احسن قهوة في مصر - ابوعوف يكسب ولا كولومبيا له رأي تاني؟
Вставка
- Опубліковано 13 жов 2024
- مقارنة لأحسن نوع قهوة في مصر لانها مشروب اصحاب المزاج يقدروا البن النضيف
هل ابو عوف يقدر يكسب عبد المعبود و لا عماد افندي له رأي تاني ولا شاهين هياخدها اكتساح
جبتلكم كل انواع القهوة اللي قدرت اوصلها في السوق و اللي متوفرة في كل مكان تقريبا
يارب تعجبكم و نقدر نفيدكم ♥
#قهوة #ابوعوف #احسن_بن_في_مصر #احسن_قهوة_في_مصر #افضل_قهوة_في_مصر #افضل_بن_في_مصر
#مقارنه_بن #مقارنه_قهوه #اربيكا #روبيستا #احسن_بن_في_مصر #coffee #قهوه
FOLLOW ME ON :
Instagram: / ahmedgbrrr
Facebook: / ahmedgbrrr
TikTok: / gbr.official
شكرا يا جماعة لاهتمامكم و تفاعلكم مع الفيديو و تقديرا ليكم اي حد قال نوع بن حتي لو مش موجود غير في كشك جنب بيته هو بس اوعدكم ان شاء الله هنجيبه و لو كان 20 نوع او اكتر و لو هنعمل سلسلة كاملة عن القهوة فانا تحت امركم و الهدف هنا انكم تكونو مستفادين ولو بحاجه بسيطة واتمني اكون خفيف علي قلوبكم في الفيديوهات و كمان ردودي علي الكومنتات ♥♥ شكرا ليكم
مشكور علي الفديو جداا مجهود رائع بن العروبه كان أفضل بن في مصر من اكتر من سنه بعد بقي خفيف والوش خفيف اووي احسن بن حاليا العميد الكويتي الاصلي الي موجود في مصر أردني انا جربت كل انواع ومحلات البن في مصر تقريبا
@@Samahashem1
اشكرك لذوقك بس في اماكن بتبيع العميد الكويتي كتير و في ناس بتقول الاردني كويس يعني
ابو عوف يعتبر ورشة بلدي وواخد سمعة علي الفاضي بس انت بتسوق ليه عموما
اولا افضل بن هو فكاكيس هو يوناني وموجود في الإسكندرية
الدله اللي موجود معاك التقليد مش الاصلي
العروبة محترم بس فرع الزمالك هو احلي تحويجة
بن النجار أنا اللي عامل التحويجة بتاعته وهو طالبها أنها تكون رخيصة عشان كدة مش هتنفع في السوق
بن عبد المعبود اللي معاك ليه كذا شركة اللي معاك اسمه بن اليمني وفي. كذا واحد منه الحبشي وكنوز واسرار البن ومحمد وكتير بس كلهم تحت عبد المعبود وهو اسوء بن
اخيرا في انواع بن السوق متوسطة وفي ألف نوع لان السوق فتح مش زي زمان وعموما والاهم مفيش حد في مصر بيعرف يحوج بن كويس لاسف
في شركة كابوس الاردنية هتنزل ليها بن في مصر شوفه وبعد كدة احكم
@@ahmedaliassar7652 مينفعش معاك يعني تقولي رأيك من غير احكام ؟
طب لو حضرتك علي معرفة بادارة ابو عوف الورشة اللي ببصرفوا ملايين اعلانات تلفيزيونية تقولهم في واحد غلبان عامل فيديو في بيته بييسوقلكم يمكن يدوني اي حاجه دعم ولا حاجه
بالنسبة للنجار انا قولت رأيي و قولت انه متوسط يعني زي ما معاليك قولت اهو والحمد لله اني عرفت اوضح ده و تسلم ايدك علي التوليف مش بطال خالص
الداله اللي معايا اللي بينزل في هايبر وان معتقد ابدا ان هايبر وان يتضحك عليه و مياخدش منك اصلي و الله اعلم
موضوع عبد المعبود للاسف مكنتش اعرفه و تواصلوا معايا وعرفته و هيتم توضيح ده قريب و نجيب كل الانواع للعيلة و نشوف برضو مين افضلهم
والسوق المفتوح ده هو سبب الفيديو اننا نشوف مين بينافس جديد و مين قادر يكسر وزن الشركات الكبيرة و ياخد جزء من السوف
و العروبه انا بقيم المنتج الموزع ع المحلات مش فروع لان ده اللي بيشربه عامة الناس مش كله هيسافر يجيب بن من فرع معين فاهمني اكيد
اخيرا بقي بالنسبة لبن كابوس فانا جبته و معايا وبجهز لجزء تاني ان شاء الله مش دعاية لابو عوف ولا حاجه يعني اهو
وتقريبا شركة الكابوس شركة يمنية مش اردنية و اخيرا لينك الفيس و الانستجرام بتوعي ف الوصف ياريت تتواصل لو حابب تتأكد او توصل معلومة و انا تحت امرك و كلي اذان صاغية اعرف منك العلومة و كلنا بنتعلم ♥
بن الكابوس الشركة أصلها يمني مختلفناش بس التصنيع والتوزيع اردني
كمان بن العميد اللي في السوق أغلبهم مضروب
افضل بن هو فكاكيس الأصلي لان بقي فيه مضروب
المشكله مش في البن المشكله في الذوق المصري ودا نتج عنه سوء المنتج وكمان الخبرة والتكنولوجيا ودا بيترجم أن السوق مش ببطور من نفسه كمنتج تنافسي عالمي بل هو بيدور ازاي اسوق والبس الزبون
ابو عوف ميزتهم بيعرف يسوق كويس ويغلف كويس
لازم الاذواق تكون مختلفه فى اكل وشرب ولبس وعربيات وجواز لانى مافيش حد زى التانى .......ولولا الاختلاف لبارت السلع.......مثال بسيط ناس عندها شاى ليبتون واحمد من افضل الشاى وانا اعشق شاى العروسه بمذاقه الغير مر وليه طعم مميز......بالنسبه للقهوه جربت المعبود ساده فاتح وكانت عجبانى وحجرب عوف .....القهوه مزاج واذواق وفى اللى بيحب الساده وفى بيحب المحوج وفى الفاتح وفى الغامق وفى الوسط.....وكل واحد بيشكر فى حاجه حسب مزاجه
كلام جميل وكلام معقول مقدرشى حاجه عنه
قهوه الشيخ لو تعرفه اي رايك فيه
ب10ج 125جرام
انا كنت بشرب قهوه بارنز من السعوديه
ولما جربت الو عوف رجعت وطعمها مش عاجبني المشكله في ايه
ياباشا هو لو شربت انواع قهوة مختلفه كل فتره زي تخليط؟
لو سمحت أغلب البن إلي في السوق مضروب ممكن تعمل فديو تعرفنا فيه الفرق بين المضروب والأصلي
انا لسه مبتدآ في موضوع البن وانا عاوز اشربه ساده علشان الدايت والجم تنصحوني ب اي وشكرآ♥️♥️♥️
ازاى نظبط فنجان قهوة فىً البيت يا ريت لو تعملان فيديو
حاضر هوضحها في اول جزء من حلقة احسن قهوةف ي مصر
ايه احسن نوع اسبريسو
سيبك من أي بن معلب وبيتباع في السوبرماركت وبيقعد بالشهور ع الرفوف
البن الصح. اللي بتروح محل متخصص في بيع البن يجهز لك طلبك على مزاجك وتشتريه حبوب وهو يطحنهالك
ده بقي صحاب الكيف العالي .. احنا هنا بنعمل الي علينا و بنجرب املتاح للكل بحيث لو حابب يجرب فاهمني
صح كلامك وجدااا .. كل المعلب دا بن مش حلو المطحنه هيا اللي بتعمل البن على مزاجك
اتفق معاك جداا👏🏻
جربتوا نوري توبلار !!
