القصيدة والنايل من كلمات الشاعر /سعد الدليمي
----------
النايل
گالولي شيخك كفو گلت الشهامه بيه
عز المراجل حوى والشيم عنده افعال
نهرو كريم النفس واليگصده يدريه
يسلم يمين الذي علومه بفخر تنگال
يانخوة المفزوع يوم الذي يناديه
بسمه صعيب الأمر مگدور أله بالحال
ماغاب بالنائبه وهمة علي تكفيه
خيل الشدايد صفت ولها صفه الخيال
شيخي على الكلفات بيت الفزع بانيه
عنده الرجوله عقل وبعقل وزنه جبال
زين الفعايل شهم طِيب الذكر حاويه
معروف ابن سلطان عالمعتدي زلزال
القصيدة
--------
نادي شمس الدين شيخ القادرية
كسنزاني الزود والهمة علية
-------------
نادي ابو تيجان نادي ابن الكرام
بالأصل مهيوب عز النه ومرام
ابن سلطان الحقيقة والأمام
ابو نهرو النور بدر الهاشمية
-------------------
كسنزاني الزود بنواره نتهنه
الشيخ شمس الدين ماخاب التعنه
بحر شيخ الكسنزان ونبع منه
مدد واسرار ونظر مايجف مية
------------------
لو ندبت الغوث .شيخ الكسنزان
ينسى اسمه الخوف ويگلك امان
هان لجلك يامريدي الصعب هان
سهله گال الغوث للرايد حمية
----------------
مانهاب الشده خلها شما تكون
والوكت لو عال بينه هم يمون
ماتهمنه افعالها وكلها تهون
عدنا ابو تيجان سيف القادرية
---------------------
مايواني الشيخ ابو گلب السليم
لو مشه اعله الگاع رجفها الزعيم
ولي ومن الله طبعة شگد كريم
مثل جده المصطفى ونفسه أبية
-----------------
شيخي شمس الدين ياعز المريد
يانسل كرار يانعم الحفيد
هيبة اسمك ذاب من حرها الحديد
نور من النور والغيره احمدية
------------------