పవిత్ర గురువారం నుండి పునరుత్థాన ఆదివారం వరకు జరిగిన యేసు ప్రభుని రక్షాకర సంఘటనల సమయ క్రమం - వివరణ
This video gives detailed explanation of Jesus' Passion, death and Resurrection in probable chronological order in Telugu Language. This video is good for reflection and meditation on the salvific death of Jesus Christ for Humankind. The details are presented after a thorough research.
The death of Jesus is a historical event and it is efficacious.
గురువారం సాయంత్రం
యేసు ప్రభువు తన శిష్యుల పాదాలను కడిగాడు. వారితో కలిసి పాస్కా భోజనం చేసాడు. కడరాత్రి భోజన సమయంలో యేసు ప్రభు "నా జ్ఞాపకార్థము చేయుడు" అనే ఆజ్ఞతో దివ్యసత్ప్రసాదాన్ని, యాజకత్వాన్ని (గురు పట్టం) స్థాపించాడు.
కడరాత్రి భోజనం మధ్యలో యూదా ఇస్కరియోతు యేసు ప్రభువును ద్రోహం చేయడానికి మేడ గది నుండి బయటికి వెళ్ళాడు. యూదుల నియమం ప్రకారం బానిస ఎవరైనా ఎద్దు చేత చంపబడితే ఎద్దు యజమాని బానిస యజమానికి చెల్లించాల్సిన ధర ముప్పై వెండి నాణేలు (నిర్గమకాండము 21,32). వారి ప్రకారం బానిస మరణపు విలువ ముప్పై వెండి నాణేలు. యేసు ప్రభువుకు కూడా వారు అదే ధరను నిర్ణయించారు.
యేసు ప్రభువు మిగిలిన పదకొండు మందితో విధేయత, ప్రేమ, ఐక్యత, త్యాగం మరియు తన శ్రమల గురించి బోధించాడు.
పాస్కా భోజనాన్ని ప్రార్థనతో ముగించి పదకొండు మందితో యేసు ప్రభు గెత్సమనే తోటకు వెళ్ళాడు.
మేడ గది నుండి గెత్సమనే తోట మధ్యలో ఉన్న దూరం సుమారు 2 కిలోమీటర్లు.
గురువారం రాత్రి సుమారు 11:30 నుండి శుక్రవారం తెల్లవారుజాము 1 గంట వరకు యేసు ప్రభు గెత్సేమనే తోటలో ఆవేదనతో ప్రార్థించాడు.
శుక్రవారం అర్థరాత్రి సుమారు 1:00-1:30 మధ్యలో యూదా ఇస్కరియోతు సహాయంతో సైనికులు యేసు ప్రభువును బంధించి ప్రధాన యాజకుడు కైఫా మందిరానికి తీసుకువెళ్లారు.
గెత్సమనే తోట నుండి కైఫా మందిరానికి దూరం సుమారు 1.2 కిలోమీటర్లు.
శుక్రవారం సుమారు 1:30-2:00 ప్రాంతంలో మాజీ ప్రధాన యాజకుడైన అన్నా నాయకత్వంలో యేసు ప్రభు మొదటి విచారణ జరిగింది.
శుక్రవారం 2:00-5:00 మధ్యలో యూదుల ప్రధాన యాజకుడు కైఫా నాయకత్వంలో యూదుల సర్వోన్నత న్యాయస్థానం (సన్హెద్రిన్) యేసు ప్రభువును రెండవ సారి విచారించింది.
విచారణ తరువాత అబద్ద సాక్ష్యాల బలముతో యేసు ప్రభువుకు మరణ శిక్ష వేయడానికి రోమన్ గవర్నరుకు విన్నవించాలని న్యాయ సభ నిర్ణయించింది.
యేసు ప్రభువును వారు పిలాతు ఉన్న ఆంటోనియో కోటకు తీసుకువెళ్లారు. కైఫా మందిరం నుండి పిలాతు నివసిస్తున్న కోటకు దూరం సుమారు అర కిలోమీటరు కన్న కొంచం తక్కువ.
శుక్రవారం సుమారు ఉదయం 6-7 ప్రాంతంలో రోమన్ గవర్నర్ పిలాతు ముందు మొదటి విచారణ.
శుక్రవారం ఉదయం సుమారు 7-8 మధ్యలో పిలాతు యేసు ప్రభువును గలిలీయ ప్రాంతాన్ని పాలిస్తున్న హేరోదు వద్దకు పంపించాడు. పాస్కా పండుగ అయినందుకు హేరోదు రాజు యెరూషలేములో ఉన్నాడు.
శుక్రవారం ఉదయం 9 గంటలకు పిలాతు ముందు రెండవ సారి విచారణ. యేసు పిలాతు వద్దకు తిరిగి తీసుకు రాబడుతాడు.
