شيلة قوي العزيمه ، كلمات سلطان الحويقل ، اداء خالد ال بريك .
أشترك وفعّل التنبيهات في قناة نجم | FM .
n9.cl/h1eb46
__________
​⁠ ​⁠ ​⁠ ​⁠ ​⁠ ​⁠ ​⁠ ​⁠ ​⁠ ​⁠ ​⁠ ​⁠ ​⁠ ​⁠​⁠ ​⁠ ​⁠ ​⁠ ​⁠ ​⁠ ​⁠​⁠ ​⁠ ‪​⁠ ‬ ​⁠ ​⁠​⁠ ​⁠ ​⁠ ​⁠ ​⁠@abdullahalghaib
#abdullahalghaib
​⁠
الكلمات | Lyrics
سلطان بن بشيّر ...
جعل غر السحاب اللي مطرهـا هديمه
تاخذ شهور ماجها عـن الارض مــاهــا
يكشف البرق و الرعاد يرجف رزيمه
والمزون الرفايا تدحـم في سماهــا
اركز البيت واقبس وسط عود الهشيمه
نار بدوً يفض الليل الاســود سـنــاهــا
مايقص الدروب ولا يبوج العتيمه
غير ذيــبً يقلط للنشاما عشاهـا
المعزه شجـاعــه و المذله هزيـمه
انطح القوم واعرف طيبها من رداها
سلطان الحويقل ...
وان حدتك السنين العوج خلك صتيمه
دف سـود الليالـي لين تـزحــف وراهــا
ما يـرد الحقوق الا قـوي العزيمه
السعد في شغاميم العيـال يتباها
عاد تركي فعوله من سنينٍ قديمه
قبل رد البـرا قد رد ذود بعصاهــا
علم الي يحسب ان العواقب سليمه
شوبة الحـرب دارت واستلمنا رحاها
وان تقدم ولدنا للخطوب الجسيمه
ما نمشي عليه العود لين يحمـاهــا
سلطان بن بشيّـر ...
ياولد شايبً يعطي للامجاد قيمه
يوم روس القبيله تفتخر بعقداهـا
الاومير سـنـام المجد وشــداد ريمه
وراعـي السمعه اللي مايوقّف صداها
ياعسى المدلهم اللي يذعذع نسيمه
مايجنّب قـبــورً طيّب الله ثـــراهـــا
مير من عقب فروخ الحرار الصريمه
يبشر ان الحــرار تنومس اللي غذاها
حي هاك العيال اللي تجيب الغنيمه
نــدرً للهدد ماخيبت مــن ربـــاهـــا
سلطان الحويقل ...
خل راكان يلطم فالتحدي خصيمه
شرهته في شداد شيوخها واومراها
ما ترك من حزامه طلقةٍ في بريمه
لا اعتزا ضيّق الاخصام لين يحداها
لا قلط ب اصفرٍ كنه على حـــد غيمه
يشرب امن الهبوب الي يذعذع هواها
سلطان بن بشيّر ...
ادلخً كن راســه يــوم يــزعـج رطـيــمــه
راسً سقسً لا ناش الارض طرشع حصاها
تومي سباله اللي مثل شال اليتيمه
يـوم قالوا ف ابوها يجبر الله عزاها
حقه الفوز والنـاموس ماله ظليمه
من بغى الاوله يذفع ثمن مشتراها
#شيلات #خالد_ال_بريك