म्याङलुङ -९ साब्ला तेह्रथुम ..
साब्ला युवा समुहद्वारा शुभदीपावलीको अवसरमा आयोजित खुल्ला पुरुष फुटबल प्रतियोगिताको उपाधि जिरिखिम्तीले हात पारेको छ । आज भएको फाइनल खेलमा साम्दावा एफ सी आम्बुङलाई ५ : १ गोल अन्तरले हराउँदै उपाधि हात पारेको हो। उक्त खेलमा जिरीखिम्तिको लागि डिम्पल भण्डारी र अविनाश जीमिले समान २ गोल गर्दा प्रकास लिम्बुले १ गोल गर्दै जीत सुनिस्चित गराएका थिए। तस्तै साम्दावा एफ सी आम्बुङको लागि खेलको अन्तिम समयमा विशाल लिम्बुले १ गोल फर्काउँदै आफ्नु टोलीलाई सान्त्वना दिलाएका थिए।
उक्त प्रतियोगिताको सर्वाधिक गोल कर्ता जिरिखिम्तिका प्रकाश लिम्बू , उत्कृष्ट गोलरक्षक जिरिखिम्तीकै विस्नु गुरुङ्ग, उत्कृष्ट डिफेन्डर डिम्पल भण्डारी बन्न सफल भए । त्यसै गरी प्रतियोगिताको सर्वोत्कृष्ट खेलाडि साम्दावा एफ सी आम्बुङका सन्दिप लिम्बू बन्न सफल भए ।
प्रतियोगिताको विजेता बनेको टोली जिरीखिम्तिले नगद रु.२५०००।- को साथमा ट्रफी, मेडल, प्रमाणपत्र प्राप्त गर्दा उपविजेता बनेको साम्दावा एफ सी आम्बुङले नगद रु.१५०००।- मा चित्त बुझाउनु परेको छ।