wall dampness , moisture fixing الحل الوحيد لعلاج رطوبة الجدران بعيدا عن حلول الصنايعية الخاطئة
Вставка
- Опубліковано 1 жов 2024
- الطريقة الصحيحة لعلاج رطوبة الجدران وتقشير الدهان ومنع ظهورها مجددا بخطوات بسيطة وغير مكلفة وتطبيق خطوات التأسيس والدهان خطوة بخطوة بعد علاج الرطوبة
the only way to fix the wall dampness , moisture , humidity which last for ever & explaining how to paint step by step after wall dampness solution
![[UA] NAVI проти G2 Esports | Blast Premier Fall Final](http://i.ytimg.com/vi/QWlIm4FGESQ/mqdefault.jpg)
حضرتك مافيش مصدر مياه عندي انا عندي حيطان اجزاء منها كده فبها رطوبه وعواميد
من فضلك ما اسم هذه العناصر بالمملكة المغربية وشكرا
لو سمحت عندي الحيطان ناشعة ميا خالص لدرجة ان الاسمنت دايب، ايه حلها؟
النشعان الجامد بيبقى سببه تسريب ماء مش رطوبة عادية لابد معرفة مكان التسريب
الحوائط الي عليها ميا دي مواجهة لسلم العمارة وحصلها كدا لان البواب بيغرق السلالم ميا وهو بيمسحهم
يبقى لازم مايغرقش السلم مياه قبل اى علاج او تحطى وزرة رخام او سيراميك حوالين الحائط من الخارج قبل اى حلول
@@arabiangts5483 وبعد كدا ممكن اتبع الفيديو بتاع حضرتك كحل ولا الموضوع اكبر من كدا؟
انا عندي نفس المشكلة وماعرفت مصدر الرطوبة
عجبنى فى فيديو حضرتك انك مهتم جدا ولكن اسمحلى اقول لحضرتك شوية نقط هيكونو أفضل والنتيجة تكون أضمن
اولا كان لازم تغسل المحارة بمية اديبوند او المادة الموجودة مع العازل وتركه يجف او حتى بالخل لتذويب الاملاح اللى على السطح تمام لعدم تبلور جزيئات الملح من جديد
ثانيا توب سيل او جراود او سافيتو كلها منتجات اسمنتية لا تصلح للعزل السطحى استخدامه فقط لعزل الطوبة نفسها هو مفيش منها مشاكل بس هتقشر برضه بعد فترة ولو كان لابد فكان الاولى انك تعطيها طبقة اديكور او اديكور ام بلاس قبل السيلر الاثنين روابط مع بعضهم
وفيه ماده من البناء الحديث اسمها اديكون او سيكا بنترينج سيلر دى ممتازة للملوحة لان اللى عند حضرتك ملوحة مش رطوبة
اخر حاجة ربنا يوفقك وييسر امرك ❤
العلاج بقاله ٤ سنوات بدون ظهور اى ملوحه ولا تقشير والعوازل المستخدمه في الفيديو بيعزلو بيها غرف التفتيش الى بيركب جواها ماتور الغطس في البدرومات وبتمنع خروج الماء بنسبه ١٠٠%
شكرا لحضرتك واضح انك تعمل بذمة وضمير واتقان
انا كنت دهنه الحيطه زيت وعايزه اعملها بلاستيك اعمل ايه
هذه الطريقة خاطئة اخي .... لان الرطوبة حتخرج من مكان آخر.
حلولك ترقيعية .
هذه الطريقة سليمه 100% والحائط لازال بحالته حتى الان والرطوبة خرجت قبل البدء وكانت جافة تماما لان مصدر الماء اتمنع قبل العلاج
ممكن تاسيس للحوائط بدون رطوبه بنفس الطريفه
طريقة التاسيس ثابته سواءا فيه رطوبة او لا باستثناء العازل الاسمنتى يوضع لو فيه رطوبة قائمه او محتملة
الله يرزقك من واسع فضله احسنت
واياكى
ممكن تكتبلنا اسعار الحاجات دي اللي استخدمتها
يا أخي انا من سعودية
لإزالة الرطوبة الجدران اي دواء احسن .ايش اسمه .تكتب مختصرا. و اول انا أيش سوي....