@@hassanelsnduony2715 مظبوط طبعا
طب واكياس القهوه زى كافى ميكس الأكياس إلى بى ٢ جينه ديه كويسه ولا ايه رايك ؟
دي قهوة سريعة التحضير و متقلقش جايه ف يالطريق حلقة طويلة عريضه عنها في اكتر من 12 نوع ♥
@@ahmedgbrrr اصل فى ناس بتقول الرخيصه ديه بتوجع البطن وعامله زى التراب غير المستورد ولا ده كلام اهبل
@@tamermohammed7802 كلام اهبل عادي لانها قهوة سريعه التحصير يعني عليها مبيض و قهوة بس مش خام و سريعة التحضير فعادي يعني مش كل الكلام يتصدق
@@ahmedgbrrr اه يعنى مش خامتها تقيله زى الخام السايبه إلى بتباع بالكيلو بتبا خامتها مركزه اوى وتقيلاا
@@tamermohammed7802 بالظبط كده
افضل بن ... بن العميد بلا منازع واللى بيجي من الكويت تحديدا حاجة فخامة كده 👌
وفيه العميد من الأردن ممتاز
حضرتك لو محتاج من الكويت اجبهولك
اجبلك بن العميد الكويت
دي ازوق
هو سعره كام
من فضلكو ايه رابكو فى بن تركى اسمه النهار
لأسف مجربتهوش و معرفش نجيبه منين .. قولي مكانه و نجيبه ان شاء الله
الله ينور عليك يا برنس
ابو عوف ..... التغليف ايضا فاكيوم علي ما اظن
مقاس العلبة مصممة ان تكون القهوة علي الحواف
و ياتي الغطاء يلامس سطح حبيبات القهوة فيفرغ
الهواء
هذا ما اظنه ووجته في منتجات اخري غير القهوة
شكر الله مجهودك يا برنس
حبيبي اشكرك ♥️
رأي حضرتك غي البن الغامق أوي عند مكان محمص البن وشكرا جزيلا
ترميلة البن من انك بتسلق البن و طي النار يباشا و قلبه تقلبتين كفاية او اكتر براحتك و صب نص الكنكا و حطها تاني علنار و تصب النص تاني قبل متصب النص الاول او التاني سقط ميه بمعني انك تجيب شوية ميه في طبق او و تسقط فيها الكنكا و تصب بعدها دا هيساعد ان البناية المرملة هتزل تحت و القهوة مش هتبقا سخنة اوي و اعمل القهوة بمية ساقعة و اعمل الشروط دي كلها و هتشرب افجر فنجان في حياتك
الناس الكييفة القريبين لقلبي شكرا للنصايح الجميلة دي و ان شاء الله هيتم مراعاة ده بس للعلم انا كنت بعمل بمايه ساقعه مش مياه عاديه و خلي بالي لسبرتايه مفيهاش تحكم نار و هي هاديه يبانلك النار عاليه بس هي يادوب ملمسه مع الكنكه الفيديو الجاي هتبقي الكنكه اكبر شويه واستنلس تقيل علشان النار متسلقش البن زي مانت قولت او نحاس بأذن الله و ممكن نعملها علي سخان كمان .. المهم نراعي كلامك المفيد جدا و شكرا لاهتمامك و وقتك الغالي في المشاهدة ♥
يا أحمد البن الساده الفاتح المضبوط هو افضل بن ؟ اما المحوج. ف. لا. لا. لا. لا. لا. ؟. وهذا. خلاصة. كييف. قهوه
الحمدلله انا ربنا نصرني لاني مبحبش المحوج و من محبين السادة الفاتح لان بحسه بيور البن بس برضو اذواق ولازم نحترم اراء الغير ♥
ممكن تقارن بين البن الكولومبي والبن البرازيلي والبن اليمني من حيث السعر والطعم؟؟ شكرا
هيحصل قريب متقلقش كل انواع البن الموجوده من حيث المنشئ هنعمل عنها حلقة و الفرق مابينها
@@ahmedgbrrr برافو عليك استمر
@@tipsment حبيبي اشكرك ♥
ش
جبت بن ابو زيد من الزقازيق ؟
ولا دة ابو زيد تاني ؟
ده المفروض لبو زيد الزقازيق و مكتوب عليه و هما عيلة كل اخ تقريبا عامل لنفسه اسم تحت اسم ابو زيد بس كلهم من الزقازيق تقريبا و لللأسف اللي جربته سئ و بالمناسبة انا من الزقازيق
@@ahmedgbrrr اها انا برضه من الزقازيق
والصراحه ابو زيد من اسوا انواع البن الي جربتها مش عارف ليه عليه اقبال كبير من الناس وواخد شعبيه
@@lordoflight2024 علشان منشأه الزقازيق و الناس اتعودت عليه تحديدا الناس الكبيرة و القهوة تعود للأسف
البن الي بيتجاب من عبدالمعبود المحل الطف وانضف بكتير من المعلب، عايزين حلقه عن محلات البن الاكثر شهره في مصر، زي عبدالمعبود و المراسي و حج عرفه في فروع كارفور و محلات كولومبوس ممتازه جدا برضو
ياريت لو تقولي عن اسماءهم كلهم و اللي تعرفه منهم و انا هسعي اعمل حلقة و اكمل بحث و نجربهم كلهم سوا
بالله عليك قل انت جايب بن الدله منين قول فين المكان بالضبط لو سمحت
