فقد الأحبة| الرادود سيد جلال البلادي | موكب مركوبان | شهادة الامام الجواد ع 1444هـ

للشاعر محمد عمران
علينا يظل جودك بحر يبن السما وما تنشف افضاله
او نورك خسف نور القمر چنه خفى واتلاشت اظلاله
هداية وعِلم تهدي البشر لجل العُلا ابحب النبي وآله
جواد الذي جوده انتشر وسف المسا تفجعنا احواله
عادة الذي ،، يرحل تجي // أحبابه كلها يمه
وانته تظل .. وحدك وسف // يا تاسع الايمة
سلام الله على جرحك / وحيد او منطرح
ولا واحد من احبابك / اجه يداوي الجرح
تظل مرمي ينور الله / حسافة اعلى السطح
تألِّمنه او تذكرنه / ابمصاب المنذبح
تبگى وحدك يا امامي ..
اظنك مرمي ظامي ..
اذا ننظر الك نذكر اسى جدك
نذكر امصاب اللي عافر ..
وطت صدره الحوافر ..
وتصهر هالشمس إلـ خدّه او خدّك
_____
فجعنا سيدي في هالمسا مصابك
شبابي يا عسا فدوة الى شبابك
عليك الدمعه والحسرة
نواسي فاطمة الزهرة
على اللي صابك
چنها تجي لك فاطمة
والدمعة منها ساجمة
واعليك اظنها لاطمة .. تنعى .. اغترابك
شلي جنيته سيدي وبالسم عدوها غالك
في زهرة أيام العمر وتحت الترب جمالك
فقد الاحـــــبة غربة
صعبة امامي صعبة
تفجعنه بارتحالك
___
يالمسموم / يالمهموم
قلبي اليوم / خلص صبره
يالمطروح / يالمجروح
ليك اتنوح / اسى الزهرة
تبچي إلـ شبابك ..
تبچي بالحسرة .. فاطمة الزهرة .. چم ولد راح
تندب الـ مصابك ..
وتندب الظامي .. بالترب دامي .. يا وسف طاح
تنعاكم / والـــــدهر ليـ / ـها ما يرحم
تبچيكم / عدها كل يوم / عزا وماتم