عندكم شركة الجزيرة اعتقدعندها نفس المنتج الاسمنتى المانع لنفاذية الماء ويتم التطبيق بنفس الطريقة الموضحة بالفيديو تماما
هنا في المملكة عندك شركة سيكا وساڤيتو و الفوسام كلهم يبيعوا العزل الاسمنتي
عرفت ان ممكن سقف الحمام بتركب قطع المونيوم وسقف المطبخ الواح بلاستيك لانه في رطوبة بدل مااعمله بهذه الطريقة حد عنده فكره افيدوني
ملوش لازمه هيتكلف عالفاضى خلى حد يقشرلك الدهان الواقع ويعزل ويدهن عادى ولو عايزة توفرى اكتر خليه يعمله كله مصيص ( جبس ) ولا يشترط الدهان
ما شاء الله علي إتقانك للعمل
كل فيديوهاتك.عن السيارات فما علاقة الرطوبة والدهانات بالسيارات ....
مالهمش علاقه .. اى فيديو مفيد يخلى الناس تشتغل بيدها سواءا بمجال السيارات او غيره هعمله وهتبقى ده سياسة القناة الفترة القادمه ان شاء الله
هل بيت في الطابق الاول كل السنه تقريبا مقفل وفي مدينه فيها بحر يسهل تكون رطوبه؟ سبب يعني لاني تكون لدي في اسفل الجدران لكن فقط لي مجاوره لمجاري المياه او انابيب الماء لكن السباك يشوف من الخارج من غير ما خرب اجدران قال مفيش تسرب مياه.
رطوبة الاماكن الساحلية المفروض تصيب الحائط كله وليس اسفل الحائط .. مادام البيت مقفل سنه والمحابس مغلقة اذن مصدر الرطوبة من خارج المنزل وفي احيان كثيرة يؤدى غسل سلم العقار بالماء الى عمل رطوبة في الشقق المجاورة له
ممكن اععراف التكلف تبقى كام
عندي رطوبة جامده طلعه على الغرف والرسبشن وكل شويه بتزيد
تسلم ايدك روعه
ممكن التليفون للتواصل مع حضرتك
ما شاء عليك شرحك ممتاز وعندك ضمير 🌺
ممكن تقولي لو الحيطة اللي جنب الحمام هي اللي عمله الرطوبه دي اعمل ايه مع العلم اني حسه انه من كابينه الشور لأنها تحتها رخامه مش بانيو قدم وفي فرق في الرخامة بيدخل فيه مايه لما حطيت فيه اسمنت ابيض بيطلع مع الاستحمام اسد الفراغات دي بايه عشان متطلعش اجيب سيلكون طبي مثلا ولا ايه
ارجوك رد عليا
الفراغات كلها يتم سدها ببديل الاسمنت الابيض واسمه (( سافيتو )) يتم استخدامه بنفس طريقة الاسمنت الابيض تماما وهو عبارة عن منتج اسمنتى عليه اضافات تقلل من الشروخات الى بتحصل في الاسمنت العادى
سقف الحمام كان مليان رطوبه والجدران جبت بتاع محاره محر الجدران وحط في الخلطه عازل وبعدين قال السقف خرساني المباني الجاهزه هاينطر المحاره بعد فتره الكلام ده صحيح وايه الحل في السقف بتاع الحمام
اذا فيه تسريب ماء من فوق لن يجدى اى حل
لايوجد حاليا تسريب ماء كان موجود من الحمام فوقي واصلحوه ونشف
اذا اصلحوه مش هيحصل حاجة بشرط يكونو بعد الاصلاح سقو الارضية باسمنت ابيض
انت هايل.ربنا يبارك فيك.عندك ذمه وضمير في الشغل ونحن مفتقدين هذا مع الصنايعيه.