انا جايبه من مكان قريب من بيتي و لو مش موجود دلوقتي هتلاقيه في اي هايبر ماركت كبير
و ممكن تشوفي صفحتهم علي الفيس و تسأليهم بسهوله
لو ممكن تجرب الأنواع دي
موكا
قهواك
سيلاز
العميد
فيروز
أنا جربت الأربعة اللي في الأول ولسة الخامس هجربه إن شاء الله
أعتقد سيلاز والعميد أحلاهم لكن سعر عالي شوية
موكا هتبقي معانا ف الجزء التاني هي و سيلاز و قهواك هدور عليها ان شاء الله و العميد هنجيبها ف المستورد قريب و فيروز هدور عليها برضو و ان شاء الله هنغطي سوق البن كله قريب ♥
معلش سيلاز احلي ولا العميد لو هاخدهم هديه لحد بيحب القهوه ايه احلي فيهم
@@shomahmoud7727 أنا جربت العميد كان جاي من الكويت عجبني لكن سيلاز عجبني أكتر الحقيقة خصوصاً إني جربت أغلب نكهات سيلاز لكن العميد مجربتش غير الوسط المحوج بس
يباشا ليه مجبتش شكل وسماكة الوش في كل فنجان كنت صورتهم جنب بعض تحياتي لك
للأسف مقدرناش نعمل ده و هنحاول نعمله فالحلقة الجايه .. لكن عايز اقولك البن لو وحش اللي بيعمله شاطر و واخد وقته هيعمل وش عادي و لو عايزني اقارن الوش جنب بعض فانا محتاج اعملهم كلهم في نفس اللحظة و ده صعب علشان نشربها سخنه و نكون منصفين
جماعة حد يساعدنى انا مجرب انوع قهوة كتير ومنهم ابو عوف وكان حلو جدا بقالهم شهرين تلاتة بقو بيسترخسو فى جودة وطعم وريحة البن ومبقاش ليه وش ونا مش عارف اعمل ايه دلوقتى ولا اشرب ايه
التجربه مش صح لان فى وسط وفاتح ازى بتقيم كده
مبدئيا كده انا بشكرك لانك ركزت و انا منوهتش عن النقطة دي لاني سألت ناس كتير و كييفه اوي اكتر مني كمان هل هيبقي الفرق شاسع بين الوسط الساده و الفاتح و كان الرد انه بسيط يعني اللي بيشرب فاتح لو شرب وسط مش هتختلف اوي و السبب بقي اللي بعتذرلك عنه اني لفيت علي النوعين دول اني الاقيهم فاتح ملقتش في اي ماركت خالص جنبي او حتي لما دورت بره و ان شاء الله نراعي ده في الي جاي
اAhmed Gbr - احمد جبر
طيب ماعرفناش اخترت ايه يعني التحميصة غامق فاتح وسط محوج والا عادي البن نوع واحد والا خلطة بم طازة من المطحنة والا من السوبرماركت قديم ,,, كل حاة بتفرق
بعدين البن معروف بالمرارة والحموضة الترميلة والحرقان حسستني انك بتقيم سنتة وبطيخ بالشطة
انت مخدنش بالك بس وانا بوضح كل منتج هما كلهم ساده فاتح الا اتنين مللفيناهمش خالص فجيبناهم ساده وسط استثنائي و موضوع الترميلة و الطعم الحمضي و كده انا فاهم و علشان كده بنتكلم عن الترميله اللي مفروض انها مبقاش بايخه ولا مش موجوده لانه مش مايه فين المشلكة في محاولة توضيح الي الواحد بيحسه فالتجربه للناس ولو حد حابب مرارة البن اوي يجيب كذا و حد تاني يجيب اللي ترميلته معقوله لانه بيجبها مش معني كده ان مينفعش حد يشرب غير ابو عوف اصلا لانه اكيد مبيعجبش الناس كلها اكيد ولا كلومبيا ولاعبد المعبود او غيره
انت حرفيا فنان حضرتك منتج محلي بجوده عالميه 🌎❤️
حبيبي شكرا ليك و الله ذوقك العالي هو اللعالمي
معلش مش فاهمه يعنى ايه ترميله تقصد نعومه طحن القهوه او خشونتها؟
الترميلة البن اللي مش مستوي و مرمل تحسي بمزاق رمل علي لسابك و انتي بتشربي و دي بتفرق من جودة البن و كمان تسويته و لاننا مسويين كله بنفس الطريقة و نفس المده علي سبرتاية فنقارن ترميلة كل واحد بقي
الله اني عراقية زرت مصر وشربت بن عبد المعبود ولا اروع واتمنى أحصل عليه
أنا ارشح عبد المعبود
واتمنى أحصل عليه
بن عبد المعبود عريق و قديم و من اوائل الشركات المصرية في البن و لكنه مع الزمن فقد رونقه للأسف بسبب ثقة اصحاب الشركة في المبيعات فاهملوا في المنتج ولكن اكتر من حد قالي اني لو جبت من المحمص بتاعهم في فروعهم هيبقي حلو و اتمني اجرب و عموما نورتي مصر و ان شاء الله تنورينا تاني ♥
@@ahmedgbrrr ربنا يسمع منك وازوركم ثاني واشربها بقهوة فيشاوي
يالهوووووي
@@lavender90827 اه الفيشاوي والحسين تعالي و شرفينا واحنا نعزمك ♥
@@lavender90827 ويشرفنى متابعتك وانضمامك لأسرة قناتى حبيبتى عشان تشوفى اللاكلات المصرية على أصولها
