Відео

ماشاء الله تبارك الله قصيدة جزلة ويستاهلون ذوي سليم والف مبروك ياعمر

ما شاء لله تبارك الرحمن صح لسانك يبو غالي قصيده جزله من رجال كفو بيض الله وجهك

صح لسانك وسلم بنانك واعتلى شأنك ويستاهل الملازم عمر الله يوفقه ويسدده ومنها لأعلى المناصب والرتب

صح لسانك يابو سعد قصيدة جزلة ويستاهل عمر

ونعم بسلطان وياحي سلطان. راع المكارم وصفات الحميده

بيض الله وجهك وجمل الله حالك يابو سعد على القصيدة الجزلة ويستاهل ابو تركي الفوز ويستاهل الناموس

صح لسانك يابو سعد وابو ثامر يستاهل

صح لسانك يبو سعد كفو مهي غريبه عليك الوقفه المشرفه يستاهل ابو ثامر وعسى الله يوفق الجميع

الا يالله يا منّان يا ستار يا علام يارب الامه انت اعلم بما يثقل مناكبها طلبتك بد من كل البشر بالقول والالهام تعمّ المسلمين بخير وتحقق مطالبها وظلّلّهم بأمانك واستر عبادك بستراً تام وداو جروح ما تصعب على لطفك طبايبها دعيتك يا عسى تقبل يا عون التايه المنضام رجيتك يا مغيث الأرض يامجري هبايبها بيوت الشعر ي خالي من اجلك وشحت بوسام من اول بيت لآخر بيت وافكاري مرتبها بديت بذكر رب الناس وهذا الزم عليّ الزام وثم الحفل والضيفان ومن كمل بواجبها من عيوني يابو ثامر تجيك الوافيه بحكام وهرجه ناقصه ما تلزم بناخيك جنبها انا لامن بغيت ابني بنيت الشامخات اهرام تناطح للسما عدّت على كومة سحايبها مراقيبي شموخ ولا يهم الواثقين زحام على سهل القصيد وهامة العليا مواكبها هواجيسي على بدع القوافي تعشق الإقدام على النهج الفريد وحبكة المعنى مدربها وطبع الكبر والزومه تراني حاكمه بعدام واحب اهل التواضع حولنا كم لي مراقبها ياليت احصي عددهم من شروره لين حد الشام ومن حد الكويت لغرب عن سودة جبال ابها واحقق غايه ابليا حدود ومالها حكام على مد البسيطه مشرق الدنيا لمغربها خريطتها مشاعرنا وتحقيق الوفا مادام تواضعنا دوا الزومات وأهل الكبر نغلبها كرامتنا نبديها ونبقى فالوجود كرام نعيش بواقع وعزي لمن تطرد سرايبها وما نرحم بني كبره وتبقى فالعيون اقزام وعدنا الله بالرفعه ويامخسر عواقبها وانا الليله من عموم الوباره محتزم بحزام مجود نفسي بربعي شباب وذخر شايبها رجال من اول الدنيا من ابيوت الحجر وخيام لها فالوادي المعروف ما تحسب حرايبها يا كم يشرب من الاعدا على كف الشجاع احسام محدد سيفه ويلعن على البيدأ صلايبها يشد اخوه ويئآزر ولد عمه على الاخصام ولا يرخي لها يضرب بسيف الموت غاربها ياكم قوم اصبحو في خير مير ان القلوب نيام غزوهم ربعنا وامسو تحت نثلا نصايبها وكم فارس تغدوبه وعقب من وراه ايتام وهلّو دمعة ارملته تحنّ لفقد غايبها هذاك الجيل وثق للوباره صيت بالارقام على صفحة هل الامجاد والتاريخ يكتبها بأمارة بن دخيل الله من عقوداً مضت واعوام له الشيخه وربعه من قديم الوقت نايبها تطيب بوقفته كل الجماعه فاللقا لا قام وشمس الشر لن بانت بشاره منه يحجبها وهذا الوقت ابو مسفر يسير وفي يديه اخطام على نهج الجدود وحث بالهمه ركايبها من شيوخ الفخر والجاه والطاله لها ضرغام ياطيب الرأي لاصدر منه يرجح لصايبها عسى تبطي به الدنيا وكل ما مرّت الايام يعيش بخير والصحه تهيا له سبايبها وهذا الليل يامستور يا راكز به الاعلام كمول الحفل للضيفان ولعزوه مناسبها مباخيراً تعج العود عانق طيبه البسام وكيفاً فالدلال الصفر وابهاراً تفوح بها واكبار الصواني من شحوم الضان ما تنزام فرق فالسوق منظرها وقرّ العين جالبها واسمح لي يابو ثامر برحب بالنيابه دام انا بناخيك وحلالك معزب في رحايبها هلا مليون بالاصحاب والجيران والارحام وفرصه تجمع الاجواد هذا الليل مطيبها وعن ضيفانك الغالين تسمح لي بأمراً هام عسى الفرحه تدوم الكم وتذهلكم عجايبها وختام القاف بنصلي على المبعوث بالاسلام قضى عمره بنشر الدين والفتنه يحاربها مشهور العصيمي

