༼ དགེ་བཤེས་བླ་མ་དཀོན་མཆོག་གི་མཛད་རྣམ་སྙིང་བསྡུས། ༽
༄༅།། མཁས་ཤིང་གྲུབ་པའི་དབང་ཕྱུག་དགེ་བཤེས་བླ་མ་དཀོས་བླ་མ་དཀོན་མཆོག་དམ་པ་གང་ཉིད་ནི་བོད་ཀྱི་རྒྱལ་ས་ལྷ་སའི་ཉེ་འདབ་ན་སྐུ་བལྟམས་ཤིང། དགུང་ལོ་དྲུག་ལ་སོན་སྐབས་བོད་ཀྱི་གདན་ས་ཆེན་པོ་སེ་ར་ཐེག་ཆེན་གླིང་དུ་ཆོས་བཞུགས་ཀྱིས་བླ་མ་སྐྱེས་ཆེན་དམ་པ་མང་པོའི་ཞབས་ལ་གཏུགས་ཏེ་བཀའ་ལུང་དབང་ཁྲིད་སོགས་ཞུས་ཏེ་གསན་བསམ་སློབ་གཉེར་དང་སྒྲུབ་པ་ཉམས་ལེན་མང་དུ་གནང་སྟེ་ཚད་ལྡན་གྱི་བཤེས་གཉེན་དང་གྲུབ་ཆེན་ཞིག་ཏུ་གྱུར།
སྤྱི་ལོ་ ༡༩༥༩ ལོར་བོད་དུ་དུས་ཟིངས་བྱུང་རྗེས་ཁོང་ཧི་མ་ལ་ཡའི་ཉེ་འགྲམ་བལ་བོད་ས་མཚམས་ཀྱི་རི་བརྒྱུད་ཞིག་ཏུ་བྱ་བྲལ་རི་ཁྲོད་ དུ་བཞུགས་ཏེ་དེར་རྗེ་བཙུན་མི་ལ་རལ་པས་སྒོམ་སྒྲུབ་མཚམས་བཞུགས་གནང་སའི་བྲག་ཕུག་ཏུ་སྔ་ཕྱི་བསྡོམས་ལོ་ངོ་༼༢༦༽ ལྷག་ཙམ་རང་སྒོམ་སྒྲུབ་མཚམས་བཞུགས་ཉམས་ལེན་རྩེ་གཅིག་ཏུ་གནང་སྟེ་དུས་ཡུན་དེའི་སྐབས་དགེ་བཤེས་ལགས་ནས་སྨྱུང་གནས་ཆ་༼༢༠༠༠ ༽ ལ་སོགས་པའི་སྒོམ་སྒྲུབ་ཉམས་ལེན་མང་དུ་གནང་བའི་ཉམས་རྟོགས་དང་མཐུ་སྟོབས་ཀྱིས་སེམས་ཅན་གྲངས་ལས་འདས་པར་ཕན་ནུས་རྒྱ་ཆེ་སྒྲུབ་ཡོད།
ཕྱོ་ལོ་ ༡༩༨༤ ལོ་ནས་ཟུངས་དགེ་བཤེས་ལགས་བལ་ཡུལ་ཀོ་པན་དཔལ་འོག་མིན་བྱང་ཆུབ་ཆོས་གླིང་གྲྭ་ཚང་དུ་བཞུགས་བཞག་གནང་སྟེ་དཔེ་འཁྲིད་དང་སློབ་སྟོན་དེ་བཞིན་ཨེ་ཤི་ཡ་དང་ཡོ་རོབས་ལ་སོགས་པའི་རྒྱལ་ཁབ་དུ་མར་བཀའ་དབང་གསུང་ཆོས་སོགས་མང་དུ་མཛད།
ཕྱི་ལོ་༢༠༠༡ ལོའི་ཟླ་བ་ ༡༠ ཚེས་ ༡༥ ཉིན་དགེ་བཤེས་ལགས་དབུ་ན་ ༧༤ སྐབས་དགོངས་པ་ཆོས་དབྱིངས་ཐིབས་ཏེ་སྐུ་ཕུང་ཞུགས་འབུལ་སྐབས་ངོ་མཚར་གྱི་རྟགས་མཚན་དུ་མ་བསྟེན་ན་ཏེ་རིང་བསྲིལ་སོགས་འཁྲུངས་ནས་བླ་མ་སྐྱེས་ཆེན་གྲུབ་ཐོབ་ཀྱི་འབྲས་རྟགས་མངོན་སུམ་དུ་བསྟན་ཏེ་དེང་གི་དུས་སྙིགས་ཟང་ཟིང་གི་བསྟན་པའི་སྐབས་དེར་འཛམ་གླིང་ཡུལ་གྲུ་ཀུན་གྱི་སྐྱེ་འགྲོ་རྣམས་ལ་སླར་ཡང་རྨོངས་མུན་སེལ་བའི་སྒྲོན་མེ་ལྟ་བུ་བྱུང་ཡོད།🙏
#tibetan #tibetanbuddhism #buddhiststory #tibetanbuddhist #budhhism #bouddha #buddhateachings #buddhisttradition #buddhismstory #buddhistschool