قال منهو لابقى ثلث ليله ماستراح
قام يقرا ماتيسر وطول لا سجد
.
لين جاته عصم الأبيات مع صلف الرياح
من مصب الوادي العود ' عبقر ترتجد
.
كن معه مسً من الجن يردف بالصياح
لايجي حفل ابن عمك ولانت بـ مستعد
.
مرحبا عند ال جفران في دار الْصباح
مرحبا والصوت يدوي مثل صوت الرعد
.
مرحبا بسم ال مره مخضبْت الرماح
عد مانحمي العشاير وما نكسب بعد
.
مرحبا ترحيبة الشيخ جابر بن صباح
يوم رحب عقب ماوصلته فزعة فهد
.
في حفل من دم راسه على الطالات فاح
الصبي مسعود وابيه محمد ابن سعد
.
حتى لو ابيه ميت ترا ذكره ماراح
الدلال تفوح وعياله طيور السعد
.
ماخذين منْه طيبه وكرمه والصلاح
والجدود معربه كلهم بني سعد
.
ذا سعد بّن صالح اللي يوم الدنيا شحاح
يذبح القعدان لـ الضيف والطرقي بعد
.
ابلجً يقول لاسراف لـ ضيوفك مباح
مايعرف إلا أذبح ' وسم ' واقلط يولد
.
وذا سعد ابن حمد فالظفّر ' كنه السلاح
والسلاح ايْكذب وهو مايكذب لاورد
.
تسرح الخلفات عنده ولا تاتي المراح
كون قدهي خفت وعيالها للي هجد
.
من ضنى اللي لو تدك الجبل عود براح
روس قومً لابدا الصعب تفتل وتعقد
.
من جمال الغبقة اللي لامن الوقت شاح
يلتجئ في ضلها كل منهو منضهد
.
ي ال مره سد الإمجاد فـ التاريخ باح
وده انه يحصي المجد لاكن ماحصد
.
من يصاحبنا نورْده للعد القراح
عقبنا يطغى ولا عاده يفكر ف احد
.
والعدو يمسي ويصبح على السم الذحاح
كم عقيد من ظهر خيله لـ بطن لحد
.
برق عز امجادنا فوق غيم القوم لاح
وان دعاء الداعي حضرنا قبل ياتي الوعد
.
شاعر مايمدح عيال عمه مايباح
جعله ان جا الحشّر يشنق بـ حبل من مسد