك احد المشهورين الاوائل في هذا المجال ، بسببك اشتريت يارس 23 بعد ما شفت مقطعها عندك 🤝❤، واستفدت منك كثير ، واسأل الله ان يرزقك من واسع فضله😊
تسلم يابعد قلبي
والله يطرح لك البركة فيها يارب ياكريم
وأن شاء الله أقدر أفيد الجميع وأسعدهم وأكون بخدمتهم
الله يحفظك من كل شر أخ كريمو
@@bouabdullah8824
امين يارب ويبارك فيك ويسعدك
ويحفظك وجميع المسلمين
وجزاك الله خير على مجهوداتك والله يعطيك الصحة والعافية 🤲❤👏
اللَّهمَّ أنتَ ربِّي لا إلهَ إلَّا أنتَ خلقتَني وأنا عبدُكَ وأنا على عهدِكَ ووعدِكَ ما استطعتُ أعوذُ بكَ من شرِّ ما صنعتُ أبوءُ لكَ بنعمتِكَ عليَّ وأبوءُ لكَ بذنبي فاغفِر لي فإنَّهُ لا يغفرُ الذُّنوبَ إلَّا أنتَ :فإن قالها حينَ يصبحُ موقنًا بها فماتَ دخلَ الجنَّةَ وإن قالها حينَ يمسي موقِنًا بها دخلَ الجنَّةَ”.
جزاك الله خير أخوي سامي
لا تتابع اي شخص غير ابو عبدالله جعل من خلفوك بالجنة اتمنى تفتح حساب في السناب وتنشره عند اي اعلان للمتابعة
ربي يجزاك الخير ويكثر من أمثالك يبن الأجواد .
جهد مشكور بعضهم يقول الديزاير ضعيفة المكينة حسب الاخبار فيه قير دبل كلتش يعني قير عادي تروس الملتش هو فيه نظام والتعشيق وهذا افضل من قير سي في تي
كلن وجهة نظره
ناس تفضل قير الcvt لجل الأقتصاد في الوقود
وناس تفضل هاذا القير لجل الأعتمادية وقوة التحمل
صراحة تجربة ولا اروع وتفصيلية وبالعكس ماحسيت حتى بالوقت معاك بالفيديو اتمنالك التوفيق 🇸🇦🇸🇦🇮🇶🇮🇶
على راسي يبن صادق
وأنا بخدمتكم أخوي حيدر .
@@bouabdullah8824 يسلم راسك ياطيب
السلام عليكم
انت من دومة الجندل
وعليكم السلام
لا
بس على راسي أهل دومة الجندل
سؤال يا اخويا بعد اذنك
في الفيديو يقول السيارة مصنعة في الهند
هل تفرق عن خامات و جودة اليابان و لا نفسها
والله في ذي يفداك الكذب
لاكن بالنسبة لي شخصياً الخامات لاهز ولا لز
لأن بالنهاية سيارة في ذا الحجم ماراح يحطون خامات بذيك الجودة
ماشاء الله سيارة ممتازة
ومجهود جبار من حضرتك شكرا جزيلا
لاشكرا على واجب أخوي محمد
وأنا في خدمة الجميع .
(ومَاكان الله مُعذّبهُـم وهُم يسْتغفِرُون) -أستغفرالله العظيم وأتوب إليه🤍
خير ماقلت
اللهم صل وسلم وبارك على نبينا وحبيبنا محمد وعلى آله وصحبه أجمعين إلى يوم الدين،،،،،،
خير ماقلت
تجربة واقعية وفاعله
بخدمتكم يبن كعبي
كلها قطة أيام وترقب الجديد من غير تقديم على الله .
السلام عليكم ورحمة الله ي ابوعبدالله على علمي انو جرس الانزار م يشتغل إلا بعد المية وعشرين ومعروف إنو اي سيارة تتعداد سرعة 120 كم بتصرف بنزين مهما كانت نوعية السيارة يعني السيارة مفروض تكون ماشية اكتر من الواضح لنا من التجربة .مع خالص الاحترام والتقدير مني
وعليكم السلام والرحمة والأكرام
حياك الله أخوي حاتم
ياليت توضح لي أكثر عشان تبان الصورة وأعرف أجاوبك
لأني للأن ياخوك مافهمت المقصود .
