واجہ جی آر مُلأ وتی شعر ءَ وت گوشگ ءَ اِنت۔۔۔
محکماں من چو کلات ءَ تو جت ءُ روتک نہ کُت
من بلے جند ءِ گِر ءُ دار ءُ بنداں وت ءَ بوتک نہ کُت
کیت وہدے کہ من ءَ تئی شنگ اِتگیں شار ءِ حیال
اوہے باتاں کہ وتی شالوں چیا دوتک نہ کُت
کئے بہ جنت گُرز ءُ دَرئیت شِیر کہ چو شِیریں دو کُرم
من کہ سَر شَندے ءَ کانیگے پہ وت کوتک نہ کُت
سُتکگ انت واہگ ءُ ارمان بُن انت، کُہت پُر اَنت
انگت ٹہلاں کہ کس ءَ ہیشی سروں سوتک نہ کُت
مُرت ئے پہ حور ءُ گِلمان، شُت ئے باگیں بَہشت
ما چُشیں وشّی ءَ مُلّا تئی سر ءَ موتک نہ کُت
(جی آر مُلّا)