តើបង្កើតក្រុមយុទ្ធសាស្ត្រទីផ្សារឌីជីថល(Digital Marketing)គួរមានគ្នាប៉ុន្មាននាក់?ហាក់ គីមថុង
Вставка
- Опубліковано 27 бер 2020
- ក្រុមហ៊ុនកាន់តែច្រើនឡើងៗចាប់ផ្តើមយកចិត្តទុកដាក់បណ្តាក់ទុន និងបង្កើនការចំណាយលើការធ្វើទីផ្សារនៅតាមប្រព័ន្ធឌីជីថលនានាដោយសារតែពួកគាត់ចាប់ផ្តើមយល់ពីតម្លៃ និងប្រសិទ្ធភាពរបស់វា។ ទំនោរមួយនេះ គឺកើតឡើងដោយសារតែអតិថិជន និងអ្នកប្រើប្រាស់ទូទៅ បានចំណាយពេលកាន់តែច្រើនឡើងជាមួយនឹងច្រកឌីជីថលនានាដូចជាបណ្តាញសង្គម Facebook Instagram UA-cam និងគេហទំព័រព័ត៌មាន ហើយកាន់តែតិចទៅៗជាមួយនឹងច្រកផ្សព្វផ្សាយជំនាន់មុនដូចជាទូរទស្សន៍ វិទ្យុ ទស្សនាវដ្តី ឬកាសែតជាដើម។ទំនោរមួយនេះ នឹងកាន់តែវិវឌ្ឍន៍ទៅមុខយ៉ាងឆាប់រហ័ស មិនមានល្បឿនថមថយឡើយ ហើយច្រកឌីជីថលជាច្រើនថ្មីៗទៀតនឹងលេចចេញជាបន្តបន្ទាប់ ដែលតម្រូវឱ្យក្រុមហ៊ុន និងសហគ្រាសសម័យថ្មីនេះត្រូវតែតាមដាន និងធ្វើបច្ចុប្បភាពយុទ្ធសាស្ត្រទីផ្សាររបស់ខ្លួនជានិច្ច។
ដោយសារតែភាពចាំបាច់ក្នុងការបង្ហាញវត្តមាននៅលើប្រព័ន្ធឌីជីថល និងចេះរៀបចំយុទ្ធសាស្ត្រទីផ្សារឌីជីថលឱ្យទាន់ទំនោរសង្គម ក្រុមហ៊ុន និងម្ចាស់អាជីវកម្មជាច្រើនបានសម្រេចចិត្តជាវសេវាកម្មឱ្យក្រុមហ៊ុនភ្នាក់ងារយុទ្ធសាស្ត្រទីផ្សារឌីជីថលជួយសម្របសម្រួល និងបង្កើតយុទ្ធសាស្ត្រសម្រាប់ផលិតផលនិងសេវាកម្មរបស់ខ្លួនផ្សព្វផ្សាយលើបណ្តាញសង្គមនានា ជាពិសេស Facebook និង Instagram។ នៅពេលដែលក្រុមហ៊ុនតូច និងមិនទាន់មានធនធានមនុស្សគ្រប់គ្រាន់ ការជាវសេវាកម្មពីភ្នាក់ងារទីផ្សារឌីជីថល គឺជាជម្រើសមួយដ៏ប្រសើរ។ ប៉ុន្តែ នៅពេលដែលក្រុមហ៊ុនមានចំណូលសមរម្យមួយ និងមានកញ្ចប់ថវិការដើម្បីពង្រីកខ្លួននៅលើទីផ្សារ បង្កើតក្រុមយុទ្ធសាស្ត្រទីផ្សារឌីជីថលនៅក្នុងក្រុមហ៊ុនគឺជាជម្រើសមួយដែលមិនអាចមើលរំលងបាន ហើយខ្ញុំជឿជាក់ថា នៅពេលដែលអ្នកមានក្រុមការងារខ្លួនឯង អ្នកនឹងមានប្រៀបជាងអ្នកដែលជួលសេវាកម្មពីខាងក្រៅ និងអាចធ្វើទីផ្សារបានស៊ីជម្រៅជាងដៃគូរអាជីវកម្មរបស់អ្នក។ តើក្រុមការងារយុទ្ធសាស្ត្រទីផ្សារឌីជីថលគួរមានប៉ុន្មានអ្នក និងមានតួរនាទីអ្វីខ្លះ? ក្នុងវីដេអូនេះ អ្នកទាំងអស់គ្នានឹងបានគន្លឹះខ្លះស្តីពីការបង្កើតក្រុមទីផ្សារឌីជីថល
#DigitalMarketing #Facebook #Socialmedia #ContentMarketing #Business
សម្រាប់អត្ថបទសម្រាប់អាន សូមចូលទៅ kumnit.com/article/5639
បងជំនាញទំនាក់ទំនងទីផ្សារមុខតំណែងដែលទទួលបានប្រាក់ខែ២,៣ពាន់ឡេីងទៅ តេីជាទូទៅវាប្រេីរយៈពេលប៉ុន្មានឆ្នាំទេីបឈានដល់តំណែងទាំងនោះ រឺក៏វាអាស្រ័យលេីប្រសិទ្ធភាពនៃការធ្វេីការងាររបស់យេីងល្អរឺមិនល្អចំពោះក្រុមហ៑ុននោះ👁️
សួស្តីបង! ខ្ញុំឃេីញក្រុមហ៊ុនមួុយ ផ្នែកយុទ្ធសាស្រ្តទីផ្សារឌីជីថល គឺមានតែម្នាក់គត់ ទាំងផ្នែកឌីហ្សាញ វីដេអូ យុទ្ធសាស្ត្រ និងជាអ្នកកាន់ផេកFB រហូត 11pages ដែលតំរូវអោយផ្សាយមានប្រសិទ្ធភាព ។ តេីការរៀបចំបែបនេះ គ្រប់គ្រាន់ដែរ ឬទេ?