لم أستخدمها إلا ايجار عند السفر من مطار المدينة الأخرى وجهتي
الاستاندر جميع السيارات ونأخذ مهلوكة و في الغالب موديل أقل ب سنه عن الحالي
ولم تحسب المصرفية أبد
الله المستعان ويعينك
كان بالامكان قطع مسافة اكبر بنفس البنزين لو كانت السرعة ١٠٠ بدل ١٢٠
👍
جزاك الله خير
وأنت كذالك
بخدمتك ربِ يحفظك من كل شر
وكل عام وأنت بألف خير وصحة وسلامة
الله يعطيك العافيه يابوعبدالله السياره ذي فخمه بشكل مبسط ليت فيها مثبت جد افكر اخذ وحده
يعافيك ربِ أخوي مجيد علي
الحمد للّه رب العالمين على السلامة وزيارة مقبولة أن شاء اللّه تعالى موفقين بحق محمد وآل محمد وترجع بالسلامة ودمتم سالمين برعاية اللّه وحفظه والعائلة الكريمة وسلامي للجميع
الله يسلمك من كل شر يارب
منا ومنك يتقبل الله .
بارك الله فيكم .. تجربة رحلة مفيدة أسأل الله لك التوفيق والسداد.
جزاك الله خير ياغالي
تجربة جميلة ويعطيك العافيه لكن السيارات الاقتصاديه الصغيره لاتنفع في طريق السفر لانها غير اقتصاديه في السفر بسبب حجم محركها وضغط المكينه بيكون عالي على سرعة ١٢٠ مو معقوله والار بي ام الهواء على ٣
يعافيك ربي من كل مكروه وسوء يارب
أتفق معاك بكل كلامك
لاكن الديزاير عكست هاذا الكلام من خلال التجربة
لمن أخذتها من مكتب التأجير قالوا لي وين بتروح عليها قلت لهم بسوي عليها تجربة صرفية بنزين من العاصمة الرياض إلى غاية المدينة المنورة
قال لي الموظف الله يهداك ماحد يروح بسيارة صغيرة مثل ذي ويقطع مسافات طويلة أخذ لك سيارة كبيرة حجم مثل الكامري والمازدا والتورس وغيرها من الفئات الكبيرة الحجم ف أنا قلت له العزم مايل صوب الديزاير بعد ذالك فعلن أجرتها
خليت السرعة 120
ولمن شفت عداد الضغط مرتفع فوق ال3 قلت في داخلي أن الديزاير ماراح تتعدى ال550 كيلو لو تحل وتطير ولسيما أن خزانها صغير
لاكن ياخوك مثل ماشفت وشافت الناس أنا أنصدمت قبل ماتنصدمون السيارة جابت رقم قياسي وعدت الرقم ال550 كيلو اللي أنا كنت متوقع أنها أما والا تجيبه
السيارة من الرياض وصلتني مشارف المدينة المنورة باقي بالضبط على وسط المدينة حول 20 كيلو
( السيارة هاذي عكست كل كلامنا والتجربة خير برهان )
ممكن أحد الأسباب اللي خلتها تجيب 773 كيلو أهي كالتالي :-
1/ عدم وجود هواء
2/ أنا في السيارة لحالي
3/ حرارة الجو الخارجية 24c
أسمح لي على طول الكلام
لاكن الله يعلم أن السيارة أذهلتني وأذهلت الجميع
لا أنا ولا واحد من أفراد عائلتي عندنا سيارة من سوزوكي عشان أمدحها
وهاذا أول مره أروح وأأجرها وأركب أسوقها
لاكن السيارة فعلاً بطله
موفق يابعدي لكل خير
وأن شاء الله أن الفيديو نال على أعجابك
أخوك الصغير بوعبدالله .
