كيفاش تكوني إمرأة هادئة ورزينة | سلسلة تطوير المرأة المسلمة
Вставка
- Опубліковано 28 сер 2024
- #الهدوء #الراحة_النفسية #قوة_الشخصية
رابط حسابي على أنستغرام :
www.instagram....
في هذا الفيديو تطرقت إلى عشر نصائح للنساء اللواتي يعانين من فرط العصبية و الصراع الداخلي و حب الصراخ و التذمر من كل شيء بينت لهن حقيقة هذا الأمر ألا و هو شعور داخلي يجدر بهن إصلاحه بداية من الداخل والعمل على ضبط أنفسهن من عدة جوانب و ثم سيلاحظن فرق و أثر ذلك في حياتهن المنزلية و العملية مع المحيطين بهن
كيف أحقق السلام الداخلي
كيف أكون شخصيا هادئا
كيف أصبح إمرأة هادئة
كيف أضبط عصبيتي
كيف أتحدى القلق و العصبية
كيف أقلل من التذمر
كيف أربي أبنائي تربية سليمة
كيف أضبط أعصابي مع الأولاد
كيف أتعلم الهدوء
كيف أتصرف في المواقف المزعجة
كيف أرد على شخص يستفزني بلباقة
كيف أتعلم الحوار
كيف أتصرف في التجمعات
كيف أتكلم في التجمعات واللقاءات
كيف أضبط أعصابي
كيف أسيطر على غضبي
#العلاقات_الأسرية
#اللباقة
#فنون_الرد
#فن_الحياة
#الكلام_الطيب
#العلاقة_الصعبة
#الصراع
#الازمات
#النفسية
#التعب
#الإنهيار
#القلق
#الضغط_النفسي
#الضغط
#الضغوطات
#الإرهاق
#العلاقات
#تربية_الأبناء
#تربية_الأطفال
#إمرأة_مكافحة
#إرشادات
#توجيهات
#نصائح_يومية
#نصائح_للنجاح
#نصائح_هامة
#نصائح_لتقوية_الشخصية
#الهدوء
#السلام
السلام عليكم يا متابعي قناة الملكة👑👑
أردت أن أزف خبرا جميلا لمن أراد الإلتحاق ببرنامج الكتروني لطلب العلم الشرعي ألا وهو :
• البناءُ المَنهجيُّ 📚
برنامج تأسيسيٌّ في الموادِّ الشرعيَّة والعربيَّة، مِن فِقه، وعَقيدَة، وأصُولِ فِقه، ونَحو، وعُلومِ قُرآن، وتَفسِير، وتَاريخٍ إسلَامِيٍّ، وعُلومِ حَديث.. إلى جانِب قِسمٍ ثَقافِيٍّ يُعنَى بقَراءَةِ الكتُب بمُختلفِ قَضايَاهَا..
ويُتيحُ لَك، بشَكلٍ اختيَاريٍّ، بَرنامجًا خاصًّا لِحفظِ القُرآن بضَبطٍ وإتقَان..
باختِصار: نِعمَ البناءُ المَنهَجِيُّ، فإنَّ المُشتَرك فِيهِ سَيجدُ الفائِدةَ الجمَّة، مِن ناحِية العِلمِ، والتَّزكيَة، والعمَل..