صح لسانك قصيده جزله وابو ثامر يستاهل الوقفه رجل ماعرفنا عنه الا كل علم طيب

صح لسانك يا ابو سعد ونعم فيك انت وخالك ابدعت فالقصيد وفالإلقاء عسى الله يوفقك ولاتحرمنا من جديدك

صح لسانك وسلم بنانك وأعتلى شأنك أخي وصديقي الغالي أبو ندى قصيدة جزلة من شاعر جزل وأنعم وأكرم في المادح وفي الممدوح

صح لسانك يابو سعد قصيده جزله وحضور مشرف وخالك يستاهل كل خير وواجب على بناخيه الوقفه معه في كل علم طيب ❤ ام ياسر

من يعرف فين المنظر هذا يعلمني

صح لسانك أنت في أبهاليام هاذي،ترى بجيكم بعدساعات بسيطه

ياذيب يلي تالي الليل أسمع عويه،يعوي على علي وللا على فرقى حبيبه

والله و سبعة انعام

صح لسانك واعتلى شانك

صح لسانك يا الشاعر المتألق المبدع المغوار مشهور قصيده لها ثقلها بين الحاضرين ، تحياتي لك أبو وائل 🌹💐❤️😘

صح لسانك يا الشاعر المتألق المبدع المغوار مشهور قصيده لها ثقلها بين الحاضرين ، تحياتي لك أبو وائل 🌹💐❤️😘