@@bouabdullah8824 فعلا انت تجربتك كانت جميله صادق في كل شي قلته شكرا لك 🌷
@@kahlied1123
لاشكرا على واجب عزيزي
ومشكور يالغالي على حسن كلامك وملاطفتك
موفق يابعدي .
طبيعي يكون عدد لفات المحرك عالي عشان تشيل السيارة
ولو كانت ستة غيار لابد تكون حاشرة
ولكن استهلاك البنزين قليل 1.2 لتر
وبينما سيارة حجم محركها 4000
ولفات مكينة اقل ممكن 2000لفة بالدقيقة
ولكن تاخذ 4.0 لتر بنزين
اتمنى أكون وفقت بايصال المعلومه
كلما كبرت المكينة كان فيها تورك واعطتك لفات مكينة اقل ولكن بالمقابل المكينة تاخذ كمية بنزين
والعكس كلما صغرت المكينة كان التورك اقل فيحشر القير ولفات مكينة اعلى ولكن تاخذ كمية بنزين اقل
هل فيها مثبت سرعه اخوى بو عبدالله
للأسف لا
شكرا جزيلا ..فعلا معدل الاستهلاك عندي من ٥ ل ٧ لتر لكل ١٠٠ كيلو بالزحمة وتشغيل المكيف
لاشكرا على واجب أختي الكريمة
اول فلوق استفيد منه للبساطة والشرح الواضح. اشكرك.
لاشكرا على واجب ابوعبدالله
الان مكتوب فل زجاج السيارة يمشيك التر 21 كيلو. لو تحسب علا اربعين لتر رح تمشيك 840 كيلو. وا العداد طلع يمشيك 500 وشوي كيف هاذا
ظروف القيادة لها دورها
مو شرط وقت اللي تسوق تقدر تجيب نفس الرقم اللي مكتوب في بطاقة الوقود .
من تجربه شخصيه الكمبيوتر اذا عبيت فل يعطيك كم ممكن يوصلك الفل الجديد استنادا على سواقتك السابقه …جرب تتحمل و تسوق زي الشايب الين تعبي الموتر وشف كم بتعطيك اذا عبيت فل
تغطية جيدة جدا واشكرك على المصداقية واثبات ذالك للمشاهد
ولكن الجرس إزعاج جدا شوف له حل افصله
لاشكرا على واجب يبن الأجواد
بالنسبة للمصداقية هاذا حق من حقوق المتابع اللي عطاني جزء من وكته وجا يتابعني
السيارة أجار ولاحبيت أسوي فبها شي قلت أرجعها مثل ماهي عليه بعد التجربه
ماشاء الله بس صوت الاعداد مزعج
عبر عليه يامحمد
اتمنى تسوي تجربه سوزوكي فرانكس
الله كريم اخوي حمد
انا شفت بداية المقطع فقط وبكمل الباقي
لاكن اخوي بو عبدالله اكبر غلط انك تقرب الجوال وانت تصور في فتحت التنكي وانت تصور مباشره لان في ذبذبات وغير سفتي نصيحها لاتعيدها اذا كنت مهتم بي السيفتي
أشكرك من أعماق قلبي
وكلامك عين العقل
لاكن الله يعلم قربت لجل يوضح التصوير أن التعبية فعلاً للنهاية فل الفل وليس مجرد كلام
عين اللي تشوف غير أذن اللي تسمع وكل اللي سويته لجل المصداقية
خبرك المتابع والمشاهد يبحث عن أدق التفاصيل .
@@bouabdullah8824 الله ينفع بك ويجزك خير لاكن احذر اخي ابو عبدالله ولك كل الاحترام وشكر
@@بومزن
على راسي يبن سعد
منت أعلينا ياخوك
وأنت كذالك لك كل الشكر والتقدير والأحترام يبن الأجواد .