🖇 إستمارة التسجيل :
forms.gle/CmB3M71H57ya61589
😊 10:21
سلام أختي
انا مشتركة جديدة
محتوى معرفي ما شاء الله مزيد التوفيق ان شاء الله
بغيت نعرف هذو الدروس تع البناء المنهجي مجاني ولا لا
سلام أختي
انا مشتركة جديدة
محتوى معرفي ما شاء الله مزيد التوفيق ان شاء الله
بغيت نعرف هذو الدروس تع البناء المنهجي مجاني ولا لا
❤❤❤ شكرا على معلومات
كيفاش نشارك بارك الله فيك فرحانا كي عرفتك
الحمد لله جربتها من مدة والله روووعة ذكر خاص بكل غرفة مثل راني في المطبخ نظل نحوقل واذا خرجت ورحت لصالة ننظفها ولا راني قاعدة فيها راني نصلي على النبي واذا دخلت غرفة الأطفال نسبح وهكذا الحمد لله. الله يثبتنا يااااارب
ما شاء الله
والله فكرة هايل يعطيك الصحة
فكرة جميلة جزاك الله عنا خير
صح الله يفرحك
ماشاء الله
الصراحة القران بزاااف يبدل صوالح انا شخصيتي بزاف تغيرت الافضل بعدما بديت نحفظ قران سبحان الله اصبحت شخصية اكثر هدوء وا تخمم قبل ماتهدر 😊😊
كنت مقلقة بزاف ملي بديت الاستغفار وسورة البقرة الحمد لله رجعت لطبعيى الرزانة
سبحان الله أكثر الجزائريات يعجبوني بالتزامهن بارك الله فيكن تحية مغربية
وفيك بارك الله
مرحبا بيك
Marhaba
اكثر حاجة تساعد هي سورة البقرة تقراوها يوميا او الصلاة على وقتها و اذكار الصباح و المساء والصلاة على النبي عليه الصلاة و السلام ❤
صح كفو عليك ❤ اجمل مايفعله الانسان في حياته انه يدخل سوره البقره في حياته ❤
بارك الله فيك
انا كانت حياتي كامل مخلطة عياط مرض مشاكل بعدما دخلت المسجد تبدلت حياتي 180درجة وكتشفت اني مصابة بسحر وعين وحسد وشفيت بفضل الله بقراءة القرآن وحفظه وتغيرت تغيير جذري في نفسيتي في تفكيري وأصبحت بفضل الله معلمة قران
انصح كل واحدة أن تلتحق بحلقات الحفظ في المساجد والله ستجد الخير الكثير وتتغير حياتها للأفضل والله سعادتنا كلها في ديننا فالحمد لله على نعمه الاسلام
سلام اختي من فضلك قوليلي كيفاش نظمتي وقتك مع حفظ القران وكم دام وقت الحفظ وكيف اصبحت معلمة القران من فضلك افيديني وفي ميزان حسناتك
@@user-le9uh1do7v وعليكم السلام بديت بتعلم احكام التجويد في المسجد ولما شافتني المعلمة مجتهدة وتعلمت بسرعة اختارتني معلمة للبنات
وباش تنجحي وتتوفقي لازم تصدقي الله وتخلصي النية وتلتزمي بالحضور والله رايحة تلقاي البركة فكل امور حياتك فتوكلي على الله وابدءي ووقتك رايح يتنظم وحدو وفقك الله لما يحبه ويرضاه
من فضلك حابة نحفظ القران اذا تساعديني وشكرا
المنشورات التي لا تُرضي الله لا تضع لها إعجابًا، فإنّ يدك ستشهد عليك وتنطق في يومٍ لا توبة فيه ولا رجوع ..
انكر المنكر ولو بقلبك وهذا أضعف الإيمان، ولا توزّع إعجاباتك هنا وهناك فربّما تشجّع -بفعلِك هذا- عاصٍ على معصيته ..
الأمر ليس تافهًا كما يظنّ البعض!
