مشاركة الشاعر عبدالله الغفيري عند قبيلة آل خالد من هذيل
الشاعر عبدالله مفرح الغفيري المالكي
هذيل
الهذلي
عسكر البارود
درع الحجاز
يا ليل العنا قلي متى ساعة الإصباح
ترى الهم شب النار في داخل أضلاعي
أنا خاطري له عام وأكثر ماهو مرتاح
معا كل يوم تزيد فالخافق أوجاعي
تقول السعادة باب صمم بلا مفتاح
فتح مرةٍ وحدة وسكر على اصباعي
حياة الشقى تبغا جهاد وتعب وكفاح
ولولا صدوف الوقت ما شفتم إبداعي
يدور الزمن مابين الأفراح والأتراح
وفي ظرف ساعة يجعل المبتسم ناعي
ومنهو تركنا طاح قدره وحظه طاح
يروح ماني خلف المقفين تباعي
سرى البارحة ليلي وانا ألاعب المسباح
تلاطم هواجيسي وخربانة أوضاعي
بعد جاتني دعوتك يا كاسب الأمداح
أنا معك حاضر قبل لا يدعي الداعي
سلامي على اللي خوته مفخره وأرباح
هذا أبو وليد الصاحب الوافي الواعي
جزيل العطايا لو تصير الليال اشحاح
فداه الرخوم اللي بلا فعل واسناعي
عسى الله يبارك يا محمد لك الأفراح
ومن يصنع المعروف فآهله ما ضاعي
تباشر وبرق العز عرض المخايل لاح
عضيدك طلال ويعتبر سيف بتاعي
وابوك وعمامك بالفخر لبسوك وشاح
وطبع الكرم عادة لهم ماهو صناعي
نسل عود له سمعه كما العود لآمن فاح
تسيد بكفٍ راهي وطولة ذراعي
تبين مثل نجمٍ بكبد السما وضاح
هذا الشيخ عمّار الكرم وافي الأطباعي
رجال ال خالد كل أبوهم ذخر وسلاح
نهار الوغى تلقى صناديدٍ شجاعي
قبيلة هذيل إليا أختلط بالسيوف ارماح
ترد الزعيم الطاغي لعزوته راعي
بواريدهم تنزع من الأنفس الأرواح
وتحذف بروس القوم في صحصح القاعي
هذيل العروبة صيتهم للقمم نطّاح
دروع الحجاز إن هب للحرب ذعذاعي
عزاز النفوس أهل الظفر فزعة الصيّاح
شيوخٍ لهم في قمة المجد مرباعي
هم أهل الفصاحة عدهم بالأدب نضّاح
لقب عسكر البارود جاهم بالإجماعي
كلام الحقيقة ما يجي من ضحك ومزاح
مثبت قبل ينقل بريد الخبر ساعي