موفق يابعدي
قريت كل التعليقات وماشاءالله عليك اخوي ترد على الجميع
عندي سؤال لاهنت وانت ماسك خط الفيديو كنت اسمع صوت شارع والطريق حسيت مزعج
انت يوم مسكت خط اتعبك المشوار هل كان العزل الصوت ضعيف جدا ؟ هل تسمع المكينة ومزعجه ؟
اعرف ان المقطع من سنة لكن اتمنى تفيدني الله يسعدك وانصحك تكمل في ابداعك وانا متاكد بنجاحك الكبيير باذن االله
أهلن بك ياغالي
بالنسبة أن صوت الخط واضح
لأن أنا أصور من دون مايك
بالنسبة لعزلها في الخط اللي في فئتها مش أحسن منها ولاتنسئ أنها أصغر السيارات الموجودة أهي والi10 والأتراج
ف ذني السيارات لاتعتقد أنهم بيجون لك عزل خرافي
بالنسبة لصوت المكينة أي نعم نوعاً ما تسمعه يكفي عداد الضغط مرتفع بالتالي هي صنعت للبلد ومايمنع أنك تسافر عليها إذا ماعندك سيارة غيرها
ونصيحتي لك أنك تستأجرها وتجربها وأنت بعدها أحكم بنفسك لجل لمن تشتريها تكون مقتنع فيها
أي سؤال ثاني أني بخدمتك
@@bouabdullah8824 ابيض وجه كمل ان شاء الله. تحقق فوق اللي تتمنى
@@2002saad2002
الله يجزاك خير تاج رأسي
وربِ يحفظك من كل شر
وشكراً إلك وإلى كلماتك الطيبة واللتي تدخل إلى القلب السرور
كويس يعني لتر بنزين يمشيك 19كيلو
تقدر تقول يبن عمي
يعطيك العافيه تجربه ممتازه والحمد لله عالسلامه .. وبودنا تجرب أختها الكبيره سوزوكي سياز يمدحونها بالرساوه وحجمها مقارب للكورولا .. وياليت تختصر بالفيديو وفالك البيرق
يعافيك ربي
الله مير يسلمك
بالنسبة للأختصار ياخوك
أقل من كذا ماتقدر كمتابع تاخذ التفاصيل من أولها
ناس كثيره جاز لها التفاصيل الممله
وبالنسبة للتجارب على سيارة آخرى نخليها على حسب التاهيل والظروف
مشكور على كل شي .
الله يجزاك كل خير كفيت ووفيت
صراحة موجز تجربة تستاهل كل الشكر ❤
لاشكرا على واجب
بخدمتكم ياعزيزي
الصوت بعد ١٢٠ مشكلة وازعاج
صدقت
المفروض أكتفوا بوضع مؤشر ينبهك أنك وصلت 120 او تعديتها بشي بسيط .
ماشاء الله تبارك الله رحله سفر تغطيه جدا جميله السيارة ممكن نستخدمها سفر
بخدمتكم
ما شاءلله تبارك الله ، على حجم التانكي وتمشي ٧٧٠ كم !! تبارك الله ،
خير ماقلت
هذي السياره ليست مصممه للخطوط واختصر فالكلام ترا خير الكلام ماقل ودل ٤ دقايق عشان تعبي الموتر 😂
حياك الله يارامي
كلامك مدوزن
لاكن مش كل الناس مثل حضرت جنابك يحب الأختصار
معظم الناس اللي شافت الفيديو جاز لها المقطع لأنه دقيق التفاصيل
والمشاهد يحس نفسه أن راكب جمب السواق أثناء التجربة
ولو بسوي الشي بختصار ماحد راح يستفيد
ياكثرهم اللي في اليوتيوب موجودين ومسين تجارب بالأختصار
وراح اعطيك مثال بسيط
لو أنا مسوي الفيديو مختصر في 4 دقايق
چان أنت أول الناس اللي ماصدقوا أن السيارة قطعت 773 كيلو
وچان أنت أول الناس اللي قالوا يابوعبدالله أكيد ألسيارة مامشتك هالممشى الا لإنك ياتمشي 80 على الخط
أو أنك محول تدفها دفاف
لاكن ذا الحين يوم اللي كل شي مفصل تفصيل ماحد يقدر يقول ثلث الثلاثه كم
تقبل مروري يابعدي
وأعذرني على الأطاله لأنك أنت تحب الأختصار وتحب خير الكلام ماقل ودل .