﴿الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللهِ أَلَا بِذِكْرِ اللهِ تَطْمَئِنُّ الْقُلُوبُ﴾♡
- «سُبْحَانَ اللهِ»
- «الحَمْدُ للهِ»
- «لَا إلَهَ إلَّا اللهُ»
- «اللهُ أكْبَرُ»
- «سُبْحَانَ اللهِ وَبِحَمْدِهِ»
- «سُبْحَانَ اللهِ العَظِيمِ»
- «لَا حَوْلَ وَلَا قُوَّةَ إلَّا بِاللهِ»
- «أسْتَغْفِرُ اللهَ وَأتُوبُ إلَيْهِ»
- «لَا إلَهَ إلَّا أَنْتَ سُبْحَانَكَ إنِّي كُنْتُ مِنَ الظَّالِمِينَ»🍁
التوكل على الله وكثرة الاذكار مع قراءة القرآن كلشي يجي ساهل بإذن الله❤
ضغطت على لايك ابونيت و فعلت الجرس.. ادعولي ربي يرزقني ذرية صالحة يارب
حمد الله راني قدرت نتحكم في روحي و حولت روحي من انسانة طايرة الى انسانة هادئة.الان الخفة جابتلي بزاف مشاكل
واش درتي أختي ولله انا خفيفة ونتقلق ليهليه انصحيني واجرك على الله
@@oumhameza3093 والله يا ختي العزيزة غير لقيت روحي دايما في المشاكل وليت قلت انا علاش؟؟عندي سلافاتي ثقال و يديرو كل حاجة تحت لتحت و انا كل حاجة نهدرها كل حاجة نعلق عليها و نهدر مع الناس ڨاع الكبير بالصغير و هادي العقلية مخرجتش عليا وصلت وين طاحت قيمتي خاطش نبلبل بزاف أيا وعدت روحي بلي قبل ما ننطق كلمة ندير الف حساب صافي وليت نهدر غير كي يلزم الحال نهدر.و الحمد الله .ننصحك ختي ثقالي ثقالي الرزانة مليحة
انا ثاني
@@RezkiRezk-sq9hn لبارح درت حجامة قالولي مليحة على ربي
رانا نستناو كيما كنا بكري نستناو المسلسل الوحدة تاع بكري هههههه 😂😂
ههههه ضحكتيني يعطيك الخير والربح
الذين آمنووا وتطمئن قلوبهم بذكر الله ألا بذكر الله تطمئن القلوب ❤ الصلاة على النبي عظيمة
فيديوهاتك ادمان وانا مايجيونيش كامل طوال ناكتيفي مود كيتمان و مواعن و نسمعك والله يحلالي الشغل و تفيديني بزاف بارك الله فيك و جعلها في ميزان حسناتك❤️❤️❤️
ربي يحفظك حنونة
انا ربة منزل القراءة غيرت حياتي ..عملت علي صفحتي سلسلة تساعد الستات يغيروا حياتهم من البيت عملة ٣٠ حلقة للسعادة هتغير حياتك هنحسن علاقتنا بربنا ونفسنا والي حوالينا
ممكن تعطيني الكتب اللي قريتيهم
كلامك صحيخ اميرة انا مؤخرا و في نهاية السنة كتشفت بلي كانت عندي طاقة ايجابية كبيرة لاني انسانة متفائلة دائما بالخير و احب تغيير و تطوير ذاتي للاحسن دوما ولكن في نفس الوقت كنت عصبية جدا و قلقة كل الوقت واحس انوهناك خلل ما لم احدده و كنت افرغ غضبي في بناتي زوجي اشتكي لامي و اختي لدرجة انهم تفاجؤو من تصرفاتي لاني لست كذلك و السبب انني كنت محاطة بأشخاص سلبيين جدا و كنت اسعى لانقاذهم و كاني المنقذ هههه ادركت انني كنت ارضي غيري حتى مع اهل زوجي و كنت اركض ورائه لارضيه كنت نخمم عليه ماديا و معنويا تصرفت بطيبتي لكن و الله تعبت نفسيا و جسديا اهملت نفسي و طاقتي نفذت على اشياء تافهة و لكن صدقيني اعطيت عهدا لنفسي سوف اوجه طاقتي كلها على نفسي و بناتي و بيتي و اركز في اهدافي و حياتي ولن اسمح لاي احد ان يثبطني او ان يبقيني في مستنقع و وحل الفشل او السلبيات و ان اهتم بنفسي و تكون اولويتي انا ثم الباقي و اسال نفسب دائما سؤال هل هذا الشيء يناسبني و ماذا يظيف الي في حياتي من نجاح و تقدم للامام ولن التفت لاحد ارضي ربي و والديا و الحمد لله على كل حال
