“Ədibin Evi”nin dəstəyi ilə həyata keçirilən DAHA TV-nin “Tarixin Güzgüsü” adlı media layihəsi XX əsrin əvvəlində Azərbaycan Xalq Cümhuriyyətinin mətbu orqanı olan “Azərbaycan” qəzetinin arxivi əsasında yüz il əvvəlki Azərbaycana nəzər salır və tarixin güzgüsünü bu günümüzə tutur.
Bu dəfəki buraxılışda Aqşin Yenisey və Qismət Rüstəmov ötən əsrin əvvəlində Azərbaycanda mövcud olan multikultural, tolerant mühiti formalaşdıran dəyərləri günümüzün mədəniyyətlərarası dialoq forumu və fonunda təhlil edirlər.
Əsas qaynaq “Azərbaycan" qəzetinin 1918-20-ci illərdə nəşr olunan saylarında yazılan məqalələrdir. Bu dəfəki proqramda Azərbaycan dövləti və xalqının XX-XXI əsrlərdəki tolerant və multikultural dəyərlərinin keçmişi və bu günü müqayisə edilir.
“Azǝrbaycan” qǝzetinin 15 sentyabr 1918 - 28 aprel 1920 tarixlǝri arasında 443 nömrǝsi çapdan çıxmışdır. Qǝzetin ǝrǝb qrafikalı ǝlifbadan latın qrafikalı müasir Azǝrbaycan ǝlifbasına köçürülmüş külliyyatı ilə linkdə tanış ola bilərsiniz:
ada.edu.az/azerbaijannewspaper