@@bouabdullah8824 المعذره منك اذا كلامي ضايقك بس وش مصلوحك تكذب بممشى السياره بالبنزين لو يعني صورت اثناء التعبيه وصورت ممشى السياره وبعدها ثبت الكام تصوير سريع الى ان تولع اللمبه وتصور كم مشت كان افضل بكثير فالنهاية قناتك ومحتواك والله يوفقك وهذا نقد بناء ياليت تتقبله بصدر رحب والله ييسر امرك ♥️
تحياتي انا من مصر شرحك ممتاز حبيتة أوي عقبال ما اشتري عربيه زيها
الله يسعدك
وعلى راسي أم الدنيا وسكانها
ابدعت وكفيت ووفيت...جزاك الله خير على هالتجربه والدقه والفلوق الجميل وردودك بالتعليقات استمرر
بخدمتكم ياعزيزي
الله يحفظك
بيض الله وجهك يابو عبدالله كفيت ووفيت ❤
وجهك أبيض يابعدي
شرف لينا خدمة اللي مثلكم .
احسنت، فيديو ممتاز ، جزاك الله خير ، ما فيش احسن من السوزوكي في استهلاك الوقود ، لو مسافر بسرعة ١٠٠ كم /ساعة كنت و صلت وسط المدينه و عملت كام مشوار داخلها ، ما شاء الله
وأنت كذالك ياغالي
جزاء الله خير ومشكور
تعتقد انها احسن من اتراج فى استهلاك الوقود ؟
@@saadmamdoh7789
الله أعلم
لاكن لنفترض أن السيارتين نفس الصرفية
صوتي راح يكون للسوزوكي ديزاير لأن قيرها مش cvt وجابت الأرقام وعادلت الأتراج
اما الأتراج لو جابت أرقام الديزاير وتعادلت معها ماراح يكون لها فخر لأن قيرها في الأصل cvt
والمعروف أن قير الcvt
موفر للوقود
مثال بسيط /
الديزاير على سرعة 120
أقطعت مسافة 773 كيلو
هل الأتراج على سرعة 120 راح تقطع مسافة 900 كيلو ؟؟
بالنسبة لي أنا ما أعتقد أن الأتراج راح تقطع 900 كيلو .
أتمنى أوضحت الصورة ووصلت الفكرة لك ياغالي
موفق أن شاء الله .
@@saadmamdoh7789 افضل بكثير كانت عندي اتراج ٢٠٢٢ تمشيني داخل المدينة داخل المدينة وخط وبنفس نمط القيادة من ٤٨٠-٥٠٠ الديزاير ممشاها تجاوز ال ٦٥٠ كيلو حتى ولو داخل مدينة فقط ! ماشاءالله
الله يجزاك خير ❤
@@ferasru3456
وأنت كذالك أخوي فراس
ولله مشالله
خير ماقلت
الحسا حساك و لو الدهر نساك
جزاك الله خير أخوي كميل على هاذا التنويه .
أحسنت بارك الله فيك
وأنت كذالك
سلمت يابو عبدالله وجزاك الله خير
سلمك ربِ من كل شر
الله يحفظك بحفظه ويستر عليك دنيا وآخره .
عاد كيف لو انك مطفئ المكيف لأن المكيف يفرق خاصة إذا أنت بتختبر السياره بصرفية ولكن بوقت الصيف لا انصح بأطفاء المكيف لأن الجو حار جداً يشوي شوي
لازم ياخوك من تشغيل المكيف عشان نطلع من العذر
لأن لو بدون مكيف الكل بيقول مش من مراجلها جايبه هالممشى
فلذالك أنا تعمدت أجعل التجربة والمكيف شغال
@@bouabdullah8824
ههههههههههه الله يسعدك حبيبي🤍
@@justhimo2728
بخدمتك تاج راسي
وترقب الجديد اللي راح ينزل وعطني رأيك .