البن بقى مضروب ي جماعه حد يعرف اسم بن ميكونش مضروب بكربونات وغيره؟
من اجمل انواع البن بن العميد الكويتي ممتاز وليه فرع فعشرين عمارات العبور صلاح سالم وبن شاهين سادة فاتح ايليت ممتاز عن تجربه
اولا شكرا لوقتك طبعا و ثانيا بقي مفيش فروع رسمية نهائيا للعميد الا فالكويت تقريبا و ده اكتر من حد قالي كده
اما توليفة معينة من شاهين فانا اعتقد هما عندهم توليفات كتير جدا و يمكن ده بقي امر محير و يخليك مش عارف تقارن و ده اللي خلاني اجيب شاهين العادي المتداول اف المحلات كلها مش توليفة معينة ممكن ناس تلاقيها وناس لا
فكرة الرڤيو عجبتنى بس عايز اقولك أن الترميلة دى بتعتمد على حسب تسوية القهوة أو طحنة البن
انا مسويهم كلهم بنفس الطريقة و طحنة البن الشركة مسؤلة عنها بقي فاهمني و شكرا لذوقك و مبسوط انه عجبك
صراحة انا احب بن ابو عوف وسط سادة واخذه دايماً من مصر حاجه تحفه وبشتري انواع ثانيه فقط للتجربه
احلى تشلساوي واحلى قهوه
ياريت تعمل فيديوهات نصايح نعمل القهوه ازاي
وفيه نوع قهوه اسمه باجا من السعوديه لو تعرف تجيبه
keep the blue flag flying high
حبيبي يا شلبي يا صديقي و بالنسبة لنصايح القهوة هقولها اكيد المره الجايه و ان شاء الله في فيديو القهوة المستوردة هنوفر باجا اكيد
KTBFFH ♥
اول مره اجيب بن بدل النسكافيه وهو ابو عوف ومعاه الكنكه الفخار واظن خدت افضل تجربه من اول مره
جبت نفس اللي معاك وسط ساده بس ب 58 ج
كل أنواع البن لازم تتخلط مع بعض عشان تعمل نكهه خاصة الا البن اليمني بيبقى بييور ممكن تشربه لوحده،
والله مجربتش ميكسات قبل كده بس كل البن اللي عرضناه هو بن يمني ف الاساس او اثيوبي يعني مش برازيلي و لا كولومبي و كده
@@ahmedgbrrr اقصد البن البرازيلي في خاصية و الكولومبي كذلك و الإثيوبي كذلك فبيعملوا ميكس عشان يوصلوا بنكهه تميز نوع عن التاني، من المرارة و الترميلة و نهاية بطعم البن نفسه، فهمتني
@@mahmoudgalal3022 فهمتك و دي حاجه كويسه و قابله للتجربه بأذن الله و شكرا انك مهتم توضيح شكرا يا حودا ♥
@@ahmedgbrrr تسلم يأبو حميد،،
♥♥
طب ايه رأيك ف بن العميد ؟؟
العميد عجبني الحقيقة لكن لوحده و سمعته كبيرة جدا .. هنجيبه قريب اوي في حلقة عن احسن بن مستورد و حاجات تانية كتير ♥
بن العميد الكويتي تحفة بن العميد الأردني وسط فيه فرق شاسع جدا بينهم
@@سماححمدى-ظ6ح ممتاز
@@ahmedgbrrr عاش حلو جدا الفيديو وبن ابو عوف واليمنى
ان شاء الله هنعمل مقارنة بين الاتنين قريب اوي ♥ تابعونا
انا اول مرة اشوفك بس عجبني الڤيديو جدا ونويت اتابعك شكرا علي مجهودك🌹
اشكرك لذوقك و تقديرك للمجهور والله الكلام ده اللي بيخلي الواحد عايز يكمل
الا يكون عنده نوعين قهوه او اكتر مش عجبينه يجرب يعمل ميكس بينهم ممكن اوي يعجبوه انا عندي ابو عوف غامق وعبد المعبود مكنتش حباهم الاتنين لوحدهم خلطهم بقوا حلوين مع بعض 👌👍
تجربة حلوة للي حابب يجرب هتبقي حاجه مختلفة ♥
اي نوع بن بس هاتو حبوب ويحط عليه التحويجه إلى انتا عيزها ولو حابب تزود جوزه الطيب وزر الورد ويطحنه أمامك في المطحنه ويطلعه وسط ولا فاتح ولا غامق واشرب وادعيلي
عندك حق انت راجل صاحب كيف بس انا هنا بحاول افيد الناس اللي نفسها تجرب الموجود ف المحلات كله و خايفه يطلع وحش و دي فكرتنا ف القناة عموما نجرب اللي في متناول الجميع بس مش عايزين يجربه خوف من انه يكون وحش او يكون غالي ع الفاضي
الصراحة انا بحرب بن اليمنى عبدالمعبود و مازالت بستخدمه حتى الآن و بحبه بن ساده و منتج بثق فيه
ده اذواق اكيد وحاجه تحترم
منين بتجيبو
أهم شي يكون نوع البن ارابيكا مش روبوستا..ومش حيفرق اسم الشركه المنتجه بعد كدا ..وبعدين الوش دا بن مش مستوية..القهوه المظبوطه بتاع الكييفه مش بتكون بوش
ماهو البن بيبقي فيه ارابيكا و روبيستا الاتنين مع بعض ايا كانت مين الشركة بس كل واحد و خلطته و توليفته و كمان موضوع الوش هو تقريبا احنا اخترعناه بس في ناس بتحب طعم البن نص سواء في بقهم بقي
اسوأ بن جربته هو بن أبوعوف
