Жаңа кітаптар тұсаукесері

Жылыой аудандық балалар кітапханасында «Ақша бұлттар қанаттандырған ақын» атты тақырыбында Жылыой ауданының Құрметті азаматы, Қазақстанның еңбек сіңірген мәдениет қайраткері, көрнекті ақын, жерлесіміз Аманқос Ершуовтың Астана қаласында 2023 жылы «Кәусар» баспасынан жарық көрген «Қасиетті қазына», «Бармақбайдың басынан кешкендері», «Ақмешіт» кітаптарының тұсаукесер рәсімі өтті. Шараны Жылыой ауданы әкімінің орынбасары Г.Айшуақова алғы сөзімен бастады. Шараға қатысқан Жылыой ауданының Құрметті азаматы, қарымды қаламгер Қ.Қалдыоразұлы, Жылыой ауданының Құрметті азаматы, ақын Б.Базарбаев және ТШО компаниясының өкілі Н.Ерғалиев ақын А.Ершуовтың өмір жолы, шығармашылығы туралы сыр шертіп, жаңа кітаптардың оқырманы көп болсын деп ақжарма тілектерін білдірді. Жаңа кітаптар Жылыой аудандық орталық кітапхана ММ-не, қалалық және ауылдық кітапхана бөлімшелеріне және мектеп кітапханаларына табысталды.