هل انت انسان حساس ؟؟ اليك الحل - د.عصام الخواجة

رابط المحاضرة كاملة: • كيف نقلل من حساسيتنا ا...
بعنوان: كيف نقلل من حساسيتنا الزائدة نحو الآخرين...?
من تقديم الدكتور عصام الخواجة:
صفحة الدكتور عصام على الفايسبوك : / ealkhawaga
قناة الدكتور عصام الرسمية على اليوتوب : / ealkhawaga
#علمونا_في_الطب_النفسي
كيف تتخلص من الحساسية الزائدة وتزيد ثقتك في نفسك:
سؤال يتكرر دائما وانا أعيد هذا البوست لأني سُئلتُه بالامس مراراً وانا اولا انصح من يسال هذا السؤال بقراءة قصتي مع الهجرة "الطنطاوي الذي بهرته أضواء نيويورك" الموجوده في نوت علي هذه الصفحة (وأبوس إيدك ماتسألنيش هي فين النوت دي انا مش لاقيها لان دي علامة مش كويسة علي الكسل او الغباء او كلاهما وأبوس إيدك برضه ماتتقمصشي من الكلمتين دول لان ده دليل واضح علي الحساسية اللي انت عاوز تتخلص منها)....!!!
وقصتي مع الهجرة تجربة شخصية يمكن ان تتعلم منها شيئاً لتعرف انك يمكنك ان تتغلب علي هذه الأمور بتفهم نفسك اولا وبالتواضع وتحمل المسؤولية كامله وعدم رمي بلاويك علي الآخرين وأنك تبطل تقول "اصلهم بيعملوا واصلهم بيقولوا واصلهم بيبصوا واصل ابويا وامي وعمي وخالي والمدرسة والاستاذ والناظر وعم عبده البواب والبت جارتنا اللي مش معبراني (ماهي طبعا لها حق ماتعبركشي لما انت كده)... وحضرتك لو عدلت نفسك فيه ناس كتير قوي حيعبروك..!!!
وهناك باختصار ٣ طرق لحل هذه المشكله ولو مش عاجباك اي واحده فيهم يبقي تتفضل تسكت وتبطل تشتكي:
١-الطريقة السريعة وهي التي يعلمونها لمدمني الكحول في امريكا في اجتماعاتهم المعروفة بال AA Meetings وهي Fake it till you make it اي "تصنع انك قوي حتي تحصل علي القوة الحقيقية"..... يعني تصحي الصبح تقول "عبوكوكللكوا هو انتم احسن مني في ايه يعني (وهناك نوعان من عبوكوكلكوا ذكرتهما من قبل وسأضعهما في بوست مستقل) بس طبعا تقول عبوكوكلكوا في سرك مش بصوت عالي احسن حاتروح في ستين داهية... واهم حاجة في الموضوع ودي عملية مش سهله علي فكرة انك تقول عبوكوكلكوا بدون غرور وبدون عنف وبدون كراهية ومرارة وحقد علي الاخرين .... ولما تلاقي نفسك خايف ومرعوب من واحد "تتخيله وهو عنده إمساك وبيحزق في الحمام زيك بالظبط".... وتعرف انه ممكن يكون اغلب من الغلب بس انت اللي بترعب نفسك بنفسك وانت اللي بتطلع العفاريت اللي جوا الناس بنفسك وزي ماقلت قبل كده "البعبع في داخلك انت " وارجو ان تراجع بوست "قصتي مع المرشدة الانجليزية الحسناء" مرة اخري وياريت تكتب "البعبع في داخلك انت وليس في الناس تخلص منه أولاً" وتعلقها في الحمام عندك علي المراية.....!!!!
٢-الطريقة البطيئة وهي انك تجيلنا بقي يا حبيبي ونقعد بقي نعمل معاك جلسات علاج نفسي و DBT و CBT و BBC وDDT والحاجات دي ونقعد نطلع اللي جواك ونغير نظرتك لنفسك وللعالم حولك ونشيل أبوك وأمك من دماغك (ودي اهم حاجة علي فكرة انك تشيل أبوك وأمك والمجتمع والناس من دماغك) وتعرف أولاً انك لست بهذه الأهمية حتي يتابعك البشر بعيونهم أينما تذهب كما تظن انت.
٣- الطريقة التالته انك تتنيل ترضي بنفسك كماهي بكل بلاويك وعبلك وقرفك وتقول انا إنسان خجول ومنطوي "ودي مش حاجة وحشة قوي يعني" وانا حاعيش حياتي كلها وانظمها علي هذا الاساس وفيه ناس كتير زيي وناجحين وزي الفل..... لان المشكلة لاتكون بسبب انك خجول وماعندكشي ثقة في نفسك..... المشكله انك مش راضي بنفسك ولزقت في الموضوع ده بغرا got stuck زي ما بيقولوا وربما كل ماتحتاجه هو ان تقبل نفسك كما هي "يعني بعبلها كده زي ماهي" بدون تضخيمها او تحقيرها وماتنساش تسخر من نفسك ومن غباءك كل شوية علشان خاطري.....!!!
والبوست القادم سيكون عن عبوكوكللكوا وأنواعها....!!
#عبوكوكلكوا

