Mee Bandung
အင်ဒိုနီးရှားခေါက်ဆွဲ
ဆိုဖီယာခုတလောအန်တီကြီးတယောက်ဆီကအင်ဒိုအစားစာနဲ့မလေးအစားစာချက်နည်းသင်နေလို့သူငယ်ချင်းတို့ကိုမျှဝေပေးလိုက်တယ်နော် ။ဘယ်နိုင်ငံဘယ်လူမျိုးမဆိုသူတို့ရိုးရာသူတို့ဓလေ့ချက်နည်းလေးတွေရှိကြတယ်။အဲ့ဒီထည်းကမှကိုယ်တွေအကြိုက်နဲ့နီးစပ်တာလေးတွေသင်ယူဖြစ်တယ်။ဒီခေါက်ဆွဲလေးကိုလည်းနှစ်သက်ကြလိမ့်မယ်ထင်ပါတယ်။ရိုးရိုးလေးနဲ့ထူးခြားတဲ့အရသာလေးပါ။ ဆိုဖီယာကတော့ နှစ်ပွဲဆင့်စားဖြစ်တယ် :) ချက်စားကြည့်ရအောင်နော် ။
ဟင်းရည်အတွက်ပါဝင်ပစ္စည်း (ဆယ်ပွဲစာ)
****************
ဂျုံခေါက်ဆွဲအစို - ၂ ကီလို
ကြက်သား - ၅၀၀ ဂရမ်
ငရုပ်သီးအနှစ် - ၂၀၀ ဂရမ်
(အရမ်းမစပ်တဲ့ငရုပ်သီးခြောက်ကိုကြိတ်ထားတာ)
ကြက်သွန်ဖြူ - ၃မြောင်း
ငါးအသားလုံး - နှစ်ထုပ်
ပြည်ကြီးငါး သို့ ပုဇွန် - အနည်းငယ်
မုန်လာဥနီ - တစ်တောင့်
မုန်ညင်းရွက် သို့ ပဲပင်ပေါက် - တစ်စည်း
ကြက်သားတုံး - နှစ်တုံး (chicken stock )
ဆား - လိုသလောက်
Chilli Sauce - ၅ ဇွန်းစားပွဲတင်ဇွန်း
Tomato ketchup - ၅ ဇွန်း
ဆီ - ၁၀၀ ဂရမ်
ရေ - ၄လီတာ
ကော်မှုန့် - စားပွဲတင်ဇွန်း ၃ဇွန်း
ကြက်ဥ - ဆယ်လုံး
တရုပ်နံနံ - တစ်စည်း
ကြက်သွန်ကြော် - လိုသလာက်
ငရုပ်သီးချဉ် - လိုသလောက် တွဲဖက်စားရန်
ပြင်ဆင်ချက်ပြုတ်နည်း
************
(၁)ကြက်သားကို အတုံးသေးသေးတုံးထားပါ။မုန်လာဥကို ခပ်ထူထူလှီးထားပါ။ငရုပ်သီးခြောက်အပွတောင့်ကို ရေစိမ်ပြီးကြိတ်ထားပါ။
(၂)အားလုံးအဆင်သင့်ဖြစ်ပါကချက်မည့်အိုးတွင်ဆီထည့်ပြီးငရုပ်သီးအနှစ်၊ကြက်သွန်ဖြူ၊ကြက်သားတို့ကိုဆီသပ်ပါ။
(၃)ကြက်သားကျက်ပါကရေထည့်ပါ။ကြက်သားတုံးchicken stock ထည့်ပါ။tomato ketchup ၊Chilli Sauce ထည့်ပါ။
မုန်လာဥ၊ငါးလုံးနှင့်ပြည်ကြီးငါးသို့ပုဇွန်ထည့်ပြီးမီးအေးအေးဖြင့်ဆူပွက်အောင်တည်ထားပါ။အရသာလိုအပ်ပါကဆားအနည်းငယ်ထည့်ပါ။
(၄)ဟင်းရည်အရသာကျပါကလိုအပ်သောရေပမာဏထပ်ရေပေးပြီးပွက်အောင်တည်ပါ။အရသာအပါ့အငံမြည်းပါ။
(၅)ဆူပွက်လာပါကကော်မှုန့်ကိုရေအနည်းငယ်ဖြင့်ဖျော်ပြီးဟင်းရည်အိုးထည်းဖြည်းဖြည်းလောင်းထည့်ကာခပ်မြန်မြန်မွေပေးပါ။
(၆)ကြက်ဥဆယ်လုံးကိုဖောက်ထားပြီးတလုံးဆီပုံမပျက်ချပေးပြီးမီးပိတ်ထားပါ။ငါးမိနစ်ခန့်ထားပြီးမှသာကြက်ဥကျက်မှသာလျှင်ပွဲပြင်ရန်အတွက်ပြင်ဆင်ပါ။
(၇)တွဲဖက်ငရုပ်ချဉ်အတွက်ငရုပ်သီးအရှည် အပွတောင့်ကိုအကွင်း လှီးပြီး Apple cider vinegar သို့ ရှာလကာရည် နှင့့်သကြား ဆားတို့ထည့်ပြီးစိမ်ထားပါ။
(၈)ခေါက်ဆွဲဖျောရန်ရေဆူအိုးတည်ထားပါ။ရေဆူတွင် ခေါက်ဆွဲ မုန်ညင်းနှင့်ပဲပင်ပေါက်ကိုဖျောပြီးပန်းကန်တွင်ထည့်ပါ။
(၉)ဟင်းရည်အိုးထည်းမှ ငါးလုံး ကြက်ဥနှင့်အသားတို့က်ို မျှအောင်ခပ်ပြီး ခေါက်ဆွဲပေါ်ဆမ်းပေးပါ။အပေါ်မှ ကြက်သွန်ကြော်နှင့် တရုပ်နံနံဖြူးပေးပြီးငရုပ်ချဉ်နှင့်တွဲဖက်သုံးဆောင်နိုင်ပါပြီ။