برافو عليك
نفس حكايتي كلي طاقة ايجابية لكن المحيط السلبي هلكني لاني مركزة عليه بصح تعبت مزال ماعرفتش نرجع لحالي كيف بدأتي حبيبتي
مثلي بالضبط
تبدئي بأن توجهي كل طاقة تبذليها في شيء انتي متأكدة بلي سلبي و سام و ماثرلك على صحتك و نفسيتك وبدلي الوجهة تاع طاقتك الايجابية لنفسك و ليس في ارضاء الآخرين نتمنى فهمتيني حبيبتي و تعلمي ديما العطاء اللي تقدميه سقسي روحك لمن و كيف و وينتا و شحال ويلا يناسبك نتي و يريحك ولا لا و متحسيش روحك مظغوطة نفسيا ولا جسديا وانت تمدي فيه باش مايوليش تضحية يبقى عطاء وانت حابة هاذ الشي
نفس الشى والله انسانة متفائلة في عز الشؤوم ولكن عييت نفسيتي تعبت بززاااف بززاااف حاسة روحي رايحة نهبل
استغفر الله العظيم عدد ما خلق استغفر الله العظيم ملئ ما خلق ❤ استغفر الله العظيم عدد ما في السماوات والارض تستغفر الله العظيم ملئ ما في السماوات والارض ❤ استغفر الله العظيم عدد ما احصى كتابه استغفر الله العظيم ملئ ما احصى كتابه ❤ استغفر الله العظيم عدد كل شيء استغفر الله العظيم ملئ كل شيء ❤
❤❤❤❤❤❤❤
بوركتي على نصائح ❤ لوكان ديريلنا موضوع على الحوار بين زوجين أنا زوجي ميحبش الحوار ابدا غير نبدا ناقش فيه يبدا يعيط
@@koukikouki4276 نفس الشي يكون شاد تيليفونو وميحبش يحكي معايا وكي نكتر عليه يبدا يعيط باش نسكت ونخليك
مام انا مايحبش يناقش تبالو اني نعاند فيه ونيبس في راسي وانا والله نحب ناقش للوصول الحل الله غالب يحبسهالي في قلبي حتان وليت نفوت امورات ياسر باش ماندخلش في نقاش معاه علابالي نخرج منو مانيش مليحة ومنفهمش😢😢
انا بعد هكا
اغلبية الرجال هكذا. خلوكم منهم أكثروا ذكر الله والدعاء بدل الجدال معهم. انا زوجي مليح معايا بصح انا نهدر معاه وهو يكونيكتي حتى وليت نخدم وحدي ونفكر وحدي المهم يعطيني الدراهم وهو ربي يسهل عليه
اخطيك منو
من وجبو يسمعك ويحكي معك
شكون غيرو بسك زوجك
الهدوء اصله من التربية الهادئة والسوية في العائلة مع الوالدين .
أفضل ما سمعت في حياتي اعطيتني طاقة ايجابية والله اني احببتك في الله ربي يعطيك خير الدنيا و الاخرة ان شاء الله
اختي ديريلنا فيديو وش هوما المواضيع لي نحكوهم مع اهل الزوج والمواضيع لي منحكوهمش وديريلنا فيديو على المتغربين
صح المسجد غيرلي حياتي 180 درجة واليت هادءة تقربة مربي بزاف واليت نحفظ تقوات الذاكرا بدرجة متقدريش تتصوري شحال حفظة سورة البقرة ليشفاتني من السحر والعين وحفظة لحد لان بديت من سورة الناس وراني في سورة الفرقان والدي ختمو بنتين وولد ختم هاذ العام وحدا مبنتاي شاركت في مزامير دوود اللمهم تغيرت نفسين علجة نفسي بلقران ننصح بلقرأن والمسجد
أنا عجبتني هاديك السلة سورتو هاديك الحية الغوز هههه