ولو هديله تقييم مش هيعدي 3 من 10
يعني بصراحة مستغرب اوي إزاي انت شايفة كويس!!! 🤔🤔
اكيد اختلاف اذواق ياصديقي و الا مكنش اتفق معايا بعض الناس برضو في الكومنتات و ياريت تقولي ايه البن المفضل ليك .. و عايز اقولك ناس كتير بتضايق من اللبن اللي بتشربه حتي لو حلو لان الشركة او البراند للاسف مبيحافظش علي نفس الجودة للأسف
معقول!! بن ابوعوف رائع سبحان الله هي الحكاية كلها مذاق
عاش جدا ي صديقي
مصور ب موبايل ولا كاميرا و لو ممكن النوع لو مفهاش ازعاج
موبايل واواي ميت 30 برو ياصديقي و الكلام كله فالاضاءه و كبداية رينج لايت و كانت بيرفكت و بعد كده جبنا سوفت بوكسات بلمبات و كده و الحمد لله ماشيه
@@ahmedgbrrr
عاش يا صديقي ربنا يحسن ما بين ايديك
اسعار السوفت بوكسين كام
900 ؟
@@islamicinfos 1000 و كنت جايبهم في عرض من كينج ستور القاهرة
@@ahmedgbrrr
كلك ذوق و كرم اخلاق ي احمد باشا متحرمش منك
@@islamicinfos حبيبي شكرا لذوقك
اولا بالتوفيق
ثانيا هو في بن منتشر دلوقتي وكويس ياريت لو كان موجود معاك كنت تدي تقييم عليه وهو بن آل البيت
عامل حسابي هيبقي موجود في الحلقة التانية متقلقش .. شكرا لاهتمامك يا محمود ♥
بن آل البيت بن محترم جدا جدا
بصراحه يا جماعه في بن لبناني لسه نازل مصر اسمه ميزون سميرة معتوق 100 جرام محوج 30 جنيه بس حاجه محصلتش طعم وريحه ووش ليه فرعين في مصر داخل كارفور المعادي واحد داخل اسبنيس مول العرب
سمعت عن معتوق و هجيبه بس عايز اعرف هو محمصه بس ولا بيتباع في المحلات عادي معلب
بتفرج عليك و انا بشرب عبد المعبود 😁😁😁
حابة اغيره بحاجة احسن بس مش عارفة اشتري اي نوع
شكلي هجرب ابو عوف و كولومبيا
جربي و مستني رأيك ♥
نصيحة متجيش بن من على الرف
ممكن من اي مطحنه بن لكن اللي على الرف كتير منهم بيكون مغشوش وعليه سوداني محمص
دا غير أن القهوة لما بتتركن كتير بتبقى مش حلوة الصح قوي لكن صعب أنه يطحن وتشرب منه على طول
سلام
كلام محترم و اؤيده جدا بس احنا هنا بنتكلم عن عامة الناس اللي فالغالب بتجيب المغلب و معظم الشركات الي قولناها عندها مطاحن و فروع تشتري منها البن طازه
@@ahmedgbrrr
عندك حق
لكن الناس اللي عندها مطاحن دي للاسف البن اللي في السوبر ماركت حاجه ومن المطحنه حاجه تانيه خالص
مفيش ضمير اصلا
العروبة ممتاز جدا سعر وطعم وجودة وثبت نفسه في السوق ..بس يبقي بن العميد هو رقم واحد بلا منازع
هنجيب العميد في حلقة عن البن المستورد قريب♥
حضرتك فى بن اسمه بن الفيومى برضو
ان شاء الله في الخطة هيبقي معانا في الجزء التاني من السلسلة ♥
شكرا ♥
أنت غلطان جدا جدا في حاجات كتير
باختصار علشان مبحبش كتر الكلام
البن زي الدهب بالضبط يعني حسب العيار
فيه دهب عيار 24 وفيه بن برضة جودة عيار 24
وفيه دهب عيار 21 وفيه بن برضة جودة عيار 21
وفيه دهب عيار 18 وفيه برضة بن بجودة عيار 18
وكل الاعيرة دي موجودة عند الصاغة بياعين الذهب
برضه كل اللي تجار البن عندهم كل الانواع عندهم الشعبي والمحلي والمستورد والعالي الجودة وكل زبون وفلوسه وكل صاحب مزاج ودماغة العالية
زي الصين بالضبط علي اد فلوسك هديك طلبك وده كلامي باختصار
اولا نورتني ثانيا انا ايه علاقتي ان كل تاجر او فرع للمكان عنده درجات ؟ انا بقارن المنتج المتواجد في الماركت و المحلات العاديه يعني اللي تعبئة واحده و شغل واحد في كل مصر و بيتوزع في مصر كلها بنفس النظام عادي من كل شركة مبقارنش اسم الشركة ولا تحميصة الشركة نفسها بقي و مش ذنبي انهم منتجاتهم المغلفة ف السوق اللي هما منزلينها اقل من منتجات ناس تانيه و هكذا . و اخيرا بشكرك لطرح رأيك باحترام و موضوعية ♥
@@ahmedgbrrr يا استاذ احمد
اللي بيشرب بن فعلا وكييف بن بمعني الكلمة بيدور فعلا على النوع الممتاز والاصناف العالمية الممتاز
لكن اللي بيوهم نفسه انه بيشرب بن ومش فارق معاه لا جودة ولا ذوق ولا طعم ولا رائحة وعايز اي كافيين وخلاص بيشرب أي حاجة شعبي ومحلي وخلاص وكل التجار عايزه تواكب السوق وتبيع للكل اللي معاه واللي ممعاهش