سلام اخي
الشرح لاخواننا لاخواننا في المغرب
لاني انا من المغرب
الطريقة الاولى
السنفرة
المرحلة الثانية
وضع الاسمنت سيكا مضادة للرطوبة والماء
المرحلة الثالثة
وضع الصباغة المائية خفيفة تسمى البرونسيون اي خليط صباغة الكواتشو المائية مع الماء
المرحلة الرابعة وضع مادة لاندوي على شكل عجينة رطبة يغطي جميع المناطق والعيبوب
ثم المرحلة الخامسة
السنفرة بالورق 180
المرحلة السادسة قبل الاخيرة
وضع الصباغة المائية المخففة بالماء مرة اخرى حتى تنشف الصباغة
المرحلة السابعة والاخيرة
دمتم في حفظ الله ورعايته
وضع الصباعة واللون المفضل عندك
ينفع نحط سلر ناري جوتن، الي موجود في السوق مكتوب عليه اساس سيلر primer من شركة هابي لاك والواحة
ينفع بس منتجات جوتن غالية حط السيلر العادى نفس اوفر
تسلم ايدك وربنا يباركلك يارب ويجعله في ميزان حسناتك
الله يسلمك
الرطوبة تعالج من الاصل اي من المنبع مهما فعلت ان تقضي على الرطوبة لانها تكون سواء بالامتصاص من الارض الى الاجور اي percolation
صحيح وتم منعها والفيديو لعلاج الاثر
السلام عليكم طيب في رقم لتواصل وتنفيذ صيانه لان عندي مشكله الرطوبه دي رجاء الاهتمام والتواصل مع الشكر لحضراتكم
ما شاء الله بالتوفيق ان شاء الله
ماشاءالله عليك
بارك الله فيك ياهندسة .. لو سمحت هل منتج سافيتو الي عندنا بالسعودية Vetoproof CM744
يقوم مقام الي ذكرته بالفديو ؟
اى منتج اسمنتى مانع لنفاذية الماء والرطوبة يصلح .. وجميعهم عبارة عن بودرة وساءل يتم تخليطهم معا .. اعتقد هتلاقيه في منتجات الجزيرة
لو سمحت انا بعالج الرطوبة بعد اما اعالج مشكلة السباكة على طول ولا بسيب الحيطة تنشف فترة اسبوعين
لو التقشير غويط في السقف ووصل للمحارة احط اسمنت ابيض و لا جبس عشان لو حطيت معجون هايخد كتيير ؟؟
هتحط مونه عاديه ( اسمنت + رمل + مياه ) ومش هيفرق ابيض او اسمر
هل السافيتو دة فية منة كميات صغيرة لان الرطوبة عندي صغيرة ولا يتباع بالشكارة
لحد تصوير الفيديو كان بيتباع بالشيكارة بس ممكن حاليا يكون فيه عبوات ٥ ك
@@arabiangts5483 سعرها في حدود كام مثلا الخمسة كيلو
تستعمل مواد باهظة الثمن لو استعملت في مراحل البناء ما حصلت الرطوبة في هذه الحالة يجب ايقاف الرطوبة من المصدر
حصل وتم ايقاف الرطوبة من المصدر .. المواد ليست باهظة هى في متناول الجميع
ارجو الإجابة عن سؤالي لو سمحت
مهما دهنت الجدران عندي في البيت مستحيل تطلع ملساء وناعمة .... يطلع فيها حفر صغيرة متقاربة وكثيرة وخربشة بشكل لا يعطي اي جمال ولا رونق
خشونة الحائط لها سببين : عدم صنفرة المعجون بصنفرة٣٢٠ او ٣٨٠ قبل الدهان والسبب التانى خشونة الفرشاة او الرولة المستخدمه في الدهان يجب استخدام فرشاة او رولة جديدة وناعمه
@@arabiangts5483
جازاك الله خير
سبب الحفر والخدود والخربشة والخيانة اللي على الجدار سببها الأسمنت اللي حطو الصنايعي على الحوائط عند التشطيب قبل الدهان
