JINNUN NARIY
جن الناري
Aljanin Wuta.
Daga Shafin Bashir Halilu. Lambar waya 08162600700, 08134434846.
Su Jinnun Nariy ko kuma Jinnun Nariyyuwna a jam'i, su ne mafiya muhimmanci a cikin tarihin nau'ukan Aljanu saboda dalilai guda biyu.
Na farko dai su ne asalin Aljanu kafin samuwar kowane irin nau'in Aljani saboda Allah Ya halicci tsatson Aljanu ne daga wuta.
.
Iblis shi ne Kakan Aljanu kuma Allah ya halicce shi ne daga harshen wuta, shi da kuma sauran 'ya'yansa da mabiyansa.
Daga baya ne aka samu wasu nau'ukan Aljanu ta dalilin rarraba wajen zamansu da abincinsu da kuma yanayin halittar jikinsu.
Daga cikin nau'ukan Aljanu daɗaɗɗu a duniya wadanda su suka fara samuwa daga Jinnun Nariy akwai Jinnul Ghauwas, wanda wasu suke kira Jinnul Ma'iy, saboda suna zama a cikin ruwa. Shafin Bashir Halilu ya jima da kawo cikakken bayani akansu.
Sannan akwai Jinnul Banna'i ko kuma Jinnut Turabiy wato Aljanu Magina kokuma Mazauna cikin kasa.
Kasancewar Aljanu sun rarraba wajen zamansu, wasu suna zaune a cikin kogi, wasu a cikin sahara, wasu a kan bishiyoyi, shi yasa aka samu rabe-raben Aljanu amma asalinsu dai Jinnun Nariy ne.
Haka nan aqida ta qara rarraba Aljanu, inda aka samu masu bautar wuta da masu bautar rana da masu bautar kakaninsu da dai sauransu. Inda wasu kuma suka kasance musulmai.
Rarrabuwar Aljanu zuwa nau'i-nau'i har ila yau, yana da alaqa da launin halittarsu; domin wasu farare ne, wasu baqaqe, wasu jajaye dadai sauransu.
Hatta kasancewarsu masu fika-fiki da marasa fuka-fuki, da masu manyan halitta wadanda sun fi mutane girma da kuma masu kananan halitta wadanda basu fi girman tururuwa ba, ya kara sabbaba rarrabuwar Aljanu zuwa jinsi-jinsi da nau'i-nau'i.
Malamai suka ce : Aljanu sun fara kasuwa zuwa kabila goma sha biyu ne daga 'ya'yan Iblisa La'anahUllah, sannan daga baya kowace kabila ta cigaba da rarrabuwa.
.
Daga cikin Qabilun farko akwai qabilar Ifriytu da Jinnul Mariyd wadanda dukkansu Jinnun Nariyyuna ne wato Aljanu masu jikin wuta.
Dalili na biyu da yasa Jinnun Nariy suke da Muhimmanci a tarihin Aljanu shi ne mafi yawan Ayoyin Alqur'ani da Hadisai suna magana ne akan cewa an halicci Aljanu ne daga wuta, su kuma sune suke da alaqa ta kai tsaye da wuta a yanayin jikinsu. Sukan iya hura wuta da bakinsu ko su kunna gobara.
Kusan kashi saba'in bisa dari na Jinnun Nariy Shaiɗanu ne masu bin tafarkin Iblis. Yawancin Musulman Aljanu ana samunsu ne a wasu jinsunan daban.
YADDA HALITTAR JINNUN NARIY TA KE.
Daga shafin Bashir Halilu. Lambar waya 08162600700,08134434846.
Wannan nau'in Aljanu basu da wata dauwamammiyar halitta da suke akanta, kasancewar Allah Ya halicce su da ga6o6i mabambanta yadda Ya so, musulmansu da kafuransu.
Misali wajen idanunsu da hannuwansu da kafafunsu. Akwai mai ido biyu, akwai mai ido arba'in, akwai mai ido daya tak; wani kuma idanuwansa suna tsakanin haka ko sama da haka. To haka ma halittar sauran jikinsu take.
Domin akwai mai hannuwa da yawa wani kafafuwansa ne da yawa da dai sauransu.
Jinnun Nariy Sunay wa sauran Aljanu fariya da cewa su ne asalin Aljanu kuma suna da karfi sosai da taurin kai a fagen yaqi.
Jinnun Nariy kamar mafi yawa daga sauran nau'in Aljanu, suna iya canjawa daga wata halittar zuwa wata kuma suna da saurin canjawa da 6acewa. Ba kamar Tabriyqul Jinni ba wadanda basa iya canja halitta kuma basa saurin 6acewa mutane.
Jinnun Nariy suna cikin Aljanu masu dadewa a duniya amma dai rayuwarsu bata wuce shekara dubu daya da dari biyu duk da dai ana samun Aljani mai shekaru dubu goma sha biyu. Ba a maganar Jinnut Tabaddul wadanda ake ganin kamar mutuwa ta mance da su, wasu masanan ma sun ce basa mutuwa amma dai shafin Bashir Halilu ya taɓa kawo cikakken bayani akansu.
Ayoyin Alqur'ani da yawa sun bayyana cewa an halicci Aljanu ne da wuta. Mun yi bayanin wannan tuni lokacin da muke bayani aka ASALIN HALITTAR ALJANU amma dai ga Hadisi guda daya za mu kawo yanzu.
.
ﻋﻦ ﻋﺎﺋﺸﺔ - ﺭﺿﻲ ﺍﻟﻠﻪ ﻋﻨﻬﺎ - ﻋﻦ ﺭﺳﻮﻝ ﺍﻟﻠﻪ - ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ - ﻗﺎﻝ : ﺧﻠﻘﺖ ﺍﻟﻤﻼﺋﻜﺔ ﻣﻦ ﻧﻮﺭ ، ﻭﺧﻠﻖ ﺍﻟﺠﺎﻥ ﻣﻦ ﻣﺎﺭﺝ ﻣﻦ ﻧﺎﺭ ، ﻭﺧﻠﻖ ﺁﺩﻡ ﻣﻤﺎ ﻭﺻﻒ ﻟﻜﻢ " . ﺭﻭﺍﻩ ﻣﺴﻠﻢ .
.
.
Manzon Allah ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ
yace " An halicci Mala'iku ne daga haske, an halicci Aljanu daga harshen wuta kuma an halicci Annabi Adam daga abinda akay muku bayani". (wato ta6o).
YADDA MUTUM ZAI GANE JINNUN NARIY YA SHIGA JIKINSA KO KUMA YA SHAFE SHI DA CUTA.
DA
Daga shafin Bashir Halilu. Lambar waya 08162600700, 08134434846.
★Yawan mafarkin gobara
★Mutum zai dinga mafarkin ya fada wuta ko kuma wuta tana bin sa a guje.
★Mutum zai dinga yawan yin gobara a duk inda ya ajjiye kayansa.
★Zafin kirji da zafin tafin kafafuwa.
★Jan ido da tashin jijiyoyin wuya.
Da dai sauransu.
Daga Shafin Bashir Halilu, masu yin Ruq'yah da harhada Magunguna na Musulunci dana gargajiya. Lambar waya 08162600700, 08134434846.