Відео

Керемет

Планета шеруі, қозғалысы Жерге қандай әсері бар екен? Жер шарында табиғи апатқа себеп болмас па екен?

ФРЭНК БОРМАН (14.03.1928 - 7.11.2023) Бұрынғы НАСА астронавты, Ай орбитасына жеткен 24 адамның бірі Фрэнк Фредерик Борман ІІ 96 жасқа қараған шағында дүниеден озды. Ол ғарышқа екі рет ұшып, онда 20 тәулікке жуық болған. Борман алғаш 1965 жылы 4 желтоқсанда Gemini 7 кемесінің командирі ретінде ұшты. Джим Ловелл екеуі жасаған ғарыштық ұшу ұзақтығының рекорды (14 тәулік) 1970 жылға дейін тұрды. Фрэнк 1968 жылы 21 желтоқсанда ұшырылған Apollo 8 экипажының да командирі болды. Борман, Ловелл мен Билл Андерс Жер табағын толық көрген және Ай орбитасына шығып, оны айналып қайтқан алғашқы адамдар атанды. Осы миссия барысында түсірілген Жердің тарихи фотосы жайлы роликтен Борманның өз даусын естуге болады. Фрэнк Борман Уэст-Пойнттағы Әскери академия мен Калифорния технологиялық институтын тәмамдаған. Әскери ұшқыш, сынаушы-ұшқыш, инженер, авиатехника магистрі, доцент, полковник. НАСА астронавтары қатарына 1962 жылы «Келесі Тоғыздық» сапында қабылданып, 1970 жылға дейін қызмет еткен. Кейін әуе компаниясының вице-президенті, кәсіпкер болған. Журналист Эндрю Чайкиннің жазуынша, Гас Гриссом қаза тапқаннан кейін, Айға қонатын бірінші миссияның командирлігіне Борман таңдалған. Алайда ол Аполло-8-ге дейін-ақ "бұл ғарышқа соңғы ұшуым" деген іштей шешім қабылдап қойғандықтан, ұсыныстан бас тартыпты. Борман Apollo 11 миссиясы кезінде АҚШ президенті жанындағы НАСА өкілі міндетін атқарған. Ол Никсонды Айдағы астронавтарға алдын-ала жазылған ұзын-сонар мәтінді оқымай, телефонмен қысқаша сөйлесуге көндіреді. Борман президентке әнұран қоспауға да кеңес берген, өйткені астронавтар Ай бетіндегі шектеулі уақыттың 2,5 минутын қимылсыз тұруға жұмсар еді. Фрэнк Борман - Конгресстің Ғарыштық Құрмет медалінің, НАСА мен ӘӘК медальдерінің иегері. Оның есімі Айдың арғы бетіндегі 50 километрлік кратерге, туған қаласы Гэридегі (Индиана) саябақ пен тасжолға, бірнеше мектепке берілген.

УИЛЬЯМ ЭЛИСОН АНДЕРС (17.10.1933-7.06.2024) АЙҒА ҰШҚАН АЛҒАШҚЫ, НЕМЕСЕ ҰШАҚ ШТУРВАЛЫНДА ӨТКЕН ӨМІР Ай орбитасына шыққан алғашқы үш адамның бірі, Apollo 8 миссиясының мүшесі Билл Андерс 91 жасқа қараған шағында әуе апатынан қаза тапты. 2024 жылғы 7 маусымда ол бір өзі басқарып келе жатқан Beechcraft T-34 Mentor бір моторлы ұшағы Джонс пен Оркас аралдарының арасында суға құлап түскен. Андерс 1933 жылы Британ Гонконгінде, АҚШ әскери теңізшісінің отбасында туған. 1955 жылы АҚШ Әскери-Теңіз Академиясын, 1962 жылы ӘӘК Технологиялық институтын бітірген, әскери ұшқыш, ядролық техника магистрі. 1963 жылы НАСА астронавтар отрядына қабылданады. Уильям Андерс 1968 жылы 21 желтоқсанда Фрэнк Борман мен Джеймс Лоуэллмен бірге Apollo 8 ғарыш кемесімен Айға аттанды. 24 желтоқсанда тарихта алғаш рет ішінде адам бар аппарат Ай орбитасына шықты. Сол күні Билл Андерс «Жердің шығуы» деген атқа ие болған тарихи фотосуретті түсірді. Бұл фото жөнінде толығырақ осы роликте айтылады. 20 сағатта Айды он рет айналып шыққан Apollo 8 кемесі 27 желтоқсанда Жерге оралды. Командалық модуль ұшқышының дублері ретінде Apollo 11 миссиясының қосалқы экипажына енген Андерс сол 1969 жылы НАСА-дан және әскери қызметтен кетіп, мемлекеттік қызметке ауысты. Аэронавтика және ғарыш кеңістігін зерттеу жөніндегі Ұлттық кеңестің атқарушы хатшысы, Атом энергиясы комиссиясының мүшесі, кейін Атом энергетикасы саласындағы қызметті басқару комиссиясының бірінші төрағасы, АҚШ-тың Норвегиядағы елшісі болды. 1977-1994 жылдары General Electric, Textron, General Dynamics корпорацияларында түрлі басшылық қызметтер атқарды. 1991 жылы General Dynamics президенті қызметіне кірісе сала, Андерс өзін осы корпорацияның F-16 Fighting Falcon ұшағы сынаушы-ұшқышының көмекшісі етіп тағайындаған екен. Андерс Әскери-Әуе Күштерінің «Еңбегі үшін», «Көрнекті еңбегі үшін», НАСА-ның «Көрнекті еңбегі үшін» медальдарымен марапатталған, ӘӘК генерал-майоры. Оның құрметіне Айдағы 41 км-лік Андерс кратері аталған. 70 жылдай ұшақ басқарып, ұшқыш ретінде әуеде 8000 сағаттан астам өткізген ардагер өз ғұмырын штурвалда тәмамдады.

Күшті рахмет! Мен Астрономияны жақсы көрем.❤❤❤❤

Бір АЛЛАдан басқаның бәрі өзгермек.(Абай Құнанбайұлы)

😮

Пульсар деген 1мили секонта 5крук айналады

Өте жағымды дауыс, әрі түсінікті, сапалы жасалған видео! Және видео сауатты субтитрмен екенің көргеніме қуаныштымын👏 Осындай пайдалы видео үшін және еңбектеріңізге көптен көп рахмет!😊

Привет

Тамаша хабар

👍👍👍

Асалаумағаллкйкум қалайсыз! Келесі видио Super Nova деген жұлдыз туралы істеші сол жұлдызға айтқан адамдардың теориялары да қызық ғалымдардың айтқан теорияның өзі жетеді сол жұлдыз туралы дым бідмеймің бірақ естідім

Рақмет!❤

Мәтінді оқып тұрған кім?

Алла ұлық

Алланың құдіреті шексіз ғой

Мен 1🎉❤ Керемет Жалғасын күтемін

Туган жер солпуу айланат окшотуп гойбопсун😅

Көре алмадым, бүгіндеде күннің қабағы ашылмады! 😔