មនុស្សម្នាក់មិនអាចចេះច្បាស់គ្រប់មុខបានទេ! ក្រុមហ៊ុននីមួយៗតែងតែមានភាពប្លែកៗគ្នា ហើយបើក្នុងវិស័យខុសគ្នាៗវិញ គឺរិតតែត្រូវការពេលវេលាច្រើនដើម្បីសិក្សាដើម្បីអាចធ្វើទីផ្សារឱ្យបានច្រើន។ តាមបទពិសោធន៍ក្នុងអាជីព និងក្រុមហ៊ុនជាច្រើនដែលខ្ញុំបានចូលរួម អ្នកទីផ្សារចំណាយពេលមិនក្រោម៦ខែទេដើម្បីស៊ាំ និងស្វែងយល់ពីក្រុមហ៊ុនមួយបានដើម្បីឱ្យគេមានលិទ្ធភាពគ្រប់គ្រាន់ក្នុងការរៀបចំផែនការទីផ្សារឱ្យបានល្អ ដូចនេះ ទម្រាំតែ១១ក្រុមហ៊ុនផ្សេងៗគ្នា ក្នុងពេលតែមួយ ខ្ញុំមានចម្ងល់ខ្លាំងលើប្រសិទ្ធភាពការងារ និងពេលវេលាគ្រប់គ្រាន់ក្នុងការរៀបចំផែនការទីផ្សារ។ ប៉ុន្តែប្រសិនបើក្រុមហ៊ុននោះមិនផ្តោតលើទីផ្សារ គឺផ្តោតតែបង្កើតផុសស្ត៍រលក់ (លក់ខុសនឹងទីផ្សារ) បង្កើតផុសពាក្យស្លោក ហើយមិនផ្តោតខ្លាំងលើការពង្រឹងយុទ្ធសាស្ត្រម៉ាកសញ្ញា ប្រហែលជាអាច គឺនៅពេលដែលធ្វើការបង្កើតមាតិការម្តងៗគឺមិនផ្តោតខ្លាំងដើម្បីផ្សារភ្ជាប់ម៉ាកសញ្ញាឱ្យបានស៊ីជម្រៅនោះ ខ្ញុំគិតថាប្រហែលជាបាន។ ប៉ុន្តែប្រសិនបើក្រុមហ៊ុនគិតរយៈពេលវែង ហើយជួលសេវាពីមនុស្សម្នាក់ដែលគ្រប់៉គ្រងច្រើនផេកនោះ ខ្ញុំគិតថាក្រុមហ៊ុននោះមិនមានផែនការពង្រីកអាជីវកម្មនោះទេ គឺគាត់គ្រាន់តែចង់ឱ្យផេកគាត់មានសកម្មភាព តែមិនមែនបញ្ចូលយុទ្ធសាស្ត្រទីផ្សារនោះទេ។ មនុស្សម្នាក់មានតែ២៤ម៉ោងក្នុង១ថ្ងៃ ហើយគាត់មិនអាចប្រើប្រាស់ពេលគ្រប់គ្រាន់គិតអាជីវកម្ម១១ក្នុងពេលតែមួយ ហើយប្រតិបត្តិយុទ្ធសាស្ត្រ១១ផ្សេងគ្នាក្នុងពេលតែមួយទេ។ ខ្ញុំឃើញក្រុមហ៊ុនជាច្រើនទាំងក្នុងស្រុក និងក្រៅស្រុកមានក្រុមការងារលើសពី៣នាក់ផង តែក៏ធ្វើការងារទីផ្សារឌីជីថលសម្រាប់ក្រុមហ៊ុនតែមួយមិនចេះអស់មិនចេះហើយ។
លោកគ្រូខ្ញុំមានសំនួរមួយចំនួនចង់សួរ។
ថាតើយើងជាអ្នកទីផ្សារខាងក្រៅ ចង់សិក្សានិងចាប់យក Digital Marketing មួយទៀតល្អទេ? ហើយបើចេះតែយុទ្ធសាស្រ្ដទីផ្សារ មិនចេះអំពីការ Design (Layer,Poster, platform....)តើធ្វើការជា Digital Marketing ក្នុងក្រុមហ៊ុនបានទេ?
សូមមើលវីដេអូនេះសិន ua-cam.com/video/x8dZFuxkHEw/v-deo.html