@@hams341 الاسمنت لازم هيكون خشن معجون الحوائط هو الى بينعم الجدار ويسد الفراغات يوضع بعد المحارة او اللياسة وقبل الدهان
حضرتك الدور اللي فوق كله سراميك ومعمول علي ثلاث شقق البلكونات بتاعته كلها سيراميك وفي تسريب منها هل اجيب لازق رخام وادهن الفواصل ولا ايهالحل
كان لابد من العزل قبل السيراميك .. حاليا هات سافيتو سقاية زى الاسمنت الابيض لكن مش بيحصل فيه شقوق زى الاسمنت الابيض وفرغ الفواصل بالصاروخ وبعدين حطه
هتلقى فيديو ملء فواصل السيراميك بشكل صحيح نهاية الفيديو
سيتوفيل افضل
طيب سؤالي كيف اعالج سقف حمامي علما بأنه خرسانه جاهزه وقال لي هايطرد المحاره هل ادهنه مصيص ولا ايه ارجو الرد
ممكن تليفون حضرتك
طيب لم بتقول مسمعش لي حلول الصناعيه انت يعني جبت المفيد طيب لم انا همنع المياه منا كده مش عاوز حل لاني كنت مصدر المياه
المتر بكم عندي شقه 2وصاله بنسبه اللمصنعية
شاكره ارد حضرتك جزاك الله كل خير
الحتت الضيقة اللى فوق السيكلوو اشتغل بيها بالسكينة مش بالكف علشان تتعمل صح
انا الدور الالاخير وفوفي روف وكله سراميك حتي الحيطان وقت الشتا لقيت الدهان بيقع وفي مايه في جزء من السقف اعمل ايه وسقينا الارضيه فوق ولاكن كمازكرت في حوائط اعمل ايه
الروف لابد ان يتم عزله ولاتصلح السقاية .. وهو الى عملك المشاكل ده .. يتم عمل مايسمى برقبة زجاجة في كل جوانب الروف لمنع تسرب الماء على الحوائط ثم يعزل ببستلات عزل مثل سيكا او CMB لعزل الاسطح وهى جاهزة وسريعه وتدهن كدهان الحوائط ولكن على الارضيات
حضرتك لو في القاهره ممكن رقمك
لو سمحت يا باشمهندس
كنت عايز حل للعفونة لأني نقاش بس خارج مصر في دوله أوروبية
وبيقابلني بيوت كتير فيها عفونة قوية جداً لدرجة أن البييت أصبح لونه أسود
ولكم جزيل الشكر
وليه حتحط سيلر على المعجون مش حطيت منه فوق السيلر الاسمنت ؟؟
يجب وضع بطانه بعد الانتهاء من المعجون وتكون عبارة عن سيلر او دهان تشطيب مط او دهان لاكيه والهدف منها شدة التصاق دهان التشطيب النهاءى ونعومته ولايستخدم السيلر اذا كنت هتشطب دهان مط فالدهان المط في حد ذاته بطانه بديلة للسيلر انما يتم استخدامه فقط اذا كنت هتشطب دهان لامع او نصف لامع
رقم تليفونك اذا سمحت
طب لو عالجته بسيلر وبعد كده معجون عازل
ايه هو المعجون العازل
اي عمال احترافي مش أي كلام
بالنسبه للعفن في سقف دهاره يا هندسه هل استخدم نفس الطريقه مع العلم ان الماده الاول لونها داكن وازاي اعالج الدهاره بعد كده ولا اتصرف ازاي .....ارجو الرد بالله عليك
الضهارة بتطبق على المحارة عادى .. شيل الدهارة بسكينه المعجون لحد ماتوصل لطبقه المحارة اذا لقيت العفن واصل للمحارة ومش ثابت ادهن المادة بالفرشة وبعدين حط ضهارة اذا لقيت طبقه المحارة مش واصلها العفن يكفى تطبق الضهارة مباشر بدون دهان المادة بعد ماتنضف المنطقة كويس
لوسمحت ممكن تكتب الحاجات اللي استخدمتها ،ولو عايزة اغير لون الاوضه من البينك الى البيج اعمله هل في حاجه اعملها قبيله