ماشاء الله تبارك الله مبدع كالعادة يابو سعد

مبدع كعادتك يا ابو سعد ماشاء الله تبارك الله عسى الله يجملنا مثل ماجملك بهالموقف

‏صح لسانك بيض الله وجهك يا بو سعد 👍 🤍

بدايات القصيده يالله القيوم ي جبار مع أهل الدين واهل الطيب وأهل العرف تجمعنا طلبتك يا الاله الكون وانت القادر الغفار تغفر ذنوبنا ذا الليل قبل الليل يودعنا وحنا كلنا تحتك نخافك والقلوب كسار وكم ذكرك جبر كسراً مع الايام يوجعنا والا يامقدم الحفل استمع لاخواني الشعار سلام الله نجيبه في قصايدنا ويدفعنا لمدح الطيبّ وعفواً هنا ما تقبل الاعذار بعد ربي عن الغالين ويش اليوم يمنعنا احد منا بدع قافه على وزنه بحور قصار واحد بحره طويل وهاجسه يثري مسامعنا ابه طور من الفكره وابه يبدع جديد افكار على المنبر نقول اللي نجيبه من بدايعنا يازين الشعر لامنّه تفوهبه طوال اعمار من دهاة القصيد وشعرها لاشك يمتعنا وانا يا الساده الحضار ماني شاعراً بيطار ولاني بأول الشعار انا آخرهم بهالمعنا اقول الحق لو انه على نفسي ولا بحتار وميقن فرق مابين القصايد فرق اصابعنا وانا شعري يكفيني ويلفت يمي الانظار حياز الطيبه لاشك هي أكبر مطامعنا وجمعنا الله في حفلاً كبيراً يجمع الاحرار بحثنا خارطة قوقل ووجهنا لموقعنا على دعوة كريماً من سلايل جده المغوار سند وارث لضيف الله وهم خيرة روابعنا صحيح اجسادهم غابت ولاكن ذكرهم مدرار يغيث الأرض من ذاك الزمان وفيه ربّعنا تناقل صيتهم أجيال كبار تعلمه لصغار يدور الطيبين ومرجع الاجواد مرجعنا وجا من نسلهم ربعاً لهم من بيننا مقدار خوال ابويه الخمسه لهم هامات ترفعنا كراماً في مجالسهم نعرف دروبهم للدار على صحن الكرامه عندهم ياما تربعنا ومال ضيوفهم حسبه قليل يمرهم وكثار وكلمتهم هلا يا مرحبا يا ضيف واسمعنا لك الحلّه ومجلسنا ترى مجلسك مهما صار مذاهبنا تقدينا وعادات وشرايعنا وكلاً وجّه عياله على نهج الكرم بصرار وقال الطيب ي عيالي ترى نبعه منابعنا وشفتوهم على الواقع نشاما تكمل المشوار سعو للمجد والتاريخ ياسعهم وياسعنا وانا ربعي بني مرضي لنا يالغانمين اقرار ختمنا صفحة الامجاد تزها من طوابعنا مضينا معاهدين الله بحق أقرابنا والجار ونشري من يقدرنا ولا نخضع لبايعنا سوا فالماقف الطيب ثبتنا فالعيون كبار نحبّ الصايبه والمخطيه ماهي طبايعنا وختام القاف قبل اسدل على جزل البيوت استار صلاتي تاصل محمد نهار البعث شافعنا مشهور العصيمي

حي ذا العين يابو سعد بيض الله وجهك وجمل الله حالك

صح لسانك وإعتلى شانك

بيض الله وجهك وجمل الله حالك يابو سعد ماقصرتوا والله يكثر خيركم يارب

ماحب مدح النفس لامن هاضني بدع القصيد ولا احب انا اطلق كلمة الشاعر على نفسي ابد اعتمادي بالله المعبود خلاّق العبيد لا وقفت القي قصيده قلت ماغيرك سند ويالله اني ما تكلم غير بالشي المفيد باللباقه و السهوله واكفني شر العقد بتمثل واتصور واطرق النهج الجديد واكره التكرار وابدع فالطواريق الجدد وفوق هذا مستحيل اكون فالمنبر رشيد ومستحيل اكون بن هذال من قبل وبعد ادري اني عن محيط الشعر واعماقه بعيد وخابر اني ما قربت كنوزه الا مبتعد يرحم الله يالنشاما من عرف قدره اكيد ويرفع الله قدر من حب المراجل واجتهد مايهم اللي يشكك او محضر لي مكيد واحترامي للذي من قلبه الصادق نقد قدموني ربعي الغالين بالشي الوحيد قافي اللي تسمعونه واخذو العلم الوكد من زمان العود قوته من نتاج أم الجريد قبل لا سيل الربوع يحدر بكرم وزبد لين هذا الوقت عشنا في نعيم وفي رغيد والشكر لله وحده ما نعيشه في رغد من كبير القوم فينا يفخر الارث المجيد لصغر اللي من بني عمي على باب المهد شرفوني بالفعول اللي بها كلاً يشيد القرابه والجماعه و المعارف فالبلد ورفعوني فوق نجماً مع هل المجد التليد ما تحسف للسحايب وش يجيب من البرد واجتمعنا الليل هذا في حلالاً ما تبيد صامده تحت السقوف الشامخات ام العمد في محل الشيخ أبو فارس عسى عمره مديد يا عسى أيامه سعيده ما يشوف ابها نكد عمي اللي في مقام ابوي والجنب العضيد لا نخيته قال دندن يالبناخي واعتمد وذا محل عياله اللي في محازمنا رصيد الصقور اللي تنموس في لوازمنا هدد مرحبا مليون والترحيب فالحله يزيد لو نبا نحصيه بعد شوي ما نحصا العدد مرحبا بنار الحميه مصهره صلب الحديد مرحبا باللي عدوي لا تخابرهم جمد مرحبا بمسطية قلبي على اليوم الشديد مرحبا بمشوشة راسي ليا حان الوعد اجتمعنا في تبوك الورد بالراي السديد بالمحبه ما اجتمعنا بالضعافه والحسد من يخاوينا على وضح النقا فاله سعيد ومن تردى في حدانا ما تبشر بالسعد للمصامخ كل منا يملك الراس العنيد وللكرامه مابه اللي في مواقفنا زهد من يجينا ضيف قدّمنا له الحشو الجويد واجود الطليان حريات وسمان النجد القريّب مسكنه فالعين وفي دم الوريد والبعيد اله المكانه ما نضاهيها لحد وماقف العتبان ناقف له ولا عنّه نحيد من زهمنا برق يبشر بالسحابه والرعد من اول المشوار موقعنا على القمه فريد من البدايه محكمين الوضع لين آخر عهد والختام الليل هذا يالنشاما ليل عيد اجتماع الطيبين الله يجعلّه مدد واسأل الله في رحاب الأرض له عمراً مديد ويا عسى ما نفقد الغالين ولاّ ننفقد مشهور العصيمي

