Ons NOOI mense om in verhouding met God te wandel. Om hul te AKKOMODEER om hul verskillende gawes en talente uit te leef en hul dan UIT TE STUUR om aktiewe dissipelmakers te wees.

In 2016 het die Here dit al hoe sterker op my hart gelê om die geloofstap te neem en my droom te bewaarheid. Einde Februarie 2016 bedank ek uit die gemeente waar ek gedien het, en ons neem die geloofstap ten spyte van omstandighede en die “nee-mense”. Ons moes weereens uit die boot klim en spreekwoordelik op die “water loop”. Ek moes net my oë op Hom hou en nie op die golwe nie.

Op 3 April 2016 begin ons met ons eerste diens by Bergvallei, nadat ons op 13 Maart 2016 ʼn “diagnose” diens gedoen het by Venue@185 op Beyers Naude Weg, waar ongeveer 140 mense aangedui het dat hul sou belangstel om saam met ons ʼn pad te stap by Ahavah Familiekerk. Soos hul sê: Die res is geskiedenis. Alle eer aan God.

Sluit aan saam met Marius van Jaarsveld by Ahavah Familiekerk | Sondae 9:00 by Laerskool Muldersdrif