لو سمحت ممكن رقم موبيلك
عندي شغل داخل إحدى الغرف معقد شوية ورطوبه داخل الدولاب وأنا سيدة كبيرة وزوجي أيضا
هل تستطيع مساعدتنا
اتمنى اساعدك .. لكن الفيديو تعليمى في شقتى الخاصة ولا اعمل فى مجال التشطيب والنقاشة
تحت امر حضرتك يافندم انا جاهز لأي عمل
حضرتك انا نقاش وتحت امرك انتي وزوجك وهذا رقمي للتواصل ٠١٢٢٨٨٩٧٩٥٠ ابو اسلام
انت نجم
فعلا كل الحلول تعتبر ميك اب مؤقت طالما مصدر الرطوبه لازال موجود
اسباب الرطوبه
1 - الحمامات الغير معزوله قبل التبليط
2 - استخدام بلاط او سيراميك وهي تمتص المياة والمفروض استخدام بورسلان او الواح مستعاره
3 - استخدام الأسمنت والأفضل استخدام غراء
4 - عدم فتح الشبابيك لتجديد الهواء بعد اغلاق التكييف
5 - عدم وضع تصريف لمياه المكيف من الخارج
6 - استخدام دهانات رديئة قابلة للتعفن
ممكن رقم حضرتك لو من القاهرة؟؟
الفيديو تعليمى فقط ممكن اى يحد يطبق الطريقة
طب لو المحاره هيا اللي فيها رطوبه ووقعت..حلها وعلاجها ايه؟ الدور الارضي
بتوقعها وتتمحر تانى عادى
يعني اعملها محاره من تاني بدون اي إضافات أو معالجات...ما كده هتعمل رطوبه تاني وتوقع!
@@alqari_albaraa_azema تقع ليه مدام انت مانع مصدر المياه الى كان موجود وعمل الرطوبة الاولى
نشكرك علي المعلومة سؤالي السيلر هو البريمير ونفسه سيلر الحوائط ينفع للخشب وينفع للحائط فوق الدهان البلاستيك علشان نحط عليه بعد كده معجون فيللر بلوك استنسل ؟!
سيلر الخشب مختلف تماما عن سيلر الحوائط لان بتاع الخشب سميك جدا وتقيل لغلق مسام الخشب وتركيبته مختلفه عن السيلر الماءى ويخفف بالتنر عكس سيلر الحوائط يخغف بالماء والسيلر الماءى ينفع وضعه فوق البلاستيك عادى
ممكن رقم حضرتك ل معاينه شقه
الفيديو تعليمى فقط يقدر اى صنايعى ينفذه
طيب لو في جزء من الحائط نفسه وقع هنرمم ب استخدام ايه ؟
محارة عادية
ممكن اعرف عنوان حضرتك موجود في اي محافظه ورقم التليفون
بقولك لحضرتك انا كان حصل عندي مشكله والثنبور فضل مفتوح لحد ما الحائط شرب المية وقشر فعلا وفي جبس ع الجدار ده من بره وبرضو الدهان في الجبس قشر ووصل للدور اللي فوقه ع الجبس برضو بس حاجه خفيفه فهل العمليه دي من بره ومن جوه كافيه لاصلاح الوضع؟
مجدية بشرط ازالة بقايا الدهان القديم والمعجون الغير ثابت جيدا قبل البدء
لو سمحت عندي مشكلة في ان الشقة عندي فيها رطوبة بفعل ماء الامطار لان سطح الجار في منتصف الحائط عندي تقريبا فايه الحل لو سمحت قبل مااعمل الطريقة اللي اشرت ليها حضرتك في الفيديو ولك جزيل الشكر
اذا تقصدى بالسطح السطح نفسه مش السقف فلا يوجد اى حل مجدى غير تبليط السطح ببلاط او سيراميك وعمل ميول على مزراب او فتحه صرف او بلاعه
@@arabiangts5483 لا حضرتك انا الدور بتاعي جنب مني عمارة تانية جار السطح بتاعه ملاصق للدور بتاعي يعني حيطة الجنب عندي مفيش فيها حيطةجار فالمية في الشتاء بتتسرب من السطح عنده للشقة عندي
