星光路上｜胡蓓蔚唱功被單立文抨擊 曾為歌手夢碎耿耿於懷

星光路上｜胡蓓蔚唱功被單立文抨擊 曾為歌手夢碎耿耿於懷
豹嫂 胡蓓蔚 （Paisley）近日因主持直播選秀節目《我推的野男Live﹗》頻頻亮相，呢日佢亦接受TVB娛樂新聞台主播 潘盈慧 喺《星光路上》訪談，暢談入行經過，點樣由歌手出道加入TVB至今，以及同老公單立文嘅相處點滴。
豹嫂一開始由歌星身份入行，完約後加入TVB國語台做主持，最初佢對自己嘅歌手夢碎都耿耿於懷，後來漸漸釋懷，慶幸可以當上音樂節目《勁歌金曲》主持，有機會同歌手們合唱。時至今日雖然豹嫂已經搣甩歌手身份，但近日佢喺家中親自製作唱歌片段放喺網上同觀眾分享，好多人大讚佢唱功，豹嫂話好多時都一Take過完成，而且趁老公返家前搞掂，因為豹哥在場就會用好有張力嘅眼神批評佢唱得差、走音、唔夠氣等。
雖然豹哥對豹嫂唱歌咁苛刻，但講到夫妻相處，豹嫂就大讚老公其實好浪漫，不過以前就比較陰暗啲，但兩人認識之後，豹哥就被豹嫂嘅一度陽光直射佢心中，成個人變得開懷，更大爆豹哥曾憑歌寄意示愛。兩人老夫老妻，但豹嫂講到老公時仍然甜絲絲，更分享豹哥最吸引佢之處。
除此之外，豹嫂間中亦會出演電視劇，好似早前播出嘅《旁觀者》中，佢飾演角色頗大挑戰，好多情緒激動同喊戲，但佢亦收放自如，絕對可以有更多發揮，但豹嫂對工作只會採取自然，唔可以受到太大壓力。
#胡蓓蔚 #直播 #選秀節目 #我推的野男Live #旁觀者 #星光路上 #勁歌金曲 #潘盈慧 #單立文 #憑歌寄意 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0

[@myui-p3g]

她唱功一流 音準控制一流 無論中西樂曲 字正腔圓 超正 她上幾星期才在J Music 演唱 歌聲優美極佳 可以媲美當年甄妮姐 令我不期然坐定定觀賞睇哂呢 超讚

[@Tang-Soon-Heng]

胡倍蔚小姐，努力加油啊(⊙o⊙)😮😊🎉

[@劉傑良-z8e]

拍鎮魂街😮