يعني مثلا بن زي شاهين او نجار او عبد المعبود عندهم أصناف زي البن اليمني والحبشي بيوصل فيها الكيلو 800 و 750 جنية
وفي الاخر وباختصار برضه البن مزاااج وزي الدهب وكل حسب دماغك وفلوسه وشكرا8
كلام محترم و مفهوم اكيد و جميل كمان بس انت برضو مش فاهم ان غرضي اني بقارن المنتج المتاح و المتوفر حوالين الناس كلها و انت في مصر مش كل الناس مقتدره تجري ورا البن و لا تشوفه فين و منين و بتجرب المتاح في المحلات و ده غرضي في القناة اجرب للناس و اقولهم اللي حسيته و انا بدوق ده و ده و احاول اوصل الكلام مظبوط علشان لو حد حب يجرب حاجه عجبته من كلامي و لان دي حياتي بحب اجرب كل حاجه و قولت افيد الناس بالحاجه اللي بحبها .. لكن مفهوم طبعا ان المستخرم العادي لاي منتج مش بس البن بيجيب المتاح و كييف المنتج ايا كان برضو مش البن بس بيجري وراها بلاد لو قادر ... احنا هنا بنحاول نراعي الكل .. تشرفت بيك استاذ محمود
بص يامعلم عبد المعبود تجرب منه من المطحن مباشرة موجود ليه كذا فرع في القاهره
بالنسبة لنقطة ان حضرتك كنت بتقول دا في سته اكتوبر ودا معرفش فين وكلهم مصري احنا ف مصر مبنزرعش حباية البن عموما عبد المعبود مثلا عنده يمني وحبشي نجار بن اثيوبي وبرازيلي وهكذا
فنجان القهوة بيبان من تأثيره وريحته فقط سيبك بقي من الوش والكرملة والكلام دا لان دي علي حسب الطحنه بتاعته وحباية البن
انا بشرب محوج غامق ابو عوف لو مش موجود بيبقي البديل مباشرة عبد المعبود
وطبعا الافضل انك تحوج علي ايدك ودا وقت المزاج بجيب عبوة ابو عوف غامق سادة وبجيب 3 حبايات حبهان واتنين قرنفل واوقات شعرة مستكه واوقات لا وشوية جوز الطيب واطحنهم كويس وبعد كدا نعمهم ف الهون واخلط وادعيلي
مبدئيا انت راجل صاحب مزاج و كيف و دي حاجه عظيمة .. و موضوع انك تطحن و موضوع التوليفه ده لاصحاب المزاج العالي
لكن فكرة اني اجرب كل نوع من المطحن او الفرع مش متوفره لكل الناس علشان كده بنقارن منتجاب المحلات المعلبة من الشركات لان ده المتوفر لك ل الناس و متاح بسهولة للكل فاهمني .. و موضوع البن الحبشي و اليمني و غيره من عبد المعبود مكنتش اعرف انهم كذذا اسم و لاين تحت مسمي عبد المعبود و انهم كل واحد لوحده و ده هنوضحه في الحلقة الجايه عن البن برضو
حبيت الفيديو جدا 💜
حبيبي ياحمد من ذوقك
احسن بن ممكن تشربه بن العميد الكويتي سعره بيبقي600جنيه للكيلو وهو عالي الجوده
مقدرش اشكك فالعميد و في حلقة قريب هو فيها و انا شربته كتير بانواعه ♥
بن العميد هنا في الكويت اقل من 300جنيه مين اللي قالك انه ب600
احسن قهوه بن العميد الاردني اطلبوه من سوق او نون الربع ب85 جنيه بس حكايه
هيبقي معانا في حلقة البن المستورد قريب ان شاء الله ♥
القهوه حسب خلطه المشتري
2/3 1/3 او نصف بنصف
مع شراء قهوه ذو جوده عاليه وترك عنك المعلب
اكيد طبعا بس احنا هنا بنقارن منتجات المحلات المعلبة و صاحب الكيف بقي بيجيبه لو من المريخ
العميد افضل قهوة وعن تجربة ولو تشتريها من الامارات او دول الخليج احسن
العميد الاصلي مش متواجد في كل مكان في مصر لاكن فيه انواع كتير كويسه مصريه واحسن حاجه في البن ان حضرتك تعمل تولفتك الخاصه في المطحنه
العميد الكويتي انا بشربه من زمن و بيعجبني فعلا وهو متواجد في مصر بالفعل و كمان جربت الملوك من الكويت وقريب هيبقي معانا في حلقة عن البن المستورد
اكيد كل واحد و توليفته ياسمير بس احنا هنا بنتكلم عن البن الدارج في المحلات اللي كل الناس تقريبا بتشترية
@@samersamer7081 يشرفنى انضمامك لأسرة القناة ومتابعتك للقناة
@@ahmedgbrrr يجي من فين في مصر
تاريخ الانتاج يفرق و التحميص و الطحن ..الدلة قوية جدا ذوقتها من الكشك بتاعهم في المعرض بتاع زمان .. طبعا مفروض يحافظوا على مستوى متقارب تجاريا
بس كان مفروض تقارن تاريخ الانتاج بتاعهم عشان تتأكد أن بهتان الريحة أو تغيرها مش عشان قديم .
كمان درجة التحميص هل واحدة فيهم ياريت ذكرت ده بردة ..