لو السطح عنده واخد ميل هيعمل مزراب او بلاعه عشان المياه ماتركنش فوق السطح وتنزل عندك .. لو السطح ملوش ميل لازم يعمل سيراميك او بلاط واخد ميل جهه الصرف .. مفيش اى حل ممكن تعمليه من عندك لان التسريب لازم يتمنع من المصدر قبل عمل اى حل
شكرا لك ياباشمهندس بالتوفيق دائمآ
انا عملت معجون ودهنت وبعد اسبوع الدهان وقع
يا حبيبي لا تثق في اي واحد عامل مقطع بيقول الحل المناسب للقضاء على الرطوبة ولو يعمل خليط من المعادن النفيسة راح تطلع الرطوبة تاني و ثالث و رابع ، الحل الوحيد و الاوحد إنك تبحث عن مصدر الرطوبة و تعالجه ، و بعد معالجة المشكل تنشف الحائط إلي كانت فيه رطوبة او تغير الإسمنت الي شرب الرطوبة و تعيدو من جديد عندها وفقط سوف تختفي المشكلة نهائيا
شرح مبدع
شغلك غلط. المفروض تعطي وش سيلر الأول علي اللحم وبعدين تلزق الوز بالتيب وتفرش
الشغل صحيح وتم اعطاء سيلر مرتين شاهد الفيديو جيدا .. والسيلر في الاساس اختيارى ويمكن العمل بدونه تماما
ماشاء الله تسلم ويسلم شعب مصر العظيم ومصر أم الدنيا
ما شاء الله شيء رائع وعملي وحقيقي وليس أي كلام بس يمكن المواد وهذه الشركة مو موجودة عندنا في الخليج نعم شركات أخرى وما اعرف شركات ذات جودة عالية
المواد موجودة فى كل الدول باسماء مختلفة
ما إسم هذا المنتوج في الجزائر من فظلك !
و اذا كان الحائط ملبوخ جص تحت البورك يعني ليس أسمنت
السيلر خلطته مع ايش؟
السيلر ممكن تقلبه كويس وتستخدمه علطول او تخفه بالماء بنسبة بسيطه اذا كان مذكور عالعبوة من الخارج
اي حيطه هتحاول تصلح فيها مكان الرطوبة هتبقى زي الفل وانت بتعملها إنما لو مصلحتش مصدر العيب المشكله هترجع تاني حتى لو كنت حاطط طبقه حديد ف السقف
اكيد وده الى انا ذكرته انه يجب علاج مصدر الماء المسبب للرطوبة اولا قبل العلاج والا هيبقى وقت وفلوس مهدرة
ماشاءالله
انا عندى رطوبة فى اماكن بعيدة عن مصدر مياة زى غرف النوم حلها ايه من فضلك وممكن يكون سببها ايه
غرف النوم احيانا يكون خلفها او جمبها حمام وبيكون هو السبب .. واحيانا بيكون من سوء تهوية الغرفه وعدم دخول الشمس فيها .. والعلاج بنفس الطريقة تماما لايوجد اختلاف في العلاج
الشغل بالروله افضل
صحيح
تسلم ايدك شغل فوق الرائع طيب وبالنسبه لرطوبه سقف بسبب بلكونه الجيران وعملت عفن كمان عشان كانت شقه مقفوله
نفس الطريقة بشرط علاج التسريب قبل العلاج
لو عندى نشع ف اوضه النوم ف السقف ف حتت متفرقه وف اخر الاوضه فى شروخ بسيطه بخبط حواليها بسمعها بتطبل كده ايه الحل لازم انزل السقف كده كله ولا ايه
نشع السقف سببه ماء من الجار الى فوقك ولابد من ايقاف تسريب الماء من الاعلى قبل عمل اى شيء ثم تقشير الدهان بالاجزاء التالفة فقط وعمله من جديد .. بالنسبه للاجزاء المطبلة اذا عملت شروخ يجب انزالها وعملها من جديد
شكرًا. الله يحفظك ويبارك لك.
