Во Србија веќе трета недела по ред траат протестите на студентите кои започаа по трагедијата во Нови Сад. Со 15 минутна тишина на раскрсниците на неколку градови во Србија, студентите од 60 факултети од универзитетите во Белград и Нови Сад, Ниш и Крагуевац им оддаваат почит на загинатите од падот на настершницата во Нови Сад и бараат одговорнoст од Владата и институциите.
Студентите ја бараат правда на улиците на Белград и Нови Сад. Бараат промени во системот и иднина без корупција. Гордо и самуверено и пркосат на Власта во Србија не отстапувајќи од своите барања. Во изминатите недели на студентите им се приклучија и дел од средношколците, граѓаните, но и нивните професори. Ова е време, велат нивните професори кога предавањата за демократија и правда ги држат студентите. Екипата на Трн беше во Белград на студентските блокади.