యూదా నాయకులను సంతృప్తిపరచడానికి యేసును కొరడాలతో కొట్టమని పిలాతు ఆజ్ఞాపించాడు. రోమా నియమ ప్రకారం యేసు ప్రభువు 39 కొరడా దెబ్బలను అనుభవించాడు. ఇనుప ముక్కలు, పదునైన ఎముకలు, బరువైన గంటలను కొరడాల చివరన బిగించేవారు. క్రమంగా కొరడా దెబ్బలు పొందినప్పుడు కొరడాతో పాటు మాంసం ఊడివచ్చేది. రక్తం ఏరులై పారుతుంది.
సైనికులు ముళ్ల కిరీటమును అల్లి, దానిని యేసు ప్రభు శిరస్సుపై పెట్టి, ఆయనకు ఊదా వస్త్రమును తొడిగి పిలాతు వద్దకు తీసుకువెళ్లారు.
శుక్రవారం ఉదయం సుమారు 10-11 ప్రాంతంలో
వాదోపవాదనలు, ఉద్రిక్త పరిస్థితులు, విచారణ తరువాత యేసు ప్రభువును సిలువ వేయుటకు పిలాతు తీర్పు ఇచ్చాడు.
తీర్పు తరువాత యేసు ప్రభు సిలువను మోసుకుని గొల్గొతా కొండపైకి నడిచాడు. సుమారు 8 అడుగులు, 150 కిలోల బరువు ఉన్న సిలువను మోసుకుని, వేదనను అనుభవిస్తూ దాదాపు 1-1.5 కిలోమీటర్లు యేసు ప్రభు నడిచాడు.
గొల్గొతా అనేది గ్రీకు భాష పదం. కల్వరి అనేది లాటిన్ భాష పదం. ఈ రెండు పదాలకు అర్థం కపాలం.
శుక్రవారం మధ్యాహ్నం 12 గంటలకు సైనికులు యేసు ప్రభుని వస్త్రాలను తీసివేసి ఆయనను సిలువ వేశారు. యేసు ప్రభువును సిలువకు అంటగొట్టిన ఒక్కొక్క మేకు సుమారు 5-7 ఇంచుల పొడవు ఉంటుంది. శుక్రవారం మధ్యాహ్నం 12-3 గంటల వరకు దేశమంతటా చీకటి క్రమ్మింది. యేసు ప్రభు సిలువ వేదనను మన కొరకు అనుభవించాడు. యేసు ప్రభు సిలువపై మరణ వేదన అనుభవించాడు.
యేసు ప్రభు వేదనను అనుభవిస్తూ సిలువపై నుండి ఏడు మాటలను పలికాడు.
శుక్రవారం మధ్యాహ్నం 3 గంటలకు మానవుల పాపముల ప్రాయశ్చిత్తము కొరకు యేసు ప్రభు మరణించాడు. యేసు ప్రభువును వ్రేలాడదీసిన సిలువపై పిలాతు ఒక బిరుదమును వ్రాయించి పెట్టించాడు. దాని హ్రస్వ రూపమే INRI. INRI అనగా నజరేయుడైన యేసు యూదుల రాజు.
శుక్రవారం మధ్యాహ్నం సుమారు 3:30 గంటలకు రోమా సైనికులు యేసుతో పాటు సిలువ వేయబడిన ఇద్దరు నేరస్థుల కాళ్లను విరగ్గొట్టారు. కానీ యేసు అప్పటికే చనిపోయాడని గ్రహించి ఆయన కాళ్ళు విరుగగొట్టలేదు. అయితే, సైనికులలో ఒకడు అయన ప్రక్కను బల్లెముతో పొడిచాడు.
శుక్రవారం సూర్యాస్తమయానికి ముందు యేసు ప్రభు సమాధి చేయబడ్డాడు. సైనికులు యేసు ప్రభు సమాధికి ముద్ర వేసి కావలి ఉన్నారు.
శనివారం రోజంతా యేసు ప్రభు శరీరం సమాధిలో ఉంది.
ఆదివారం తెల్లవారుజామున యేసు ప్రభు పునరుత్థానమయ్యాడు. యేసు ప్రభు మరణాన్ని గెలిచి తిరిగి లేచాడు.
యేసు ప్రభు మన పాపముల కొరకు మరణించి మూడవ రోజు తిరిగి లేచాడు. మనలను స్వీకరించడానికి అయన ఎప్పుడూ సిద్ధంగా ఉన్నారు. మనము సిద్ధమా?
Other Videos and Links
యేసు ప్రభు పునరుత్థానానికి ఏడు సాక్ష్యాలు Seven Proofs for Resurrection of Jesus from Bible
ua-cam.com/video/CcNBPpRTYLQ/v-deo.html