الله يرحم شاعر بني مضيم ويديم على السحيمي عافيته وبيض الله وجهك ي فهد على النقل المميز
الله يطول بعمر راشد السحيمي منومس حرب بكل محفل 👌
و الله يرحم عبدالله بن شايق وأموات المسلمين والمسلمات أجمعين
محاوره قويه معنا ونقض وفتل
وهي ممكن مقابله وحيده والله أعلم
الله يرحم ابن شايق ويطول في عمر راشد السحيمي
الله يرحمه ويغفرله ويطول بعمر راشد
تمرة اهل المدينه ناشبه في نخلها
الله يرحمك يالشنب وينور قبرك
الله يرحمه ابن شايق
" مايسلم بيده الرجل لين يغسلها ".
الله يرحمه شاعر معاني والاخر شاعر نقض
ابن شايق
ياسلامي على بيت الكـرم والضيافـه
والكرامه لاهلهـا والضيافـه لاهلهـا
من سمع صوت راشد تالي الوقت شافه
والحمـول الثقيلـه مالهـا الا جملهـا
راشد
مرحبا عد ما سرتو لنا من مسافـه
من يقدم علوم جزال ياخـد بدلهـا
ذاك قصر الامير وذاك قصر الخلافه
كل واحد يبّـرك فاطـره ويعقلهـا
ابن شايق
عقب لعب الهوايه جاك لعب الحرافه
الحصاه الكبيره باقيـه فـي جبلهـا
المجاعه ترى مابعدها الا المخافـه
ماظلمنا الرجال وكلمة الحق قلهـا
راشد
واضح انك معك هقوه وعندك ثقافه
كلمة مالهـا تبريـر مـا نحتملهـا
لا يجي فيك لوطال الطريق انحرافه
ما يسمي بيده الرجل لين يغسلهـا
ابن شايق
المخرّف مخرف ويش طب الخرافه
يالله انك عقب ميل الزمان تعدلهـا
لعنبو من رضا بالمهزله والضعافـه
ناس ما عاد نعرف علمها من جهلها
راشد
المخرّف كبر والعيب شغـل اللقافـه
ليش يابن الحـلال تلمهـا وتعقلهـا
لعنبو من يخرّب حجتـه باعترافـه
ما تعرف الكواكب وانت عدك تصلها
ابن شايق
نام أبوزيـد بفراشـه وكثـّر لحافـه
وكل نفس نهار الحشر تلقـى عملهـا
جبت الاسم الرباعي قال ابي زود وافه
تمرة أهل المدينه ناشبه فـي نخلهـا
راشد
انشد اللي ترك كل المشاكل عيافه
ماينوش الخليه لين يسرح نحلها
عاقل المره اللي تخبره في كتافه
مابقي قرية مطوره مـا نزلهـا
ابن شايق
انشد اللي لقينا صورته بالصحافه
كل ما جيب ابرد لقمتي جا واكلها
لا اقفت المقفيه مالي عليها حسافه
والله اللي تكفل بالعبـاد وكفلهـا
راشد
لا يصيبك على لقمه بسيطه كسافه
ابشر انه ورط بالعمله اللي عملها
مايطلع بياض الثوب غير النظافه
خلها كلمة تمشي وتطلـع قبلهـا
ابن شايق
بشر اللي مايعرف جمرته من طوافه
جعلها ما تكبت ضدنـا مـن حللها
كل شعار المحاوره المعروفين : صياف السحيمي وا راشد السحيمي 👋👋
ملحوظة: ليس للقناة أي علاقة بالإعلانات التي تظهر أو أي روابط لبرامج أو صوتيات تجارية ، فننصح بعدم النقر على أي إعلان أو روابط برامج تجارية، كما نسأل الله أن ينتقم ممن ادعى حقوق المحاورات لدى اليوتوب وتسلط على القناة بإظهار هذه الإعلانات لا ربحهم الله