صح لسانك وسلم بنانك ورحم الله فقيدتكم رحمة واسعة وأسكنها الفردوس الأعلى من الجنّة وألهمكم جميعاً الصبر والسلوان وإنّا لله وإنّا إليه راجعون

صح لسانك ي بو ندى والله يرحم عمتي ويرحم امواتنا واموات المسلمين 💔😢 ام ياسر

يستاهل سلطان ياطيب سلطان

صح لسانك يبو ندى

تستاهل التكريم

صح لسانك يبو ندى ويستاهل ابو عبدالاله

تستاهل يالحصان الله يوفقك يالامير يعلم الله اني احبك ف الله

تستاهل يالبناخي كل علم طيب ولاغرابه

تستأهل أبو حور ومو بغريبه عليك من عيال عمك هذا التكريم ❤️🌹💐

لاغرابه عزوتي يا الاد عاصم لاغرابه كل صرحاً من صروح الطيب يحماه العصيمي من قوانين الحميه والترابط والقرابه كلنا واحد بلحم ودم والعرق الصميمي كانها بعيال عم وكانها رحم ونسابه التحام اجدودنا في كل وقفه من قديمي في محلات الكرامه يعلنون الاستجايه وفي مواجهة العداء يكسر عناد اقوى خصيمي اجتماعاً في بيوت الها مجاليساً تشابه او على مد البسيطه في هوا البر النسيمي يختلف شكل المكان ويتحد مركا عتابه صادقين الوعد فالوقفات بالراي الحكيمي من تأخر عن بني عمه ليا حان المجابه ليتها امه ماضوتبه عاشت الدنيا عقيمي ومن تقدم صفهم في سلم ولا في حرابه كثر الله مثله وشرواه ذا الحر العديمي ارتفعتو فالسماء من تحتكم برق السحابه رافعين اسم القبيله من تبوك اليا القصيمي مكرمين الضيف كلاً فاتحاً للضيف بابه انتم اهل لمرحبا واهلين والمنطق حشيمي كم تقدم دلة الرسلان والعود لجانبه تكرمونه بامهات الجنب والظهر الشحيمي كيف اوضح شي واضح بين العالم درابه للجنوبي والشمالي والقصيمي والتميمي هكذا يا الاد عاصم كل شياً في نصابه تحسمون الامر فالميقاف بالنهج السليمي من مواقفكم تزيد افعالنا طيب وذرابه ومن معزتكم نبادر في مواقفكم نقيمي ومن غلاكم ضيفكم نغليه ونزيده رحابه وقدركم يبقا لنا مثل الصراط المستقيمي مشهور العصيمي

