*ఒకరు పుట్టినరోజు ఒకరు గిట్టిన రోజు*
*ఇందిరాగాంధీ గొప్ప మహిళా ప్రధానమంత్రి*
*కొందరు స్వార్థాలకు వారి మనిషిగా వాడుకుంటున్నారు*
*కానీ సర్దార్ వల్లబ్ భాయ్ పటేల్ అందరివాడు*
*సర్దార్ వల్లబ్ భాయి పటేల్ జయంతి నిర్వహించడం చాలా సంతోషకరం*
*ఉక్కు మనిషికి నివాళులర్పించిన ఎమ్మెల్యే వీర్లపల్లి శంకర్*
ఈరోజు దేశ ప్రజలందరికీ ఒకవైపు సర్దార్ వల్లభాయ్ పటేల్ జయంతి, మరియు దివ్యల దీపావళి పండుగ సంతోషమైన, మరియొక వైపు ఇందిరాగాంధీ వర్ధంతి ఉండడం కాంగ్రెస్ అభిమానులకు ఒకింత బాధాకరం. ఈరోజు ఒకరు పుట్టినరోజు ఒకరు గిట్టిన రోజు అని ఎమ్మెల్యే వీర్లపల్లి శంకర్ అన్నారు. సర్దార్ వల్లబ్ భాయ్ పటేల్ జయంతిని పురస్కరించుకొని ఆయన విగ్రహానికి పూలమాలలు వేసి ఎమ్మెల్యే వీర్లపల్లి శంకర్ ఘనంగా నివాళులర్పించారు. అనంతరం ఆయన మాట్లాడుతూ కొందరు స్వార్థానికి సర్దార్ వల్లబ్ భాయ్ పటేల్ ను వారి మనిషిగా చిత్రీకరిస్తున్నారని, కానీ ఆయన అందరివాడు అని తెలిపారు. మొట్టమొదటి భారత దేశ హోమ్ మినిస్టర్ గా పదవి చేపట్టిన తర్వాత, మనకు స్వాతంత్రం సిద్ధించిన తర్వాత కూడా 565 సంస్థానాలు భారతదేశంలో విలీనం కావలసి ఉండగా, అందులో మన హైదరాబాదు నిజాం ఎస్టేట్ కూడా భారతదేశంలో విలీనానికి ఆయన రాయబారిగా కావచ్చు హోమ్ మినిస్టర్ గా కావచ్చు ఎంతో కృషి చేశాడు అన్నారు. ఆయన చేసిన అమోఘమైన కృషి వల్లనే నిజాం పరిపాలనలో ఉన్న మన తెలంగాణ భారతదేశంలో విలీనమైందన్నారు. వారు మహానుభావులు అంటూ వారి నాయకత్వాన్ని, ఆశయాలను, సిద్ధాంతాలను, రాజకీయ నిబద్ధతను మనము రోల్ మోడల్ గా స్వీకరించాలి తప్ప వచ్చామా విగ్రహాలకు దండలు వేసామా వెళ్ళామా అనే విధంగా ఉండకూడదని కార్యకర్తలకు సూచించారు. మహానుభావుల అడుగుజాడల్లో నడవడం మనకు ఎంతో మంచి చేస్తుంది అన్నారు. ఈ కార్యక్రమంలో ఎమ్మెల్యే వీర్లపల్లి శంకర్ తో పాటు, పట్టణ కాంగ్రెస్ అధ్యక్షుడు కొంకల్ల చెన్నయ్య, సీనియర్ నాయకుడు అగునూరి విశ్వం, చెంది తిరుపతిరెడ్డి, వన్నాడ ప్రకాష్ గౌడ్, అంచే రాములు, దంగు శ్రీనివాస్ యాదవ్, న్యాయవాది మాధవులు మరియు షాద్ నగర్ పట్టణ కాంగ్రెస్ సీనియర్ నాయకులు కార్యకర్తలు తదితరులు పాల్గొన్నారు.