पं.स.कुही तालुका क्रीडा व सांस्कृतिक स्पर्धा समारोपीय सोहळा प्रसंगी "सोचेंगे तुम्हे प्यार.." हे अप्रतिम गीत सादर करताना डॉ स्वप्निल मेश्राम गटविकास अधिकारी कुही.
*राजोला येथे तालुका क्रीडा व सांस्कृतिक महोत्सव आणि विज्ञान प्रदर्शन संपन्न*
कुही: "जिल्हा परिषद शिक्षक हा सर्वगुणसंपन्न असतो." असे प्रतिपादन जिल्हा परिषद नागपूरच्या अध्यक्षा मुक्ताताई कोकड्डे यांनी केले. त्या पंचायत समिती कुही द्वारा आयोजित दोन दिवसीय तालुकास्तर क्रीडा व सांस्कृतिक महोत्सव आणि तालुका विज्ञान प्रदर्शनिच्या बक्षीस वितरण प्रसंगी प्रमुख अतिथी म्हणून बोलत होत्या. तर उद्घाटकीय भाषणात बोलताना "ग्रामीण भागातील विद्यार्थ्यांना शासनाकडून सर्व सुविधा मिळाव्यात व तो शिक्षणाच्या मुख्य प्रवाहात यावा" असे प्रतिपादन विधान परिषदेचे आमदार मा अभिजीत वंजारी यांनी केले. पंचायत समिती कुही द्वारा आयोजित या महोत्सवाचे आयोजन जि प केंद्रीय उच्च प्राथमिक शाळा राजोला येथे करण्यात आले होते. या क्रीडा व सांस्कृतिक स्पर्धेच्या आणि विज्ञान प्रदर्शनी च्या उद्घाटनिय सोहळ्याच्या अध्यक्षा सभापती वंदना मोटघरे होत्या तर उद्घाटन जि प सदस्य अरूण हटवार यांचे हस्ते झाले. सांस्कृतिक स्पर्धांचे उद्घाटन उमरेड निर्वाचन क्षेत्राचे आमदार मा संजय मेश्राम यांचे हस्ते झाले. त्यांनी सर्व विद्यार्थ्यांना स्पर्धात सहभागी होऊन विजयी होण्याच्या शुभेच्छा दिल्या. प्रमुख पाहुणे म्हणून जि.प. सदस्या प्रमिला दंडारे, मनीषा फेंडर, कविता साखरवाडे, उपसभापती इस्तारी तळेकर, पं.स. सदस्य मंदा डाहारे, वामन श्रीरामे, सर्व केंद्रप्रमुख, राजोलाच्या सरपंच प्रियंका वैद्य, उपसरपंच विनायक झलके, शाळा व्यवस्थापन समिती अध्यक्ष ऋषेश्वर वैद्य, सर्व ग्रामपंचायत सदस्य, शाळा व्यवस्थापन समिती सदस्य व गटशिक्षणाधिकारी आशा गणवीर उपस्थित होते. सांस्कृतिक स्पर्धांचे परीक्षण मिलिंद लुटे व कैलास चौधरी यांनी तर विज्ञान प्रदर्शनी चे परीक्षण वरिष्ठ माध्यमिक शिक्षक आशिष आरिकर, लक्ष्मीकांत बांते, संजय तुलशिकर यांनी केले. समारोपीय सोहळ्याला वरील मान्यवरांसह जिल्हा परिषद सदस्य अरुण हटवार, सभापती वंदना मोटघरे, उपसभापती ईस्तारी तळेकर, पंचायत समिती सदस्य वामन श्रीरामे, गटविकास अधिकारी डॉ स्वप्निल मेश्राम, गटशिक्षणाधिकारी आशा गणविर, विस्तार अधिकारी अशोक बांते, गणेश लुटे, केंद्रप्रमुख सुनील चावके, महेंद्र पारसे, मनोज बोरकर, महेंद्र दापुरकर, उषा चव्हाण, अभिमन्यू वंजारी, राजाराम रत्नम, महेंद्र धारगावे, प्रचिती गभने शिक्षक संघटनांचे प्रतिनिधी प्रवीण फाळके, अनिल हुमणे, संजय पेशने, नरेंद्र गजभिये, राजू बोकडे, अमित धकाते उपस्थित होते. विज्ञान प्रदर्शनी मध्ये प्राथमिक, उच्च प्राथमिक, माध्यमिक, उच्च माध्यमिक गटात तालुक्यातील विद्यार्थ्यांनी व शिक्षकांनी विविध मॉडेल व चार्ट द्वारा सहभाग घेतला. तारणा केंद्र विजेता तर पचखेडी केंद्र उपविजेता राहिले. पाहुण्यांचे हस्ते सर्व विजेत्यांना बक्षीस वितरण करण्यात आले.
कार्यक्रमाचे संचालन प्रकाश दुल्हेवाले, अपर्णा लांभाटे व अश्विनी शेवाने यांनी केले, तर आभार गणेश लुटे व अशोक बांते यांनी मानले. कार्यक्रमाच्या यशस्वीतेसाठी केंद्रप्रमुख प्रचिती गभने, मुख्याध्यापक दिनकर कावळे, अरविंद बावनकुळे, नरेश उराडे, नरेंद्र गजभिये, आशिष रंगारी, कोठीराम जुनघरे, वाल्मिक वैद्य, भाऊराव जिभकाटे, राजेश घरत, आतिष कोहपरे, सविता चव्हाण, रामकृष्ण कावळे, किशोर राखुंडे, निलेश कौतिकवार, पल्लवी हनुमंते, सर्व केंद्रप्रमुख, राजोला येथील सर्व ग्रामस्थ, शिक्षक व विद्यार्थी यांनी परिश्रम घेतले. गटविकास अधिकारी डॉ स्वप्नील मेश्राम यांच्या उत्साहवर्धक सुश्राव्य गायनाने कार्यक्रमाचा गोड शेवट झाला.
✍️वृत्तलेखन: मनोज बोरकर 🧿