صح لسانك يا الشاعر أبو ندى أنت أهل الأوله🌹❤️💐😘

صح لسانك يا ابو ندى

يالله ياللي تسند العبد لاصار في موقفاً بين الفخر والمهابه موقف مشرف يمه تلد الانظار ويخشى من احدوث الخطا في صوابه يطلبك ياربي من المفرح السار تعطيه شي من النجاح يهقابه في ماقفاً غصاب ما دونه اعذار يكره من الله لو يسجل غيابه الحفل يجمع له من اعماق واقطار من اقصى الجنوب ليا تبوك الرحابه فيه العواني والاصاحيب والجار والاد عاصم من بعيد وقرابه يامرحبا بضيونا سر واجهار من قلب قبل اللي لساني حكابه عد الذي يمشي على الارض ماطار وعد الذي جنحيه تعلن ذهابه وعد الذي يسبح محيطات وانهار من الله خلقها لين يوم اللقابه على صواني حولها دار ما دار من نعمة الله ما يلذه وطابه والعود موقد في مباخيره اجمار يفوح طيبه لين يحجب ضبابه والبن الاشقر في دلاله مع ابهار صبه دوا للراس كيف وطبابه قلته عن محمد هذا الطيب البار اللي يبر الطيب من اول شبابه يكرم وفاتح في مواجيبه الدار له مجلساً مفتوح للضيف بابه معزوم ولا جاي طرقي ومرار من جاه يبشر بالكرم مرحبابه ان كانها بالفعل فوق العلم نار وان كانها بالقول فن وخطابه يملك من الحكمه ليا صار ماصار ميزانه من العدل ماخلف نصابه طيب مع الطيب من اصغار واكبار ولا سويد الوجه لاشك هابه من حشمته شفنا مع الناس مقدار ومن كرمته نلقى الكرم والرحابه خيّر وله صحبه من الناس الاخيار اصحابه اللي بالمراجل تشابه ودي افند فالاسامي ومحتار مار اعذروني خوفي ازعل جنابه اذكر بعضهم وانقص العد والعار لامن خذاني في بعضهم سهابه خاوى الجنوبي والشمالي ومابار من بينهم ذكر العصيمي رقابه على المواقف يندفع دمه الحار ياحظه اللي لانصا واعتزابه لابانت الهيه تبين مع اصرار ولا ثقلت اعزومه تزيده صلابه رمزاً من رموز ابنا عاصم وبيطار ومثله نعده واجهه في عتابه عمك ياخالد من قرانيس واحرار ما ناسب الا مدركين السحابه اكبر دليل انته على الشامخ القار تعوي وتعويلك زحول الذيابه هاني على الطلات هايل وجبار وفهد يحدد فالطويلات نابه كل الثلاثه عز للطيب واقرار ومجملين اهل النسب والنسابه مشهور العصيمي

صح لسانك يابو ندى وبيض الله وجهك مشرفنا في كل محفل الله يسعدك

صح لسانك يا مشهور قصيدة في منتهى الروعه 💐🌹❤️

بسم الله ابدا بالخبر والعناوين عبر محطات القصيد اسمعوها سلام تسليم الرجال السلاطين على الزحول الحاضره كلبوها من هاجس ابواري مواقيفه اتبين بين النشاما في حلالاً لفوها امثل اعموم الوباره بشطرين ولامن بدعت القافيه قدروها خدمتهم بالكاف والصاد والسين قيفاني اللي من هجوسي هقوها وهم قدمولي خدمة العمر وافين كل القبيله للسحاب ارفعوها عطوني السهله مع الرفق واللين وعنّي ثقال الكايدات احملوها والله ما تعلا على الحاجب العين وخطاي ما تسبق هم اللي اسبقوها اللي بلا عزوه بلا عين ويدين مثل اليمين من الجسد لبتروها واليوم جينا في حلال الميامين ذوي جريدي بالمراجل بنوها عمدانها بسلم المذاهب وبالدين واحصونها بطيب النبا شيدوها باب الكرامه لنفتح مستعدين ماهمّهم كم لضيوف اذبحوها عاده لموتاهم تورّث لحيين وحيينهم من طيبهم كملوها يكفي نسبهم نفتخربه من اسنين ولنا الشرف في وجهتاً حددوها وجهه لبو هاني طليق الحجاجين عنوّته بين الخلايق عنوها عساف يفخر ويتباهى بجدين مسفر ومطلق والطوال اعتلوها وابوه وعمانه على طويق بادين مكانتاً بين الخلايق رقوها وخواله اللي للثرياء قريبين على مطلّات الفخر صدروها وفي حلة عويض نقوله ملايين بضيوفه اللي ذا المسا شرفوها يا مرحبا والسيف تخدمه سكين يبشربها سيد المواقف وابوها مشهور العصيمي