شكرا على الريفيو ياريت لو هتعمل فيديو تاني تزود النقط دي 🙂
درجة التحميص كنت جايبها واحده و كتير شكر ف الداله لكن حابب اعرفك ان اللي بتجيبه من الفرع غير المعلب كتير قالولي كده و تاريخ الانتاج كله كام تمام في الصلاحية بتاعته و تمام و مش كل الناس هتشتري من الفرع علشان كده مقارنتنا علي العبوات اللي في الماركيت و ذكرت ان كلهم تحميص واحد و انشاء الله اضيف كل الحاجات الناقصة ف الريفيو القادم عن البن برضو الي هينزل قريب مع العودة القوية للقناة القريبه و اشكرك لاهتمامك ♥
إيه رأيك في بن أبو عوف محوج ❤️❤️
التحويجة بتاعته ريحتها بتبقي بره العبوة تحديدا الورق اول ماتفتحها يعني .. كويس جدا ابو عوف في معظم منتجابته حتي العسل و غيره من امور تانيه
@@ahmedgbrrr 💗💗
طب وبن العميد؟؟؟
هنجيبه في حلقة المستورد ♥️
جرب عبد المعبود فاتح محوج دوبل بس من المكان نفسه تجيبه لسه معمول جامد
اكيد اللي بيتجاب من الفرع افضل لانه فريش ده اكيد
هو يعني إيه ترميل او مرمله ؟
اليي هو في بعض القهوة منزلتش تحت ف الكنكة ولا استوت فتحس بحاجه علي لسانك وانت بتشرب زي احساس الرمل كده علي لسانك
@@ahmedgbrrr تمام شكرا للتوضيح
@@thesuspense469 ♥♥
انا داخل ملقتش بن العميد
ايه الكلام يمدمنين بن العميد
مش شايف حد احضرو هنا
انا من محبين بن العميد و هعترض معاك كمان بس الفكرة انه مستورد و هجيبه في حلقة لوحده مع بن من مستواه مستورد نشوف بقي مين افضل بن مستورد بيدخل مصر
@@ahmedgbrrr الله ينور ❤️
العميد غني عن التعريف ولا غلطة وادمااان👍👍
رائع وفكرة الفيديو جديده.بس القهوة كيف وبس
والله انا اكتر حاجه عجبتني انك بتعمل Reply على كل Comments وانا عن نفسى من عشاق بن ابو عوف
هل من المعقول ان الناس دي تقدرني وتكتبلي رأيها وانا مردش .. مين انا علشان اتجاهل ناس الكومنت و اللايك بتاعهم بيدعمني حتي لو بعض الكلام سلبي .. احنا هنا بكون عيلة كبيرة و اخوات و لازم التقدير يبقي اهم حاجه و بعدين كومنتات الناس زي العسل و بتشجع زيك كده تسلملي ♥
@@ahmedgbrrr والله انت محترم ياأحمد ربنا يكرمك ويزود من لايكاتك وكومنتاتك 😉😉👍🏻
عايزه افضل قهوة بندق
هيتعمل عنها حلقة لكن لوقتها بقي حاولي تحددي عايزه قهوة بندق اللي فيها البندق مجروش و قطع صغيره و لا البندق مسحوق و مطحون خالص
@@ahmedgbrrr نعمل الاثنين 🙈
بثق ف ذوقك تقول اى الاحلى ان شاء الله
@@safysafy9432 شكرا جدا ليكي و ان شاء الله نععملها و شكرا لدعمك ♥
جرب تجيب بن الداله +العروبه فاتح محوج +كلومبيا وقلبهم مع بعض ودوق وادعيلي
شغل التوليفات ده رايق .. نجربه ♥️
ازاي اعمل ده
يعنى تجيبى وتخلطهم مع بعض وتعمل الفنجان
بصراحه أحسن بن شغال في السوق بن عبدالمعبود محوج فاتح وغامق وساده الخ هو دا اللي شغال عن تجارب لانواع بن كتير افضلهم عبدالمعبود
انت صاحب مزاج كبير المحتوى رائع واسلوب تقييم ممتاز
حبيبي يا اسامة اشكرك ♥
Quality نضيف الصراحة
ربنا يوفقك ويكرمك❤️❤️
يعم انت عالمي ومتفق معاك جدا خصوصا ف رايك لعبد المعبود وعماد لكن منكرش ان ليهم طعم احلي ف المحوج
عموما ابو عوف يستاهل مع انه غالي شوية 🖤
حبيبي اشكرك و هنجرب اكتر و استني حلقة عن عبد المعبود لوحده قريب و عن عماد افندي كمان
مع حضرته
جرب بن عبدالمعبود وسط محوج وعموما هي ذوق
لاني عايش خارج مصر وجربت انواع كتيره
تعليقك جميل جدااااااا،محتاج تقييمك ل بن العميد سادة فاتح
العروبه رائع جدا من أرقى البن الي موجود
ياريت استاذ احمد تجرب بن davidoff اورينتال ستايل اجمل بن هتشربو هو غالي حبتين😘
لوسمحت ممكن اعرف اشتريه منين
انا اعرف دافيدوف دي نوع سجاير ههههه صحابي بيشربوها غاليه شويه بس هدور عليه و احاول اجيبه و تمني يكون منتشر
@@الحمدلله-ع5ط والله انا اشتريته من سوبر ماركت رايه
@@ahmedgbrrr 😉😆😆😆😉
لو في رايه هيبقي سهل اجيبه ان شاء الله
اللهم صل وسلم على نبينا محمد وعلى آله وصحبه أجمعين
♥
عليه افضل الصلاة والسلام
ازاي ماجبتش بن العميد
ازاي اجيب ربع كيلو بن ب ١٠٠ جنية اقارنه ببن ب ٣٠ جنية
هنجيبه في حلقة المستورد بأذن الله
اقسم بالله جربت كل الأنواع بعد بن الداله في الريحه والطعم اللي مش ممرر ووثبات الوش لآخر شفطه
والله العظيم انت برنس
لو عايز اشتريه من القاهرة اجيبه منين؟
الداله محوج حكايه
منتشر عندنا في الصعيد لكن في القاهره ماعرفش فين
الدالة محترم و كتير اصدقاء قالولي ممكن ظروف التخزين مظهرتهوش بأحسن صورة .. و هتلاقيه في اي سوبر ماركت كبير و منتشر يعني مش قليل ف السوق ولا حاجه
بن عامر ممتاز.... بس البن بشكل عام في الفتره الاخيره بقا طعمه سيئ وحاولت اجرب أنواع تانيه بس للأسف نفس النتيجه
للأسف الشركات بتسترخص في جودة البن بسبب تدني سعر الجنيه حتى النسكافيه بقى سيء مش زي زمان.
كنت لسه شاربه قهوه ابو عوف حالا وفعلا طعمه حلوه جدا❤️❤️
♥️♥️
ازبل بن
@@ahmedalsayed7369 طب ايه البن الحلو
@@abdallahessa7629
فعلا طعمه وحش دعاية و خلاص
فين بن الشتري و بن العميد؟؟
ليه وقفت يوتيوب لسه مرشحلي الفيديو بتاعك 😍💙
موقفتش و بعتذرلك جدا و ان شاء الله هتشوفي شغل كويس الفترة الجايه اتمني ينال رضائك و شكرا لتشجيعك ♥
ماشاء الله عليك جميل جدا و لكن انت حرب عبد المعبود الاصلي اللي ف باب اللوق ده فعلا احسن بن ف مصر سيبك من اللي بيتباع ف الماركت عايز تشرب عبد المعبود الاصلي انزل باب اللوق
في مطحن اسمه البن البرازيلي ف سهل حمزه شارع فيصل ده برضو من افضل انواع البن و عن تجربه ناس كتير جدا
جبيبي اشكرك علي ذوقك العالي لكن الهدف هنا تجربة المنتجات المعلبة اللي كل الناس بتشربها باستمرار انما المحامص و الفروع بتبقي افضل انا عارف بس مش موجوده ف كل مكان ولا كل الناس بتشرب منها فاهمني
ع فكرة بن العروبة جامد فعلا . يعني تاخد فنجان يقفل معاك لاخر اليوم
في محوج. وسادة
وبرضو درجات . غامق. وسط .فاتح.
