Lina Sastri Passione

Cchiu'luntana me staie,
Cchiu' vicina te sento...
Chi sa a chisto mumento
Tu a che pienze... Che ffaie...
Tu m'e' miso 'int' 'e vvene
Nu veleno ch'e' ddoce...
Nun me pesa sta croce
Ca trascino pe'te...
Te voglio... Te cerco... Te chiammo...
Te veco... Te sento... Te sonno...
E' n'anno,
'Nce pienze ca è n'anno
Ca st'uocchie nun ponno
Cchiu' pace truva'?...
E cammino... E cammino...
E nun saccio addo' vaco...
I' sto sempe 'mbriaco
E non bevo mai vino.
Aggio fatto nu vuto
A' madonna d' 'a neve;
Si me passa 'sta freve
Oro e pperle lle do'...
Te voglio... Te cerco... Te chiammo...
Te veco... Te sento... Te sonno...
E' n'anno, 'nce pienze ca è n'anno
Ca st'uocchie nun ponno
Cchiu' pace truva'?...