كل كلامك صواب حبيبتي لكن فقط ملاحظة لا السبحة بدعة لا الصحابة سبحوا بها و لا السلف الصالح و لا حتى النبي عليه عليه الصلاة و السلام و كل بدعة ضلالة و كل ضلالة في النار أخيتي و جزاك الله خيرا 🤍
احسن الله إليك أختي
لا كنها بدعة حسنة والله اعلم
البدعة هي الاحداث في أصول الدين بما ليس فيها لكن السبحة وسيلة لتسهيل ذكر الله والا كانت السيارة بدعة والبرامج وجميع الوسائل المسخرة لتسهيل العبادة بدعة
فيدوهاتك ملاح ناس حاجة مترضيهم ياحبيبتي ربي يفرحك دنيا واخرة ويخليك منين نسمع نصياحك نرتاح نفسيا ياحلي ملكة
سلام اميرة انا فتاة في عمري 16 سنة من سيدي بلعباس اتابعك باستمرار و كلما احس بإكتئاب اشاهد فيديو من فديوهاتك صراحة راحة نفسية احبك في الله اختي انتي هدية من الله
ياعمري ختي الصغيرة مرحبا بيك عندي ربي يفرحك
اللهم اعني على ذكرك وشكرك وحسن عبادتك ولا حول ولا قوة الا بالله العلي العظيم
بالعكس فيديوهاتك ليست طويلة بل انا انزعج عندما تنتهي فيديوهات قيمة حقا ماشاء الله عليك❤
شكرا جزيلا انا متتبعة جديدة انا كرهت روحي من عصبيتي ونرجع زعافي كاع على ولادي و صح روتين لي خلاني متعصبة مكاش كاع حاجة جديدة في حياتي
انا للاسف زدت وتربيت رزينة وهادئة جدا كان الجميع يتمنى عقليتي لكن بمرور الوقت تبدلت ووليت مقلقة بزاف واتمنى ان استرجع شخصيتي الاولى
😢😢😢😢😢والله كيفي كنت عاقلة بزاف ومانحكيش بزاف ودرك وليت في وحد الحالة المزاجية القلق والزعاف تمنيت نرجع عقليتي😢
مثلي انا راحت العقالة والرزانة مع عباد ما يستاهلوش
😢😢😢والله نفسك كان يضرب بي المثل في أخلاقي وثباتي ورزانتي لكن منذ ذهبت مجال العمل للاسف تغيرة 180درجة 😢😢😢
مثلي انا ايضا كنت هادئة وحكيمة وبنت عاقلة جدا والان صرت عصبية جدااااا الله المستعان اشتقت لنفسي والله
راكي تحكي عليا
كلامك صحيح 100 ب100 مي حلول لي عطيتهم كامل منقدرش نديرهم نتاع تخرجي وتبدلي محيط لي فيه لا إله إلا الله محمد رسول الله
نجرب نكثر من ذكر وخلاص
وهل هناك اجمل من ذكر الله ❤️❤️
دعاء يبعد عنكم الشيطان :ربي_ أعوذ_ بِكَ_مِن_ هَمَزات_الشَياطين_و_أعوذُ_بِكَ_رَبي_أن _يَحضُرون 🤲💙
لكل من مر من هنا صلي على النبي عليه صلى الله عليه و سلم
عليه افضل الصلاة والسلام
اللهم صل وسلم على سيدنا محمد وعلى اله وصحبه اجمعين و من تبعهم بإحسان إلى يوم الدين
صلى الله عليه وسلّم
عليه الصلاة والسلام
طلع بث احسبه فيديو
استمررررري انتي رائعه❤❤❤❤
رغم اني احصل صعوبه باللغه الجزائريه❤❤❤❤
وين كنت مخبية عليا أول مرة نسمعك.الله يبارك كتريلنا من المواعظ.حسيت روحي مراطيا بزاف😂
❤️❤️❤️
الحاجة الي نقول ليوم ماندرهاش هاذيك هي الي ندرها شكون كيفي
خاطر راكي تركزي على الحاجة الماشي مليحة علابيها ديريها جربي ركزي على الحاجات اللي راكي حابة ديريهم و ابداي ديريهم وكرريهم حتى ينطبعو فيك
انا تاني ختي راني كيفك
ماشاءالله محتوي مفيد جدا واصلى اكثر بالتوفيق
حتى العبادات هي ذكر لله ولا تستثنى
لكن يجب أن تؤدى بشكل حسن وثمارها جمّة
متابعة جديدة مغربية من بلجيكا ماشاء الله عليك ابنتي قناة هذافة و الفيديو رائع ربي ينورك ويكثر من أمثالك