[@jabarhermiz31]

في كل مرة اسمع فيديوهاتك ارتاح كثيرا وتحفزني على فهم نفسي وتصحيح افكاري المتوارثة انت ستبقى شمسا مشعة للأجيال القادمة ، بارك الله فيك وكل الذين من امثالك.

[@Zinab1100]

انا جريئة جدا وشخصيتي جميلة واجتماعية واكسب اصدقاء واحباء بسرعة لكن حساسه جدا من ناحية عاطفية وردت فعلي تكون دايما تجنبية عشان ما احد يجرحني كنت افكر ده قوة لكن طلع ضعف وحساسيه زايدة لكن بعد النضج بديت اتعامل مع الاخرين بشكل عادي بس للاسف دائرة اصدقائي واللي بيشوفني زي ما انا ساروا قليل جدا لكن انا الفترة دي تعاملي مع المجتمع اكتر في شغلي وزياراتي وقروبات اصحابي وناس كتير بيقربوا مني وانا لازلت ادخل في قوقعتي لما احس احد يقرب كثير مني مع انهم جدا جميلين وانا بعرف بس اخاف وحساسة من اي تصرف او كلمه بيقولوها بمجرد ما احس انو العلاقة تمام تبدأ الحساسية لكن طالما هم غرباء بتلاقيني اتعامل عادي وشخصيتي معاهم جميلة بس ما بتعمق ابدا في علاقتي معاهم !! وعندي القدرة ارجع اي شخص غريب بشكل سريع ودا غلط خصوصا اللي بيقربوا منك بشكل جاد لعلاقة زواج

[@ehlamabdella1243]

آيوا.. كلام صح انا نفسي افرجت علي الحلقه الي حضرتك اتكلمت عليها 👏👏😅😅❤️🙏

[@ehlamabdella1243]

اتفرجت (شاهدت) 😅😅

[@ماهرعبدالنبي-ر7ص]

يسعد كل اوقاتك دكتور نستمتع بالتغيير ونعيش اللحظة وسعداء رغم تحديات الحياة لك كل التحية والتقدير والاحترام .

[@hamdielhasnaoui783]

Kalam sahih ❤ bi tajriba alhamdo lah 3ala n83mat alfahem

[@zahraafaisl1772]

دكتور لا أرى انها جينات بقدر ما هي تكرار لسلوك الاهل.

[@zahradakir1096]

Merci beaucoup

[@rokairl921]

شكرا لمجهوداتك

[@samianaithamoud3202]

Thank you so much 💓

[@Abesamhan]

شكرا لك

[@ياسرعبدالفتاح-ض6د]

انا زهقان جدا حسن انفصال مش عارف اعيش خالص مش عارف ابعد عن الإنسانه دي مع انها مؤذيه جدا

[@suhairyousif5929]

لازم تحب نفسك و تقدرها أكثر من أي حد تاني

[@Uranus7r]

الحمدلله يعني الولولة ممكن تكون جيناتك 😂🎉

[@user-sn4ue6ex4b]

👏👏👏👏👏👏👏👏