يا سيف ابو تركي نشوف الك سلّه في مشهداً نادر تناقله الإعلام ابوك جيته يالشبل فازع الّه يومه سجد واستوشح الارض ماقام ماهو هزل ولا استماته وذلّه ولا يزاوغ عن مواجهة الاخصام الا من اللي فالثريا وصلّه استشعر النعمه من الله والاكرام كنه يباري للنجوم المطلّه نجماً يمين ومن يساره وقدام ارماح تحته مستظله ابظلّه حين احتمت شمس المواقف والاقدام ولا قام يرجع كل حي بمحلّه طويق وين وين هامات الاقزام خلّه ياتركي ماسجد غير لله في يوم تحقيق الاماني والاحلام من ارتخى لله رقى المجد كلّه ركز على روس الشواهيق الاعلام ذا منهجاً لبوك وذي عادتاً الّه وذا منهج لجدك على مر الاعوام مشهور العصيمي

صح لسانك يابو ندى وبيض الله وجهك ويستاهل ابو تركي

صح لسانك ..

يا سرع ياماجد مدارات الايام تجري ونجري خلفها واتعبتنا والله ما كنّا قبل عدة اعوام متوادعين بلحظتاً موجعتنا لحضه وصارت في خيالاتنا احلام ورجعتك هاذي بالزمن رجعتنا لله فالدنيا مواعيض واحكام من بعد فرقاك الحياه اجمعتنا شوفتك طيب تشفي كبود واسقام الشاهد الله من ضمير افرحتنا ناداك واجب للوطن يومه انظام ورديت في داخلك لو كان متنا ابشر وحدّك ما تطاوله الاقزام بالروح نحمى يالوطن و اسلحتنا ونعاهدك يادار في ردع الاخصام اعداك تلقى ردها من جهتنا هذا ترابك من وطيته بالاقدام عشنا بخير وعزها مملكتنا تبشربنا لعيون شعباً وحكام نصمد ولو ان السموم لفحتنا حنا جنودك فالمواقيف وحزام يخسى عدوك لحتزمنا سحتنا كفو يا بن عابد على فعلك التام افخر فعولك يالبطل شرفتنا صامل وصامد فالمجابه ومقدام شجيع روحك بعد ربي حمتنا ما هي غريبه لو تحطم فالارقام اطيب صفاتك من جدوك لفتنا دوشان لا قامو على الغي ما قام خلوه فالارض الوطيّه تحتنا خوالي انتم والقرابه والارحام والفضل لله يوم منكم عطتنا واليوم شرفت بقدومك ومادام جيت الشمال بجيتك نورتنا يا مرحبابك في محلات الاكرام ربعك مع اهل المرجل ميزتنا بالصف الاوحد والتلاحم والاسهام في كل طاله شامخه صدرتنا وختامها عد الهبايب والانسام صلو على اللي سيرته ريحتنا مشهور العصيمي

صح لسانك يا ابو ندى قصيده وافيه من وافي الى من يستحق .. بيض الله وجهك على ماقلت ويستاهل ابو عبدالاله فنعم المادح والممدوح 🌺🌺 اخوك / نايف العنزي

شاعر متألق دائما وام ياسر تستاهل الله يطول في عمرها 🙌🏻🤍