Funky Marys: MER SCHRIEVE JESCHICHTE

Premiere des neuen Funky Marys Songs in China!
Mer schrieve Jeschichte:
M: M.Sauer, S.Kurtenbach, D.Breidenbach, A.Schönenborn
T: A. Schönenborn, Y.Schönenborn, M.Sauer
Video: L. Wachten
#MER SCHRIEVE JESCHICHTE
Vers 1
Mer fiere et Levve, un maache die Welt
So bunt un verröck, wie et uns su jefällt!
Et es wie im Kino, nur mer han Regie! Sujet jov et vürher nie!
Mer fiere uns selver am leevste janz laut!
Momente die blieve, in't Hätz injebaut!
Mer schrieve Stories, JANZ OHNE PAPIER,
wie dat jeiht, dat zeije mer!
Refrain:
MER SCHRIEVE JESCHICHTE,
Die uns keiner nemme kann!
MER SCHRIEVE JESCHICHTE,
Un fange hück noch domit ahn!
Mer maache jenau dat, wat süns keiner mäht,
für ANDERS ze sin is et niemols ze spät!
Ne Augeblick kann für die Iwigkeit sin
AUGE ZO - luur joot hin!
Konfetti em Bloot un im Kopp Fantasie,
Momente wie hück, die verjesse mer nie!
Mer schrieve Stories, janz ohne Papier,
Wie dat jeiht, dat wisse mer!
c-Teil:
Et jitt kei Tabu,
un nix weed bereut,
ne Masterplan bruche mer nit!
et Hätz wem Jepäck,
im Kopp völlig jeck,
Maach doch einfach mit - Kumm un maach mit!