اهلا وسهلا بيك عزيزتي
أنت هي الإنسانة الإيجابية للازم تكون في حياتي شكررررا❤❤❤
الله يعطيك ماتتمنايه والله سمعت الفيديو صباح حتى لقيت روحي عااودت رجعت حابة نسمعك لانو كلامك محفز ومدعم ربي يحفظك ويجاازيك كل خير حبيبتي
الله يحفظك ختي لعزيزة
لايسعنى إلا أن أدعو الله يوفقك في دربك ويجازيك ونصحت كامل صحباتي يتابعوك وكأني اكتشفت كنز
ربي يحفظك عزيزتي
مشكورة ربي يبارك فيك لوكان تتكلمي على المراة المرضعة وطفل اخر صغير والاجهاد النفسي بين شغل الدار و العمل برا وتخرنين الراجل نحس روحي راح ننهار ارجو منك النصح وشكرا ام عبد الرحمان
العفو حبيبتي سأحاول الحديث في هذا الموضوع
علاه تنهاري احبي نفسك انا استاذة وعندي رضيع وولدين في الابتدائي ديما نبدأ من الاهم. للمهم معنديش جمايع انا سيدة حياتي ونتصرف فيها على حسب وقتي لا لغيري لي يحب يمشي بطريقتي مرحبا ولي مايحبش ربي هناني منه
@@enimassem9227 شكرا لك الأخت طبيعة عملك ربما عندك الوقت متنفس يعني حنا لا وزيد نرضع طبيعي هذيك قتلتني. وبنتي ثلاث شهر فقط ربي يحفظها تسما لازم لي وقت وتدرج باه نتاقلم وتعبت فعلا و الاختلاف من شخص لآخر ماتقدريش تحطي روحك في بلاصتي ولا انا في بلاصتك ...الخ
ما شاء الله عليك اول مرة نسمعلك فالقمة تستاهلي اللايك و المتابعة دمتي متألقة
ربي يحفظك
بورك فيك والله فيديو وكلام في القمة خاصة اكتيفي مود الصمت نقطة جدا مهمة وجد فعالة واصلي اختي وسدد الله خطاك
اختي هل ممكن ديرينا فيديوهات عن كيف تكوني مثقفة وتزيدي معلومات في كل المجالات وكي تهدري تباني وحدة مثقفة مش لا علاقة
الملخص
•التوكل على الله
•كثرة ذكر الله
•الخروج من الدائرة المحيطة
•التواجد مع ناس سلبيين سيئين وتقليل عددهم والتركيز في عائلتك واهتماماتك واخطيكمن القيل والقال
•التعرف على أشخاص جدد واعين هادئين ناجحين إيجابين يعطوكم تجارب وخبرات
•التركيز على الأفعال لا الأقوال: اذا ماعجباتكش حاجة ماتشكيش بصح ديري ردود افعال ماتبقيش تعرشي
•اشغلي نفسك بمشروع او هواية تحبيها او تعلمي حاجة جديدة
•نقصي الهدرةبزاف ومجالس الغيبة والنميمة كل ماهتميتي بنفسك تطوري والعكس صحيح
•عودي نفسك على قلة الكلام ماتقولش رايك اذا حد ماطلبوش
•تعلمي الإنصات والاستماع أكثر وأكثر
•حضور دروس دينية
•جربي مرة شدي فمك في كاش مجلس
• مايكونش رأي الناس فيك هو رايك عن نفسك وخلي اهتمامك وتركيزك على نفسك وماتتأثرش بكلام الآخرين
❤❤❤
الله يجزيك
سلام أختي أول مرة أكتشف قناتك سبحان الله معلوماتك راح نجربها إن شاء الله جزاك الله خيرا 😊
كنت جد هادئة لاقصى درجة مع الوقت و الناس السلبية دايرين بيا يآذوني وليت شخصية مختلفة تماما و قلبي برد و قسح و في الأخير مرضت غير روحي ووليت تقريبا كما قلتي قللت الناس و بعدت كل البعد عليهم و ما نكثرش الهدرة و الي يهدر فيا نخليه ينبح و ما يهمنيش كامل و جامي رديت و الي يهدر فيها نحسو بلي ما يسوا والو نعرف روحي واش نسوا
