Partindo de sonoridades e cantigas tradicionais, o cantante e recuperador da cultura oral galega Xisco Feijóo propón, engadindo "acompañamentos de instrumentación", o espectáculo "Traede Ferrallada". Na actuación, así como á escoita e desfrute, Feijóo invita ao público a formar parte no seu desenvolvemento: "A música dos antepasados ten un elevadísimo carácter de participación comunal".
O artista incide en que a nosa cultura e tradición non son "museísticas", senón que "están na rúa e entre a mocidade". Pese a todo, apunta que o recoñecemento do baile e música galegos como Ben de Interese Cultural é un reclamo centenario, por parte de asociacións e colegas do panorama artístico, máis que merecido e necesario.
#historiadegalicia
👓🌿🌍💚