प्रिय विद्यार्थी नानी बाबुहरु, आदरणीय अभिभावकवर्ग, विद्यालयमा कार्यरत सम्पूर्ण शिक्षक कर्मचारी साथीहरू, शुभेच्छुक, सहयोगी मनहरू तथा देश तथा विदेशमा रहनु भएका समस्त नेपालीहरूमा विजया दशमी, तिहार, नेपाल सम्बत ११४५ न्हु दँया भिन्तुना, छठ पर्व लगायतका अरु पावन चाडपर्वहरूको अवसरमा हार्दिक मङ्गलमय शुभकामना व्यक्त गर्न चाहन्छु।
यी पर्वहरूले हाम्रो सांस्कृतिक धरोहरलाई जीवित राख्दै हामीलाई आपसी मेलमिलाप, प्रेम र सम्मानको भावना थप बलियो बनाउन प्रेरित गर्छन्। दशैंको टिका र जमराले हामी सबैमा वृद्धजनहरूको आशीर्वाद प्राप्त गराउने, तिहारको देउसी भैलोले हामी सबैलाई भाइचारा र सहकार्यमा बाँध्ने, नेपाल सम्बतले हाम्रो ऐतिहासिक पहिचानको स्मरण गराउने र छठको पूजाले प्रकृतिप्रतिको हाम्रो सम्मानलाई अझ प्रगाढ बनाउने अवसर प्रदान गर्दछ।
यस महान् पर्वहरूको उपलक्ष्यमा हरेक परिवारमा सुख, शान्ति र समृद्धिको बास होस्। तपाईँका बडाहरूको आशिर्वाद सदा तपाईँलाई सुस्वास्थ्य, दीर्घायु र सफलतामा डोर्याओस् भने सानालाई माया र शुभाशीषले भरिपूर्ण भविष्यको मार्ग देखाओस्।
आउनुहोस्, यी चाडपर्वहरूलाई सौहार्दपूर्ण वातावरणमा मनाउँदै हाम्रो समाजमा समृद्धि, एकता र शान्तिको सन्देश फैलाऔं।
धन्यबाद,
अनुप शर्मा
प्रिन्सिपल