صرالي نفس شي لكن كما قلتي لازم تكوني صامدة متعانديش ناس و تشدي الهدوء تاعك
الفيديو مفيد جدا بارك الله فيك وبالنسبة ليا مهوش طويل وللناس لي ميقدروش يتبعو الفيديو يجيهم طويل يقدرو يقسموه الى اجزاء كل مرة يسمعو جزء ويستوعبوه
شكراً حبيبتي على مجهوداتك شحال نرتاح كي نسمعك متتبعة من ولاية البويرة اول مرة نعلق سمحيلي فنيانة😂
صوتك بزاف شباب وأفكار منظمة وهدرة موزونة وخفيفة على الروح ❤ شكرا ليك
هذا من طيبة قلبك عزيزتي
الله يبارك ويحفضك على هادي قناة جزاكم الله خيرا شكرا جزيلا
كلامك ختي جا في وقتو
بوركتي غلاتي ❤
الله يبارك فيديوهات مفيدة فالقمة ماشاء الله عليك
سلام اختي🌹
محتوى في قمة الروعة 👌
🤲جعلها الله في ميزان حسناتك
💐وفقك الله و سدد خطاكي ،💐
امين حفظك الرحمان
@@Almalikahdz الله يعزك حبيبتي🌹
نجم نتعرف بيك في الخاص
ان امكن بطبيعة الحال ،🙏🙏
مرحبا بيك للانستغرام
يعطيك الصحة كلام فالقمة غير طولي وزيدي ني نسمع ونخدم شغلي منحسش كفاه نكمل❤
شكرا بزاااف الأخت كملينا السلسلة وطولي الفيديو كيما تحبي 🥰🥰🥰
ان شاء الله حبيبتي
عليه الف صلات وسلام حبيبي محمد
ادعولي ربي يرزقني بالذرية الصالحة
الله يجعلك من اهل الجنة بهذا المحتوى❤❤نصائح جد جد مفيدة جزاك الله خيرا قدما طولتي نحب نزيد نسمعلك نصائحك فادوني كثيراً في حياتي شكرااا جزيلا 🌹🌹🌹💖💖
اللهم الجنة لي و لمتابعاتي ❤️❤️
شكرا حبيبتي على هاذ الفيديو جا في وقتو ربي يحفظك و يعلي شانك جعله الله لك في ميزان حسناتك
نصائح قاع لي قلتيهم انا مطبقتهم في حياتي malgré l'entourage تاعي ماراهمش مخليني نكون alaise في داري راني نحاول نكون بعيدة عليهم شويا لخاطش قلقوني بزاف في اول زواجي و الحل هو البعد و خليهم يقولوا واش باغيين انا المهم صحتي و راحتي هي صح
اكيييد هذي باينة صحتك النفسية قبل كلش
@@Almalikahdz بارك الله فيك على النصائح قاع لي تمديهم انا متبعاتك بزاف كملي وربي يوفقك
ويوفقك حبيبتي
شكرااا على النصاءح في القمة في مزان حسناتك انشاء الله🤲😘❤
هدرينا على النية الزايدة مع الناس ويدورو عليهم وكيفاش انقص من هذه النية الزايدة
اقرا سورة البقرة وتشوفي
ربي يجعلهم في ميزان حسناتك محتواك روعة عجبني دايمة طوب مواضيع محترمة وتمس واقعنا ربي يبارك فيك ويعطيك صحتك بالتوفيق ان شاء الله مشكورة الاخت الفاضلة 😍🥰🌹
كلام راءع شكرا علي هذا الموضع انت انسان جميلة من داخل انا احبك من كلامك الجميل ❤❤❤❤
❤️❤️❤️❤️
ربي يحفضك حبوبتي الحمد لله انو ربي حطك في طريقي منك تبدلت بزااف
ماشاء الله عليك رانا نستفادو منك بزااف شكرا
جا الفيديو في وقتو يعطيك الصحة راكي تهدري عليا سبحان الله بارك الله فيك على النصائح القيمة وجزاكي الله خيرا ❤
الوليدة تطلب مني كل يوم نسمعها فيديوهاتك باسكو انا عرفتها عليك
سلامي ليها ❤️
ربي يرزقك درية الصالحة ختي اميرة تحققي مبتغاك
يا اختاه بارك الله فيك انا يوميا نخدم شغل الدار وانا نسمع في هذا الكلام الراءع تعلمت بزاف صوالح حتي ولو كان الفيديو فيه 2سوايع. ان مستعد للاستماع والتعلم مشكورة حبيبتي.