بن العروبة محترم منكرش و كل واحد وله كيفه و ذوقه المفضل
انت بتستخدم بن ايه
احلى نكهة قهوة هو بن العمدة اقسم بالله تحفة بن خام فاااجر تحس انك بتشرب قهوة من بتاعت زمان ولمه بيتعمل باللبن بيبقى جااااامد جداااااا
العمدة .. جديد عليا بس ياريت تقولي الاقيه فيه و ان شاء الله ينضم للجزء التاني من حلقة البن
انا شربت الانواع دى كلها وشربت مستورد وانواع كتيييير جدا هو العمدة يعتبر اقدم وارخص منتج فيهم كلهم بس لية مذاق قديم اوى وجامد وخصوصا لو هاتعملة باللبن هاتبقى جامده جدااااا من غير لبن ماعتقدش انى هى هاتكون كويسة
@@ILexcellence ماه واللبن بيظبط اي بن يا صديقي الفكرة في المذاق البيور في ناس متحبش اللبن اصلا .. عموما ياريت تقولي اشتريه منين و هتشوفه معانا قريب
@@ahmedgbrrr لا انا مابحطش ميا انا بحط لبن بخيرة وسكر وبعد كده بحط القهوة
@@ILexcellence كل واحد و حبه و كيفه زي مابيقولو ♥
قلبي عندك. في كميه شرب القهوه. ده
لكن فين بن. البرازيلي. والشيخ
احسن قهوه في مصر عبد المعبود تحفه. بجد
اذواق و كل واحد و كيفه مقدرش اقول حاجه ابدا ♥
بحب عبدالمعبود
ايه المكان اللي بيبيع كل الأنواع دي
لا دي تجميعة بقي انا لفيت السبع لفات علشان نجيب دول و استناني قريب لفينا لفه تانيه و وفرنا انواع جديدة
الله ينور ي حبيبي ♥️
اخويا ♥
لازم تجرب بن الرفاعي من السعودية بينطحت أمامك ويتغلف تغليف طيارة يعني بشفط الهوا ويحط عليه التحويجة اللي بتريدها
والقريب جدا منه بن الفيومي، رائع جدا، من فرع المحلة الكبرى، مش عارفة باقي فروعه فين،
انا جربت الغامق المحوج من ابو عوف، للاسف كان طعمه محروق، وانا بحبه غامق بس،
حاليا بنجيب الحبوب من ستاربكس، والمطحنة الصبح على أنغام فيروز 🤗
، المطحنة ممكن تطحن فرينش وممكن تطحن أنعم يكون قريب من التركي، وده افضل اختيار بالنسبة لي.
شكرا على الفيديو، عالم القهوة عالم عجيب، وممكن تتوسع وتتوغل فيه وتعملنا فيديوهات اكتر. شكرا لك☕☕☕☕☕☕☕
احنا نتوغل مخصوص علشان خاطر حضرتك و ذوقك المحترم .. واكيد البن المطحون فريش حاجه تانيه مزاج عالي اوي .. بن الرفاعي ان شاء الله هنوفره في حلقة البن المستورد و نشوفه مع العميد و الملوك و باجي و غيرهم م ن الانواع المستوردة و كمان بن الفيومي بدرو عليه و هجيبه بأذن الله
احنا جربنا كل القهوي محبناش غير عبد المعبود
وانا معاك واللي بعدة ابو عوف وبعد كدة اردم
@@morsysayed6234 الله ينور عليك💞
حبيبي يامعاذ مانا مقدرش اقول حاجه لان ده ذوقك و اكيد كل واحد له ذوق غير وبتختلف من شخص للتاني فاهمني ♥
جرب الفيومى ستحبه
حضرتك احسب بن ابو عوف هتلاقي الكيلو ب ١٦٠ اللي هو نفس الرينج اللي بتتكلم فيه في باقي الماركات اللي انت جايبها ده بن رايع ماركه كان الكيلو ب ١٨٠ جنيه
يمكن علشان حضرتك اشتريت ربع كيلو مره واحده فحاسس انه اغلي
موكا بن افضل توليفة في البن المحوج ❤️
موكا معانا في جزء تاني من حلقة البن تاعبنا ♥
جرب سيلاز ولافا والعميد
جربتهم علي المستوي الشخصي و هيبقوا معانا في حلقات قريب اوي ♥
علشان تجرب البن صح وتشربه صح لازم كنكه نحاس
هحاول اجيبها ان شاء الله
ايه سيكا دي
يعنى حاجة بسيطة
يعني شويه صغيرين او حاجه بسيطة 😅
جرب احمد الشيخ
هحاول اجيبه ان شاء الله في الجزء التاني من البن
في بن في مصر حلو كنت بجيبو من السوبرماركت تقريبا اسمه هريدي ممكن اعرف في استيرد في ليبيا بيفكرني بقهوة زمان
افضل قهوة عبدالله افندي ♥♥
هو في عبد الله و عماد افندي ولا ايه و هما كمان اخوات ولا ايه !
@@ahmedgbrrr 😂😂
لو فى فعلا كده يبقى حرام يحط اسم الله على عبوه القهوه اللى بتترمى بعد ماتخلص
لازم تجرب الفاتح والوسط والغامق من كل نوع بن علشان بيختلف الريحة والطعم من كيف قهوه من أربعين سنة وحاليا عبد المعبود غامق مع سنة ا ف
ماهو انا محددهم كلهم تقريبا فاتح علاشن مشوف قدرتهم فالمنتج ده ولو هعمل زي ماحضرنك قولت فهبقي عايز حلقة ساعتين و هموت بسكته قلبية من كتر البن