ماشاء الله تبارك الله تجربة ممتازه وتصوير فوق الممتاز تسلم يمينك وياليت يبو عبدالله تجرب لنا الاكسنت كم تمشي
أبشر بالسعد
لاكن ياخوك على حسب الظروف والتساهيل
ليش وقفت تجارب
في مشكلة في القناة
يعطيك الف عافية التغطية مميزة وواقعية
يعافيك ربي ياغالي
وأنا بخدمة الجميع
روعه روعه روعه روعه
انت حليّت لي مشكلة وهي اختيار سياره صغيرة موفّره للوقود ❤❤❤❤❤❤❤❤❤❤❤❤❤❤❤❤
موفقين أن شاء الله
لاكن نصيحة من عندي
أخذوا السيارة وجربوها يوم أو يومين تالي الخيار متروك لكم
يمكن خلال هاليومين ماتصلح لكم .
@@bouabdullah8824صح انا ناويه اسوي كذا
الله يعطيك العافيه يارب
يعافيك ربِ من كل مكروه
يعطيك العافيه على التجربه 👍🏼
يعافيك ربي من كل شر يالغالي
ما قصرت الله يجزاك خير
بخدمتكم جميعاً
عاشت ايدك تجربة رائعة، انا من العراق وان شاء الله اشتري مثلها قريبا
أهلن بك ياغاتي
بخدمتكم يامحمد خليل
@@bouabdullah8824 🌹🌹
حلوة بشتريه افضل من اكسنت
الله يبارك لك مقدماً
ماشاءالله تبارك الله بالتوفيق لك يابو عبدالله رحلة ممتعة وشيقة معك ألف شكر لك.
كثر من هذا الفيديوهات للإستفادة الله يعطيك العافية .
يعافيك ربي أخوي موسى
أنا بخدمة الجميع
ولاشكرا على واجب
وين شركة الاجار عنك
صدق تحچي
لاكن للأسف كل سيارة أسوي عليها تجربة بذيك الحسبة
يعني مبلغ وقدره
ف إذا تقدر تفيدني من هالناحية راح أكون لك من الشاكرين إلى يوم يبعثون .
لو مشي 100 ولا 90بتمشيك 800
لو أمشي 100 أو 90
تمشني 1000 كيلو
مشكور على هذه الفديو الحلو اني اشتريت سوزوكي دزاير موديل 22. زيرو ولحد الان عندي صار سنه تقريبا سياره اقتصاديه وشبابيه ونعومه وحيل مرتاح بيهة اني كشاب استخدامي داخل المدينه وتبريد ثلج ماشالله اشتريتهة بسعر 10 الاف دولار سعرها حلو ومناسب بالمقارنه لاسعار سياراتنا بالعراق وسياره جديده صفار وجميله كشكل ومواصفات تفي بالغرض. كل الشكر الك تحياتي من العراق
لاشكرا على واجب
انا بخدمة الجميع
وعلى راسي أهل العراق
كيف افصل صوت منبه السرعه؟
ماشاءالله ما ناقصها اللي الصوت يلغونه ومثبت ❤️🔥
أن أشهد ياخوك
الصوت من متطلبات الأمان زود خمس ولا نقص خمس و الصوت ما بطلع
المثبت يركب عادي
@@abdualrhmanamer144 داري بس اللي مهوب وكالة يعلق
@@r511_3 صادق لكن إذا طبيت في واحد هطف وما يفهم أكيد بيعدم لك الدنيا بالنسبة لي أنا مركب على هونداي أكسنت 2016 من فتره والحمدلله كل شيء تمام بدون تجريح أسلاك ولعب في الظفيرة فقط ركبت القطع الناقصة وتم برمجتها مع كمبيوتر السيارة ولمبات المثبت تظهر معي على الطبلون يعني شغل وكالة
اهنيك على محتواك والله محتوى نادر فاليوتيوب استمر يالشيخ
طوع امرك