الله يبارك فيك و يحفظك
كيف اتقن فن الغياب عن الناس اكثر المشاكل
الله يبارك فيك، جزاكي الله خيراً
وليتيلي إدمان عمري الله يعطيك لخير كيما راكي تعطينا الصح ❤❤❤
ماشاء الله عليك يا اختي
السلام عليكم اختي محتوى رائع ربي يفقك في ميزان الحسنات
امين حبيبتي
بارك الله فيك اختي مشالله كلامك صحيح وهدرتك صواب وطاقتك إيجابية مشالله مي اهدري شوي على عازبات ماشي غير متزوجين 😅
شكرا لك على هذا الفيديو و أخيرا لقيت شكون لي يهدر عليه بإذن الله نحاول نطبق هذو النصائح
متتبعة جديدة الله يبارك محتوى في المستوى
ما شاء الله عليك وربي ايهنيك كلامك كله فائدة تؤجرين عليها سورتو مع الوقت إلي رانا فيه .مشكورة مأجورة حبيبتي
ربي يحفظك واهلك معك يا اختي وتهلاي في راسك وأكثر وربي يسهل عليك
جزاك الله خيرا .موضوع جميل كيما انت .لايهمني طول او قصر الفيديو بأكثر ما يهمني فوائد من الموضوعات .واصلى
بارك الله فيك الله يجعلهم كامل كما نتي
❤شكرا حبيبتي على هذه المواضيع التي تخلق تغييرا وتطويرا في حياتنا
لتكفير الذنوب 🚿
لا إله إلا الله و الله أكبر و لا حول و لا قوة إلا بالله العلي العظيم 🤲
❤يعطيك الصحة النفسية تاعي ولات مرتاحة. بعد ماراني نتبعك ان شاء الله نتحسن الاحسن سوغتو مع بناتي لاني وليت ام عصبية بزاف 😢شكرا حببتي ❤
ان شاء الله.ربي يوفقك حنونة.نحن في الاستماع
كلام في القمة ❤ جزاك الله كل خير
يعطيك الصحة اختي
مشااااء الله ♥هدرتك عسل نصااائح قيمة ربي يحفظك ويسعدك يارب 😍
حبيبتي طولي كيما تحبي 😂 انا نحط فيديوهاتك و راني نخيط والله ما نحس بالوقت ، كلامك جواهر ، و دايما لازم يبدا التغيير من ذاتنا لأنه لا يغير الله ما بقوم حتى يغيروا ما بانفسهم ❤❤❤❤
كلامك في الصميم اختي
ربي يبارك افيدينا بنصايحك والله سبحان الله تقول بعثك ربي ليا انتي نعم الناس ربي يكثر من امثالك ❤❤❤انتي قدوتي
الله يحفظك شهادة أعتز بها
يا ريت تنحي قرعة تع دوف و تع فينوس لانهم منتجات المقاطعة تجنبي عرضها فضلا وليس أمرا
ادعولي لبنات، بزاااف امور نتمناها نتوما ادعولي وخلاص ❤❤
فتح الله عليك
كي لقيت يوتوبرز جزائرية تتحدث بهاذي الطلاقة و الثقة افتخر بيك منعرفكش مبصح عجبني لحال ربي يوفقك درت جام قبل منشوف لفيديو ومزالنا نتفرج كتبتلك لكمنت راني ف كلمة فرفوشة
ربي يحفظك الله يبارك على بنات بلادي لي يدعمو خوتاتهم❤️❤️❤️
❤❤تاع الصح قد ماهو طويل قد ماهو مفييييد بوركتي ورزقكي الله خيري الدنيا والاخرة❤❤
يعطيك الخير اختي ...والله فيديو في وقته ...راني نعاني و محطمة نفسيا ...تكوني عرضة ديما للانتقاد و الانتقاص من زوج نرجسي أناني معيشك في جحيم و محطمك نفسيا دخلني في حالة اكتئاب و لحقني لعتبة dépression
الله المستعان ...ادعيلي معاك