انا عندي جدار الأوضة قشر وفيه رطوبه بس وراه الحمام اعمل ايه حضرتك
نفس الطريقة الموضحه بالفيديو ويجب التاكد من امتلاء فواصل السيراميك بالحمام الموجود خلف الحائط بالاسمنت الابيض وعدم وجود تسريب من احد المحابس وعدم وجود فراغات او فتحات بجوار المواسير او المحابس وسدها بالاسمنت الابيض ان وجدت
طب حضرتك لو الرطوبة جاية من ناحية الجيران أعمل إيه نفسى فى مواد عازلة أعالج بيها عندى
لا علاج الا بعد ايقاف مصدرها اولا من عند الجار
ليه ما بنعملش كونفس اف ؟؟؟؟؟، مع اديبوند ؟؟؟؟؟؟؟. دا عازل مياه اكتر من رطوبه ؟؟؟؟؟؟؟،
ينفع تستخدم اى مادة عزل جيدة وينفع تستخدم اسمنت عادى مخفف بماء واديبوند .. الفكرة واحده
السلام عليكم
يعجبني الوضوح والاهتمام بالتفاصيل في شرحك .
عندي استفسار ..
اذا كانت الرطوبة في اسفل الجدار وازلناها بنفس الخطوات ..
وانا لا اريد طلاء كامل الجدار او الغرفة ، فكيف اجعل الدهان الجديد يطابق القديم ؟
تحياتي
هتدهن الجزء الى فيه مشكله عادى بنفس اللون زى ماهو موضح بالفيديو .. لو درجه الون مختلفه هتضطر تدهن الجمب كله .. انما لو عندك بقايا دهان قديم من نفس اللون او الدهان كمبيوتر هتجببه جاهز بدون مشكلة
@@arabiangts5483 ربنا يفتح ابواب الخير في وشك ، ويجزاك كل خير
طيب ينفع لو اخذت من القشر القديم ورحت لمحل البويا ؟ هل ممكن المحل يتعرف عليه ؟
ينفع طبعا لو شاريه بالرقم تضريب كمبيوتر .. انما لو صنايعى الى مضربه بشكل يدوى
بمعنى اضافة الالوان المائية الجاهزة على اللون الابيض الجاهز فصعب تحصل نفس الدرجه .. والحل بيكون تضريب لون قريب منه ودهان الجزء بالكامل
@@arabiangts5483 اجابة وافية وتفصيل شافي وكافي
ربي يبارك فيك ويجزاك كل خير
هل هناك يااستاذي ايميل للتواصل معك ؟
الرطوبه أسفل الجدارن فى الدور الأرضي مش لاقى ليها حل كل الدهانات بتقع تانى
الرطوبة الدائمة في بعض البدرومات لايوجد لها حل سوى تبليط الحوائط بالسيراميك
الحل من خلف الجدار
@@arabiangts5483 ليه سيراميك بالذات انا معلوماتي محدوده نفرض مثلا رجعت رطوبه في الحيطان تاني هعرف ازاي والسيراميك موجود ثانيا في نقطه مهمه البيت اللي جنبي فيه رطوبه وعملوا تجديدات والواجهه كلها اتعملت سيراميك هل ده لحماية بيته من انتشار الرطوبه؟ ولو جت رطوبه هيعرف ازاي
انا عندي في الدور الأول. انا لا اسكن فيها كل الوقت مقفله ماعدا شهر مره في السنه وبحثت وقالو مفيش فويت او تسرب ماء.
سلام عليك ورحمة الله وبركاته
لاحظت انك ترد على الاغلب عالج مصدر المياه انا المطان اللي طلعت من الرطوه كانوا عمال البلاط يسوون الخلطه فيه
هل لو جبت مروحه ممكن تساعد في تجفيف الرطوبه ؟
فتح النوافذ وتهوية المكان وادخال الشمس لعده ايام كافى لتجفيف الماء المسبب للرطوبة
لو سمحت ممكن يزبط لو كانت الجدران عليها عفونه
العفونه لازم تتشال الاول بفرشة وشيلها سهل بشرط ان المحارة ماتكنش دايبه وبتقع من الحيطه
شكرا على المعلومات، و أحييك على كرمك و ضميرك المهني، لدي سؤال من فضلك ، اذا كانت مشكلة الرطوبة في حائط بصبغة الزيت ، و انا اريد معالجة بقع الرطوبة ثم اعادة الصباغة بالزيت ، هل يمكن استعمال الطريقة اللتي ذكرتها، و بماذا تنصحني، و شكرا
المنتج اساسه اسمنتى يتقبل كل انواع الدهانات
سلام عليكم انا من القاهرة لو حضرتك من القاهرة ممكن رقم التليفون لاني عندي مشاكل في الحوائط
الفيديو تعليمي فقط
ربنا يجزيك كل خير ياهندسة .انا ليه فعلا الشرف ان عرفت قناة حضرتك
ربنا يعزك
@@arabiangts5483 لو سمحت حضرتك موجود فين في اي محافظه ومحتاجه رقم تليفون حضرتك
إذا انت في الرياض عطنا رقمك عندنا رطوبة كثير. في الجدران
الفيديو تعليمي فقط
يعني ما يصير اختلاف بي اللونين
السلام عليكم طيب حضرتك ملقتش السيكا 107فالموان اعطاني اديبوند 65هل ينفع ولو ينفع اعمله الزاي وجزاك الله
وعليكى السلام .. اديبوند ده رابط اسمنتى يعتبر زى الجركن الى بييجى مع السيكا وبكدة يبقى ناقصك الشكارة الاسمنتية ( البودرة ) ومش بتتباع لوحدها فانتى ممكن تجيبى سافيتو الى متصور في الفيديو زى السيكا وبيبقى ارخص .. بالنسبة للسيكا هتلقيه في توكيلات السيكا فقط مش هتلاقيه عند الموان لانه براند عالمى ابحثى عالنت عالويب سايت بتاعه على اقرب فرع جمب محل سكنك
بس يا اخ الرطوبه راح ترجع ثاني مره هذا ترقيع فقط لان الماء موجود اسفل الحيط رايخرج من محل اخر
يجب معالجة مصدر الماء قبل عمل اى شيء وهذا مذكور في بداية الفيديو .. بدون منع مصدر الماء لن يجدى اى علاج
ممتاز ربنا يجازيك خير
طب مش ممكن تاخدوا غراءابيض اخى الفاضل
بعض الصنايعيه بيستخدمو فعلا الغراء الابيض بديل للماده الاسمنتيه لكنى ماجربتش الطريقة ده
هل من الممكن استخدام ايدوبوند ٦٥ ببديل للعازل سيكا ؟
اديبوند ٦٥ ينفع كبديل عن السائل الى بييجى مع البودرة الاسمنتيه العازلة
الله ينور ❤
هى تكلفة دهان شقة حالتها زي دي تقريبا مساحة 80 م تتكلف كام يعني مدهونة قبل كده مرتين بس في بويه اتقشرت في إمكان قليلة
من 3 الى 5 الاف ج
لازم تعالج مصدر الرطوبة اولاً والا مهما جبت مواد لاتنفع !
تم غلق الفراغات الموجودة حول ماسورة الصرف التى ادت الى الرطوبة قبل البدء
لو سمحت ممكن رقم تليفونك انت منين و ممكن ديجى اسكندرية
الفيديو تعليمي ولا اقوم بعمله خارجيا
احنا دور ارضي مفهوش اساسات فهل تنفع معانا الطريقة دي وهل لو استخدمت سيراميك مش هيقع علشان الرطوبة
الطريقة تنفع في كل الظروف شرط مايكنش فيه مصدر للماء لكن لو فيه رشح للماء حتى لو بسيط لن تجدى هذه الطريقة ولا غيرها .. بالنسبة للسيراميك مش هيقع الا اذا الدنيا غرقت مياه خلفه لو المكان رطب بس بدون تدفق ماء هيظل ثابت
قبل كان لازم ترش سبراي مياه عشان ترطب شوية
صحيح بس كان الجو كويس والحاءط بارد
شكرا ع رد ايوا السقف المعجن ونتر المعجون وظهر الاسمنت كده لازم يتمحور الميه نشفت وجزء من المسلح بان ايه العمل ؟شاكره لحضرتك
لازم يتمحر تانى لكن فيه حل احسن واوفر واسرع وهو المتبع حاليا في الفلل والتشطيبات الحديثة انه يتعمل مصيص ( جبس ) وبعد كدة ياخد سكينه معجون واحدة بدل تلاته وبعدين يندهن بلاستيك وممكن يندهن بلاستيك بدون سكينه المعجون وفي الحالة ده الموضوع هيخلص كله في يوم وبتكلفة بسيطة